ពលរដ្ឋខណ្ឌឫស្សីកែវប្រឈមនឹងបញ្ហាសុខភាពបណ្ដាលមកពីឡានដឹកខ្សាច់
2012.12.15
អ្នកភូមិឡកំបោរ ឲ្យដឹងថា សព្វថ្ងៃនេះមានឡានដឹកខ្សាច់បើកបរឆ្លងកាត់សង្កាត់ស្វាយប៉ាក ជាច្រើនរយឡានក្នុងមួយថ្ងៃៗ បង្កឲ្យមានដីហ៊ុយ ដកដង្ហើមស្ទើរមិនបានថែមទៀត។
ប្រជាពលរដ្ឋរស់នៅភូមិឡកំបោរ លោក វណ្ណ ដារ៉ា នៅថ្ងៃទី១៥ ធ្នូ មានប្រសាសន៍ថា ចាប់តាំងពីមានឡានដឹកខ្សាច់ឆ្លងកាត់ភូមិមក បង្កឲ្យមានផលប៉ះពាល់ជាខ្លាំងចំពោះសុខភាពពលរដ្ឋ ពិសេសកុមារ។ លោកបន្តថា កូនរបស់លោកកើតជំងឺរលាកសួត និងរលាកផ្លូវដង្ហើមរ៉ាំរ៉ៃ ដោយគ្រូពេទ្យពន្យល់ឲ្យលោកនាំកូនទៅរស់នៅតំបន់មានខ្យល់បរិសុទ្ធ ប៉ុន្តែគ្រួសារមិនមានលទ្ធភាពផ្លាស់ទីលំនៅទាល់តែសោះ៖ «ដីដែលដឹកហ្នឹង ធម្មតាជាប់ដានកង់ តាមជញ្ជាំងវា ដល់ពេលច្រើនពេក ដីហ៊ុយមិនហ៊ានទាំងដកដង្ហើម មើលទៅវាងងឹតមុខ កូនអ្នកខ្លះយកទៅពេទ្យកុមារជាតិ និងអ្នកខ្លះទៀត អ្នកខ្លះយកទៅវៀតណាម អីចឹង វាហ៊ុយៗពេកធ្វើឲ្យប៉ះពាល់»។
លោក វណ្ណ ដារ៉ា សូមឲ្យអាជ្ញាធរចាត់វិធានការចំពោះបញ្ហានេះ ព្រោះថាពលរដ្ឋពិតជាពិបាកទ្រាំខ្លាំងណាស់។
ទន្ទឹមនឹងនេះ មន្ត្រីសង្គមស៊ីវិលលើកឡើងថា អាជ្ញាធរមិនត្រូវបណ្តោយឲ្យឈ្មួញដឹកដីបំពុលពលរដ្ឋតទៅទៀតទេ ព្រោះថាការអភិវឌ្ឍណាមួយដែលគំរាមកំហែងដល់ភាពសុខសាន្តរបស់ពលរដ្ឋ ជាការរំលោភសិទ្ធមនុស្ស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- មនុស្ស ៤នាក់ស្លាប់ និង ៥នាក់ទៀតរបួសធ្ងន់ ពេលប្រជ្រៀតគ្នាយកអាំងប៉ាវនៅភូមិគ្រឹះលោក សុខ គង់
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
អត្ថបទពេញនិយម
ព័ត៌មានថ្មីៗ
- លោក ហ៊ុន ម៉ាណែត បដិសេធមិនពាក់ព័ន្ធនឹងឃាតកម្មលើលោក លិម គិមយ៉ា
- ភរិយា លោក លិម គិមយ៉ា រៀបរាប់ពីសកម្មភាពនៅលើឡានក្រុង មកទីក្រុងបាងកក មុនពេលឃាតកបាញ់សម្លាប់ប្ដី
- ជនសង្ស័យ៥នាក់ត្រូវបានឃាត់ខ្លួនករណីក្លែងបន្លំឯកសណ្ឋានសមត្ថកិច្ចដើរជំរិតទារប្រាក់
- អ្នកឃ្លាំមើលថា លោក ហ៊ុន ម៉ាណែត អសមត្ថភាពរកទីផ្សារជូនពលរដ្ឋ ទើបងាកទៅទម្លាក់ការទទួលខុសត្រូវលើបក្សប្រឆាំង
- ពលរដ្ឋខ្មែរនៅប្រទេសជប៉ុនទាមទារយុត្តិធម៌ជូនសពលោក លិម គិមយ៉ា