តើអាដុលហ្វ ហ៊ីត្លែរ(Adolf Hitler) ជានរណា និងបានប្រព្រឹត្តអំពើអ្វីខ្លះ?
2015.02.10
កាលពីថ្ងៃទី ១៥ ខែមករា ឆ្នាំ២០១៥ លោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស មានប្រសាសន៍ នៅក្នុងកិច្ចប្រជុំកងរាជអាវុធហត្ថនៅទីក្រុងភ្នំពេញថា លោករៀនសូត្រអំពីការរៀបចំរចនាសម្ព័ន្ធគ្រប់គ្រង និងការចល័តកម្លាំងប្រដាប់អាវុធ ពីមេដឹកនាំអាល្លឺម៉ង់ផ្ដាច់ការ អាដុលហ្វ ហ៊ីត្លែរ (Adolf Hitler) និងសិល្បៈសង្គ្រាមទ័ពឈ្លបពីកងទ័ពវៀតណាម។
ការប្រកាសយ៉ាងមានមោទនភាពរបស់លោក សៅ សុខា ក្នុងការយកគំរូតាមអាដុលហ្វ ហ៊ីត្លែរ ដែលជាមនុស្សពិភពលោកមិនអាចអភ័យទោសអោយបាននោះ ញាំងអោយមានប្រតិកម្មខ្លាំងៗពីសហគមន៍ជាតិ និងអន្តរជាតិ។
ឯកអគ្គរដ្ឋទូតអាល្លឺម៉ង់ ប្រចាំនៅកម្ពុជាលោក ចូអាជីម បារ៉ុន វ៉ុន ម៉ាស្កាល់ (Joachim Baron von Marschall) បានប្រាប់អ្នកកាសែតក្នុងស្រុកថា៖ «មិនដែលមានអ្នកមានសតិត្រឹមត្រូវ ណាចង់យកហ៊ីត្លែរ ធ្វើជាគំរូឡើយ»។
ក្នុងនាទីច្បាប់សប្ដាហ៍នេះ លោក ជី វិតា ជូនសេចក្ដីរាយការណ៍ស្ដីពីកម្មវិធីសម្លាប់មនុស្សដើម្បីបន្សុទ្ធពូជសាសន៍អាល្លឺម៉ង់របស់ អាដុលហ្វ ហ៊ីត្លែរ។
ស្ដាប់សំឡេង៖