កែម ឡី

ទិដ្ឋភាព​នៃ​ការ​រៀបចំ​បុណ្យ​ខួប​១០០​ថ្ងៃ​បណ្ឌិត កែម ឡី

គណៈកម្មការ​រៀបចំ​បុណ្យ ១០០​ថ្ងៃ សព​បណ្ឌិត កែម ឡី នៅ​ព្រឹក​ថ្ងៃ​ទី​១៤ ខែ​តុលា ចាប់​ផ្ដើម​រៀបចំ​លើក​បដា តាំង​រូប​ថត និង​គំនូរ​ផ្សេងៗ​ទាក់ទង​នឹង​លោក​បណ្ឌិត នៅ​ឯ​វត្ត​ពោធិយារាម ហៅ​វត្ត​ចាស់ នៅ​សង្កាត់​ជ្រោយចង្វារ រាជធានី​ភ្នំពេញ។ ចំណែក​ឯ​ក្រុម​​យុវជន ក៏​បាន​រៀបចំ​ដាក់​តាំង​លក់​សៀវភៅ​អំពី​បណ្ឌិត កែម ឡី។

ពិធី​បុណ្យ​ខួប​១០០​ថ្ងៃ​បណ្ឌិត កែម ឡី ថ្ងៃ​ទី​២

នៅ​ថ្ងៃ​ទី​១៥ ខែ​តុលា នេះ គឺ​ជា​ពិធី​បុណ្យ​គម្រប់​ខួប ១០០​ថ្ងៃ​បណ្ឌិត កែម ឡី ថ្ងៃ​ទី​២។ ប្រជា​ពលរដ្ឋ​មក​ពី​​គ្រប់​ទិសទី​បន្ត​មក​ចូល​រួម​កម្មវិធី​បុណ្យ​នេះ។

"៥​ឆ្នាំ​ក្រោយ​ឃាតកម្ម​បណ្ឌិត កែម ឡី របប​លោក ហ៊ុន សែន ងាក​មក​ប្រើ​តុលាការ​​ចាប់​ចង​​ក្រុម​អ្នក​រិះគន់"

៥​ឆ្នាំក្រោយ​អំពើ​ឃាតកម្ម​ដ៏​កក្រើក​លើ​អ្នកវិភាគ​សង្គម បណ្ឌិត កែម ឡី មន្ត្រី​ជំនាញ​សិទ្ធិមនុស្ស​អន្តរជាតិ មើលឃើញ​ថា កម្ពុជា​ហាក់​កំពុង​ដើរចូល​របត់​នយោបាយ​ថ្មី​មួយ។ របត់​នយោបាយ​នោះ​គឺ​របប​លោក ហ៊ុន សែន ទំនងជា​ផ្លាស់ប្ដូរ​វិធីសាស្ត្រ​នៃ​ការគ្រប់គ្រង​ប្រទេស ពី​ការ​ផ្អាក​ប្រើប្រាស់​អំពើ​ហិង្សា​ផ្នែក​នយោបាយ​តាមរយៈ​ករណី​ឃាតកម្ម​មក​លើ​សកម្មជន​បក្ស​ប្រឆាំង និង​ក្រុម​អ្នក​រិះគន់ មក​ជា​ការប្រើប្រាស់​ប្រព័ន្ធ​តុលាការ​ដើម្បី​ចាប់ចង​ក្រុម​អ្នក​រិះគន់​ដាក់​ពន្ធនាគារ​វិញ​ម្តង​។

សមត្ថកិច្ច​ឃាត់​ខ្លួន​យុវជន​៣នាក់ និង​រឹត​បន្តឹង​អ្នកធ្វើ​បុណ្យ​រំលឹក​ខួប​៣​ឆ្នាំ​បណ្ឌិត កែម ឡី

យុវជន ៣​នាក់​ត្រូវ​បាន​សមត្ថកិច្ច​នៃ​រាជធានី​ភ្នំពេញ ឃាត់​ខ្លួន​នៅ​ព្រឹក​ថ្ងៃ​ទី១០ កក្កដានេះ នៅ​ពេល​ដែល​ពួកគេចូលរួម​ដាក់កម្រង​ផ្កា​គោរព​វិញ្ញាណក្ខន្ធ​បណ្ឌិត កែម ឡី នៅ​ការ៉ាស់​សាំង​កាល់តិច ជិត​ស្ដុប​បូកគោ ទី​ដែល​លោក​ត្រូវ​ឃាតក​បាញ់​សម្លាប់​កាល​ពី​ ៣​ឆ្នាំ​មុន។

គណបក្ស​ប្រជាធិបតេយ្យ​មូលដ្ឋាន​ប្រកាស​យក​ថ្ងៃ​ទី​១០​កក្កដា​ជា​ទិវា​សេរីភាព​បញ្ចេញ​មតិ

គណបក្ស​ប្រជាធិបតេយ្យ​មូលដ្ឋាន (GDP) បាន​ប្រកាស​ថា​នឹង​ស្នើ​ទៅ​រដ្ឋាភិបាល ដើម្បី​កំណត់​យក​ថ្ងៃ​ទី​១០ ខែ​កក្កដា ជា​ថ្ងៃ​ដែល​លោក​បណ្ឌិត កែម ឡី ត្រូវ​បាន​ឃាតក​បាញ់​សម្លាប់​នោះ ជា​ទិវា​សេរីភាព​នៃ​ការ​បញ្ចេញ​មតិ។ រីឯ​មន្ត្រី​រដ្ឋាភិបាល​ថា ជា​គោលការណ៍ ប្រជាជន​ខ្មែរ​មាន​សិទ្ធិ​គ្រប់គ្រាន់​ដើម្បី​រៀបចំ​ពិធី​ណា​មួយ ប៉ុន្តែ​ត្រូវ​មាន​កិច្ច​សហការ​ជាមួយ​អាជ្ញាធរ។

មន្ត្រី​រដ្ឋាភិបាល​ថា​មិន​មាន​ការ​ណែនាំ​ទូរទស្សន៍​មិន​ឲ្យ​ផ្សាយ​ព្រឹត្តិការណ៍​ហែ​សព​បណ្ឌិត កែម ឡី

មន្ត្រី​រដ្ឋាភិបាល បាន​ច្រាន​ចោល​ព័ត៌មាន​ដែល​ថា រដ្ឋាភិបាល​បាន​ចេញ​បញ្ជា​មិន​ឲ្យ​ទូរទស្សន៍​ក្នុង​ស្រុក​ផ្សាយ​អំពី​ព្រឹត្តិការណ៍​ហែ​សព​បណ្ឌិត កែម ឡី។ ការ​បដិសេធ​នេះ បន្ទាប់​ពី​មាន​សារ​ទូរស័ព្ទ​ដៃ​បែក​ធ្លាយ ដែល​ផ្ញើ​ទៅ​អ្នក​សារព័ត៌មាន​ដោយ​សរសេរ​បទបញ្ជា​ថា មិន​ឲ្យ​ផ្សាយ​ពី​រឿង​ឃាតកម្ម​ចាប់​ពី​ពេល​នេះ​ត​ទៅ។

HRW​ជំរុញ​អ.ស.ប​បញ្ជូន​អ្នក​ជំនាញ​អន្តរជាតិ​ស៊ើប​អង្កេត​ករណី​បាញ់​សម្លាប់​បណ្ឌិត កែម ឡី

ក្រុម​អ្នក​ឃ្លាំមើល​សិទ្ធិមនុស្ស​ជំរុញ​ឲ្យ​សហគមន៍​អន្តរជាតិ បញ្ជូន​ក្រុម ជំនាញ​ខាង​ផ្នែក​ស៊ើបអង្កេត​ដើម្បី​លាត​ត្រដាង​អាថ៌កំបាំង នៃ​ការ​សម្លាប់​លោក បណ្ឌិត កែម ឡី។

កូន​ពៅ​បណ្ឌិត កែម ឡី មាន​ជំងឺ​អូទីសឹម ខណៈ​កូន​៤​នាក់​ទៀត​មាន​លទ្ធផល​ល្អ​ក្នុង​ការសិក្សា

បី​ឆ្នាំ​មកនេះ​ភរិយា​របស់​លោក​បណ្ឌិត​ដែល​ជា​ស្ត្រី​មេម៉ាយ​មាន​កូន​ប្រុស​៥​នាក់ ត្រូវ​ទ្រាំទ្រ​នូវ​ការ​លំបាក​គ្រប់បែប​យ៉ាង​ទាំង​ផ្លូវកាយ​ទាំង​ផ្លូវចិត្ត ដើម្បី​ប្រឈមមុខ​នឹង​ការបាត់បង់​ប្ដី​ជា​បង្គោល​គ្រួសារ​ផង និង​ទទួលខុសត្រូវ​ចំពោះ​កូនៗ​ទាំងអស់​ផង។

ស្នងការ​ក្រុង​ភ្នំពេញ​បញ្ជូន​យុវជន គង់ រ៉ៃយ៉ា ទៅ​តុលាការ​រឿង​លក់​អាវ​បណ្ឌិត​កែម ឡី

ស្នងការ​នគរបាល​រាជធានី​ភ្នំពេញ សម្រេច​បញ្ជូន​សកម្មជន​បក្ស​ប្រឆាំង​គឺ​យុវជន គង់ រ៉ៃយ៉ា ទៅ​​តុលាការ បន្ទាប់​ពី​ឃាត់ខ្លួន​កាល​ពី​ថ្ងៃ​ទី​៩ ខែ​កក្កដា ពាក់ព័ន្ធ​ករណី​លោក​បង្ហោះ​ហ្វេសប៊ុក (Facebook) លក់​អាវ​មាន​រូប​បណ្ឌិត កែម ឡី​។

"ការ​ចាប់ខ្លួន​យុវជន គង់ រ៉ៃយ៉ា ដើម្បី​បំបាក់​ស្មារតី​អ្នក​ចូល​រួម​ខួប​ ៣ឆ្នាំ​​បណ្ឌិត​ កែម ឡី"

អ្នកឃ្លាំមើល​ការរំលោភ​សិទ្ធិមនុស្ស​បាន​ហៅ​ការ​ចាប់ខ្លួន​លោក​ គង់​ រ៉ៃ​យ៉ា​ និង​ក្រុម​គ្រួសារ​លោក​បី​នាក់​ផ្សេងទៀត​ ជា​ការ​បំបាក់ស្មារតី​ប្រជាពលរដ្ឋ​មិន​ឱ្យ​ចូល​រួម​ប្រា​រព្វ​ខួប ៣ឆ្នាំ​ នៃ​ការ​បាញ់សម្លាប់​បណ្ឌិត​ កែម​ ឡី​។ មន្ត្រី​អ្នកនាំពាក្យ​ក្រសួង​យុត្តិធម៌​អះអាង​ថា​ លោក​មិន​ទាន់​ដដឹងពី​​មូលហេតុ​នៃ​ការ​ចាប់ខ្លួន​នេះ​នៅ​ឡើយ​​ទេ​។

ពលរដ្ឋ​មួយ​ចំនួន​ខក​ចិត្ត​ចំពោះ​អាជ្ញាធរ​ខេត្ត​កំពង់ចាម​ដែល​រឹប​អូស​រូបថត​លោក កែម ឡី

ប្រជាពលរដ្ឋ​មួយ​ចំនួន​រស់នៅ​ក្រុង​កំពង់ចាម សម្ដែង​ការ​ខក​ចិត្ត​ចំពោះ​អាជ្ញាធរ​មាន​សមត្ថកិច្ច​ដែល​បាន​រឹប​អូស​យក​រូបថត​លោក​បណ្ឌិត កែម ឡី និង​កម្រង​ផ្កា ព្រម​ទាំង​រ៉ឺម៉ក​ម៉ូតូ​យក​ទៅ​រក្សា​ទុក​ទៅ​អធិការ​ក្រុង នៅ​ព្រឹក​ថ្ងៃ​ទី​១២ កក្កដា។

អ្នកស្រី រ៉ូណា ស្មីត ថា​ការ​ស៊ើប​អង្កេត​លើ​ឃាតកម្ម​បណ្ឌិត កែម ឡី មិន​ទាន់​មាន​តម្លាភាព

អ្នក​រាយការណ៍​ពិសេស​អង្គការ​សហប្រជាជាតិ ទទួល​បន្ទុក​សិទ្ធិ​មនុស្ស​ប្រចាំ​កម្ពុជា អ្នកស្រី រ៉ូណា ស្មីត (Rhona Smith) ថ្លែង​ថា អាជ្ញាធរ​ខ្មែរ​ស៊ើប​អង្កេត​ករណី​បាញ់​សម្លាប់​បណ្ឌិត កែម ឡី នៅ​មិន​ទាន់​មាន​តម្លាភាព​ដូច​ដែល​អ្នកស្រី​ធ្លាប់​បាន​ទទូច​ស្នើ​ឡើយ។

សារ​រំលែក​ទុក្ខ

យើង​ខ្ញុំ​ទាំង​អស់​ដែល​ជា​អ្នក​បម្រើ​ការងារ​នៅ​វិទ្យុ និង​ទូរទស្សន៍​អាស៊ីសេរី មាន​ការ​តក់ស្លុត និង​សោកស្ដាយ​ជា​ពន់ពេក​ចំពោះ​ការ​បាត់បង់​លោក​បណ្ឌិត កែម ឡី ដែល​ត្រូវ​បាន​ឃាតក​បាញ់​សម្លាប់​កាល​ពី​ព្រឹក​ថ្ងៃ​អាទិត្យ ទី​១០ ខែ​កក្កដា ឆ្នាំ​២០១៦។

មតិ​យល់​ឃើញ​របស់​ពលរដ្ឋ​នៅ​ខេត្ត​ចំនួន​បី​ចំពោះ​អំពើ​ឃាតកម្ម​លើ​លោក កែម ឡី

ប្រជាពលរដ្ឋ​នៅ​តាម​បណ្ដា​ខេត្ត​មួយ​ចំនួន ដូចជា​ខេត្ត​កំពង់ចាម ខេត្ត​ត្បូងឃ្មុំ និង​ខេត្ត​កំពង់ធំ សម្ដែង​ការ​សោកស្ដាយ​ព្រមៗ​គ្នា​ចំពោះ​ការ​បាត់បង់​ជីវិត​របស់​លោក​បណ្ឌិត កែម ឡី។ ការ​សោកស្ដាយ​នេះ​ក្រោយ​ពេល​ឃាតក​បាញ់​សម្លាប់​លោក កែម ឡី នៅ​រាជធានី​ភ្នំពេញ នៅ​ព្រឹក​ថ្ងៃ​ទី​១០ កក្កដា។

ព្រះសង្ឃ និង​ក្រុម​យុវជន​គ្រោង​រៀបចំ​ពិធី​រំលឹក​ខួប​៤​ឆ្នាំ លោក​បណ្ឌិត កែម ឡី នៅ​ស្តុប​បូកគោ

ក្រុម​បណ្ដាញ​យុវជន​ខ្មែរ​ថាវរៈ ក្រុម​បណ្តាញ​យុវជន​N1M (Not One More) និង​ក្រុម​សម្ព័ន្ធ​និស្សិត​បញ្ញវន្ត​ខ្មែរ គ្រោង​ជួបជុំគ្នា​ធ្វើ​យុទ្ធនាការ ៣​ថ្ងៃ ដើម្បី​រំលឹក​ខួប​៤​ឆ្នាំ​នៃ​ការ​បាញ់សម្លាប់​លោក​បណ្ឌិត កែម ឡី នៅ​ស្ដុប​បូកគោ ចាប់ពី​ថ្ងៃ​ទី​៨ ដល់​ថ្ងៃ​ទី១០ ខែ​កក្កដា។ ក្រុម​យុវជន​ក៏បាន​អញ្ជើញ​ឯកអគ្គរាជទូត និង​អង្គការ​មួយ​ចំនួន ដើម្បី​ចូលរួម​ក្នុង​ពិធី​នេះ​ដែរ។

អ្នក​កែម ឡី និយម​ចាប់​អារម្មណ៍​ខ្លាំង​លើ​កំណើត​កូន​ប្រុស​ចុង​ក្រោយ​របស់​លោក

អ្នក កែម ឡី និយម និង​ម្ចាស់​គណនី​ហ្វេសប៊ុក (Facebook) មួយ​ចំនួន​បាន​ចាប់​អារម្មណ៍​ខ្លាំង​ទៅ​លើ​ការ​ប្រសូត​បុត្រ​របស់​ភរិយា​របស់​លោក​បណ្ឌិត កែម ឡី កាល​ពី​ប៉ុន្មាន​ថ្ងៃ​មុន​នេះ។

ក្រុម​គ្រួសារ៖ ជួប សម្លាប់ មិន​មែន​ជា​ឃាតក​សម្លាប់​​​បណ្ឌិត កែម ឡី

រហូត​មក​ដល់​ពេល​នេះ ខាង​សមត្ថកិច្ច​នៅ​ពុំ​អាច​រក​ឃើញ​តម្រុយ​​ថ្មី​ណា​មួយ​បន្ថែម​ក្នុង​សំណុំរឿង​ឃាតកម្ម​លើ​លោក​បណ្ឌិត កែម ឡី ក្រៅ​ពី​ជន​ជាប់​ចោទ​ឈ្មោះ ជួប សម្លាប់ ដែល​កំពុង​ជាប់​ឃុំ​នៅ​ឡើយ​ទេ។

គ្រួសារ​បណ្ឌិត​កែម ឡី គ្រោង​រៀបចំ​បុណ្យខួប ៤​ឆ្នាំ និង​បន្ត​ទាមទារ​យុត្តិធម៌

ម្តាយ​និង​បងប្អូន​បង្កើត​បណ្ឌិត ​កែម ឡី គ្រោង​ធ្វើ​ពិធីបុណ្យ​រំលឹក​ខួប​ ៤​ឆ្នាំ​នៃ​ការ​បាញ់​សម្លាប់​បណ្ឌិត កែម ឡី នៅ​ថ្ងៃ​ទី​១០ ខែ​កក្កដា ខាងមុខនេះ ។ ការ​ធ្វើ​ពិធី​រំឭក​ខួប​នេះ ដើម្បី​បន្ត​ទាមទារ​រក​យុត្តិធម៌​និង​ឧទ្ទិស​កុសល​ជូន​ដល់​វិញ្ញាណក្ខន្ធ​បណ្ឌិត កែម ឡី ដែល​ត្រូវ​បាន​ឃាតក​បាញ់​សម្លាប់​ទាំង​កណ្ដាល​ថ្ងៃ ក្នុង​ទីក្រុង​ភ្នំពេញ កាលពី​ថ្ងៃ​ទី​១០ ខែ​កក្កដា ឆ្នាំ​២០១៦។

សារ​រំលែក​ទុក្ខ​របស់​អង្គទូត​បរទេស​ចំពោះ​មរណភាព​បណ្ឌិត កែម ឡី

ក្រោយ​ពេល​សព​បណ្ឌិត កែម ឡី ត្រូវ​បាន​ដង្ហែ​ទៅ​តម្កល់​នៅ​វត្ត​ពោធិយារាម ហៅ​វត្ត​ចាស់​ដើម្បី​ធ្វើ​បុណ្យ​ទៅ​តាម​ប្រពៃណី មាន​អង្គទូត​បរទេស និង​តំណាង​ស្ថាប័ន​អន្តរជាតិ​ធំៗ បាន​ទៅ​ដាក់​កម្រងផ្កា​គោរព​វិញ្ញាណក្ខន្ធ​សព​លោក​ជា​ហូរហែ។

ពលរដ្ឋ​ខ្មែរ​នៅ​ក្រុង​ឡូវែល​ប្រមូល​ថវិកា​ជួយ​ដល់​គ្រួសារ​សព​លោក​បណ្ឌិត កែម ឡី

ពលរដ្ឋ​ខ្មែរ​រស់​នៅ​ក្រុង​ឡូវែល (Lowell) រដ្ឋ​ម៉ាសាឈូសេត (Massachusetts) ប្រមូល​បាន​ថវិកា​ពី​ការ​រៀបចំ​ពិធី​បង្សុកូល​គោរព​វិញ្ញាណក្ខន្ធ​សព​លោក​បណ្ឌិត កែម ឡី និង​ប្រាក់​ពី​វិភាគ​ទាន​នានា ចំនួន​ជាង ៦​ពាន់​ដុល្លារ​អាមេរិក។

ពលរដ្ឋ​ខ្មែរ​នៅ​ក្រៅ​ប្រទេស​រៃអង្គាស​ថវិកា​ជួយ​គ្រួសារ​លោក​បណ្ឌិត កែម ឡី

ប្រជាពលរដ្ឋ​ខ្មែរ​រស់​នៅ​ក្រៅ​ប្រទេស រួម​មាន​នៅ​សហរដ្ឋអាមេរិក ប្រទេស​កាណាដា អូស្ត្រាលី និង​ប្រទេស​មួយ​ចំនួន​ទៀត​នៅ​សហភាព​អឺរ៉ុប បាន​រៃអង្គាស​ប្រាក់​នៅ​តាម​វត្ត​អារាម​នានា​ក្នុង​ពិធី​ប្រារព្ធ​បុណ្យ​បង្សុកូល​គោរព​វិញ្ញាណក្ខន្ធ​លោក​បណ្ឌិត កែម ឡី កាល​ពី​ថ្ងៃ​សៅរ៍ និង​ថ្ងៃ​អាទិត្យ ចុង​សប្ដាហ៍​កន្លង​មក​នេះ ដើម្បី​ជួយ​ដល់​ក្រុម​គ្រួសារ​សព។

គណបក្ស​ប្រជាធិបតេយ្យ​មូលដ្ឋាន​ធ្វើ​បុណ្យ​គម្រប់​ខួប​១​ឆ្នាំ​រំឭក​ដល់​បណ្ឌិត កែម ឡី

គណបក្ស​ប្រជាធិបតេយ្យ​មូលដ្ឋាន នៅ​ថ្ងៃ​ទី​៩ កក្កដា រៀបចំ​ពិធី​បុណ្យ​គម្រប់​ខួប ១​ឆ្នាំ ដើម្បី​ឧទ្ទិស​កុសល​ជូន​លោក​បណ្ឌិត កែម ឡី ដែល​ត្រូវ​ឃាតក​បាញ់​សម្លាប់​នៅ​ថ្ងៃ​ទី​១០ ខែ​កក្កដា ឆ្នាំ​២០១៦។ គណបក្ស​នេះ​ក៏​អំពាវនាវ​ឲ្យ​អាជ្ញាធរ​រដ្ឋាភិបាល បង្កើត​គណៈកម្មការ​ស៊ើប​អង្កេត​ឯករាជ្យ​ថ្មី​មួយ ដើម្បី​ស្វែងរក​យុត្តិធម៌​ជូន​លោក​បណ្ឌិត កែម ឡី។

ពលរដ្ឋ​មួយ​ចំនួន​ក្នុង​រាជធានី​ភ្នំពេញ​ចែក​ទឹក​សុទ្ធ​ដល់​អ្នក​ហែ​សព​បណ្ឌិត កែម ឡី

ប្រជា​ពលរដ្ឋ​មួយ​ចំនួន​ក្នុង​រាជធានី​ភ្នំពេញ បាន​នាំ​យក​ទឹក​សុទ្ធ ចែក​ដល់​ពលរដ្ឋ​អ្នក​ចូលរួម​ហែ​សព​បណ្ឌិត កែម ឡី នៅ​ថ្ងៃ​ទី​២៤ កក្កដា យក​ទៅ​បញ្ចុះ​នៅ​ស្រុក​កំណើត​នៅ​ខេត្ត​តាកែវ។

មន្ត្រី​បក្ស​ប្រជាជន​ថា​រដ្ឋាភិបាល​មិន​ចូល​រួម​ពិធី​បុណ្យ​១០០​ថ្ងៃ​បណ្ឌិត កែម ឡី

អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ប្រកាស​ថា រដ្ឋាភិបាល​នឹង​មិន​ចូល​រួម​ពិធី​បុណ្យ​គម្រប់​ខួប ១០០​ថ្ងៃ របស់​បណ្ឌិត កែម ឡី នោះ​ទេ ដោយសារ​ពិធី​នេះ​មិន​មែន​ជា​ពិធីបុណ្យ​ផ្លូវ​ការ​របស់​ជាតិ។

យុវជន​មួយ​ក្រុម​គ្រោង​បញ្ចាំង​វីដេអូ​របស់​ទូរទស្សន៍​បរទេស​ស្ដី​អំពី​ឃាតកម្ម​បណ្ឌិត កែម ឡី

យុវជន​មួយ​ក្រុម​ដែល​គេ​ស្គាល់​ថា ជា​យុវជន កែម ឡី និយម គ្រោង​នឹង​បញ្ចាំង​វីដេអូ​របស់​ទូរទស្សន៍​អាល់ហ្សាហ្សេរ៉ា (Al Jazeera) ស្ដី​អំពី​ឃាតកម្ម​ចំពោះ​បណ្ឌិត កែម ឡី នៅ​ថ្ងៃ​អាទិត្យ ទី​១២ ខែ​មីនា ជូន​សិស្ស និស្សិត​ចំនួន ៤០​នាក់ ដោយ​មាន​បណ្ឌិត ឡៅ ម៉ុងហៃ ចូល​រួម​ជា​វាគ្មិន​ផង។

លោក ហុង លីម ស្នើ​ប្អូន​ប្រុស​លោក កែម ឡី កុំ​យក​លុយ​ចូល​បុណ្យ​ពី​លោក ហ៊ុន សែន

សមាជិក​សភា​រដ្ឋ​វ៉ិកតូរីយ៉ា (Victoria) ប្រទេស​អូស្ត្រាលី ដើម​កំណើត​ខ្មែរ លោក ហុង លីម ស្នើ​ទៅ​ប្អូន​ប្រុស​លោក​បណ្ឌិត កែម ឡី គឺ​លោក កែម រិទ្ធិសិត កុំ​ឲ្យ​យក​លុយ​ចូល​បុណ្យ​មួយ​ម៉ឺន​ដុល្លារ​របស់​លោក ហ៊ុន សែន។

HRW អំពាវនាវ​ឲ្យ​រដ្ឋាភិបាល​កម្ពុជា​ស៊ើប​អង្កេត​ឃាតកម្ម​បណ្ឌិត កែម ឡី ឡើង​វិញ

អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) កាល​ពី​ថ្ងៃ​អាទិត្យ ទី​៩ ខែ​កក្កដា អំពាវនាវ​ឲ្យ​រដ្ឋាភិបាល​កម្ពុជា បើក​ការ​ស៊ើប​អង្កេត​ឡើង​វិញ​ចំពោះ​ករណី​ឃាតកម្ម​បណ្ឌិត កែម ឡី។

ជនជាតិ​ដើម​ភាគ​តិច​ខេត្ត​ស្ទឹងត្រែង​ប្រតិកម្ម​នឹង​អាជ្ញាធរ​រឹតត្បិត​សេរីភាព​ធ្វើ​បុណ្យ​ក្នុង​សហគមន៍

ជនជាតិ​ដើម​ភាគ​តិច​ឃុំ​ក្បាលរមាស និង​ឃុំ​ស្រែគរ ចាត់​ទុក​លិខិត​របស់​អាជ្ញាធរ ថា​ជា​ការ​រឹតត្បិត​សេរីភាព​ធ្វើ​បុណ្យ​បែប​ព្រះពុទ្ធ​សាសនា និង​រើសអើង​និន្នាការ​នយោបាយ បន្ទាប់​ពី​អ្នក​ភូមិ​ជាច្រើន​នាក់ បាន​ចូលរួម​ពិធី​បុណ្យ​គោរព​វិញ្ញាណក្ខន្ធ​លោក​បណ្ឌិត កែម ឡី រយៈពេល ៣​ថ្ងៃ​ចាប់​ពី​ថ្ងៃ​ទី​១៣ ដល់​ថ្ងៃ​ទី​១៥ កក្កដា។

ជនជាតិ​ដើម​ភាគ​តិច​ខេត្ត​រតនគិរី​ចាត់​ទុក​បណ្ឌិត កែម ឡី ថា​ជា​អ្នក​ស្នេហា​ជាតិ​ស្រឡាញ់​ទឹក​ដី

ប្រជាពលរដ្ឋ​នៅ​ខេត្ត​រតនគិរី ភាគ​ច្រើន​មិន​បាន​រៀបចំ​ពិធី​បុណ្យ ឬ​ចូលរួម​ជូន​ដំណើរ​ចុង​ក្រោយ​នៃ​បុណ្យ​សព​បណ្ឌិត កែម ឡី ដែល​ត្រូវ​បាន​មនុស្ស​រាប់​សែន​នាក់​នាំ​គ្នា​ដង្ហែ​ទៅ​កាន់​ខេត្ត​តាកែវ នៅ​ថ្ងៃ​ទី​២៤ ខែ​កក្កដា នេះ​ទេ ក៏ប៉ុន្តែ​​ពួក​គេ​បង្ហាញ​សមាន​ចិត្ត​ជា​សារ​ចូលរួម​មរណភាព​បណ្ឌិត កែម ឡី សម្រាប់​កូន​ខ្មែរ​គ្រប់​រូប​ចងចាំ។

ជនជាតិ​ដើម​ភាគតិច​ជាង​៣០០​នាក់​នៅ​ស្ទឹងត្រែង​គោរព​វិញ្ញាណក្ខន្ធ​លោក កែម ឡី

ជនជាតិ​ដើម​ភាគតិច​ប្រមាណ​ជាង ៣០០​នាក់ នៅ​ឃុំ​ក្បាលរមាស និង​ឃុំ​ស្រែគរ ស្រុក​សេសាន ខែត្រ​ស្ទឹងត្រែង ប្រារព្ធ​ពិធី​បុណ្យ​គោរព​វិញ្ញាណក្ខន្ធ​លោក​បណ្ឌិត កែម ឡី នៅ​បរិវេណ​វត្ត​ក្បាលរមាស កាល​ពី​ថ្ងៃ​ទី​១៤ និង​បន្ត​ដល់​ថ្ងៃ​ទី​១៥ កក្កដា។