កែម ឡី

ម្ដាយ ជួប សម្លាប់ ស្នើតុលាការស៊ើបអង្កេតសំណុំរឿងបណ្ឌិត កែម ឡី ឡើងវិញ

គ្រួសាររបស់ អឿត អាង ហៅ ជួប សម្លាប់ ចង់ឲ្យសមត្ថកិច្ចរដ្ឋាភិបាលធ្វើការស៊ើបអង្កេតឡើងវិញទៅលើករណីដែលចោទប្រកាន់ថា ជននោះបានបាញ់សម្លាប់លោកបណ្ឌិត កែម ឡី ដែលជាអ្នកវិភាគនយោបាយ និងសង្គម ពិតមែនឬក៏មិនពិតនោះ។

ប្រជាពលរដ្ឋនៅតែរន្ធត់ចិត្តចំពោះឃាតករឆក់យកជីវិតបណ្ឌិត កែម ឡី ក្នុងគម្រប់ខួប៦ឆ្នាំនៃឃាតកម្មលើបណ្ឌិត កែម ឡី នៅថ្ងៃទី១០ ខែកក្កដា ខាងមុខនេះ ប្រជាពលរដ្ឋក្មេងចាស់ប្រុសស្រី រួមទាំងប្រជាកសិករ និងព្រះសង្ឃលើកឡើងថា ពួកគាត់នៅតែគោរពស្រលាញ់ ចងចាំដល់វីរភាពរបស់លោកបណ្ឌិត កែម ឡី ជានិច្ច និងដិតដាមនូវក្ដីរន្ធត់ សោកស្ដាយ ចំពោះឃាតករព្រៃផ្សៃដែលឆក់យកជីវិតលោកទាំងកណ្ដាលថ្ងៃនៅក្រុងភ្នំពេញ កាលពីថ្ងៃទី១០ ខែកក្កដា ឆ្នាំ២០១៦។ ប្រជាពលរដ្ឋ និងមន្រ្តីសង្គមស៊ីវិល នៅតែទទូចដល់រដ្ឋាភិបាលស៊ើបអង្កេតដោយឯករាជ្យតាមចាប់ខ្លួនអ្នកពាក់ព័ន្ធទាំងអស់ និងឃាតកពិតប្រាកដយកដាក់ទោស ដើម្បីលុបបំបាត់អំពើនិទណ្ឌភាពក្នុងសង្គម និងផ្តល់យុត្តិធម៌ដល់ជនរងគ្រោះ។ https://www.rfa.org/khmer/news/human-rights/some-people-are-still-shocked-by-the-killer-who-killed-kem-ley-07052022041118.html https://www.rfa.org/khmer/news/human-rights/some-people-are-still-shocked-by-the-killer-who-killed-kem-ley-07052022041118.html/@@images/image/social_media

ប្រជាពលរដ្ឋនៅតែរន្ធត់ចិត្តចំពោះឃាតករឆក់យកជីវិតបណ្ឌិត កែម ឡី

ក្នុងគម្រប់ខួប៦ឆ្នាំនៃឃាតកម្មលើបណ្ឌិត កែម ឡី នៅថ្ងៃទី១០ ខែកក្កដា ខាងមុខនេះ ប្រជាពលរដ្ឋក្មេងចាស់ប្រុសស្រី រួមទាំងប្រជាកសិករ និងព្រះសង្ឃលើកឡើងថា ពួកគាត់នៅតែគោរពស្រលាញ់ ចងចាំដល់វីរភាពរបស់លោកបណ្ឌិត កែម ឡី ជានិច្ច និងដិតដាមនូវក្ដីរន្ធត់ សោកស្ដាយ ចំពោះឃាតករព្រៃផ្សៃដែលឆក់យកជីវិតលោកទាំងកណ្ដាលថ្ងៃនៅក្រុងភ្នំពេញ កាលពីថ្ងៃទី១០ ខែកក្កដា ឆ្នាំ២០១៦។ ប្រជាពលរដ្ឋ និងមន្រ្តីសង្គមស៊ីវិល នៅតែទទូចដល់រដ្ឋាភិបាលស៊ើបអង្កេតដោយឯករាជ្យតាមចាប់ខ្លួនអ្នកពាក់ព័ន្ធទាំងអស់ និងឃាតកពិតប្រាកដយកដាក់ទោស ដើម្បីលុបបំបាត់អំពើនិទណ្ឌភាពក្នុងសង្គម និងផ្តល់យុត្តិធម៌ដល់ជនរងគ្រោះ។

លោក បណ្ឌិត កែម ឡី មុនពេលស្លាប់អះអាងថា លោក ហ៊ុន សែន មិនមែនជាមេដឹកនាំពូកែដោះស្រាយបញ្ហាទេ តែពូកែខាងបង្ក្រាប

លោក បណ្ឌិត កែម ឡី ដែលពលរដ្ឋស្គាល់ថា ជាអ្នកវិភាគពីបញ្ហានយោបាយ និងសង្គមឥតសំចៃមាត់ តែងតែលាតត្រដាងអាថ៌កំបាំងមួយចំនួន ដែលរដ្ឋាភិបាល ឬលោក ហ៊ុន សែន លាក់បាំងនោះថា គណបក្សប្រជាជនកម្ពុជារបស់លោក ហ៊ុន សែន ធ្វើកំណែទម្រង់ប្រព័ន្ធដឹកនាំរដ្ឋ មិនមែនចង់ឲ្យប្រទេសជាតិរីកចម្រើន និងប្រជាពលរដ្ឋមានសេចក្ដីសុខឡើយ។

អង្គការ-សមាគម សហជីព គ្រោងជួបគ្នារំលឹកវិញ្ញាណក្ខន្ធ និងបង្សុកូលជូនបណ្ឌិត កែម ឡី នៅស្ដុបបូកគោ ថ្ងៃទី១០ កក្កដា

ក្រុមមន្ត្រីអង្គការ-សមាគម សហជីព គ្រោងជួបជុំគ្នា ដើម្បីរំលឹកវិញ្ញាណក្ខន្ធ និងបង្សុកូលតាមបែបព្រះពុទ្ធសាសនា ជូនបណ្ឌិត កែម ឡី នៅស្ដុបបូកគោ ដែលជាកន្លែងឃាតកម្ម នៅថ្ងៃទី១០ ខែកក្កដា។ កម្មវិធីជួបជុំនៅស្តុបបូកគោនោះ ធ្វើឡើងនៅម៉ោង៨ព្រឹក។

យុវជនខ្មែរថាវរៈកោសក់កាន់ទុក្ខ និងទាមទាររកយុត្តិធម៌ជូនលោកបណ្ឌិត កែម ឡី

ក្រុមយុវជនខ្មែរថាវរៈចំនួន ៤នាក់ នៅថ្ងៃទី៩ ខែកក្កដា បានរៀបចំពិធីបែបសាសនាកោរសក់នៅមុខចេតិយលោកបណ្ឌិត ឡែម ឡី នៅស្រុកត្រាំកក់ ខេត្តកែវ ដើម្បីចូលរួមកាន់ទុក្ខ និងជំរុញរដ្ឋាភិបាលលោក ហ៊ុន សែន ស្វែងរកយុត្តិធម៌ពិតប្រាកដ។ មន្ត្រីសង្គមស៊ីវិលយល់ថាយុវជនទាំងនោះមានសិទ្ធិសេរីភាពក្នុងការសម្តែងមតិ និងតវ៉ាតាមបែបសាសនាដែលធានាដោយច្បាប់។

អ្នក កែម ឡី និយមមួយចំនួននៅតែបន្តរំលឹកពីវីរភាពរបស់លោកតាមរយៈបទចម្រៀង និងកំណាព្យ

តើមូលហេតុអ្វីបានជាពួកគាត់សម្រេចយកវិធីសាស្ត្រតែងនិពន្ធចម្រៀងនិងកំណាព្យដើម្បីផ្សព្វផ្សាយរំលឹកអំពីវីរភាពបណ្ឌិត កែម ឡី ក្នុងខួបដែលឃាតកបាញ់សម្លាប់លោកយ៉ាងដូច្នេះ...?

តើ ជួប សម្លាប់ ជានរណាហើយមានស្ថានភាពដូចម្ដេចក្នុងពន្ធនាគារ?

តើលោកអ្នកនាងនៅចងចាំដែរឬទេ អំពីបុរសម្នាក់ឈ្មោះ អឿត អាង ដែលហៅខ្លួនឯងថា ជួប សម្លាប់ នោះ? បុរសម្នាក់នេះ គឺជាបុគ្គលតែម្នាក់គត់ដែលកំពុងជាប់ទោសក្នុងសំណុំរឿងឃាតកម្មលើបណ្ឌិត កែម ឡី អ្នកវិភាគនយោបាយ និងសង្គមដ៏មានប្រជាប្រិយភាព កាលពីឆ្នាំ២០១៦។ តើ ជួប សម្លាប់ មានប្រវត្តិដូចម្ដេច ហើយតើស្ថានភាពរបស់គាត់ក្នុងពន្ធនាគារយ៉ាងណាដែរ?

អ្នកគោរពស្រឡាញ់បណ្ឌិត កែម ឡី ជួបជុំដាក់កម្រងផ្កានៅកន្លែងឃាតកម្មកាលពី៧ឆ្នាំមុន

យុវជនបរិស្ថានស្លៀកពាក់អាវប្រឡាក់ឈាម អមនឹងរូបថតបណ្ឌិត កែម ឡី ដេកស្លាប់ក្នុងត្លុកឈាម ក្រោយឃាតកបាញ់ ជាមួយនឹងសំណេរថា "ឈាមនៃការពិត" នាំគ្នាដើរតាមផ្លូវពីក្រសួងកសិកម្ម សំដៅទៅកន្លែងមរណភាពរបស់អ្នកវិភាគបញ្ហាសង្គមដ៏ល្បីល្បាញ។

ពលរដ្ឋខ្មែរនៅប្រទេសកូរ៉េប្រារព្ធពិធីរំលឹកខួប ៧ឆ្នាំ នៃឃាតកម្មបណ្ឌិត កែម ឡី

ក្រៅពីធ្វើពិធីឧទ្ទិសកុសលផលបុណ្យជូនវិញ្ញាណក្ខន្ធ លោកបណ្ឌិត កែម ឡី និងបង្ហាញនូវក្ដី នឹករលឹក និងដឹងគុណចំពោះវីរភាពរបស់លោកមកលើសង្គមជាតិកម្ពុជា។

ក្រុមយុវជន និងសង្គមស៊ីវិលប្រកួតកីឡាបាល់ទាត់ដណ្ដើមពានរង្វាន់បណ្ឌិត កែម ឡី

ក្រុមយុវជន និងមន្ត្រីសង្គមស៊ីវិល បានរៀបចំព្រឹត្តិការណ៍កីឡាបាល់ទាត់ ដើម្បីប្រកួតប្រជែងដណ្ដើមពាន់រង្វាន់បណ្ឌិត កែម ឡី ក្នុងឱកាសគម្រប់ខួប ៧ឆ្នាំនៃឃាតកម្មលើលោកបណ្ឌិត។ ពួកគាត់លើកឡើងថា ការបង្កើតប្រព្រឹត្តការណ៍កីឡានេះឡើងគឺ ដើម្បីដាស់តឿនដល់ក្រុមយុវជនឱ្យមានស្មារតីដូចបណ្ឌិត កែម ឡី និងគោរពនូវវីរភាពនៃការលះបង់របស់លោកបណ្ឌិត ដើម្បីបុព្វហេតុជាតិ។

ពលរដ្ឋខ្មែរនៅអូស្ត្រាលីធ្វើពិធីរំឭកខួបមរណភាពបណ្ឌិត កែម ឡី ៧ឆ្នាំ

កាលពីព្រឹកថ្ងៃសៅរ៍ ទី៩ ខែកក្កដា ឆ្នាំ២០២៣ កន្លងទៅនេះភរិយាលោក កែម ឡី សហការជាមួយសមាគមខ្មែររដ្ឋវ៉ិកតូរីយ៉ាបានរៀបចំពិធីបុណ្យរំលឹកខួបលើកទី៧ នៃមរណភាពលោកបណ្ឌិត កែម ឡី ដោយមានការអញ្ជើញចូលរួមពីតំណាងអង្គការជាច្រើន ព្រមទាំងតំណាងរាស្ត្ររដ្ឋវ៉ិកតូរីយ៉ា លោក តាក ម៉េងហ៊ាង ព្រមទាំងពលរដ្ឋដើមកំណើតខ្មែររាប់រយនាក់នៅទីស្នាក់ការសមាគមខ្មែររដ្ឋវ៉ិកតូរីយ៉ា នាទីក្រុងម៉ែលប៊ន (Melbourne)។

រឿងរ៉ាវដែលកើតឡើងទៅលើជាងធ្វើរូបសំណាកបណ្ឌិត កែម ឡី

រូបសំណាកស្ពាន់មានទម្ងន់ ២០០គីឡូក្រាម និងកម្ពស់ ២ម៉ែត្រ ក្នុងសម្លៀកបំពាក់អាវក្រណាត់ដៃខ្លី ដាក់ក្នុងខោវែង មានពាក់ក្រវាត់ក និងមានប៊ិចមួយដើមក្នុងហោប៉ៅ នោះគឺរូបបណ្ឌិត កែម ឡី។ រូបសំណាកនេះកើតចេញពីជាងចម្លាក់ម្នាក់ដែលពុះពារគ្រប់បែបយ៉ាង ដើម្បីសាងសង់ឡើង បើទោះបីលោកត្រូវបានគេបណ្ដេញចេញពីការងារ រងការរើសអើង និងធ្វើទុក្ខបុកម្នេញក្ដី។

ជនសង្ស័យបាញ់សម្លាប់លោក កែម ឡី ត្រូវគេស្គាល់អត្តសញ្ញាណថាជាអ្នកនៅខេត្តសៀមរាប

បុរសម្នាក់ដែលជាជនសង្ស័យក្នុងការបាញ់សម្លាប់លោកបណ្ឌិត កែម ឡី អ្នកវិភាគបញ្ហាសង្គមដែលប្រាប់ទៅប៉ូលិសថាខ្លួនឈ្មោះ ជួប សម្លាប់ នោះ ត្រូវគេស្គាល់អត្តសញ្ញាណយ៉ាងច្បាស់ថាមិនមែនឈ្មោះ ជួប សម្លាប់ ទេ។ អ្នកភូមិ និងព្រះសង្ឃជាច្រើន ស្គាល់ច្បាស់ថាឈ្មោះ អឿត អាង។

"លោក ហ៊ុន សែន ត្រូវរកឃាតកពិតសម្លាប់បណ្ឌិត កែម ឡី បើលោកមិននៅពីក្រោយខ្នង"

ព្រះតេជព្រះគុណ ប៊ុត ប៊ុនតិញ អំពាវនាវឲ្យលោកនាយករដ្ឋមន្ត្រី ហ៊ុន សែន សែ្វងរកឃាតកពិតសម្លាប់លោក កែម ឡី ឲ្យបាន បើសិនជាលោកនាយករដ្ឋមន្ត្រី មិននៅពីក្រោយឃាតកម្មដូចដែលលោកអះអាងមែននោះ។

មន្ត្រីអ.ស.ប អ្នកស្រី រ៉ូណា ស្មីត ទៅគោរពវិញ្ញាណក្ខន្ធបណ្ឌិត កែម ឡី

អ្នករាយការណ៍ពិសេសនៃអង្គការសហប្រជាជាតិ (អ.ស.ប) ទទួលបន្ទុកផ្នែកសិទ្ធិមនុស្សនៅកម្ពុជា អ្នកស្រី រ៉ូណា ស្មីត (Rhona Smith) នៅព្រឹកថ្ងៃទី១៥ តុលា អញ្ជើញទៅគោរពវិញ្ញាណក្ខន្ធបណ្ឌិត កែម ឡី នៅវត្តចាស់។

គណៈកម្មការបុណ្យ១០០ថ្ងៃសពបណ្ឌិត កែម ឡី នៅមិនទាន់រកទីតាំងប្រារព្ធពិធីបុណ្យបាន

គណៈកម្មការរៀបចំពិធីបុណ្យ ១០០ថ្ងៃ សពលោកបណ្ឌិត កែម ឡី នៅតែមិនទាន់មានព័ត៌មានពីទីតាំងរៀបចំបុណ្យច្បាស់លាស់នៅឡើយទេ រហូតដល់ល្ងាចថ្ងៃអាទិត្យ ទី២៥ ខែកញ្ញា។ សមាជិកគណៈកម្មការរៀបចំពិធីបុណ្យនេះ ឱ្យដឹងថា ការកំណត់អំពីទីតាំងធ្វើបុណ្យនេះ នឹងអាចដឹងនៅក្នុងរយៈពេល ២ ឬ ៣ថ្ងៃទៀត។

សង្គមស៊ីវិលថាការស៊ើបអង្កេតលើឃាតកម្មបណ្ឌិត កែម ឡី មានភាពខ្វះចន្លោះច្រើន

ក្រុមអ្នកឃ្លាំមើលការស៊ើបអង្កេតករណីឃាតកម្មលោកបណ្ឌិត កែម ឡី អះអាងថា ការស៊ើបអង្កេតរបស់សមត្ថកិច្ចនៅមានភាពចន្លោះប្រហោងជាច្រើន និងគ្មានការជឿជាក់ពីមហាជន។ ទោះជាយ៉ាងណាក៏ដោយ មន្ត្រីជាន់ខ្ពស់នៃក្រសួងមហាផ្ទៃ បញ្ជាក់ថា អាជ្ញាធរនៅតែបន្តតាមដានករណីនេះបន្តទៀត។

ក្រុមយុវជននៅខ្វះថវិកាជាង៨ពាន់ដុល្លារទៀតដើម្បីបោះពុម្ពសៀវភៅទស្សនទានបណ្ឌិត កែម ឡី

សមាគមសម្ព័ន្ធនិស្សិតបញ្ញវន្តខ្មែរប្ដេជ្ញាថា នឹងបោះពុម្ពសៀវភៅស្ដីពីទស្សនៈបណ្ឌិត កែម ឡី ដែលពួកគេខំចងក្រងនោះ ឲ្យទាន់ពិធីបុណ្យខួបគម្រប់ ១០០ថ្ងៃ។ ទោះយ៉ាងណា ក្រុមអ្នកចងក្រងសៀវភៅនេះ កំពុងខ្វះថវិកាជាង ៨ពាន់ដុល្លារទៀត ដើម្បីដំណើរការបោះពុម្ពសៀវភៅ។ ពួកគេអំពាវនាវដល់សប្បុរសជនជិតឆ្ងាយជួយជាបន្ទាន់។

មន្ត្រីសិទ្ធិមនុស្សទាមទារឱ្យតុលាការបង្ហាញលទ្ធផលស៊ើបអង្កេតបន្ថែមលើសំណុំរឿងបណ្ឌិត កែម ឡី

ថ្ងៃទី១០ ខែធ្នូ ឆ្នាំ២០១៧ គឺជាទិវាសិទ្ធិមនុស្សអន្តរជាតិ ហើយវាក៏ជាគម្រប់ខួប ១៧ខែនៃឃាតកម្មលើបណ្ឌិត កែម ឡី ដែលជាអ្នកស្រាវជ្រាវខាងការអភិវឌ្ឍសង្គម និងជាអ្នកវិភាគនយោបាយដ៏មានប្រជាប្រិយភាពផងដែរ។ លោកត្រូវបានឃាតកបាញ់សម្លាប់កាលពីថ្ងៃទី១០ ខែកក្កដា ឆ្នាំ២០១៦ នៅហាងកាហ្វេក្នុងស្តារម៉ាត កាល់តិច ក្បែរស្តុបបូកគោ រាជធានីភ្នំពេញ។

រូបថតលោក កែម ឡី ភ្ជាប់សារ៥ម៉ឺនសន្លឹកនឹងត្រូវបោះពុម្ពចែកចាយដើម្បីទាមទារយុត្តិធម៌

គណៈកម្មការបុណ្យសពលោកបណ្ឌិត កែម ឡី បញ្ជាក់ជំហរថា នៅមុនការបោះឆ្នោតឃុំសង្កាត់ និងបោះឆ្នោតជាតិខាងមុខនេះ គេនឹងបោះពុម្ពរូបថតលោកបណ្ឌិត កែម ឡី ភ្ជាប់សារជាមួយផង ដើម្បីចែកចាយជាសាធារណៈ។

មូលនិធិ កែម ឡី នៅមិនទាន់អាចប្រសូតចេញជារូបរាងនៅឡើយ

គិតមកដល់ខែមិថុនា ឆ្នាំ២០០៧ នេះ គឺមានរយៈពេលជិត ១ឆ្នាំមកហើយ នៅក្រោយករណីឃាតកម្មលើបណ្ឌិត កែម ឡី។ ភ្លាមៗ ក្រោយឃាតកម្មបានកើតឡើង ក៏មានគណៈកម្មការមួយត្រូវបង្កើតឡើងដើម្បីទទួលបន្ទុករៀបចំមូលនិធិ កែម ឡី។ អ្នកគ្រប់គ្រងមូលនិធិនេះ បានត្អូញត្អែរពីការប្រឈម និងភាពស្មុគស្មាញនានា ក្នុងការរៀបចំមូលនិធិ កែម ឡី នេះ។

ប៉ូលិស៖ ជនជាប់ចោទសម្លាប់លោក កែម ឡី ជិះរថយន្តឈ្នួលទៅភ្នំពេញអាចនៅថ្ងៃទី១ កក្កដា

រយៈពេល ៤ថ្ងៃជាប់ៗគ្នានេះ ទាំងមន្ត្រីប៉ូលិសមកពីក្រសួងមហាផ្ទៃ ទាំងប៉ូលិសនៃស្នងការនគរបាលខេត្តសៀមរាប ព្រមទាំងប៉ូលិសនៃអធិការដ្ឋានស្រុកអង្គរជុំ បានចុះទៅស្រាវជ្រាវនៅភូមិនគរភាស២ និងភូមិទន្លេស ដែលជាកន្លែងរស់នៅរបស់ប្រពន្ធ និងម្ដាយនៃជនសង្ស័យ ក្នុងការបាញ់សម្លាប់លោកបណ្ឌិត កែម ឡី។

កិច្ចពិភាក្សាជុំវិញព័ត៌មានចុងក្រោយទាក់ទងនឹងឃាតកម្មបណ្ឌិត កែម ឡី

លោកស្រី ប៊ូ រចនា ភរិយារបស់លោកបណ្ឌិត កែម ឡី មានប្រសាសន៍ពីទីតាំងលាក់ខ្លួនមួយពីក្រៅប្រទេសមកថា លោកស្រីមិនអាចមានប្រតិកម្មអ្វីច្រើនទេនៅពេលនេះ ទាក់ទងនឹងឃាតកម្មលើរូបស្វាមីលោកស្រី។

"តុលាការអាមេរិកកំពុងដំណើរការលើបណ្ដឹងសុំបញ្ចេញវីដេអូទាក់ទិនឃាតកម្មលោក កែម ឡី"

មេដឹកនាំបក្សប្រឆាំងឲ្យដឹងថា មេធាវីរបស់ខ្លួនដែលជាជនជាតិអាមេរិកាំង ប្រាប់ថា តុលាការសហរដ្ឋអាមេរិក នៅរដ្ឋកាលីហ្វ័រញ៉ា (California) កំពុងតែដំណើរការក្នុងសំណុំរឿងលោកបណ្ឌិត កែម ឡី ហើយពេលនេះ។

ភស្តុតាងថ្មីបង្ហាញបុរសជិះម៉ូតូស្លាកលេខប៉ូលិសជាប់ពាក់ព័ន្ធជនសង្ស័យសម្លាប់បណ្ឌិត កែម ឡី

នៅខណៈសមត្ថកិច្ចក្រុងភ្នំពេញអះអាងថា ពុំមានតម្រុយអ្វីថ្មីក្នុងសំណុំរឿងឃាតកម្មគិតទុកជាមុនលើករណីបណ្ឌិត កែម ឡី ស្រាប់តែមានវីដេអូថ្មីមួយត្រូវបានបែកធ្លាយជាសាធារណៈ។ មន្ត្រីក្រសួងមហាផ្ទៃ ឆ្លើយតបថា នេះជាពន្លឺមួយបន្ថែមដែលអាចជួយដល់ការស្រាវជ្រាវរបស់សមត្ថកិច្ចដែលកំពុងមានភាពស្មុគស្មាញ។

មតិពលរដ្ឋខេត្តស្ទឹងត្រែងជុំវិញពិធីដង្ហែសពលោកបណ្ឌិត កែម ឡី ទៅខេត្តតាកែវ

ប្រជាពលរដ្ឋ ក្រុមគ្រូបង្រៀន និងមន្ត្រីរាជការមួយចំនួននៅខេត្តស្ទឹងត្រែង បង្ហើបថា ពួកគេចង់ទៅគោរពវិញ្ញាណក្ខន្ធ និងចូលរួមពិធីដង្ហែសពលោកបណ្ឌិត កែម ឡី តែពួកគេខ្លះខ្លាចប៉ះពាល់ការងាររបស់ពួកគេ និងបារម្ភខ្លាចថ្នាក់លើស្ដីបន្ទោស។

ទស្សនៈរបស់ពលរដ្ឋជុំវិញបុណ្យខួប១០០ថ្ងៃនៃការស្លាប់របស់លោកបណ្ឌិត កែម ឡី

ពលរដ្ឋមួយចំនួននៅតែនឹករឭកចំពោះលោកបណ្ឌិត កែម ឡី ដែលឃាតកបាញ់សម្លាប់នៅកណ្ដាលទីក្រុងកាលពីថ្ងៃទី១០ ខែកក្កដា ឆ្នាំ២០១៦ គិតមកដល់ពេលនេះមានរយៈពេលជិត ៣ខែហើយ។ ពួកគេបានស្នើឲ្យសមត្ថកិច្ចបញ្ចេញកាមេរ៉ាសុវត្ថិភាពជូនសាធារណៈបានឃើញ ដើម្បីឲ្យពលរដ្ឋរឹតតែមានទំនុកចិត្តទៅលើចំណាត់ការរបស់តុលាការ។

ពលរដ្ឋខេត្តត្បូងឃ្មុំសោកស្ដាយដែលមិនបានចូលរួមដង្ហែសពបណ្ឌិត កែម ឡី ដោយផ្ទាល់

ប្រជាសហគមន៍ជាច្រើននៅតាមបណ្ដាស្រុកមួយចំនួនក្នុងខេត្តត្បូងឃ្មុំ សម្ដែងការសោកស្ដាយដោយសារតែពួកគាត់មិនបានទៅចូលរួមដង្ហែសពលោកបណ្ឌិត កែម ឡី ពីភ្នំពេញទៅស្រុកកំណើតនៅឯខេត្តតាកែវ។

តើមានអ្វីខ្លះនៅពីក្រោយឃាតកម្មលើបណ្ឌិត កែម ឡី

ការបាញ់សម្លាប់លោកបណ្ឌិត កែម ឡី អ្នកវិភាគសង្គម និងនយោបាយឥតសំចៃមាត់នោះ គឺធ្វើឲ្យភ្ញាក់ផ្អើលពីសាធារណជនជាតិ និងអន្តរជាតិ និងស្ថាប័នអង្គការធំៗ នៅលើពិភពលោកបានចេញសេចក្ដីថ្លែងការណ៍ថ្កោលទោសទៀតផង។

សហជីពកម្មករមកពី១៦កន្លែងក្នុងខេត្តសៀមរាបធ្វើពិធីបង្សុកូលឧទ្ទិសកុសលជូនលោក កែម ឡី

ក្នុងពេលដែលក្រុមគ្រួសារ ព្រមទាំងពលរដ្ឋជាច្រើនម៉ឺននាក់បានរួមគ្នាដង្ហែសពលោកបណ្ឌិត កែម ឡី ចេញពីទីក្រុងភ្នំពេញឆ្ពោះទៅកាន់ស្រុកកំណើតឯខេត្តតាកែវ នៅថ្ងៃអាទិត្យ ទី២៤ ខែកក្កដា ប្រជាពលរដ្ឋខ្លះនៅខេត្តសៀមរាប ក៏បានគោរពដល់វិញ្ញាណក្ខន្ធរបស់លោកបណ្ឌិត កែម ឡី ពីចម្ងាយដែរ។