កែម ឡី

ក្រុម​យុវជន​ដង្ហោយ​រក​ជំនួយ​បោះពុម្ព​សៀវភៅ​កម្រង​បទ​វិភាគ​និង​ទស្សនៈ​បណ្ឌិត កែម ឡី

ក្រុម​យុវជន​ជាង ១០​នាក់​ដែល​ខ្លះ​ជា​និស្សិត និង​ខ្លះ​ទៀត​ជា​សមាជិក​ក្រុម​អ្នក​វិភាគ​វ័យ​ក្មេង​របស់​បណ្ឌិត កែម ឡី បញ្ជាក់​ថា ពួក​គេ​បាន​រៀបចំ​កម្រង​បទ​វិភាគ និង​ទស្សនៈ​បណ្ឌិត កែម ឡី ជា​សៀវភៅ​បាន​ចំនួន ៤​ក្បាល​ហើយ។ ទោះ​បី​ជា​យ៉ាង​ណា ក្រុម​នេះ​មិន​មាន​ថវិកា​សម្រាប់​បោះពុម្ព​ផ្សាយ​សៀវភៅ​ទាំង​នោះ​ឡើយ។

មនុស្ស​ប្រមាណ​៥០០​នាក់​ចូលរួម​បុណ្យ​គម្រប់​១០០​ថ្ងៃ​បណ្ឌិត កែម ឡី នៅ​ខេត្ត​បាត់ដំបង

ក្រុម​យុវជន ព្រះសង្ឃ និង​ប្រជាពលរដ្ឋ​នៅ​ខេត្ត​បាត់ដំបង ប្រារព្ធ​ពិធី​បុណ្យ​គម្រប់ ១០០​ថ្ងៃ​ឧទ្ទិស​កុសល​ផល​បុណ្យ​ជូន​វិញ្ញាណក្ខន្ធ​បណ្ឌិត កែម ឡី ចំនួន ២​ថ្ងៃ​គឺ​នៅ​ថ្ងៃ​ទី​២២ និង​ថ្ងៃ​ទី​២៣ តុលា នៅ​វត្ត​កណ្ដាល ជាប់​ដង​ស្ទឹង​សង្កែ សង្កាត់​រតនៈ ក្រុង​បាត់ដំបង។ ពិធី​បុណ្យ​នៅ​ថ្ងៃ​ចុង​ក្រោយ មាន​មនុស្ស​មក​ពី​ទី​ជិត​ឆ្ងាយ​ប្រមាណ ៥០០​នាក់​ចូលរួម។

ក្រុម​យុវជន​គ្រោង​ធ្វើ​បដា​បណ្ឌិត កែម ឡី ដាក់​នៅ​តាម​ផ្ទះ​ពលរដ្ឋ​និង​ទី​សាធារណៈ

ក្រុម​យុវជន​សម្ព័ន្ធ​និស្សិត​បញ្ញវន្ត​ខ្មែរ ដែល​ទទួល​បាន​ការ​បណ្ដុះបណ្ដាល​ពី​បណ្ឌិត កែម ឡី គ្រោង​នឹង​ធ្វើ​ផ្ទាំង​បដា​ធំៗ ដាក់​រូប​បណ្ឌិត កែម ឡី អម​ដោយ​ពាក្យ​បណ្ដាំ​របស់​លោក យក​ទៅ​ដាក់​តាម​ទី​សាធារណៈ និង​ផ្ទះ​ពលរដ្ឋ​នៅ​គ្រប់​ខេត្ត​ក្រុង​ទូទាំង​ប្រទេស។

យុវជន​ជាង​២០០​នាក់​ធ្វើ​បុណ្យ​ដាំ​កូន​ឈើ​ឧទ្ទិស​កុសល​ជូន​បណ្ឌិត កែម ឡី

ក្រុម​យុវជន​នៅ​ក្រុង​ប៉ោយប៉ែត ជាង ២០០​នាក់ នៅ​ព្រឹក​ថ្ងៃ​ទី​៩ កក្កដា នាំ​គ្នា​ដាំ​ដើមឈើ និង​ហែ​ទៀន​ព្រះវស្សា​ទៅ​ដាក់​ក្នុង​វត្ត​មួយ​នៅ​ជាប់​ព្រំដែន​ថៃ ក្នុង​ស្រុក​អូរជ្រៅ ដើម្បី​ឧទ្ទិស​កុសល​ផល​បុណ្យ​ជូន​លោក​បណ្ឌិត កែម ឡី ក្នុង​ឱកាស​ពិធី​បុណ្យ​ខួប​គម្រប់ ១​ឆ្នាំ ដែល​ឃាតក​បាន​បាញ់​សម្លាប់​លោក។

ក្រុម​យុវជន​និង​អាជីវករ​នៅ​ក្រុង​ប៉ោយប៉ែត​ធ្វើ​បុណ្យ​ឧទ្ទិស​កុសល​ជូន​លោក​បណ្ឌិត កែម ឡី

ក្រុម​យុវជន និង​អាជីវករ​នៅ​ក្រុង​ប៉ោយប៉ែត ខេត្ត​បន្ទាយមានជ័យ ជាង ១០០​នាក់ នៅ​ព្រឹក​ថ្ងៃ​ទី​អាទិត្យ ទី​១៧ កក្កដា រួម​គ្នា​និមន្ត​ព្រះសង្ឃ​ចំនួន ៩​អង្គ​ធ្វើ​ពិធី​បុណ្យ ៨​ថ្ងៃ ដើម្បី​ឧទ្ទិស​កុសល​ផល​បុណ្យ​ជូន​វិញ្ញាណក្ខន្ធ​លោក​បណ្ឌិត កែម ឡី។

ក្រុម​យុវជន​បន្ត​អំពាវនាវ​រក​ថវិកា​បោះពុម្ពផ្សាយ​សៀវភៅ​ទស្សនទាន​បណ្ឌិត កែម ឡី

សមាគម​សម្ព័ន្ធ​និស្សិត​បញ្ញវន្ត​ខ្មែរ ដែល​ជា​ក្រុម​ចងក្រង​សៀវភៅ​ស្ដីពី​ទស្សនៈ​បណ្ឌិត កែម ឡី អំពាវនាវ​រក​ថវិកា​បន្ថែម​ដើម្បី​បោះពុម្ពផ្សាយ​សៀវភៅ​ដែល​បង្ហាញ​ពី​ស្នាដៃ​របស់​លោក​នៅ​ពេល​ឆាប់ៗ​ខាង​មុខ។ ការ​អំពាវនាវ​នេះ​ធ្វើ​ឡើង​តាម​រយៈ​លិខិត​មួយ​ច្បាប់​ចេញ​ផ្សាយ​នៅ​ថ្ងៃ​ទី​១៣ ខែ​កញ្ញា។ ​

គណៈកម្មការ​អ្នក​ច្បាប់​អន្តរជាតិ​ស្នើ​មាន​ការ​ស៊ើប​អង្កេត​ករណី​ឃាតកម្ម​បណ្ឌិត កែម ឡី

គណៈកម្មការ​អ្នក​ច្បាប់​អន្តរជាតិ (International Commission of Jurists-ICJ) នៅ​ថ្ងៃ​ទី​១៣ ខែ​កក្កដា អំពាវនាវ​រដ្ឋាភិបាល​បើក​ការ​ស៊ើប​អង្កេត​ករណី​ឃាតកម្ម​បណ្ឌិត កែម ឡី ឲ្យ​ឆាប់​រហ័ស មិន​លម្អៀង និង​មាន​ប្រសិទ្ធភាព ដើម្បី​ស្វែងរក​អ្នក​ដែល​ពាក់ព័ន្ធ​យក​មក​ផ្ដន្ទាទោស។

មន្ត្រី​បក្ស​កាន់​អំណាច​ចំអក​ឲ្យ​លោក សម រង្ស៊ី ទាក់ទង​នឹង​ឃាតកម្ម​បណ្ឌិត កែម ឡី

ប្រមុខ​ដឹកនាំ​បក្ស​ប្រឆាំង​ដែល​កំពុង​រស់​នៅ​ដោយ​និរទេស​ខ្លួន បាន​ស្នើ​ឲ្យ​តុលាការ​អាមេរិក អន្តរាគមន៍​ទៅ​ទីចាត់ការ​ធំ​នៃ​ក្រុមហ៊ុន​សាំង​កាល់តិច (Caltex) នៅ​សហរដ្ឋអាមេរិក ឈ្មោះ ឆេវរ៉ុន (Chevron) ឲ្យ​ក្រុមហ៊ុន​នេះ​បង្ហាញ​ភស្តុតាង​រូបភាព​ដែល​ថត​បាន​ពី​កាមេរ៉ា​សុវត្ថិភាព​ក្នុង​ព្រឹត្តិការណ៍​បាញ់​ប្រហារ​លោក​បណ្ឌិត កែម ឡី។

ស្ថានទូត​អាមេរិក​អំពាវនាវ​ដល់​របប​ភ្នំពេញ​​ឱ្យ​ស៊ើប​អង្កេត​​ពេញលេញ​រឿង​ឃាតកម្ម​បណ្ឌិត កែម ឡី

តំណាង​រដ្ឋាភិបាល​អាមេរិក​ប្រចាំ​កម្ពុជា រំឭក​ជា​ថ្មី​ទៀត​អំពី​ភាព​អយុត្តិធម៌​ក្នុង​សំណុំរឿង​ឃាតកម្ម​បណ្ឌិត កែម ឡី និង​ស្នើ​ឱ្យ​មាន​ការ​រក​យុត្តិធម៌​ពិតប្រាកដ​ជូន​ជនរងគ្រោះ​។ ក្រសួង​យុត្តិធម៌​ថា តុលាការ​​​បាន​បិទ​បញ្ចប់​សំណុំរឿង​ទី​មួយ​ហើយ និង​កំពុង​ចាត់ការ​សំណុំរឿង​ទី​ពីរ​បន្ត​ទៀត។

មន្ត្រី​ជាន់ខ្ពស់​រដ្ឋាភិបាល​អាមេរិក​ចូលរួម​គោរព​វិញ្ញាណក្ខន្ធ​លោក​បណ្ឌិត កែម ឡី

មន្ត្រី​ជាន់ខ្ពស់​នៃ​រដ្ឋាភិបាល​សហរដ្ឋ​អាមេរិក មក​គោរព​វិញ្ញាណក្ខន្ធ​លោក​បណ្ឌិត កែម ឡី នា​វត្ត​ពោធិយារាម ហៅ​វត្ត​ចាស់ នៅ​ព្រឹក​ថ្ងៃ​ទី​១៩ កក្កដា។

មរតក​គំនិត​បណ្ឌិត កែម ឡី ជំរុញ​ឲ្យ​យុវជន ព្រះសង្ឃ និង​បក្ស​នយោបាយ ហ៊ាន​និយាយ​ការ​ពិត និង​ចូល​រួម​រក​យុត្តិធម៌​សម្រាប់​សង្គម

ក្រុម​យុវជន ​​ព្រះ​សង្ឃ និង​គណបក្ស​នយោបាយ​ ដែល​ធ្លាប់​ទទួល​បាន​ការ​បង្ហាត់​បង្រៀន​ ជួយ​ជ្រោមជ្រែង​ផ្នែក​គំនិត​ បញ្ញា ស្មារតី ពី​បណ្ឌិត កែម ឡី ប្ដេជ្ញា​អនុវត្ត​បណ្ដាំ និង​បន្ត​ឆន្ទៈ​​របស់​បណ្ឌិត កែម ឡី។

នគរបាល​ចាប់​ខ្លួន​ស្ត្រី​ម្នាក់​ទៀត​ដែល​ចោទ​នាយក​រដ្ឋមន្ត្រី​ថា​សម្លាប់​បណ្ឌិត កែម ឡី

នគរបាល​ក្រុង​ភ្នំពេញ បាន​ចាប់​ខ្លួន​ស្ត្រី​ម្នាក់​ដែល​មាន​ឈ្មោះ​នៅ​ក្នុង​បណ្ដាញ​សង្គម​ហ្វេសប៊ុក (facebook) ហេង លក្ខិណា នៅ​ថ្ងៃ​ទី​១២ កក្កដា។ មូលហេតុ​ដែល​ឈាន​ដល់​ការ​ចាប់​ខ្លួន​នេះ ត្រូវ​បាន​មន្ត្រី​នគរបាល​ក្រសួង​មហាផ្ទៃ អះអាង​ថា ដោយសារ​ស្ត្រី​រូប​នេះ​បាន​អនុវត្ត​បទល្មើស​ជាក់ស្ដែង។

ជនជាតិ​ដើម​ភាគ​តិច​នៅ​​ស្ទឹងត្រែង​ធ្វើ​បុណ្យ​ភ្ជុំបិណ្ឌ​ឧទ្ទិស​កុសល​ជូន​បណ្ឌិត កែម ឡី

ជនជាតិ​ដើម​ភាគតិច​កួយ និង​ពលរដ្ឋ​ខ្មែរ​នៅ​ខែត្រ​ស្ទឹងត្រែង ដែល​ប្រតិបត្តិ​ព្រះពុទ្ធ​សាសនា បាន​នាំគ្នា​យក​ចង្ហាន់​ទៅ​ប្រគេន​ព្រះសង្ឃ​គង់​នៅ​វត្ត​នានា​ក្នុង​ពិធី​បុណ្យ​ភ្ជុំបិណ្ឌ នៅ​ថ្ងៃ​ទី​១ ខែ​តុលា ដើម្បី​ឧទ្ទិស​កុសល​ជូន​វិញ្ញាណក្ខន្ធ​បុព្វការី​ជន​របស់​ពួកគេ។ ទន្ទឹម​នឹង​នេះ ជនជាតិ​ដើម​ភាគតិច​មួយ​ចំនួន​ក៏​បាន​ឧទ្ទិស​កុសល​ផល​បុណ្យ​ទាំង​នេះ​ជូន​វិញ្ញាណក្ខន្ធ​លោក​បណ្ឌិត កែម ឡី ​ផង​ដែរ។

ពលរដ្ឋ​មួយ​ចំនួន​ប្រារព្ធ​ពិធី​បុណ្យ​​ភ្ជុំ​បិណ្ឌ​ដោយ​ឧទ្ទិស​កុសល​ជូន​វិញ្ញាណក្ខន្ធ​បណ្ឌិត កែម ឡី

ប្រជាពលរដ្ឋ​ខ្មែរ​ដែល​គោរព​ពុទ្ធ​សាសនា បាន​នាំ​គ្នា​ទៅ​វត្ត​ប្រារព្ធ​ពិធី​បុណ្យ​កាន់​បិណ្ឌ និង​ភ្ជុំបិណ្ឌ ​ដើម្បី​ឧទ្ទិស​កុសល​ជូន​ដល់​វិញ្ញាណក្ខន្ធ​ជីដូន​ជីតា និង​បុព្វការី​ជន​របស់​ពួកគេ។ ពលរដ្ឋ​មួយ​ចំនួន​ក៏​បាន​ឧទ្ទិស​មគ្គផល​ទាំង​ឡាយ​ទៅ​ឱ្យ​ដួង​វិញ្ញាណក្ខន្ធ​បណ្ឌិត កែម ឡី ដូច​គ្នា ដោយសារ​ពួកគេ​ចាត់​ទុក​បណ្ឌិត កែម ឡី ថា​ជា​អ្នក​មាន​គុណ​មួយ​រូប​ដែរ។

មន្ត្រី​សង្គម​ស៊ីវិល​​ចំអក​ឲ្យ​លោក ផៃ ស៊ីផាន ករណី​វីដេអូ​ឃាតកម្ម​លើ​បណ្ឌិត កែម ឡី

អ្នកនាំពាក្យ​នៃ​ទីស្ដីការ​គណៈរដ្ឋមន្ត្រី លោក ផៃ ស៊ីផាន បាន​ប្រាប់​សារព័ត៌មាន​ក្រៅ​ស្រុក​មួយ​ថា ភរិយា​របស់​លោក​បណ្ឌិត កែម ឡី បាន​មើល​​វីដេអូ​ពី​សកម្មភាព​បាញ់​ប្រហារ​នោះ​ហើយ។ ប៉ុន្តែ​ភរិយា​បណ្ឌិត កែម ឡី អ្នកស្រី ប៊ូ រចនា អះអាង​ថា ខ្លួន​ពុំ​ធ្លាប់​បាន​មើល​វីដេអូ​ពី​ឃាតកម្ម​នោះ​ទេ។

ស្ថានទូត​អាមេរិក​សំដែង​សមាន​ទុក្ខ​ចំពោះ​គ្រួសារ​បណ្ឌិត កែម ឡី

ស្ថានទូត​សហរដ្ឋ​អាមេរិក​ប្រចាំ​កម្ពុជា​ចូលរួម​រំលែក​ទុក្ខ​ដល់​ក្រុម​គ្រួសារលោកបណ្ឌិត កែម ឡី ដោយ​សំដែង​សមានទុក្ខជាថ្មី​ចំពោះ​មរណភាពអ្នក​វិភាគ​សង្គម​ដ៏​ល្បី គឺ​បណ្ឌិត កែម ឡី ព្រមទាំង​ចូលរួម​ជាមួយ​ប្រជាជន​កម្ពុជា នៅ​ក្នុង​ការ​អបអរ​ជីវិត និង​ការងារ​របស់​លោក នៅ​ថ្ងៃ​ខួប​១ឆ្នាំ​នេះ។

អ្នក​ប្រើប្រាស់​បណ្ដាញ​សង្គម​ស្វាគមន៍​ដំណឹង​នៃ​ការ​មក​ដល់​អូស្ត្រាលី​របស់​គ្រួសារ​បណ្ឌិត កែម ឡី

ក្រុម​អ្នកប្រើប្រាស់​បណ្ដាញ​សង្គម​ទាំង​ក្នុង និង​ក្រៅ​ប្រទេស​កម្ពុជា ស្វាគមន៍​ព័ត៌មាន​ដែល​ក្រុម​គ្រួសារ​បណ្ឌិត កែម ឡី បាន​ទៅ​ដល់​ប្រទេស​អូស្ត្រាលី ទី​ដែល​មាន​សុវត្ថិភាព​ដើម្បី​កសាង​ជីវិត​ថ្មី។ ខាងក្រោម​នេះ ជា​សម្រង់​ខ្លីៗ​នៃ​សារ​របស់​អ្នកប្រើប្រាស់​បណ្ដាញ​សង្គម​ហ្វេសប៊ុក (Facebook)។

ក្រុម​អ្នក​វិភាគ​វ័យក្មេង​របស់​លោក​បណ្ឌិត កែម ឡី ប្រកាស​មិន​ចូល​បក្ស​នយោបាយ

ក្រុម​អ្នក​វិភាគ​វ័យក្មេង​ដែល​ទទួល​បាន​ការ​បណ្ដុះបណ្ដាល​ដោយ​ផ្ទាល់​ពី​លោក​បណ្ឌិត កែម ឡី កាល​ពី​លោក​នៅ​មាន​ជីវិត​អះអាង​ថា ពួកគេ​នឹង​មិន​ចូលរួម​ជាមួយ​គណបក្ស​នយោបាយ​ណា​មួយ​ឡើយ។

ក្រុម​យុវជន​ស្នើសុំ​ដាក់​រូប​សំណាក​បណ្ឌិត កែម ឡី នៅ​ការ៉ាស់​សាំង​ស្តុប​បូកគោ

សមាគម​សម្ព័ន្ធ​និស្សិត​បញ្ញវន្ត​ខ្មែរ ដាក់​លិខិត​ជូន​ទីស្ដីការ​គណៈរដ្ឋមន្ត្រី​នៅ​ថ្ងៃ​ទី​២៦ ខែ​កក្កដា ដើម្បី​ស្នើសុំ​ដាក់​រូប​សំណាក​លោក​បណ្ឌិត កែម ឡី នៅ​ម្តុំ​ស្ថានីយ​ប្រេង​ឥន្ធនៈ​កាល់តិច (Caltex) ក្បែរ​ស្ដុប​បូកគោ ជា​ទី​ដែល​បណ្ឌិត កែម ឡី ត្រូវ​ឃាតក​បាញ់​សម្លាប់។

ពលរដ្ឋ​និង​សង្គម​ស៊ីវិល​ចូលរួម​ពិធី​បុណ្យ​ខួប​១​ឆ្នាំ​នៃ​ការ​បាញ់​សម្លាប់​បណ្ឌិត កែម ឡី

ប្រជាពលរដ្ឋ ក្រុម​អង្គការ​សង្គម​ស៊ីវិល បក្ស​នយោបាយ សហគមន៍​មាន​ជម្លោះ​ដីធ្លី​តំបន់​បឹងកក់ និង​អ្នក​គោរព​ស្រឡាញ់​បណ្ឌិត កែម ឡី នាំ​គ្នា​ទៅ​គោរព​វិញ្ញាណក្ខន្ធ និង​ចូលរួម​បុណ្យ​គម្រប់​ខួប​មួយ​ឆ្នាំ​នៃ​ឃាតកម្ម​លើ​លោក​ជា​ហូរហែ​នៅ​ស្រុក​កំណើត​របស់​បណ្ឌិត កែម ឡី ចាប់​ពី​ព្រឹក​ថ្ងៃ​ទី​៩ កក្កដា។

ក្រុម​អ្នក​ឃ្លាំ​មើល​ជំរុញ​ឲ្យ​រដ្ឋាភិបាល​ចាប់​អ្នក​នៅ​ពី​ក្រោយ​ឃាតកម្ម​បណ្ឌិត កែម ឡី

គិត​ត្រឹម​ថ្ងៃ​ទី​១០ ខែ​ឧសភា នេះ គឺ​ជា​ខួប ១០​ខែ​គត់​នៃ​ឃាតកម្ម​លើ​អ្នក​វិភាគ​សង្គម និង​នយោបាយ​ដ៏​មាន​ប្រជាប្រិយ គឺ​លោក​បណ្ឌិត កែម ឡី។ ក្នុង​សំណុំ​រឿង​នៃ​បទឧក្រិដ្ឋ​នេះ គឺ​មាន​មនុស្ស​តែ​ម្នាក់​ប៉ុណ្ណោះ​ដែល​ត្រូវ​បាន​តុលាការ​ក្រុង​ភ្នំពេញ ផ្ដន្ទាទោស​ដាក់​ពន្ធនាគារ​អស់​មួយ​ជីវិត។

គម្រោង​រៀបចំ​ពិធី​បុណ្យ​ខួប​គម្រប់​១០០​ថ្ងៃ​បណ្ឌិត កែម ឡី សម្រេច​បាន​ជាង​៥០​ភាគរយ

គណៈកម្មការ​រៀបចំ​ពិធី​បុណ្យ​សព​លោក​បណ្ឌិត កែម ឡី បាន​បែង​ចែក​គ្នា​ជា ៣​ក្រុម​ក្នុង​ការ​រៀបចំ​ពិធី​បុណ្យ​សព ១០០​ថ្ងៃ​លោក​បណ្ឌិត កែម ឡី រយៈពេល ៣​ថ្ងៃ​នៅ​ក្នុង​ខែ​តុលា ខាង​មុខ។ មក​ដល់​ពេល​នេះ អ្នក​នាំ​ពាក្យ​គណៈកម្មការ​បុណ្យ អះអាង​ថា គម្រោង​រៀបចំ​ពិធី​បុណ្យ ១០០​ថ្ងៃ​សម្រេច​បាន​ជាង ៥០​ភាគរយ​ហើយ។

ក្រុម​យុវជន​បង្កើត​យុទ្ធនាការ​១០០​សន្លឹក​ដើម្បី​ប្រមូល​រូបថត​បណ្ឌិត កែម ឡី

គណៈកម្មការ​រៀបចំ​បុណ្យ​ខួប​គម្រប់ ១០០​ថ្ងៃ​បណ្ឌិត កែម ឡី បង្កើត​យុទ្ធនាការ​មួយ​ឈ្មោះ​ថា “យុទ្ធនាការ ១០០​សន្លឹក” ដើម្បី​ប្រមូល​រូបថត​ដែល​បង្ហាញ​ពី​សកម្មភាព​សង្គម​របស់​បណ្ឌិត កែម ឡី នា​ពេល​កន្លង​ទៅ យក​មក​តាំង​ពិព័រណ៍​នៅ​ក្នុង​ពិធី​បុណ្យ​ខួប​គម្រប់ ១០០​ថ្ងៃ​របស់​លោក។ យុទ្ធនាការ​នេះ ធ្វើ​ឡើង​ចាប់​ពី​ថ្ងៃ​ទី​១ ដល់​ទី​៣០ កញ្ញា។

ព្រះសង្ឃ ប៊ុត ប៊ុនតិញ គ្រោង​បង្កើត​យុទ្ធនាការ​១​ដុល្លារ​ដើម្បី​ជួយ​គ្រួសារ​បណ្ឌិត កែម ឡី

អតីត​ប្រធាន​បណ្ដាញ​ព្រះសង្ឃ​ឯករាជ្យ​ព្រះតេជព្រះគុណ ប៊ុត ប៊ុនតិញ និង​ប្រជាពលរដ្ឋ​ដែល​គោរព​ស្រលាញ់​លោក​បណ្ឌិត កែម ឡី រស់​នៅ​ប្រទេស​អូស្ត្រាលី គ្រោង​បង្កើត​យុទ្ធនាការ ១​ដុល្លារ​ដើម្បី​ជួយ​ដល់​គ្រួសារ​លោក​បណ្ឌិត កែម ឡី ដែល​ទើប​តែ​បាន​ទៅ​តាំង​ទី​លំនៅ​ថ្មី​ឯ​ប្រទេស​អូស្ត្រាលី។

សង្គម​ស៊ីវិល​មិន​សូវ​មាន​ជំនឿ​ទៅ​លើ​សមត្ថកិច្ច​ក្នុង​ការ​ស្វែង​រក​យុត្តិធម៌​ជូន​លោក កែម ឡី

ក្រុម​អង្គការ​មិន​មែន​រដ្ឋាភិបាល​ដែល​តាម​ដាន​អំពើ​ឃាតកម្ម​លើ​លោក​បណ្ឌិត កែម ឡី យល់​ឃើញ​ថា គេ​ហាក់​មាន​ជំនឿ​តិចតួច​លើ​ការ​ស៊ើបអង្កេត​របស់​សមត្ថកិច្ច ហើយ​រហូត​មក​ដល់​ពេល​នេះ ពន្លឺ​​​យុត្តិធម៌​នៅ​តែ​កប់​បាត់​សូន្យ​នៅ​ឡើយ។

វត្ត​២​នៅ​ភ្នំពេញ​ព្រម​ផ្ដល់​ទីកន្លែង​សម្រាប់​បុណ្យ​១០០​ថ្ងៃ​បណ្ឌិត កែម ឡី

គណៈកម្មការ​រៀបចំ​បុណ្យ​១០០​ថ្ងៃ​របស់​លោក​បណ្ឌិត កែម ឡី បាន​ទទួល​ការ​ឆ្លើយ​តប​ពី​ព្រះចៅ​អធិការ​​វត្ត​ចំនួន​២ នៅ​ក្នុង​រាជធានី​ភ្នំពេញ ថា​នឹង​ផ្ដល់​កន្លែង​សម្រាប់​​រៀបចំ​ពិធី​បុណ្យ ប៉ុន្តែ​ត្រូវ​រង់ចាំ​ការ​សម្រេច​របស់​សាលា​រាជធានី​ភ្នំពេញ ជា​មុន​សិន។

ពលរដ្ឋ​ថា​នៅ​តែ​នឹក​បណ្ឌិត កែម ឡី ទោះ​បី​ជា​ពន្លឺ​យុត្តិធម៌​ហាក់​នៅ​ឆ្ងាយ

គិត​មក​ទល់​នឹង​ថ្ងៃ​ទី​១០ វិច្ឆិកា គឺ​មាន​រយៈពេល ៤​ខែ​គត់​ដែល​បណ្ឌិត កែម ឡី អ្នក​វិភាគ​ដ៏​ល្បីល្បាញ​ត្រូវ​បាន​ឃាតក​បាញ់​ប្រហារ​យ៉ាង​ឃោរឃៅ​នៅ​ចំ​កណ្ដាល​រាជធានី​ភ្នំពេញ។ ក្នុង​រយៈពេល ៤​ខែ​នេះ ពលរដ្ឋ​នៅ​តែ​នឹក​ដល់​លោក បើ​ទោះ​ជា​ពន្លឺ​នៃ​យុត្តិធម៌​សម្រាប់​បណ្ឌិត កែម ឡី ហាក់​នៅ​ឆ្ងាយ​ក្តី។

មន្ត្រី​ទូត​៤​ប្រទេស​ចូល​គោរព​វិញ្ញាណក្ខន្ធ​លោក កែម ឡី នៅ​ថ្ងៃ​នេះ

តំណាង​ស្ថានទូត ៤ ប្រទេស មក​ចូល​រួម​គោរព​វិញ្ញាណក្ខន្ធ​លោក កែម ឡី កាល​ពី​ព្រឹក​ថ្ងៃ​ទី​១៣ ខែ​កក្កដា។ តំណាង​ស្ថានទូត​ទាំង​៤ នោះ​រួម​មាន ទូត​ជប៉ុន អូស្ត្រាលី បារាំង និង​ស៊ុយអែត។

អាជ្ញាធរ​​រាជធានី​ភ្នំពេញ​​រារាំង​យុវជន និង​ព្រះសង្ឃ មិន​ឱ្យ​​ធ្វើ​​​ពិធី​​រំឭក​​ខួប​​​ឃាតកម្ម​បណ្ឌិត កែម ឡី នៅ​ហាង​សាំង​កាល់តិច (Caltex) បូកគោ

កង​កម្លាំង​អាជ្ញាធរ​ខណ្ឌ​ចំការមន រាជធានី​ភ្នំពេញ​រាប់​រយ​នាក់ រារាំង​យុវជន និង​ព្រះសង្ឃ ដែល​ប្រារព្ធ​ពិធី​ពុទ្ធសាសនា ដើម្បី​រម្លឹក​ខួប​លើក​ទី៤ នៃ​ឃាតកម្ម​បណ្ឌិត កែម ឡី នៅ​ហាង​សាំង​កាល់តិច (Caltex) បូកគោ ព្រឹក​ថ្ងៃ​ទី៨ ខែ​កក្កដា ឆ្នាំ២០២០។

គណៈកម្មការ​បុណ្យ​សព​សម្រេច​ពន្យារ​ពេល​ដង្ហែ​សព​លោក កែម ឡី

គណៈកម្មការ​បុណ្យ​សព​លោក​បណ្ឌិត កែម ឡី សម្រេច​ពន្យារ​ពេល​ដង្ហែ​សព​លោក កែម ឡី ទៅ​ខេត្ត​តាកែវ នៅ​ថ្ងៃ​១៧ ខែ​កក្កដា តាម​សំណើ​របស់​ប្រជាពលរដ្ឋ​ទាំង​ក្នុង និង​ក្រៅ​ស្រុក។