កែម ឡី

គម្រោង​រៀបចំ​ពិធី​បុណ្យ​ខួប​គម្រប់​១០០​ថ្ងៃ​បណ្ឌិត កែម ឡី សម្រេច​បាន​ជាង​៥០​ភាគរយ

គណៈកម្មការ​រៀបចំ​ពិធី​បុណ្យ​សព​លោក​បណ្ឌិត កែម ឡី បាន​បែង​ចែក​គ្នា​ជា ៣​ក្រុម​ក្នុង​ការ​រៀបចំ​ពិធី​បុណ្យ​សព ១០០​ថ្ងៃ​លោក​បណ្ឌិត កែម ឡី រយៈពេល ៣​ថ្ងៃ​នៅ​ក្នុង​ខែ​តុលា ខាង​មុខ។ មក​ដល់​ពេល​នេះ អ្នក​នាំ​ពាក្យ​គណៈកម្មការ​បុណ្យ អះអាង​ថា គម្រោង​រៀបចំ​ពិធី​បុណ្យ ១០០​ថ្ងៃ​សម្រេច​បាន​ជាង ៥០​ភាគរយ​ហើយ។

ក្រុម​យុវជន​បង្កើត​យុទ្ធនាការ​១០០​សន្លឹក​ដើម្បី​ប្រមូល​រូបថត​បណ្ឌិត កែម ឡី

គណៈកម្មការ​រៀបចំ​បុណ្យ​ខួប​គម្រប់ ១០០​ថ្ងៃ​បណ្ឌិត កែម ឡី បង្កើត​យុទ្ធនាការ​មួយ​ឈ្មោះ​ថា “យុទ្ធនាការ ១០០​សន្លឹក” ដើម្បី​ប្រមូល​រូបថត​ដែល​បង្ហាញ​ពី​សកម្មភាព​សង្គម​របស់​បណ្ឌិត កែម ឡី នា​ពេល​កន្លង​ទៅ យក​មក​តាំង​ពិព័រណ៍​នៅ​ក្នុង​ពិធី​បុណ្យ​ខួប​គម្រប់ ១០០​ថ្ងៃ​របស់​លោក។ យុទ្ធនាការ​នេះ ធ្វើ​ឡើង​ចាប់​ពី​ថ្ងៃ​ទី​១ ដល់​ទី​៣០ កញ្ញា។

ព្រះសង្ឃ ប៊ុត ប៊ុនតិញ គ្រោង​បង្កើត​យុទ្ធនាការ​១​ដុល្លារ​ដើម្បី​ជួយ​គ្រួសារ​បណ្ឌិត កែម ឡី

អតីត​ប្រធាន​បណ្ដាញ​ព្រះសង្ឃ​ឯករាជ្យ​ព្រះតេជព្រះគុណ ប៊ុត ប៊ុនតិញ និង​ប្រជាពលរដ្ឋ​ដែល​គោរព​ស្រលាញ់​លោក​បណ្ឌិត កែម ឡី រស់​នៅ​ប្រទេស​អូស្ត្រាលី គ្រោង​បង្កើត​យុទ្ធនាការ ១​ដុល្លារ​ដើម្បី​ជួយ​ដល់​គ្រួសារ​លោក​បណ្ឌិត កែម ឡី ដែល​ទើប​តែ​បាន​ទៅ​តាំង​ទី​លំនៅ​ថ្មី​ឯ​ប្រទេស​អូស្ត្រាលី។

សង្គម​ស៊ីវិល​មិន​សូវ​មាន​ជំនឿ​ទៅ​លើ​សមត្ថកិច្ច​ក្នុង​ការ​ស្វែង​រក​យុត្តិធម៌​ជូន​លោក កែម ឡី

ក្រុម​អង្គការ​មិន​មែន​រដ្ឋាភិបាល​ដែល​តាម​ដាន​អំពើ​ឃាតកម្ម​លើ​លោក​បណ្ឌិត កែម ឡី យល់​ឃើញ​ថា គេ​ហាក់​មាន​ជំនឿ​តិចតួច​លើ​ការ​ស៊ើបអង្កេត​របស់​សមត្ថកិច្ច ហើយ​រហូត​មក​ដល់​ពេល​នេះ ពន្លឺ​​​យុត្តិធម៌​នៅ​តែ​កប់​បាត់​សូន្យ​នៅ​ឡើយ។

វត្ត​២​នៅ​ភ្នំពេញ​ព្រម​ផ្ដល់​ទីកន្លែង​សម្រាប់​បុណ្យ​១០០​ថ្ងៃ​បណ្ឌិត កែម ឡី

គណៈកម្មការ​រៀបចំ​បុណ្យ​១០០​ថ្ងៃ​របស់​លោក​បណ្ឌិត កែម ឡី បាន​ទទួល​ការ​ឆ្លើយ​តប​ពី​ព្រះចៅ​អធិការ​​វត្ត​ចំនួន​២ នៅ​ក្នុង​រាជធានី​ភ្នំពេញ ថា​នឹង​ផ្ដល់​កន្លែង​សម្រាប់​​រៀបចំ​ពិធី​បុណ្យ ប៉ុន្តែ​ត្រូវ​រង់ចាំ​ការ​សម្រេច​របស់​សាលា​រាជធានី​ភ្នំពេញ ជា​មុន​សិន។

ពលរដ្ឋ​ថា​នៅ​តែ​នឹក​បណ្ឌិត កែម ឡី ទោះ​បី​ជា​ពន្លឺ​យុត្តិធម៌​ហាក់​នៅ​ឆ្ងាយ

គិត​មក​ទល់​នឹង​ថ្ងៃ​ទី​១០ វិច្ឆិកា គឺ​មាន​រយៈពេល ៤​ខែ​គត់​ដែល​បណ្ឌិត កែម ឡី អ្នក​វិភាគ​ដ៏​ល្បីល្បាញ​ត្រូវ​បាន​ឃាតក​បាញ់​ប្រហារ​យ៉ាង​ឃោរឃៅ​នៅ​ចំ​កណ្ដាល​រាជធានី​ភ្នំពេញ។ ក្នុង​រយៈពេល ៤​ខែ​នេះ ពលរដ្ឋ​នៅ​តែ​នឹក​ដល់​លោក បើ​ទោះ​ជា​ពន្លឺ​នៃ​យុត្តិធម៌​សម្រាប់​បណ្ឌិត កែម ឡី ហាក់​នៅ​ឆ្ងាយ​ក្តី។

មន្ត្រី​ទូត​៤​ប្រទេស​ចូល​គោរព​វិញ្ញាណក្ខន្ធ​លោក កែម ឡី នៅ​ថ្ងៃ​នេះ

តំណាង​ស្ថានទូត ៤ ប្រទេស មក​ចូល​រួម​គោរព​វិញ្ញាណក្ខន្ធ​លោក កែម ឡី កាល​ពី​ព្រឹក​ថ្ងៃ​ទី​១៣ ខែ​កក្កដា។ តំណាង​ស្ថានទូត​ទាំង​៤ នោះ​រួម​មាន ទូត​ជប៉ុន អូស្ត្រាលី បារាំង និង​ស៊ុយអែត។

អាជ្ញាធរ​​រាជធានី​ភ្នំពេញ​​រារាំង​យុវជន និង​ព្រះសង្ឃ មិន​ឱ្យ​​ធ្វើ​​​ពិធី​​រំឭក​​ខួប​​​ឃាតកម្ម​បណ្ឌិត កែម ឡី នៅ​ហាង​សាំង​កាល់តិច (Caltex) បូកគោ

កង​កម្លាំង​អាជ្ញាធរ​ខណ្ឌ​ចំការមន រាជធានី​ភ្នំពេញ​រាប់​រយ​នាក់ រារាំង​យុវជន និង​ព្រះសង្ឃ ដែល​ប្រារព្ធ​ពិធី​ពុទ្ធសាសនា ដើម្បី​រម្លឹក​ខួប​លើក​ទី៤ នៃ​ឃាតកម្ម​បណ្ឌិត កែម ឡី នៅ​ហាង​សាំង​កាល់តិច (Caltex) បូកគោ ព្រឹក​ថ្ងៃ​ទី៨ ខែ​កក្កដា ឆ្នាំ២០២០។

គណៈកម្មការ​បុណ្យ​សព​សម្រេច​ពន្យារ​ពេល​ដង្ហែ​សព​លោក កែម ឡី

គណៈកម្មការ​បុណ្យ​សព​លោក​បណ្ឌិត កែម ឡី សម្រេច​ពន្យារ​ពេល​ដង្ហែ​សព​លោក កែម ឡី ទៅ​ខេត្ត​តាកែវ នៅ​ថ្ងៃ​១៧ ខែ​កក្កដា តាម​សំណើ​របស់​ប្រជាពលរដ្ឋ​ទាំង​ក្នុង និង​ក្រៅ​ស្រុក។

ទស្សនៈ​ពលរដ្ឋ​​ចំពោះ​ការ​រង់ចាំ​​ពន្លឺ​យុត្តិធម៌​​ជូន​​បណ្ឌិត កែម ឡី

គិត​ត្រឹម​ថ្ងៃ​ទី​១០ ខែ​កុម្ភៈ នេះ ការ​ទន្ទឹង​ចាំ​យុត្តិធម៌​ក្នុង​អំពើ​បាញ់​ប្រហារ លោក​បណ្ឌិត កែម ឡី ​អ្នក​វិភាគ​សង្គម និង​នយោបាយ​ដ៏​មាន​ប្រជាប្រិយភាព បាន​អូស​បន្លាយពេល​ចំនួន ៧​ខែ​គត់​។

ពលរដ្ឋ​មក​ពី​គ្រប់​ទិសទី​បន្ត​ចូលរួម​គោរព​វិញ្ញាណក្ខន្ធ​លោក កែម ឡី នៅ​ថ្ងៃ​បុណ្យ​ទី​៨

នៅ​ថ្ងៃ​អាទិត្យ ទី​១៧ ខែ​កក្កដា គឺ​ជា​ថ្ងៃ​ទី​៨ ហើយ បន្ទាប់​ពី​ឃាតក​បាញ់​សម្លាប់​លោក​បណ្ឌិត កែម ឡី កាល​ពី​ថ្ងៃ​ទី​១០ កក្កដា។ ទោះ​បី​ជា​យ៉ាង​ណា ប្រជាពលរដ្ឋ​រាប់​ពាន់​នាក់​មក​ពី​ក្រុម​ទិសទី និង​អង្គការ​សង្គម​ស៊ីវិល​មួយ​ចំនួន នៅ​តែ​បន្ត​ចូលរួម​ពិធី​បុណ្យ​ដើម្បី​គោរព​វិញ្ញាណក្ខន្ធ​លោក កែម ឡី។

អ.ស.ប​ផ្នែក​សិទ្ធិ​មនុស្ស​​ស្នើ​ឲ្យ​អាជ្ញាធរ​រក​ឃាតក​​​សម្លាប់​លោក កែម ឡី ពិត​ប្រាកដ

ការិយាល័យ​ឧត្ដម​ស្នងការ​អង្គការ​សហប្រជាជាតិ​ទទួល​បន្ទុក​សិទ្ធិមនុស្ស ប្រចាំ​នៅ​ទីក្រុង​ហ្សឺណែវ (Geneva) ប្រទេស​ស្វីស (Switzerland) ថ្កោលទោស​ចំពោះ​ការ​សម្លាប់​លោក​បណ្ឌិត កែម ឡី ហើយ​ស្នើ​ឲ្យ​អាជ្ញាធរ​ស៊ើប​អង្កេត​រក​ឃាតក​ពិតប្រាកដ​មក​ផ្ដន្ទាទោស​តាម​ច្បាប់។

ស្ត្រី​សកម្មជន​ដីធ្លី​ម្នាក់​ត្រូវ​សមត្ថកិច្ច​ចាប់​ខ្លួន​ក្នុង​យុទ្ធនាការ​ថ្ងៃ​ច័ន្ទ​ពណ៌​ខ្មៅ

ស្ត្រី​សកម្មជន​ដីធ្លី​ក្នុង​សហគមន៍​បុរីកីឡា​ម្នាក់ ត្រូវ​បាន​សមត្ថកិច្ច​ខណ្ឌ​៧មករា ចាប់​ខ្លួន​នាំ​ទៅ​អធិការ​ខណ្ឌ ខណៈ​ស្ត្រី​សកម្មជន​ដីធ្លី​ប្រមាណ ១០​នាក់ ធ្វើ​យុទ្ធនាការ​ថ្ងៃ​ច័ន្ទ​ពណ៌​ខ្មៅ​នៅ​ក្នុង​សហគមន៍​បុរីកីឡា នៅ​ព្រឹក​ថ្ងៃ​ច័ន្ទ ទី​៨ សីហា។

លោក បាន គីមូន ជំរុញ​ឲ្យ​អាជ្ញាធរ​ស៊ើប​អង្កេត​ពេញលេញ​ករណី​បាញ់​សម្លាប់​លោក កែម ឡី

អគ្គលេខាធិការ​អង្គការ​សហប្រជាជាតិ លោក បាន គីមូន (Ban Ki-moon) សម្ដែង​ក្តី​សោកស្ដាយ​ជា​ខ្លាំង បន្ទាប់​ពី​បាន​ទទួល​ដំណឹង​ពី​ការ​បាញ់​សម្លាប់​លោក​បណ្ឌិត កែម ឡី កាល​ពី​ថ្ងៃ​អាទិត្យ ទី​១០ ខែ​កក្កដា។

អង្គការ​សិទ្ធិមនុស្ស​អន្តរជាតិ​ធំៗ​ស្នើ​អាជ្ញាធរ​ខ្មែរ​បន្ត​ស៊ើបអង្កេត​ករណី​ឃាតកម្ម​បណ្ឌិត កែម ឡី

អង្គការ​សិទ្ធិមនុស្ស​អន្តរជាតិ ស្នើ​ឲ្យ​អាជ្ញាធរ​ខ្មែរ​បន្ត​ការ​ស៊ើប​អង្កេត​ករណី​ឃាតកម្ម​លោក​បណ្ឌិត កែម ឡី បន្ថែម​ទៀត។ អង្គការ​ទាំង​នេះ​អះអាង​ថា ដំណើរការ​កាត់​ក្តី​របស់​តុលាការ​កម្ពុជា នៅ​ពុំ​ទាន់​អាច​ដោះស្រាយ​មន្ទិលសង្ស័យ និង​ពុំ​ទាន់​បំពេញ​គោលការណ៍​ស៊ើប​អង្កេត​ឲ្យ​បាន​សមស្រប​តាម​ស្តង់ដារ​អន្តរជាតិ​នៅ​ឡើយ​ទេ។

មេ​ជាង​ចម្លាក់​ម្នាក់​ត្រូវ​បាន​បញ្ឈប់​ពី​ការងារ​ក្រោយ​ទទួល​សាងសង់​រូប​សំណាក​បណ្ឌិត កែម ឡី

មេ​ជាង​ចម្លាក់​ម្នាក់​ត្រូវ​បាន​ថៅកែ​បញ្ឈប់​ការងារ បន្ទាប់​ពី​គាត់​សម្រេច​សាងសង់​រូប​សំណាក​លោក​បណ្ឌិត កែម ឡី ឲ្យ​តំណាង​រាស្ត្រ​បក្ស​ប្រឆាំង។ ការ​បញ្ឈប់​នេះ គឺ​ក្រោម​មូលហេតុ​ថា រូប​សំណាក​លោក កែម ឡី មាន​ភាព​ញុះញង់។ មន្ត្រី​សិទ្ធិ​មនុស្ស​យល់​ថា នេះ​ជា​រឿង​មួយ​មិន​យុត្តិធម៌​សម្រាប់​ភាគី​ខាង​ជាង​ឡើយ។

បទសម្ភាសន៍៖ វិភាគ​អំពី​​ឃាតកម្ម​លើ​លោក កែម ឡី

នាយក​រង​ប្រចាំ​តំបន់​អាស៊ី​នៃ​អង្គការ យូមែន រ៉ៃត៍ វ៉ច្ឆ (Human Rights Watch) លោក លោក ហ្វីល រ៉ូប៊ឺតសុន (Phil Robertson) ចាត់​ទុក​អំពើ​ឃាតកម្ម​លើ​លោក​បណ្ឌិត កែម ឡី ជា​សារ​ព្រមាន​មួយ​ពី​រដ្ឋាភិបាល និង​មន្ត្រី​កាន់​អំណាច​ទៅ​អ្នក​ណា​ដែល​ហ៊ាន​រិះគន់​នាយករដ្ឋមន្ត្រី។

ភរិយា​និង​កូនៗ​របស់​លោក​បណ្ឌិត កែម ឡី បាន​ទៅ​រស់នៅ​ប្រទេស​អូស្ត្រាលី

ភរិយា​និង​កូន​របស់​លោក​បណ្ឌិត កែម ឡី បាន​ទៅ​តាំង​លំនៅ​នៅ​ប្រទេស​អូស្ត្រាលី​ហើយ។ ទីបំផុត អ្នកស្រី ប៊ូ រចនា ភរិយា​របស់​លោក កែម ឡី ព្រមទាំង​កូនប្រុស​ទាំង​ប្រាំ​របស់​អ្នកស្រី និង​លោក បណ្ឌិត កែម ឡី បាន​ទៅដល់​ក្រុង​មែលប៊ន នៃ​ប្រទេស​អូស្ត្រាលី ហើយ​កាលពី​ថ្ងៃ​សៅរ៍ ទី​១៧ ខែ​កុម្ភៈ។

ពលរដ្ឋ​ខ្មែរ​នៅ​ក្រៅ​ប្រទេស​គ្រោង​ធ្វើ​បុណ្យ​រួមគ្នា​រម្លឹក​ខួប​ពីរ​ឆ្នាំ​ជូន​លោក​បណ្ឌិត កែម ឡី

​ភរិយា​លោក​បណ្ឌិត កែម ឡី អ្នកស្រី ប៊ូ រចនា ក៏​នឹង​រៀបចំ​ពិធី​នេះ​ដែរ នៅ​ថ្ងៃទី៧ ខែ កក្កដា​នោះ នៅ​ក្រុង​មែលប៊ន រដ្ឋ​វ៉ិកតូរីយ៉ា ដើម្បី​នឹក​ដល់​គុណ​តម្លៃ និង​វីរភាព​របស់​លោក​បណ្ឌិត កែម ឡី ដែល​បាន​ពលី​ជីវិត ដើម្បី​ប្រទេសជាតិ​ទាំងមូល។

ដំណើរ​ជីវិត​ថ្មី​របស់​ក្រុម​គ្រួសារ​បណ្ឌិត កែម ឡី លើ​ទឹក​ដី​អូស្ត្រាលី

ដំណឹង​ពី​ការ​បាន​ទៅ​ដល់ និង​បាន​ទៅ​តាំង​ទីលំនៅ នៅ​ប្រទេស​អូស្ត្រាលី នៃ​គ្រួសារ​លោក​បណ្ឌិត កែម ឡី ធ្វើ​ឲ្យ​ពលរដ្ឋ​ខ្មែរ​ភាគច្រើន​បាន​ធូរស្រាល​ក្នុង​ចិត្ត។ អ្នក​ខ្លះ​រំភើប​រហូត​ស្រក់​ទឹកភ្នែក​ជា​លើក​ទីពីរ បន្ទាប់​ពី​គេ​យំ​ស្រណោះ​ចំពោះ មរណភាព​របស់​លោក។

មន្ត្រី​សិទ្ធិមនុស្ស​ទាមទារ​ឱ្យ​បង្ហាញ​លទ្ធផល​ស៊ើបអង្កេត​បន្ថែម​ករណី​បណ្ឌិត កែម ឡី

ថ្ងៃទី១០ ខែ​ធ្នូ ឆ្នាំ​២០១៧ គឺជា​ទិវា​សិទ្ធិមនុស្ស​អន្តរជាតិ ហើយ​វា​ក៏​ជា​គម្រប់​ខួប ១៧​ខែ នៃ​ឃាតកម្ម​លើ​បណ្ឌិត កែម ឡី ដែល​ជា​អ្នកស្រាវជ្រាវ​ខាង​ការ​អភិវឌ្ឍ​សង្គម និង​ជា​អ្នកវិភាគ​នយោបាយ​ដ៏​មាន​ប្រជាប្រិយភាព​ផង​ដែរ។

សង្គម​ស៊ីវិល​ប្រមូល​ផ្ដុំ​គ្នា​​ស្វែង​រក​យុត្តិធម៌​ជូន​បណ្ឌិត កែម ឡី និង​ការពារ​សុវត្ថិភាព​ក្រុម​គ្រួសារ

បុណ្យ​ខួប​គម្រប់ ១០០​ថ្ងៃ សព​លោក​បណ្ឌិត កែម ឡី នឹង​ធ្វើ​នៅ​ខែ​តុលា ខាង​មុខ។ ក្រុម​គ្រួសារ និង​គណៈកម្មការ​បុណ្យ​សព​កំពុង​រៀបចំ​ធ្វើ​រូប​សំណាក​លោក​បណ្ឌិត កែម ឡី និង​ចេតិយ​ក្បែរ​ផ្នូរ​លោក​នៅ​ខែត្រ​តាកែវ។ ទន្ទឹម​នឹង​ការ​រៀបចំ​បុណ្យ​រូប​សំណាក​នេះ ក្រុម​អង្គការ​សង្គម​ស៊ីវិល​ក៏​ទាមទារ​ឲ្យ​រដ្ឋាភិបាល​ស្វែង​រក​យុត្តិធម៌​ជូន​លោក​បណ្ឌិត កែម ឡី ដែរ។

សាលាក្រុង​ភ្នំពេញ​មិន​អនុញ្ញាត​ឱ្យ​យុវជន​ដាក់​កម្រង​ផ្កា​ជូន​បណ្ឌិត កែម ឡី នៅ​កន្លែង​ឃាតកម្ម

សាលា​រាជធានី​ភ្នំពេញ​មិន​អនុញ្ញាត​ឱ្យ​យុវជន​ចំនួន ១០​នាក់​ជួបជុំ​ដាក់​កម្រងផ្កា​ឧទ្ទិស​ដល់​បណ្ឌិត កែម ឡី នៅ​ថ្ងៃ​ទី​១០ ខែ កក្កដា ជា​ខួប​៣​ឆ្នាំ នៅ​ចំណុច​ស្ថានីយ​ប្រេង ឥន្ធនៈ​កាល់​តិច (Caltex)​ដែល​ជា​ទីតាំង​ឃាតកម្ម​ឡើយ ក្រោម​ហេតុផល​ដដែល​ថា ប៉ះពាល់​ពាល់​សណ្ដាប់ធ្នាប់​សាធារណៈ។

ពលរដ្ឋ​ខេត្ត​ពោធិ៍សាត់​និង​ខេត្ត​កំពង់ឆ្នាំង​ចូលរួម​ដង្ហែ​សព​លោក​បណ្ឌិត កែម ឡី

ពលរដ្ឋ​មួយ​ចំនួន​នៅ​ខេត្ត​ពោធិ៍សាត់ និង​ខេត្ត​កំពង់ឆ្នាំង សោក​សង្រេង​ចំពោះ​ការ​ស្លាប់​លោក កែម ឡី ហើយ​ទាមទារ​ឲ្យ​សមត្ថកិច្ច​វែក​មុខ​អ្នក​ជាប់​ពាក់ព័ន្ធ​ក្នុង​ករណី​ឃាតកម្ម​នេះ មក​ផ្ដន្ទាទោស​ឲ្យ​បាន​ឆាប់ ដើម្បី​បញ្ចប់​នូវ​វប្បធម៌​រួច​ទោស​នៅ​កម្ពុជា។

ពលរដ្ឋ​ខេត្ត​បាត់ដំបង​ជាង​២០០​នាក់​ធ្វើ​បុណ្យ​ឧទ្ទិស​កុសល​ជូន​វិញ្ញាណក្ខន្ធ​បណ្ឌិត កែម ឡី

ព្រះសង្ឃ​ប្រមាណ ១០០​អង្គ ប្រជាពលរដ្ឋ និង​និស្សិត​ជាង ១០០​នាក់​នៅ​ខេត្ត​បាត់ដំបង កាល​ពី​ព្រឹក​ថ្ងៃ​ទី​២៤ កក្កដា រួម​គ្នា​ធ្វើ​បុណ្យ​ឧទ្ទិស​កុសល​ជូន​វិញ្ញាណក្ខន្ធ​សព​លោក​បណ្ឌិត កែម ឡី ទៅ​កាន់​សុគតិភព ដែល​ប្រព្រឹត្ត​នៅ​វត្ត​កណ្ដាល ជាប់​មាត់​ស្ទឹង​សង្កែ សង្កាត់​រតនៈ ក្រុង​បាត់ដំបង។

ពលរដ្ឋ​មួយ​ចំនួន​នៅ​ខេត្ត​បាត់ដំបង​ព្រមាន​តវ៉ា​រក​យុត្តិធម៌​ជូន​លោក កែម ឡី

ប្រជាពលរដ្ឋ​មួយ​ចំនួន​រស់នៅ​ខេត្ត​បាត់ដំបង សោកស្ដាយ​អាឡោះអាល័យ​ចំពោះ​ការ​ស្លាប់​លោក​បណ្ឌិត កែម ឡី ថា​ជា​រឿង​មួយ​មិន​គួរ​ឲ្យ​ជឿ​ទាល់​តែ​សោះ។ ពួក​គាត់​ស្នើ​ឲ្យ​រដ្ឋាភិបាល បង្កើត​គណៈកម្មការ​ស៊ើប​អង្កេត​លើ​ករណី​នេះ​ឲ្យ​បាន​ល្អិតល្អន់ ដើម្បី​ចាប់​អ្នក​នៅ​ពី​ក្រោយ​ខ្នង​មក​ផ្ដន្ទាទោស​ជា​ទម្ងន់ និង​ឆាប់​រហ័ស។

ពលរដ្ឋ​ជាង​១០០​នាក់​នៅ​ក្រុង​សំរោង​ធ្វើ​បុណ្យ​ឧទ្ទិស​កុសល​ជូន​វិញ្ញាណក្ខន្ធ​លោក កែម ឡី

ប្រជាពលរដ្ឋ​ជាង ១០០​នាក់​នៅ​កណ្ដាល​ក្រុង​សំរោង នៃ​ខេត្ត​ឧត្តរមានជ័យ បាន​ប្រមូល​ផ្ដុំ​គ្នា​ធ្វើ​ពិធី​បុណ្យ​តាម​ព្រះពុទ្ធ​សាសនា ដើម្បី​ឧទ្ទិស​មគ្គផល​កុសល​បុណ្យ​ទៅ​ឲ្យ​វិញ្ញាណក្ខន្ធ​របស់​លោក​បណ្ឌិត កែម ឡី នៅ​ថ្ងៃ​អាទិត្យ ទី​១៧ ខែ​កក្កដា។

ពលរដ្ឋ​នៅ​ខេត្ត​បាត់ដំបង​បន្ត​អុជ​ធូប​ឧទ្ទិស​កុសល​ជូន​វិញ្ញាណក្ខន្ធ​បណ្ឌិត កែម ឡី

ប្រជាពលរដ្ឋ​មួយ​ចំនួន​នៅ​ក្រុង​បាត់ដំបង បន្ត​ចូល​ទៅ​អុជ​ធូប​នៅ​មុខ​រូប​សំណាក​លោក​បណ្ឌិត កែម ឡី ដែល​បាន​ដាក់​តាំង​នៅ​មុខ​ទីស្នាក់ការ​គណបក្ស​សង្គ្រោះ​ជាតិ ខេត្ត​បាត់ដំបង ដើម្បី​ឧទ្ទិស​កុសល​ជូន​វិញ្ញាណក្ខន្ធ​លោក​បណ្ឌិត​ទៅ​កាន់​សុគតិភព។

"ជន​ជាប់​ចោទ​បាញ់​សម្លាប់​លោក កែម ឡី មិន​មែន​ជា​មន្ត្រី​បរិស្ថាន​ខេត្ត​សៀមរាប"

ប្រធាន​មន្ទីរ​បរិស្ថាន​ខេត្ត​សៀមរាប ប្រតិកម្ម​យ៉ាង​ខ្លាំង​ក្នុង​រយៈពេល ២​ថ្ងៃ​មក​នេះ បន្ទាប់ពី​អង្គភាព​ព័ត៌មាន​ជា​ច្រើន​បាន​ចេញ​ផ្សាយ​ជា​បន្តបន្ទាប់​ថា ជន​ជាប់​ចោទ​ក្នុង​ការ​បាញ់​សម្លាប់​លោក​បណ្ឌិត កែម ឡី គឺ​ជា​មន្ត្រី​បរិស្ថាន​មក។

ពលរដ្ឋ​​បារម្ភ​អំពី​បញ្ហា​សន្តិសុខ តែ​អាជ្ញាធរ​ថា​សន្តិសុខ​មាន​ភាព​ល្អ​ប្រសើរ

បញ្ហា​សុវត្ថិភាព និង​សន្តិសុខ​សង្គម​នៅ​កម្ពុជា ជា​បញ្ហា​មួយ​ដែល​ពលរដ្ឋ​កម្ពុជា នៅ​តែ​ព្រួយ​បារម្ភ។ ដោយ​ឡែក​ខាង​អាជ្ញាធរ​អះអាង​ថា ស្ថានភាព​បច្ចុប្បន្ន​នៅ​ក្នុង​ប្រទេស​មាន​សន្តិសុខ​ល្អ។