កែម ឡី

ស្ថានីយប្រេងឥន្ធនៈមួយតាមដងផ្លូវបិទទ្វារនៅថ្ងៃដង្ហែសពបណ្ឌិត កែម ឡី

ស្ថានីយប្រេងឥន្ធនៈមួយចំនួននៅតាមដងផ្លូវ ក្នុងរាជធានីភ្នំពេញ ដែលមានការដង្ហែកាត់សពបណ្ឌិត កែម ឡី នៅថ្ងៃទី២៤ កក្កដា នេះ ត្រូវបានបិទទ្វារ។

អ្នកសៀមរាបនិងឧត្តរមានជ័យមួយចំនួនគ្រោងមកមើលមុខលោក កែម ឡី ជាចុងក្រោយ

ពលរដ្ឋមួយចំនួនដែលរស់នៅខេត្តសៀមរាប និងខេត្តឧត្តរមានជ័យ មានគម្រោងធ្វើដំណើរទៅកាន់ទីក្រុងភ្នំពេញ ជាបន្តបន្ទាប់ ក្នុងបំណងចង់មើលមុខរបស់លោកបណ្ឌិត កែម ឡី ចុងក្រោយ នៅមុនពេលដែលសាកសពរបស់លោកត្រូវក្រុមគ្រួសារយកទៅបញ្ចុះ។

កូនភ្លោះជាសកម្មជនបរិស្ថានគ្រោងវិលមកកម្ពុជាវិញបន្ទាប់ពីភៀសខ្លួនមួយរយៈ

កូនភ្លោះពីរនាក់ដែលជាសកម្មជនបរិស្ថាន និងជាមនុស្សស្និទ្ធស្នាលនឹងលោកបណ្ឌិត កែម ឡី ឈ្មោះ ជុំ ហួរ និង ជុំ ហួត ដែលទើបបានទទួលឋានៈជាជនភៀសខ្លួនពីអង្គការសហប្រជាជាតិទទួលបន្ទុកជនភៀសខ្លួន (UNHCR) ទៅរស់នៅប្រទេសទីបីនោះ អះអាងថា ពួកគេមានគម្រោងវិលត្រឡប់មកប្រទេសកម្ពុជា ក្នុងពេលឆាប់ៗខាងមុខនេះ។

កូនភ្លោះជាសកម្មជនបរិស្ថានទទួលបានសិទ្ធិជ្រកកោនផ្នែកនយោបាយនៅប្រទេសទី៣

កូនភ្លោះពីរនាក់ដែលជាសកម្មជនបរិស្ថាន និងជាមនុស្សស្និទ្ធស្នាលនឹងលោកបណ្ឌិត កែម ឡី ឈ្មោះ ជុំ ហួរ និង ជុំ ហួត បានទទួលឋានៈជាជនភៀសខ្លួនពីអង្គការសហប្រជាជាតិ (អ.ស.ប) ទទួលបន្ទុកជនភៀសខ្លួន (UNHCR) ទៅរស់នៅប្រទេសទីបីហើយ ក្រោយពីមានការជួយជ្រោមជ្រែងរបស់អង្គការសភាអន្តរជាតិ (IKARE) មានមូលដ្ឋានក្នុងសហរដ្ឋអាមេរិក។

កូនភ្លោះជាសកម្មជនបរិស្ថានដាក់ពាក្យសុំសិទ្ធិជ្រកកោនក្នុងប្រទេសទី៣ទៅអ.ស.ប

កូនភ្លោះពីរនាក់ដែលជាសកម្មជនតំបន់អារ៉ែង និងជាមនុស្សស្និទ្ធស្នាលនឹងលោកបណ្ឌិត កែម ឡី ឈ្មោះ ជុំ ហួរ និង ជុំ ហួត បានដាក់ពាក្យទៅអង្គការសហប្រជាជាតិ (អ.ស.ប) ទទួលបន្ទុកជនភៀសខ្លួន ដើម្បីសុំសិទ្ធិជ្រកកោនខាងផ្នែកនយោបាយទៅប្រទេសទីបីហើយ កាលពីព្រឹកថ្ងៃទី១៨ ខែកក្កដា ប៉ុន្តែពួកគេនៅមិនទាន់ទទួលបានការឆ្លើយតបនៅឡើយ។

លោក គង់ រ៉ៃយ៉ា បញ្ឈប់ពហិការអត់អាហារក្នុងពន្ធនាគារក្រោយបានការសម្រួលខ្លះពីមន្ត្រី

យុវជន កែម ឡី និយម គឺលោក គង់ រ៉ៃយ៉ា បានចាប់ផ្ដើមទទួលទានអាហារឡើងវិញហើយ បន្ទាប់ពីបានការសម្របសម្រួលដោះស្រាយបញ្ហាមួយចំនួន ដោយមន្ត្រីពន្ធនាគារទៅតាមអ្វី ដែលលោកបានទាមទារ។

អាជ្ញាធរស្ទឹងត្រែងរារាំង និងបណ្ដេញព្រះសង្ឃ និងយុវជនមិនឱ្យជួបជុំរំលឹកខួបបណ្ឌិត កែម ឡី

អាជ្ញាធរខេត្តស្ទឹងត្រែង រារាំង និងបណ្ដេញព្រះសង្ឃ និងក្រុមយុវជន មិនឱ្យជួបជុំគ្នាជាមួយប្រជាសហគមន៍រៀបចំពិធីរំលឹកខួប ៤ឆ្នាំ នៃឃាតកម្មបណ្ឌិត កែម ឡី នៅភូមិស្រែគរចាស់ ស្ថិតក្នុងស្រុកសេសាននោះទេ ក្រោមហេតុផលថា មិនបានសុំច្បាប់អនុញ្ញាត។

គណៈកម្មការទី១សភាកោះហៅលោក ស ខេង មកបំភ្លឺទាក់ទងនឹងឃាតកម្មបណ្ឌិត កែម ឡី

ប្រធានគណៈកម្មការទី១ នៃរដ្ឋសភា បានដាក់លិខិតកោះហៅរដ្ឋមន្ត្រីក្រសួងមហាផ្ទៃ លោក ស ខេង មកសួរអំពីដំណើរការស៊ើបអង្កេតករណីឃាតកម្មបណ្ឌិត កែម ឡី នៅថ្ងៃទី១២ មករា ឆ្នាំ២០១៧។

សម្ភាសលោក ប៉ា ងួនទៀង ករណីបណ្ដឹងនៅតុលាការនិងស្ថានការណ៍នយោបាយបច្ចុប្បន្ន

ប្រធានមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀង លើកឡើងថា អតីតគណៈកម្មការរៀបចំបុណ្យសពលោកបណ្ឌិត កែម ឡី ពុំបានកិបកេងលុយកាក់ ដូចការចោទប្រកាន់របស់ប្រធានគណបក្សយុវជនកម្ពុជាទេ។ លោកអះអាងថា លោក ពេជ្រ ស្រស់ ប្ដឹងប្រឆាំងរូបលោក ដោយសារតែគណបក្សកាន់អំណាចនៅពីក្រោយខ្នង។

លោក សុខ ទូច ស្នើឲ្យរដ្ឋាភិបាលបង្ហាញលទ្ធផលស៊ើបអង្កេតឃាតកម្មលើលោក កែម ឡី (វគ្គ១)

អ្នកជំនាញខាងវិទ្យាសាស្ត្រនយោបាយ និងជាមន្ត្រីជាន់ខ្ពស់នៃរាជបណ្ឌិត្យសភាកម្ពុជា ទាមទារឲ្យរដ្ឋាភិបាលលាតត្រដាង និងបកស្រាយឲ្យបានច្បាស់លាស់អំពីឃាតកម្មលើលោកបណ្ឌិត កែម ឡី អ្នកឃ្លាំមើលផ្នែកអភិវឌ្ឍន៍សង្គម។

តើបណ្ឌិត កែម ឡី មានបំណងធ្វើអ្វីខ្លះកាលលោកនៅរស់?

អ្នកដែលធ្លាប់ធ្វើការជាមួយ និងអ្នកដែលជិតស្និទ្ធនឹងលោកបណ្ឌិត កែម ឡី បានរៀបរាប់ថា លោកបណ្ឌិតនៅមានកិច្ចការជាច្រើនទៀតដែលលោកចង់ធ្វើ ហើយអ្នកដទៃពិបាកនឹងធ្វើដូចលោកបាន។

"គម្លាតអ្នកមាន និងអ្នកក្រកាន់តែខ្លាំង ខណៈរបបភ្នំពេញអះអាងពីកំណើនសេដ្ឋកិច្ច"

អតីតអ្នកវិភាគឯករាជ្យលោក កែម ឡី កាលលោកនៅមានជីវិតផ្ដល់ការវិភាគថា គំលាតរវាងអ្នកមាននឹងអ្នកក្រនៅតែបន្តកើតមានយ៉ាងខ្លាំង បើទោះបីជាលោក ហ៊ុន សែន ប្រឹងប្រែងនិយាយជាសាធារណៈថា ស្ថានភាពនយោបាយ សង្គម និងសេដ្ឋកិច្ច សព្វថ្ងៃ គឺកំពុងឆ្ពោះទៅរកភាពកាន់តែល្អប្រសើរ។

បក្សប្រឆាំងចង់ឲ្យរដ្ឋាភិបាលបង្កើតគណៈកម្មការឯករាជ្យស៊ើបអង្កេតឃាតកម្មលោក កែម ឡី

មន្ត្រីជាន់ខ្ពស់គណបក្សសង្រ្គោះជាតិ អំពាវនាវឲ្យមានការជួបគ្នាមួយរវាងគណបក្សប្រជាជនកម្ពុជា និងគណបក្សខ្លួន ដើម្បីស្នើសុំឲ្យរដ្ឋាភិបាលបង្កើតគណៈកម្មការឯករាជ្យមួយ ដោយមានអង្គការសហប្រជាជាតិទទួលបន្ទុកផ្នែកសិទ្ធិមនុស្ស ចូលរួមក្នុងការស្វែងរកឃាតកពិតដែលបាញ់សម្លាប់លោកបណ្ឌិត កែម ឡី និងស្វែងអ្នកបញ្ជានៅពីក្រោយខ្នងនៃឃាតកម្មនេះ។

ក្រុមយុវជនគ្រោងចែកសៀវភៅបណ្ឌិត កែម ឡី ជូនសាកលវិទ្យាល័យនិងបណ្ណាល័យ

សមាគមសម្ព័ន្ធនិស្សិតបញ្ញវ័ន្តខ្មែរ និងក្រុមអ្នកវិភាគវ័យក្មេង នឹងដើរចែកសៀវភៅបណ្ឌិត កែម ឡី ជូនសាកលវិទ្យាល័យ និងបណ្ណាល័យមួយចំនួននៅរាជធានីភ្នំពេញ និងនៅទូទាំងប្រទេសនៅថ្ងៃទី២ វិច្ឆិកា។

បទសម្ភាសន៍ជាមួយគណៈកម្មការបុណ្យ១០០ថ្ងៃបណ្ឌិត កែម ឡី អំពីទីតាំងរៀបចំបុណ្យ

គណៈកម្មការរៀបចំពិធីបុណ្យ ១០០ថ្ងៃសពលោកបណ្ឌិត កែម ឡី គឺលោក ប៉ា ងួនទៀង ឲ្យដឹងនៅថ្ងៃទី៣ តុលា ថា ព្រះចៅអធិការវត្តចំនួនពីរក្នុងរាជធានីភ្នំពេញ បានអនុញ្ញាតឲ្យរៀបចំពិធីបុណ្យនេះ ក៏ប៉ុន្តែព្រះចៅអធិការវត្តទាំងនេះ ហាក់បីដូចជាភ័យខ្លាចអាជ្ញាធររាជធានីភ្នំពេញក្នុងការផ្ដល់ទីតាំងវត្តដើម្បីរៀបចំបុណ្យ ១០០ថ្ងៃនេះ។

បទសម្ភាសន៍អំពីពិធីបុណ្យខួប១០០ថ្ងៃសពបណ្ឌិត កែម ឡី ដែលគ្រោងធ្វើនៅខែតុលា (វគ្គ១)

គណៈកម្មការរៀបចំពិធីបុណ្យសពលោកបណ្ឌិត កែម ឡី បានបែងចែកគ្នាជា ៣ក្រុមក្នុងការរៀបចំពិធីបុណ្យសព ១០០ថ្ងៃលោកបណ្ឌិត រយៈពេល ៣ថ្ងៃនៅក្នុងខែតុលា ខាងមុខ។ ពិធីបុណ្យសព ១០០ថ្ងៃនេះ ព្រះតេជព្រះគុណ ប៊ុត ប៊ុនតិញ មានថេរដីកាថា គណៈកម្មការមិនទាន់សម្រេចថានឹងធ្វើនៅរាជធានីភ្នំពេញ ឬនៅខេត្តតាកែវ នោះទេ។

ក្រុមយុវជនបីក្រុមបន្តបេសកកម្ម១០០រាត្រីរបស់បណ្ឌិត កែម ឡី

ក្រុមយុវជននៃសមាគមនិស្សិតបញ្ញវន្តខ្មែរ និងយុវជនមហានគរ បន្តបេសកកម្ម ១០០រាត្រី ដែលជារបស់បណ្ឌិត កែម ឡី ចូលដល់រាត្រីទី១៦។ យុវជនអះអាងថាជាសិស្សរបស់លោក នឹងបន្តបេសកកម្មនេះរហូតដល់គោលដៅ។

គណៈកម្មការរៀបចំបុណ្យបណ្ឌិត កែម ឡី ថាពិធីបុណ្យ១០០ថ្ងៃអាចនឹងធ្វើនៅវត្តថាន់

គណៈកម្មការរៀបចំពិធីបុណ្យខួប ១០០ថ្ងៃនៃសពលោកបណ្ឌិត កែម ឡី មានសញ្ញាអំពីទីតាំងធ្វើបុណ្យហើយនៅពេលនេះ ក៏ប៉ុន្តែសមាជិកគណៈកម្មការរៀបចំពិធីបុណ្យនេះកំពុងពិភាក្សាគ្នា ដើម្បីជូនដំណឹងទៅអាជ្ញាធរបន្ថែមទៀត។

តើប្រព័ន្ធផ្សព្វផ្សាយអន្តរជាតិនិយាយអ្វីខ្លះអំពីរឿងឃាតកម្មលើបណ្ឌិត កែម ឡី?

កាលពីថ្ងៃទី១០ ខែកក្កដា ឆ្នាំ២០១៦ បណ្ឌិត កែម ឡី ត្រូវខ្មាន់កាំភ្លើងបាញ់នៅកណ្ដាលទីក្រុងភ្នំពេញ។ ភ្លាមៗនោះ ប្រជាជនកម្ពុជា រាប់ម៉ឺននាក់សម្ដែងក្តីសោកសង្រេងសោកស្ដាយចំពោះព័ត៌មានមរណភាពនេះ។ រយៈពេល ៣ខែមកនេះ សារព័ត៌មានអន្តរជាតិនានាជុំវិញពិភពលោក ក៏បានតាមដានដំណើរការស៊ើបអង្កេតនៃការបាញ់សម្លាប់បណ្ឌិត កែម ឡី ដែរ។

ក្រុមយុវជនគ្រោងបោះពុម្ពពាក្យទូន្មានរបស់បណ្ឌិត កែម ឡី ៤០០ផ្ទាំងទៀតជូនពលរដ្ឋ

ក្រុមយុវជន កែម ឡី និយម គ្រោងបោះពុម្ពបដាពាក្យទូន្មានរបស់បណ្ឌិត កែម ឡី ចំនួន ៤០០ផ្ទាំងបន្ថែមទៀត។ ការបោះពុម្ពលើកនេះ ក្រោយពេលបដាចំនួន ៥០០ផ្ទាំងដែលត្រូវបានបោះពុម្ពលើកទី១ នោះ ត្រូវបានពួកគេយកទៅចែកជូនប្រជាពលរដ្ឋនៅតាមបណ្ដាខេត្តមួយចំនួនរួចរាល់អស់ហើយ។

ភរិយារបស់បណ្ឌិត កែម ឡី សម្រាលកូនហើយនៅមន្ទីរពេទ្យឯក្រៅប្រទេស

លោកស្រី ប៊ូ រចនា ភរិយារបស់បណ្ឌិត កែម ឡី បានសម្រាលកូនហើយនៅម៉ោង៥ និង ២នាទីល្ងាចថ្ងៃអាទិត្យ ទី២ ខែតុលា។ ការសម្រាលកូននៅក្រៅប្រទេសនេះ គឺមានរយៈពេលជិត ៣ខែក្រោយមរណភាពរបស់ស្វាមីលោកស្រី។ កូនទើបកើតនេះជាកូនប្រុស ហើយមានឈ្មោះជាផ្លូវការថា កែម ឡី វីរបុត្រ។

លោក កឹម សុខា សន្យារកយុត្តិធម៌ជូនលោកបណ្ឌិត កែម ឡី

ប្រធានស្ដីទីគណបក្សសង្គ្រោះជាតិ លោក កឹម សុខា សន្យាថានឹងស្វែងរកយុត្តិធម៌ជូនវិញ្ញាណក្ខន្ធលោកបណ្ឌិត កែម ឡី។ លោក កឹម សុខា បានសន្យាបែបនេះនៅព្រឹកថ្ងៃទី៧ ខែមករា នៅពេលលោកទៅគោរពវិញ្ញាណក្ខន្ធលោកបណ្ឌិត កែម ឡី ដល់ទីកប់សពរបស់លោក នៅក្នុងខេត្តតាកែវ។

សពបណ្ឌិត កែម ឡី ត្រូវបានដង្ហែដល់ខេត្តតាកែវហើយខណៈមានអ្នកចូលរួមប្រមាណ២លាននាក់

សពរបស់បណ្ឌិត កែម ឡី ត្រូវបានដង្ហែដល់ស្រុកកំណើតរបស់លោក ក្នុងខេត្តតាកែវហើយ នៅល្ងាចម៉ោងប្រមាណ៦ នៅថ្ងៃទី២៤ កក្កដា នេះ បន្ទាប់ពីដង្ហែអស់រយៈពេលប្រមាណជាង ១១ម៉ោង។

សពបណ្ឌិត កែម ឡី ត្រូវបញ្ចុះហើយនៅថ្ងៃទី២៥ កក្កដា

សពបណ្ឌិត កែម ឡី អ្នកសិក្សាការអភិវឌ្ឍសង្គម ត្រូវបានបញ្ចុះហើយ នៅព្រឹកថ្ងៃទី២៥ កក្កដា វេលាម៉ោង១១ កន្លះ នាគេហដ្ឋានរបស់លោក ក្នុងខេត្តតាកែវ តាមគម្រោង ដោយមិនបន្តតម្កល់ទៀតឡើយ។

ប្រវត្តិលោក កែម ឡី ក្នុងវ័យកុមារ

អ្នករស់នៅជាមួយលោកបណ្ឌិត កែម ឡី ដែលត្រូវជាសាច់ញាតិ និងអ្នកភូមិផងរបងជាមួយ ដែលជាស្រុកកំណើតរបស់លោក កែម ឡី សុទ្ធតែបានអះអាងថា អ្នកវិភាគសង្គម និងបញ្ហានយោបាយរូបនេះ គឺជាអ្នកមានប្រាស្រ័យទាក់ទងល្អហើយជាមួយអ្នកភូមិ និងក្រុមគ្រួសារ។

ស្ថានភាពភរិយា និងកូនទាំងប្រាំនាក់របស់បណ្ឌិត កែម ឡី នៅប្រទេសអូស្ត្រាលី

ជាងពីរឆ្នាំដែលភរិយា និងកូនប្រុសទាំងប្រាំនាក់របស់បណ្ឌិត បានទៅរស់នៅប្រទេសអូស្ត្រាលី ក្រោយពេលដែល បណ្ឌិត កែម ឡី ត្រូវបានឃាតកបាញ់សម្លាប់នៅកណ្ដាលទីក្រុងភ្នំពេញមក ពួកគេអាចសម្របខ្លួន និងប្រឹងរស់ដោយខ្លួនឯងនៅប្រទេសនេះ និងចូលរួមសកម្មភាពការងារសង្គមមួយចំនួនផងដែរ។ តើការរស់នៅលើទឹកដីថ្មីរបស់ពួកគេ មានការតស៊ូដូចម្ដេចខ្លះដែរ?