កែម ឡី

សង្គមស៊ីវិលជាង១០០ស្នើរដ្ឋាភិបាលឲ្យអន្តរជាតិចូលរួមស៊ើបអង្កេតឃាតកម្មបណ្ឌិត កែម ឡី

ក្រុមអង្គការសង្គមស៊ីវិលជាង ១០០ស្ថាប័ន សម្រេចចេញសេចក្ដីថ្លែងការណ៍ស្នើដោយទទូចឲ្យមានការស៊ើបអង្កេតឯករាជ្យលើឃាតកម្មបណ្ឌិត កែម ឡី ដោយមានការចូលរួមពីអ្នកជំនាញអន្តរជាតិ។

ទស្សនៈអ្នកចូលរួមដង្ហែសពលោកបណ្ឌិត កែម ឡី ទៅស្រុកកំណើតរបស់លោកនៅខេត្តតាកែវ

អ្នកចូលរួមដង្ហែសពលោកបណ្ឌិត កែម ឡី ដែលចាប់ផ្ដើមពីវត្តចាស់ រហូតដល់ស្រុកកំណើតលោក កែម ឡី នាខេត្តតាកែវ នៅថ្ងៃទី២៤ ខែកក្កដា នៅតែបង្ហាញការសោកស្ដាយអំពីវីរភាពរបស់លោក។

អ្នកប្រើប្រាស់ហ្វេសប៊ុកស្នើឲ្យមានការស៊ើបអង្កេតករណីឃាតកម្មលើលោក កែម ឡី

លោកបណ្ឌិត កែម ឡី អ្នកស្រាវជ្រាវការអភិវឌ្ឍសង្គម ត្រូវបានខ្មាន់កាំភ្លើងបាញ់សម្លាប់នៅព្រឹកថ្ងៃទី១០ ខែកក្កដា ឆ្នាំ២០១៦ នៅឯស្ដារម៉ាត (Star Mart) ក្នុងស្ថានីយលក់ប្រេងឥន្ធនៈកាល់តិច (Caltex) ក្រុងភ្នំពេញ។

មេជាងធ្វើរូបសំណាកបណ្ឌិត កែម ឡី នៅតែប្រឈមការរើសអើង

ស្របពេលខួប ១ឆ្នាំនៃឃាតកម្មបណ្ឌិត កែម ឡី មិនទាន់ទទួលបានយុត្តិធម៌នៅឡើយ ជាងធ្វើរូបសំណាកបណ្ឌិត កែម ឡី គឺលោក សៀន កាម៉ង់ដង់ ក៏ត្រូវទំនេរពីការងារជិតមួយឆ្នាំដែរ ព្រោះគ្មានអ្នកណាឲ្យធ្វើរូបចម្លាក់ ឬហៅលោកឲ្យទៅសូនរូបនៅតាមវត្តអារាមដូចកាលពីមុន។

ពលរដ្ឋបន្តទៅគោរពវិញ្ញាណក្ខន្ធបណ្ឌិត កែម ឡី នៅឯខេត្តតាកែវ

អស់រយៈពេលពីរសប្ដាហ៍មកហើយដែលសពរបស់លោកបណ្ឌិត កែម ឡី ត្រូវបានក្រុមគ្រួសារបញ្ចុះនៅស្រុកកំណើតរបស់លោកឯខេត្តតាកែវ ប៉ុន្តែប្រជាពលរដ្ឋខ្មែរនៅគ្រប់ទិសទីនៅតែបន្តទៅគោរពវិញ្ញាណក្ខន្ធរបស់លោកឥតដាច់។ អ្នកដែលគាំទ្រការវិភាគរបស់លោក នៅតែមានទឹកចិត្តសោកស្ដាយ និងសោកសង្រេងចំពោះមរណភាពនេះ។

វត្តចាស់ព្រមតាមសាលាក្រុងមិនអនុញ្ញាតឲ្យធ្វើបុណ្យខួប១០០ថ្ងៃបណ្ឌិត កែម ឡី

ព្រះចៅអធិការវត្តពោធិយ៉ារ៉ាមហៅ វត្តចាស់ ចេញលិខិតនៅថ្ងៃទី១០ តុលា សម្រេចមិនអនុញ្ញាតឲ្យគ្រួសារ និងគណៈកម្មការបុណ្យសពបណ្ឌិត កែម ឡី ធ្វើបុណ្យខួប១០០ថ្ងៃ នៅទីបរិវេណវត្តនេះឡើយ។

គ្រួសារអ្នកដែលត្រូវឃាតកបាញ់សម្លាប់បួងសួងរកយុត្តិធម៌ក្នុងអំឡុងបុណ្យចូលឆ្នាំថ្មី

ខុសពីគ្រួសារខ្មែរទូទៅដែលនៅរដូវបុណ្យចូលឆ្នាំថ្មីមកដល់ តែងជួបជុំគ្នាប្រកបដោយភាពសប្បាយរីករាយ ប៉ុន្តែក្រុមគ្រួសាររបស់សកម្មជនបរិស្ថាន អ្នកការពារសិទ្ធិកម្មករ និងអ្នកវិភាគដែលសាធារណជនបានស្គាល់ជាទូទៅ គឺលោក ជា វិជ្ជា លោក ឈុត វុទ្ធី និងលោកបណ្ឌិត កែម ឡី ដែលរងការបាញ់ប្រហារផ្ដាច់ផ្ដិលជីវិតនោះ ពួកគេមិនបានជុំគ្នាឡើយ។

ក្រុមយុវជនចង់ឲ្យលោក ហ៊ុន សែន ចំណាយពេលអានសៀវភៅទស្សនទានបណ្ឌិត កែម ឡី

ក្រុមអ្នកចងក្រងសៀវភៅទស្សនទានលោកបណ្ឌិត កែម ឡី អំពាវនាវឲ្យប្រជាពលរដ្ឋខ្មែរ និងអ្នកនយោបាយ ជាពិសេសលោកនាយករដ្ឋមន្ត្រី ហ៊ុន សែន តែម្តង គួរតែចំណាយពេលអានសៀវភៅទស្សនទានលោកបណ្ឌិត កែម ឡី ទាំងពីរភាគ។ ពួកគេថា សៀវភៅនេះមានយុទ្ធសាស្ត្រល្អៗសម្រាប់ចូលរួមដោះស្រាយបញ្ហាសង្គមជាតិ។

ក្រុមយុវជនក្រុងប៉ោយប៉ែតរៃអង្គាសប្រាក់ធ្វើបុណ្យ៧ថ្ងៃឧទ្ទិសកុសលជូនសពលោក កែម ឡី

យុវជនមួយចំនួននៅក្រុងប៉ោយប៉ែត ខេត្តបន្ទាយមានជ័យ នាំគ្នារៃអង្គាសប្រាក់ដើម្បីយកទៅធ្វើបុណ្យគម្រប់ ៧ថ្ងៃជូនដល់សពលោកបណ្ឌិត កែម ឡី ដែលនឹងប្រព្រឹត្តនៅថ្ងៃទី១៧ កក្កដា។

នគរបាលស្រុកពារាំងហាមឃាត់មិនឲ្យក្រុមយុវជនលើកស្លាកបណ្ដាំបណ្ឌិត កែម ឡី

កម្លាំងនគរបាលឃុំព្រៃស្លា ស្រុកពារាំង ខេត្តព្រៃវែង បានហាមឃាត់មិនអនុញ្ញាតឲ្យយុវជនមួយក្រុមលើកស្លាកសរសេរបណ្ដាំលោកបណ្ឌិត កែម ឡី នៅតាមផ្ទះប្រជាពលរដ្ឋទេ នៅរសៀលថ្ងៃទី៩ មីនា។ ចំណែកពលរដ្ឋជាម្ចាស់ផ្ទះប្ដេជ្ញាថា ពួកគាត់នៅតែជម្នះលើកស្លាកនេះឲ្យបាន។

សហគមន៍បុរីកីឡាប្រារព្ធខួប១ឆ្នាំនៃការបាញ់សម្លាប់បណ្ឌិត កែម ឡី

ប្រជាពលរដ្ឋសហគមន៍បុរីកីឡា ប្រមាណ ២០នាក់ នៅថ្ងៃទី៩ កក្កដា រៀបចំពិធីសាសនានៅសហគមន៍បុរីកីឡា រាជធានីភ្នំពេញ ដើម្បីឧទ្ទិសកុសលជូនបណ្ឌិត កែម ឡី ដែលត្រូវបានឃាតកបាញ់សម្លាប់កាលពីមួយឆ្នាំមុន។

ពលរដ្ឋខ្មែរនៅឯនាយសមុទ្រគ្រោងធ្វើពិធីបុណ្យខួប១ឆ្នាំរំឭកគុណបណ្ឌិត កែម ឡី

ពលរដ្ឋខ្មែរនៅក្រៅប្រទេស គ្រោងធ្វើបុណ្យខួបគម្រប់មួយឆ្នាំនៃការបាញ់សម្លាប់លោកបណ្ឌិត កែម ឡី។ នៅប្រទេសអូស្ត្រាលី (Australia) សហគមន៍ខ្មែរនៅទីក្រុងអាដឺឡែត (Adelaide) នឹងធ្វើពិធីនេះនៅថ្ងៃសុក្រ ទី៧ ខែកក្កដា។

ចម្លើយសារភាពប្រាប់តុលាការរបស់ ជួប សម្លាប់ ជាច្រើនចំណុចមិនមែនជាការពិត

ថ្ងៃទី១០ ខែកក្កដា ឆ្នាំ២០១៧ គឺជាខួបគម្រប់ ១ឆ្នាំនៃឃាតកម្មលើបណ្ឌិត កែម ឡី អ្នកស្រាវជ្រាវខាងការអភិវឌ្ឍសង្គម និងជាអ្នកវិភាគនយោបាយដ៏មានប្រជាប្រិយភាព។ លោកត្រូវបានឃាតកបាញ់សម្លាប់កាលពីថ្ងៃទី១០ ខែកក្កដា ឆ្នាំ២០១៦ នៅហាងកាហ្វេក្នុងស្តារម៉ាត (Star Mart) កាល់តិច (Caltex) ក្បែរស្តុបបូកគោ រាជធានីភ្នំពេញ។

សមត្ថកិច្ចនឹងបញ្ជូនជនសង្ស័យជាឃាតកសម្លាប់លោក កែម ឡី ទៅតុលាការនៅថ្ងៃទី១១កក្កដា

សមត្ថកិច្ចរាជធានីភ្នំពេញ បានធ្វើសន្និសីទសារព័ត៌មានមួយនៅរសៀលថ្ងៃទី១០ ខែកក្កដា នេះប្រាប់សារព័ត៌មានថា ជនសង្ស័យដែលសមត្ថកិច្ចចាប់ខ្លួនបាននោះឈ្មោះ ជួប សម្លាប់ គឺអ្នកបាញ់សម្លាប់លោក កែម ឡី អ្នកវិភាគនយោបាយពិតប្រាកដមែន។

អ្នកគោរពស្រឡាញ់បណ្ឌិត កែម ឡី កំពុងរៀបចំធ្វើបុណ្យខួប៣ឆ្នាំនៃការស្លាប់របស់លោក

សកម្មជនគណបក្សសង្គ្រោះជាតិនៅតាមខេត្ត និងជាអ្នកគោរពស្រលាញ់ បណ្ឌិត កែម ឡី កំពុងត្រៀមសុំច្បាប់អាជ្ញាធរ ដើម្បីធ្វើបុណ្យ ឧទ្ទិសកុសល ជូនបណ្ឌិត កែម ឡី នៅក្នុងខួប៣ឆ្នាំ នៃការបាញ់សម្លាប់បណ្ឌិត កែម ឡី។

ប្រវត្តិរូបសង្ខេបនិងជីវិតការងាររបស់លោកបណ្ឌិត កែម ឡី

លោកបណ្ឌិត កែម ឡី ជាអ្នកស្រាវជ្រាវការអភិវឌ្ឍសង្គម ត្រូវបានខ្មាន់កាំភ្លើងបាញ់សម្លាប់នៅព្រឹកថ្ងៃទី១០ ខែកក្កដា ឆ្នាំ២០១៦ នៅឯស្ដារម៉ាត (Star Mart) ក្នុងស្ថានីយលក់ប្រេងឥន្ធនៈកាល់តិច (Caltex)។ លោកត្រូវបានសាធារណជនជាច្រើនស្គាល់តាមរយៈការវិភាគលើបញ្ហាសង្គម ស្ថានភាពនយោបាយ សិទ្ធិមនុស្ស ការអភិវឌ្ឍប្រទេសនៅលើប្រព័ន្ធផ្សព្វផ្សាយជាតិ និងអន្តរជាតិ។

អ្នកនយោបាយពលរដ្ឋនិងរដ្ឋាភិបាលថ្កោលទោសចំពោះករណីឃាតកម្មលើលោក កែម ឡី

ប្រជាពលរដ្ឋ អ្នកនយោបាយ និងរដ្ឋាភិបាល សុទ្ធតែថ្កោលទោសយ៉ាងខ្លាំងចំពោះអំពើឃាតកម្មព្រៃផ្សៃលើលោកបណ្ឌិត កែម ឡី អ្នកវិភាគសង្គម និងនយោបាយដ៏ល្បីនៅកម្ពុជា។ ពួកគេអំពាវនាវឲ្យអាជ្ញាធរវែកមុខជនដៃដល់ និងអ្នកនៅពីក្រោយខ្នងយកមកផ្ដន្ទាទោសតាមច្បាប់ឲ្យបាន។

អ្នកការពារសិទ្ធិមនុស្សស្នើសុំឱ្យតុលាការផ្ដល់ព័ត៌មានបន្ថែមទាក់ទងនឹងសំណុំរឿងឃាតកម្មបណ្ឌិត កែម ឡី

មន្ត្រីសិទ្ធិមនុស្សស្នើសុំឱ្យតុលាការក្រុងភ្នំពេញបង្ហាញលទ្ធផលនៃការស៊ើបអង្កេតបន្ថែមជុំវិញសំណុំរឿងឃាតកម្មលើបណ្ឌិត កែម ឡី ព្រោះប្រជាពលរដ្ឋខ្មែរនៅតែចង់ដឹងចង់លឺអំពីដើមហេតុនៃអំពើឃាតកម្មនេះ។

លោក សម រង្ស៊ី នៅតែរក្សាការចោទថារដ្ឋាភិបាលកម្ពុជានៅពីក្រោយឃាតកម្មបណ្ឌិត កែម ឡី

អតីតប្រធានគណបក្សសង្គ្រោះជាតិ លោក សម រង្ស៊ី នៅតែអះអាងថា រដ្ឋាភិបាលកម្ពុជា ជាអ្នកនៅពីក្រោយការបាញ់សម្លាប់លោកបណ្ឌិត កែម ឡី ទោះបីសាលាឧទ្ធរណ៍ នៅថ្ងៃសុក្រ ទី១១ ខែសីហា បន្តផ្ដន្ទាទោសលោកឲ្យជាប់ពន្ធនាគារ និងពិន័យជាប្រាក់ ដោយសារការចោទប្រកាន់នេះ។

បញ្ញវន្តនិងអ្នកស្រាវជ្រាវមិនសូវសង្ឃឹមលើរដ្ឋាភិបាលស្វែងរកការពិតនៃឃាតកម្មលោកកែម ឡី

អ្នកស្រាវជ្រាវ និងអង្គការសង្គមស៊ីវិលមួយចំនួនមិនសូវមានក្តីសង្ឃឹមថា សមត្ថកិច្ចអាចស្វែងរកការពិតចំពោះករណីបាញ់សម្លាប់លោកបណ្ឌិត កែម ឡី អ្នកវិភាគបញ្ហាសង្គមឡើយ។ រីឯសមត្ថកិច្ចលើកឡើងថា អាជ្ញាធរកំពុងធ្វើកិច្ចការនេះដោយយកចិត្តទុកដាក់។

ស្ថានភាពនៃការរស់នៅរបស់គ្រួសារលោកបណ្ឌិត កែម ឡី នៅប្រទេសអូស្ត្រាលី

ជាងមួយឆ្នាំនៃការរស់នៅ លើទឹកដីអូស្ត្រាលី គ្រួសារលោក កែម ឡី ទទួលបានការយកចិត្តទុកដាក់ពីសំណាក់សហគមន៍ខ្មែរនៅអូស្ត្រាលីយ៉ាងកក់ក្ដៅ។ ពេលនេះ គ្រួសារលោក កែម ឡី មានកន្លែងរស់នៅបានសមរម្យ កូនប្រុសបួននាក់របស់លោក កែម ឡី បានចូលរៀនសូត្រនៅប្រទេសនេះ ប៉ុន្តែកូនប្រុសពៅលោក កែម ឡី កើតជំងឺម្យ៉ាង ដែលមានអាការៈខុសពីក្មេងដទៃទៀត។

អ្នកជំនាញវិទ្យាសាស្ត្រនយោបាយព្រួយបារម្ភចំពោះការបាញ់សម្លាប់បញ្ញវន្ត (វគ្គបញ្ចប់)

អ្នកជំនាញខាងវិទ្យាសាស្ត្រនយោបាយ និងជាមន្ត្រីជាន់ខ្ពស់នៃរាជបណ្ឌិត្យសភាកម្ពុជា ព្រួយបារម្ភចំពោះការបាញ់សម្លាប់បញ្ញវន្ត និងទាមទារឲ្យរដ្ឋាភិបាលទប់ស្កាត់ការបាញ់សម្លាប់បញ្ញវន្តនៅកម្ពុជា។

អាជ្ញាធរខេត្តមួយចំនួនរារាំងសកម្មជនបក្សប្រឆាំងធ្វើបុណ្យខួប ៣ឆ្នាំបណ្ឌិត កែម ឡី

អាជ្ញាធរមូលដ្ឋាននៅខេត្តបន្ទាយមានជ័យ និងខេត្តកំពង់ចាមបានរារាំងសកម្មជនគណបក្សប្រឆាំងមិនឱ្យធ្វើបុណ្យរំលឹកខួបគម្រប់ ៣ឆ្នាំជូនដល់ដួងវិញ្ញាណក្ខន្ធ លោក បណ្ឌិត កែម ឡី ដែលគ្រោងធ្វើបុណ្យនៅថ្ងៃទី១០ ខែកក្កដា។ មន្ត្រីអង្គការសង្គមស៊ីវិលចាត់ទុកទង្វើនេះថា ជាការរើសអើងផ្នែកនយោបាយដោយខុសច្បាប់។

តំណាងរាស្ត្របក្សប្រឆាំងនៅទទូចសុំតម្កល់រូបសំណាកលោកបណ្ឌិត កែម ឡី នៅទីលានប្រជាធិបតេយ្យ

តំណាងរាស្ត្រគណបក្សប្រឆាំង នៅទទូចសុំតម្កល់រូបសំណាកលោកបណ្ឌិត កែម ឡី នៅទីលានប្រជាធិបតេយ្យ បើទោះបីជា សាលារាជធានីភ្នំពេញមិនទាន់សម្រេចបែបណាក្ដី។

មន្ត្រីរបបភ្នំពេញចោទបក្សប្រឆាំងថា រៀបផែនការឱ្យ គង់ រ៉ៃយ៉ា និង សួង នាគព័ន្ធ បង្កចលាចល

មន្ត្រីជាន់ខ្ពស់ក្រសួងយុត្តិធម៌ លោក ជិន ម៉ាលីន ចោទយុវជន គង់ រ៉ៃយ៉ា និង សួង នាគព័ន្ធ ថាជាសកម្មជនរបស់គណបក្សសង្គ្រោះជាតិ ហើយសកម្មភាពដែលពួកគេបានធ្វើអំឡុងពេលពិធីបុណ្យខួប ៣ឆ្នាំ នៃឃាតកម្មបណ្ឌិត កែម ឡី នោះ គឺធ្វើឡើងតាមការចង្អុលបង្ហាញរបស់គណបក្សមួយនេះ។

មន្ត្រីសិទ្ធិមនុស្សថា សំណុំរឿងបណ្ឌិត កែម ឡី គ្មានយុត្តិធម៌ពិតប្រាកដឡើយ ក្នុងរយៈពេល ៣ឆ្នាំនេះ

អ្នកស្រាវជ្រាវខាងការអភិវឌ្ឍសង្គម បណ្ឌិត កែម ឡី ត្រូវបានឃាតកបាញ់សម្លាប់ អស់រយៈពេល ៣ឆ្នាំហើយ គិតត្រឹមថ្ងៃទី១០ ខែកក្កដា ឆ្នាំ២០១៩។ ភ្លាមៗក្រោយអំពើឃាតកម្ម សមត្ថកិច្ចចាប់បានជនសង្ស័យម្នាក់ដែលមិនសូវមានគេស្គាល់សាវតារ ហើយជាច្រើនខែក្រោយមក ជននេះត្រូវបានតុលាការកាត់ទោសឱ្យជាប់ពន្ធនាគារអស់មួយជីវិត។

ស្ថាប័នអន្តរជាតិនិងជាតិសំខាន់ៗថ្កោលទោសការបាញ់សម្លាប់លោកបណ្ឌិត កែម ឡី

គិតចាប់ពីថ្ងៃទី១០ កក្កដា មកដល់ថ្ងៃទី១៤ កក្កដា គឺស្ថាប័នសំខាន់ៗមួយចំនួន ទាំងជាតិ និងអន្តរជាតិ រួមទាំងស្ថានទូតផង បានចេញសេចក្ដីថ្លែងការណ៍ថ្កោលទោសចំពោះឃាតកម្មលើលោកបណ្ឌិត កែម ឡី និងស្ថាប័នខ្លះ ទាមទារឲ្យរដ្ឋាភិបាលស្វែងរកមុខឃាតកពិត និងអ្នកបញ្ជានៅពីក្រោយខ្នងយកមកផ្ដន្ទាទោសតាមច្បាប់។

លោក កឹម សុខា ប្ដេជ្ញាយកអនុសាសន៍បណ្ឌិត កែម ឡី ទៅអនុវត្តបើខ្លួនដឹកនាំប្រទេស

មេដឹកនាំបក្សប្រឆាំង ប្រកាសយកអនុសាសន៍លោកបណ្ឌិត កែម ឡី ទៅអនុវត្ត បើសិនខ្លួនដឹកនាំប្រទេស។ ផ្ទុយទៅវិញ មេដឹកនាំបក្សកាន់អំណាច ហាក់មិនចាប់អារម្មណ៍នឹងពិធីដង្ហែសពនោះឡើយ ប៉ុន្តែបង្ហាញពីរូបភាពក្រុមគ្រួសាររបស់ខ្លួនទៅវិញ។

ឃាតកម្មនិងការសម្លាប់មនុស្សក្រៅច្បាប់កើតមានលើសពី១០០ករណីរយៈពេល២៣ឆ្នាំ

អស់រយៈពេល ២៣ឆ្នាំមកហើយដែលប្រទេសកម្ពុជា ប្រកាន់យករបបនយោបាយប្រជាធិបតេយ្យ សេរីពហុបក្ស។ រដ្ឋធម្មនុញ្ញដែលជាច្បាប់កំពូលរបស់ជាតិ ចែងថា ជនគ្រប់រូបមានសិទ្ធិរស់រានមានជីវិត មានសេរីភាព និងសន្តិសុខផ្ទាល់ខ្លួន។ ទោះបីជាយ៉ាងណា អំពើឃាតកម្ម និងការសម្លាប់ក្រៅច្បាប់នៅតែកើតមានជាហូរហែមកទល់នឹងពេលបច្ចុប្បន្ន។

ទស្សនៈសារព័ត៌មានអន្តរជាតិជុំវិញការស្លាប់របស់លោកបណ្ឌិត កែម ឡី

អំពើឃាតកម្មលើលោកបណ្ឌិត កែម ឡី អ្នកវិភាគនយោបាយ និងសង្គម ដ៏លេចធ្លោម្នាក់ បានទាញចំណាប់អារម្មណ៍សារព័ត៌មានអន្តរជាតិធំៗ។ បណ្ដាប្រព័ន្ធផ្សព្វផ្សាយទាំងនេះ បង្ហាញពីការព្រួយបារម្ភការធ្លាក់ចុះសេរីភាពបញ្ចេញមតិ និងការរឹតត្បិត គំរាមកំហែងអ្នករិះគន់រដ្ឋាភិបាល សម្ដីខ្លាំង ត្រង់ ចំៗ។