កែម ឡី

អង្គទូតនិងសង្គមស៊ីវិលស្នើឲ្យមានការស៊ើបអង្កេតឯករាជ្យចំពោះអំពើឃាតកម្មលើលោក កែម ឡី

ភ្លាមៗបន្ទាប់ពីខ្មាន់កាំភ្លើងបាញ់សម្លាប់លោកបណ្ឌិត កែម ឡី អ្នកវិភាគសង្គម និងរិះគន់ភាពអវិជ្ជមានរបស់រដ្ឋាភិបាល នាយករដ្ឋមន្ត្រីកម្ពុជា បណ្ដាអង្គការសង្គមស៊ីវិល គណបក្សប្រឆាំង និងស្ថានទូតបរទេស សម្ដែងការសោកស្ដាយ និងថ្កោលទោស ព្រមទាំងស្នើឲ្យមានការស៊ើបអង្កេតឯករាជ្យលើអំពើឃាតកម្មនេះ។

លោក សម រង្ស៊ី នៅតែប្រកាន់ជំហរថារដ្ឋាភិបាលជាអ្នកនៅពីក្រោយឃាតកម្មបណ្ឌិត កែម ឡី

ប្រធានគណបក្សប្រឆាំងអះអាងថា លោកនឹងមិនរាថយឡើយចំពោះការចោទប្រកាន់រដ្ឋាភិបាល ថាជាអ្នកនៅពីក្រោយនៃការបាញ់ប្រហារលោកបណ្ឌិត កែម ឡី។ មន្ត្រីនាំពាក្យគណបក្សកាន់អំណាច សប្បាយចិត្តចំពោះភាពស្មោះត្រង់ និងការមិនគេចវេះចំពោះការទទួលខុសត្រូវរបស់លោក សម រង្ស៊ី នៅពេលនេះ។

លោក អ៊ុំ សំអាន ថាបើលោកនៅក្រៅពន្ធនាគារអាចមានវាសនាដូចលោកបណ្ឌិត កែម ឡី

តំណាងរាស្ត្រគណបក្សសង្គ្រោះជាតិ លោក អ៊ុំ សំអាន ដែលកំពុងជាប់ឃុំនៅពន្ធនាគារក្នុងរឿងរិះគន់ពីបញ្ហាព្រំដែន បានថ្លែងប្រាប់អ្នកសារព័ត៌មានថា ការដែលលោកត្រូវគេចាប់ដាក់ពន្ធនាគារនោះមានសុវត្ថិភាពជាងរស់នៅខាងក្រៅ ដែលអាចនឹងមានករណីបាញ់សម្លាប់ដូចលោកបណ្ឌិត កែម ឡី ដោយសារតែហ៊ានរិះគន់រឿងព្រំដែន និងរឿងមុខជំនួញរបស់ត្រកូលហ៊ុន។

ចេតិយតម្កល់សពបណ្ឌិត កែម ឡី ខ្វះលុយសង់បន្ត ពេលសង់បាន ៤០ភាគរយ

ប្អូនប្រុស និងម្ដាយរបស់លោកបណ្ឌិត កែម ឡី ឱ្យដឹងថា ពួកគេកំពុងត្រូវការថវិកាប្រមាណជាង ១០ម៉ឺនដុល្លារទៀត ដើម្បីបញ្ចប់គម្រោងសាងសង់ចេតិយតម្កល់សពលោកបណ្ឌិត កែម ឡី ដែលស្ថិតនៅក្នុងទឹកដីកំណើតរបស់លោក ក្នុងភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ។

ខ្មែរក្រោមសោកស្ដាយបណ្ឌិត កែម ឡី ដែលមិនបានបញ្ចប់យុទ្ធនាការ១០០រាត្រី

មរណភាពរបស់បណ្ឌិត កែម ឡី បានធ្វើឲ្យពលរដ្ឋខ្មែរក្នុង និងក្រៅប្រទេសមានក្តីរន្ធត់ និងស្ដាយស្រណោះអាឡោះអាល័យលោកជាពន់ពេក។ សម្រាប់ពលរដ្ឋខ្មែរក្រោមវិញ មិនថា ខ្មែរក្រោមនៅកម្ពុជា ឬនៅឯនាយសមុទ្រឡើយ សុទ្ធតែសម្ដែងនូវការសោកស្ដាយចំពោះការបាត់បង់បញ្ញវន្តដែលគេចាត់ទុកថា ជាបណ្ឌិតសម្ដីមាសរូបនេះ។

តុលាការកំពូលសម្រេចដោះលែងយុវជន កែម ឡីនិយមគឺលោក សួង នាគព័ន្ធ បណ្ដោះអាសន្ន

តុលាការកំពូលសម្រេចដោះលែងលោក សួង នាគព័ន្ធ បណ្ដោះអាសន្នតាមការស្នើសុំនៅថ្ងៃទី១៥ ខែវិច្ឆិកា ក្រោយពីបានជាប់ពន្ធនាគារជាង ៤ខែ ពាក់ព័ន្ធនឹងសកម្មភាពចូលរួមបុណ្យខួបបីឆ្នាំនៃអំពើឃាតកម្មលើអ្នកវិភាគនយោបាយ និងសង្គមដ៏ល្បីម្នាក់គឺបណ្ឌិត កែម ឡី។

មេធាវីបរទេសដាក់បញ្ចូលករណីបាញ់សម្លាប់បណ្ឌិត កែម ឡី ទៅក្នុងបណ្ដឹងនៅតុលាការICC

មេធាវីអន្តរជាតិ លោក រីឆាត រ៉ូជើរ (Richard Rogers) ដែលបានដាក់បណ្ដឹងនៅតុលាការព្រហ្មទណ្ឌអន្តរជាតិ (ICC) ប្រឆាំងរដ្ឋាភិបាលលោក ហ៊ុន សែន កាលពីចុងឆ្នាំ២០១៦ កន្លងទៅ បានបញ្ចូលករណីបាញ់សម្លាប់លោកបណ្ឌិត កែម ឡី ទៅក្នុងបណ្ដឹងនៅតុលាការអន្តរជាតិនេះ។

មេធាវីមួយចំនួនបដិសេធទទួលរឿងក្ដីបណ្ឌិត កែម ឡី ដើម្បីតតាំងនៅតុលាការ

មេធាវីមួយចំនួន ដែលសាច់ញាតិរបស់លោកបណ្ឌិត កែម ឡី ពឹងពាក់សូមឲ្យជួយសើរើសំណុំរឿងនៅក្នុងតុលាការ បានច្រានចោលគ្រប់គ្នា ដោយចាត់ទុកថា នេះជារឿងក្ដីមិនធម្មតាមួយ ដែលមានអ្នកបញ្ជាដែលមានបុណ្យស័ក្ដិធំនៅពីក្រោយខ្នង ទើបអាចសម្រេច អំពើឃាតកម្មនេះ ដោយមិនញញើតពីទោសទណ្ឌ តាមផ្លូវច្បាប់ ឬមិនខ្លាចមានអ្នកចាប់ចង់ជាដើម។

តុលាការនឹងប្រកាសសាលក្រមរឿងក្ដីឃាតកម្មបណ្ឌិត កែម ឡី នៅថ្ងៃទី២៣មីនា

តុលាការក្រុងភ្នំពេញ បានបើកសវនាការនៅព្រឹកថ្ងៃទី១ មីនា ជុំវិញរឿងក្ដីឃាតកម្មលើលោកបណ្ឌិត កែម ឡី។ សវនាការដែលមានការឃ្លាំមើលពីអ្នកសង្កេតការណ៍ជាតិ អន្តរជាតិ និងមន្ត្រីអង្គទូតផងនោះ ប្រធានក្រុមប្រឹក្សាជំនុំជម្រះ នឹងប្រកាសសាលក្រមនៅព្រឹកថ្ងៃទី២៣ ខែមីនា។

មេធាវីការពារក្ដីឲ្យជនជាប់ចោទបាញ់សម្លាប់បណ្ឌិត កែម ឡី សម្រេចចូលរួមសវនាការ

មេធាវីដែលគណៈមេធាវីតម្រូវឲ្យការពារក្ដីឲ្យជនជាប់ចោទឈ្មោះ អឿត អាង ហៅ ជួប សម្លាប់ ដែលដំបូងឡើយបញ្ជាក់ជំហរថា ខ្លួនអាចនឹងដាក់ពាក្យពន្យារពេលចូលរួមសវនាការ ពេលនេះ លុបចោលគម្រោងនោះវិញ ដោយលើកហេតុផលថា រឿងក្ដីនេះពុំមានភាពស្មុគស្មាញឡើយ។

ចៅក្រមស៊ើបសួរតុលាការក្រុងភ្នំពេញយកឈ្មោះ ជួប សម្លាប់ មកសាកសួរជាថ្មីទៀត

នៅព្រឹកថ្ងៃទី១២ ខែសីហា នេះ ចៅក្រមស៊ើបសួរនៃតុលាការក្រុងភ្នំពេញ បានបង្គាប់បញ្ជាឲ្យយកឈ្មោះ អឿត អាង ហៅ ជួប សម្លាប់ មកសាកសួរបន្ថែមទៀត។ ស្របពេលតុលាការកំពុងបន្តនីតិវិធីក្នុងសំណុំរឿងឧក្រិដ្ឋនេះ ភរិយារបស់លោកបណ្ឌិត កែម ឡី វិញបានដាក់បណ្ដាសាចំពោះអ្នកដែលបាញ់សម្លាប់ប្ដីរបស់លោកស្រី។

តុលាការកំពូលនឹងប្រកាសសាលដីកាបណ្ដឹងសាទុក្ខរបស់ អឿត អាង នៅចុងខែឧសភានេះ

ការប្រកាសនេះ គឺធ្វើឡើងបន្ទាប់ពីប្រធានចៅក្រមជំនុំជម្រះតុលាការកំពូល លោក គង់ ស្រ៊ីម លើកយកសំណុំរឿងឃាតកម្មលើបណ្ឌិត កែម ឡី កាលពីខែកក្កដាឆ្នាំ២០១៦ មកជំនុំជម្រះឡើងវិញ នៅថ្ងៃទី៨ ឧសភា។

សំណុំរឿងបណ្ឌិត កែម ឡី ស្ថិតក្នុងភាពស្ងប់ស្ងាត់ខណៈមានការទាមទារលទ្ធផលស៊ើបអង្កេត

អស់រយៈពេល ១៨ខែហើយ ដែលអ្នកស្រាវជ្រាវខាងការអភិវឌ្ឍសង្គម គឺបណ្ឌិត កែម ឡី ត្រូវបានឃាតកឆក់យកជីវិតទាំងកណ្ដាលថ្ងៃក្នុងរាជធានីភ្នំពេញ។ ក្នុងសំណុំរឿងដ៏រសើបមួយនេះ មានមនុស្សតែម្នាក់គត់ដែលត្រូវបានសមត្ថកិច្ច និងតុលាការនាំខ្លួនមកកាត់ទោសនោះ គឺបុគ្គល ជួប សម្លាប់ ដែលគេស្គាល់ឈ្មោះពិតថា អឿត អាង។

តុលាការរងការរិះគន់រឿងទុកឱ្យសំណុំរឿងបណ្ឌិត កែម ឡី ស្ថិតក្នុងភាពស្ងប់ស្ងាត់

មន្ត្រីអង្គការសង្គមស៊ីវិល និងអ្នកគោរពវីរភាពបណ្ឌិត កែម ឡី សង្កេតឃើញថា តុលាការរាជធានីភ្នំពេញ ហាក់ដូចជាគ្មានឆន្ទៈពិតប្រាកដក្នុងការស៊ើបអង្កេតវែកមុខចាប់ជនដៃដល់ និងអ្នកពាក់ព័ន្ធយកមកផ្ដន្ទាទោសតាមផ្លូវច្បាប់នោះឡើយ។

តុលាការអាមេរិកទទួលយកសំណុំរឿងលោក សម រង្ស៊ី ប្ដឹងទាក់ទងឃាតកម្មលោក កែម ឡី

តុលាការរដ្ឋកាលីហ្វ័រញ៉ា (California) សហរដ្ឋអាមេរិក សម្រេចទទួលយករឿងក្ដីដែលលោក សម រង្ស៊ី ប្ដឹងទាមទារឲ្យក្រុមហ៊ុន ឆេវរ៉ុន (Chevron) ដែលជាម្ចាស់ស្ថានីយប្រេងសាំង កាល់តិច (Caltex) នៅប្រទេសកម្ពុជា បញ្ចេញឃ្លិបវីដេអូនោះ ទៅចាត់ការហើយ។

មេធាវីអាមេរិកថា អាជ្ញាធរកម្ពុជាព្យាយាមបិទបាំងព័ត៌មានពិតប្រាកដនៃឃាតកម្មបណ្ឌិត កែម ឡី

មេធាវីការពារក្តីឱ្យលោក សម រង្ស៊ី ដែលបានដាក់ពាក្យប្ដឹងសុំឱ្យក្រុមហ៊ុនឆេវរ៉ុន បញ្ចេញភស្តុតាងពាក់ព័ន្ធនឹងករណីឃាតកម្មលោក កែម ឡី នៅឯស្ថានីយប្រេងឥន្ទនៈស្តារម៉ាត កាល់តិច សន្និដ្ឋានថា អាជ្ញាធរកម្ពុជា បានព្យាយាមបិទបាំងព័ត៌មានពិតប្រាកដនៅពីក្រោយហេតុការណ៍ឃាតកម្មនេះ។

សង្គមស៊ីវិលតាមដានសវនាការលើឃាតកម្មបណ្ឌិត កែម ឡី

តុលាការក្រុងភ្នំពេញ បើកសវនាការជុំវិញសំណុំរឿងលើលោកបណ្ឌិត កែម ឡី នៅថ្ងៃទី១ ខែមីនា។ ក្រុមអ្នកឃ្លាំមើលសិទ្ធិមនុស្សយល់ឃើញថា នេះជាសវនាការដែលសំខាន់បំផុតដែលក្រុមអ្នកសង្កេតការណ៍ជាតិ និងអន្តរជាតិ កំពុងឃ្លាំមើល និងតាមដានដោយយកចិត្តទុកដាក់។

តុលាការចោទស្ត្រីដែលនិយាយថាលោក ហ៊ុន សែន ជាឃាតកសម្លាប់បណ្ឌិត កែម ឡី

ស្ត្រីជាប់ចោទឈ្មោះ ហ៊ឺន វ៉ាន់ស្រីពៅ ហៅ ហេង លក្ខិណា អាយុ ៣៧ឆ្នាំ ត្រូវបានតំណាងអយ្យការចោទពីបទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា៤៩៤ និងមាត្រា៤៩៥ នៃក្រមព្រហ្មទណ្ឌ»។ បទចោទប្រកាន់មួយនេះ អាចប្រឈមការជាប់ពន្ធនាគារពី ៦ខែ ទៅ ២ឆ្នាំ និងពិន័យជាប្រាក់ពី ១លានរៀល ទៅ ៤លានរៀល។

សមាគមសម្ពន្ធនិស្សិតបញ្ញវន្តខ្មែរ និងក្រុមអ្នកវិភាគវ័យក្មេងអំពាវនាវដល់យុវជនឱ្យបន្តឆន្ទៈបណ្ឌិត កែម ឡី

សមាគមសម្ពន្ធនិស្សិតបញ្ញវន្តខ្មែរ និងក្រុមអ្នកវិភាគវ័យក្មេង រួមគ្នាចេញសេចក្ដីថ្លែងការណ៍មួយ អំពាវនាវដល់យុវជនឱ្យបន្តឆន្ទៈលោកបណ្ឌិត កែម ឡី។ ការអំពាវនាវនេះធ្វើឡើងបន្ទាប់ពីយុវជនមួយចំនួន ដែលបានតាំងខ្លួនជាកូនសិស្សបណ្ឌិត កែម ឡី ទៅចុះចូលជាមួយរដ្ឋាភិបាល និងបានផ្លាស់ប្ដូរស្មារតីនិយាយការពិត ទៅជានិយាយការពារអ្នកមានអំណាច។

សេចក្តីសារសងលិខិតចំហមួយរបស់លោក ជុន ច័ន្ទបុត្រ ជូនបណ្ឌិត កែម ឡី

ការវិភាគទាំងឡាយរបស់បណ្ឌិត កែម ឡី លើបញ្ហាសង្គម និងស្ថានការណ៍នយោបាយ នៅតែឆ្លុះបញ្ចាំងពីតថាភាពពិត រហូតមកទល់ពេលបច្ចុប្បន្ន ថ្វីដ្បិតតែលោកបានចែកឋានទៅបាន ២ឆ្នាំទៅ ហើយក្តី។

អ្នកធ្វើការងារទាក់ទងនឹងព្រៃឡង់ថាបណ្ឌិត កែម ឡី ជាអ្នកការពារព្រៃដ៏សកម្មនិងឆ្លាតវៃ

អ្នកធ្វើការងារទាក់ទងព្រៃឡង់ដែលធ្លាប់ចូលព្រៃជាមួយលោកបណ្ឌិត កែម ឡី រំលឹកឡើងវិញថា បណ្ឌិត កែម ឡី ជាអ្នកការពារព្រៃឡង់យ៉ាងសកម្មម្នាក់។ ពួកគេថា ពេលលោកបណ្ឌិត កែម ឡី ចូលព្រៃម្តងៗ សិក្សាលម្អិតពីបញ្ហា និងផ្ដល់នូវដំណោះស្រាយ។

ក្រុមអង្គការសង្គមស៊ីវិល និងយុវជនធ្វើពិធីរម្លឹកខួប៦ឆ្នាំនៃឃាតកម្មលើបណ្ឌិត កែម ឡី ក្រុមអង្គការសង្គមស៊ីវិល និងក្រុមយុវជនដែលឈឺឆ្អាលបញ្ហាសង្គម នៅព្រឹកថ្ងៃទី១០ ខែកក្កដា បាននិមន្តព្រះសង្ឃធ្វើពិធីតាមបែបព្រះពុទ្ធសាសនា និងដាក់កម្រងផ្កាគោរពវិញ្ញាណក្ខន្ធអ្នកសិក្សាការអភិវឌ្ឍសង្គមដ៏ល្បីមួយរូបបណ្ឌិត កែម ឡី ដែលត្រូវឃាតករបាញ់សម្លាប់លោកអស់រយៈពេល៦ឆ្នាំកន្លងមក នៅស្ថានីយប្រេងឥន្ធនៈកាល់តិច (Caltex) ស្តុបបូកគោ រាជធានីភ្នំពេញ។ មន្រ្តីសង្គមស៊ីវិល និងក្រុមយុវជន ថាក្រៅពីការប្រារព្ធពិធីរម្លឹកខួបចងចាំនៃវីរជនស្នេហាជាតិបណ្ឌិត កែម ឡី ប៉ុន្តែវាក៏ជាសារមួយសម្រាប់ដាស់តឿនទៅកាន់រដ្ឋាភិបាលឱ្យស៊ើបអង្កេតចាប់ខ្លួនអ្នកដែលពាក់ព័ន្ធទាំងអស់លើករណីឃាតកម្មដ៏កក្រើកមួយនេះ ដើម្បីផ្តល់យុត្តិធម៌សម្រាប់ជនរងគ្រោះ។ https://www.rfa.org/khmer/news/social-economy/associations-and-youths-celebrate-the-6th-anniversary-of-assassination-of-kem-key-07102022101543.html https://www.rfa.org/khmer/news/social-economy/associations-and-youths-celebrate-the-6th-anniversary-of-assassination-of-kem-key-07102022101543.html/@@images/image/social_media

ក្រុមអង្គការសង្គមស៊ីវិល និងយុវជនធ្វើពិធីរម្លឹកខួប៦ឆ្នាំនៃឃាតកម្មលើបណ្ឌិត កែម ឡី

ក្រុមអង្គការសង្គមស៊ីវិល និងក្រុមយុវជនដែលឈឺឆ្អាលបញ្ហាសង្គម នៅព្រឹកថ្ងៃទី១០ ខែកក្កដា បាននិមន្តព្រះសង្ឃធ្វើពិធីតាមបែបព្រះពុទ្ធសាសនា និងដាក់កម្រងផ្កាគោរពវិញ្ញាណក្ខន្ធអ្នកសិក្សាការអភិវឌ្ឍសង្គមដ៏ល្បីមួយរូបបណ្ឌិត កែម ឡី ដែលត្រូវឃាតករបាញ់សម្លាប់លោកអស់រយៈពេល៦ឆ្នាំកន្លងមក នៅស្ថានីយប្រេងឥន្ធនៈកាល់តិច (Caltex) ស្តុបបូកគោ រាជធានីភ្នំពេញ។ មន្រ្តីសង្គមស៊ីវិល និងក្រុមយុវជន ថាក្រៅពីការប្រារព្ធពិធីរម្លឹកខួបចងចាំនៃវីរជនស្នេហាជាតិបណ្ឌិត កែម ឡី ប៉ុន្តែវាក៏ជាសារមួយសម្រាប់ដាស់តឿនទៅកាន់រដ្ឋាភិបាលឱ្យស៊ើបអង្កេតចាប់ខ្លួនអ្នកដែលពាក់ព័ន្ធទាំងអស់លើករណីឃាតកម្មដ៏កក្រើកមួយនេះ ដើម្បីផ្តល់យុត្តិធម៌សម្រាប់ជនរងគ្រោះ។

អាមេរិកបន្តអំពាវនាវឱ្យអាជ្ញាធរកម្ពុជាស៊ើបអង្កេតករណីឃាតកម្មបណ្ឌិត កែម ឡី ឱ្យបានពេញលេញ និងប្រកបដោយតម្លាភាព

អាមេរិកបន្តអំពាវនាវឱ្យអាជ្ញាធរកម្ពុជាស៊ើបអង្កេតករណីឃាតកម្មបណ្ឌិត កែម ឡី ឱ្យបានពេញលេញ និងប្រកបដោយតម្លាភាព។ ការអំពាវនាវនេះ ធ្វើឡើងក្នុងខួបគម្រប់៦ឆ្នាំនៃឃាតកម្មបណ្ឌិត កែម ឡី ស្របពេលដែលអាជ្ញាធរកម្ពុជានៅតែបរាជ័យមិនអាចវែកមុខរកឃាតក និងអ្នកពាក់ព័ន្ធពិតប្រាកដយកមកផ្តន្ទាទោសដើម្បីផ្តល់យុត្តិធម៌ជូនក្រុមគ្រួសារ និងសង្គមកម្ពុជាបាននៅឡើយ។

អ្នកគោរពស្រឡាញ់បណ្ឌិត កែម ឡី ក្នុងនិងក្រៅប្រទេសប្រារព្ធខួបបីឆ្នាំនៃឃាតកម្ម

ថ្ងៃប្រារព្ធបុណ្យបីឆ្នាំនៃឃាតកម្មលោក បណ្ឌិត កែម ឡី អ្នកគោរពស្រលាញ់ លោកបណ្ឌិត កែម ឡី ទាំងក្នុងនិងក្រៅប្រទេសបានធ្វើបុណ្យតាមប្រពៃណីដើម្បីឧទ្ទិសដល់ដួងវិញ្ញាណក្ខន្ធ លោក កែម ឡី តាមលទ្ធភាពរបស់ពួកគេដែលអាចធ្វើបាន ទោះបីជាមានការរារាំងរំខានពីអាជ្ញាធរក្រុងភ្នំពេញក្ដី។ អ្នកគោរពស្រលាញ់ បណ្ឌិត កែម ឡី នៅតែទាមទាររកយុត្តិធម៌ ដោយត្រូវរកឱ្យឃើញឃាតក និងអ្នកនៅពីក្រោយនៃឃាតកម្មនេះយកមកផ្ដន្ទាទោសតាមច្បាប់។

តំណាងរាស្ត្រអូស្ត្រាលីជំរុញឲ្យកម្ពុជាស៊ើបអង្កេតរកអ្នកនៅពីក្រោយឃាតកម្មបណ្ឌិត កែម ឡី

តំណាងរាស្ត្ររបស់ប្រទេសអូស្ត្រាលី ជំរុញឲ្យរដ្ឋាភិបាលកម្ពុជា បើកការស៊ើបអង្កេតមានប្រសិទ្ធភាពមួយ ដើម្បីស្វែងរកអ្នកនៅពីក្រោយឃាតកម្មលោកបណ្ឌិត កែម ឡី យកមកផ្ដន្ទាទោសតាមផ្លូវច្បាប់។ សមត្ថកិច្ចកម្ពុជា អះអាងថា គេនៅមិនទាន់រកឃើញតម្រុយថ្មីទាក់ទងករណីឃាតកម្មនេះនៅឡើយ។

តំណាងរាស្ត្រអូស្ត្រាលីគ្រោងស្នើរដ្ឋាភិបាលខ្លួនជំរុញទៅរបបភ្នំពេញស៊ើបអង្កេតករណីបណ្ឌិត កែម ឡី

សមាជិកសភាសហព័ន្ធអូស្ត្រាលីមកពីគណបក្សពលករលោក ជូលៀន ហ៊ីល (Julian Hill) អះអាងថា លោកនឹងទាមទារជាផ្លូវការ ទៅរដ្ឋមន្ត្រីការបរទេសអូស្ត្រាលីឱ្យ ជំរុញទៅរបបក្រុងភ្នំពេញ ឱ្យស៊ើបអង្កេតពេញលេញ និងយុត្តិធម៌លើករណីឃាតកម្មបណ្ឌិត កែម ឡី។

ភរិយាបណ្ឌិត កែម ឡី ប្រតិកម្មចំពោះអ្នកនាំពាក្យក្រសួងយុត្តិធម៌រឿងឃាតកម្មស្វាមី

អ្នកស្រីបានផ្ញើសារទៅកាន់លោក ជិន ម៉ាលីន វិញ ថា អ្នកស្រីមិនបានចោទប្រកាន់ចំៗលើអ្នកណាម្នាក់ជាឃាតកសម្លាប់ស្វាមីឡើយ ប៉ុន្តែអ្នកដែលរៀបចំគម្រោងសម្លាប់បណ្ឌិត កែម ឡី ប្រាកដ ជាដឹងខ្លួនឯងច្បាស់ណាស់ សូម្បីតែលោក ជិន ម៉ាលីន ក៏ប្រហែលជាស្គាល់មុខឃាតកពិតជា អ្នកណាដែរ។

ICJ ស្នើបង្កើតគណៈកម្មការស៊ើបអង្កេតឯករាជ្យករណីឃាតកម្មលើបណ្ឌិត កែម ឡី

ស្របពេលខួបពីរឆ្នាំនៃករណីឃាតកម្មបណ្ឌិត កែម ឡី ដែលនឹងត្រូវប្រព្រឹត្តិទៅចំថ្ងៃទី១០ កក្កដា ស្អែកនេះ គណៈកម្មការអ្នកច្បាប់អន្តរជាតិ អំពាវនាវសាជាថ្មីឲ្យមានការបង្កើតគណៈកម្មាការឯករាជ្យ និងអព្យាក្រឹត្យមួយ ដើម្បីបើកការស៊ើបអង្កេតឡើងវិញលើករណីឃាតកម្មលើបណ្ឌិត កែម ឡី។

ក្រុមអង្គការសង្គមស៊ីវិលទាមទារការស៊ើបអង្កេតត្រឹមត្រូវករណីឃាតកម្មលើលោក កែម ឡី

អង្គការមិនមែនរដ្ឋាភិបាលជាតិ និងអន្តរជាតិជាច្រើន ទាមទារឲ្យរដ្ឋាភិបាលស៊ើបអង្កេតឃាតកម្មលើលោក កែម ឡី ប្រកបដោយឯករាជ្យ និងមានតម្លាភាព ដើម្បីស្វែងរកយុត្តិធម៌ពិត។

តុលាការមិនទាន់បញ្ចប់ការស៊ើបសួរអ្នកពាក់ព័ន្ធក្នុងរឿងក្ដីបណ្ឌិត កែម ឡី

ចៅក្រមស៊ើបសួរនៃតុលាការក្រុងភ្នំពេញ លោក សេង លាង នៅបន្តបើកការស៊ើបអង្កេត និងសាកសួរទៅលើជនសង្ស័យមួយចំនួនទៀត ដែលតុលាការបានបំបែកក្នុងរឿងក្ដីឃាតកម្មលើលោកបណ្ឌិត កែម ឡី។ អង្គការមិនមែនរដ្ឋាភិបាលផ្នែកសិទ្ធិមនុស្ស យល់ឃើញថា គេហាក់មានជំនឿតិចតួចអំពីយុត្តិធម៌។