កែម ឡី

ការ​វិភាគ​និង​យោបល់​មួយ​ចំនួន​របស់​លោក កែម ឡី កាល​លោក​នៅ​មាន​ជីវិត

អស់​រយៈពេល​ជាច្រើន​ឆ្នាំ​កន្លង​មក​នេះ លោក កែម ឡី ត្រូវ​បាន​សាធារណជន​ក្នុង​ស្រុក និង​ក្រៅ​ស្រុក​ជាច្រើន​ស្គាល់​លោក​តាម​រយៈ​ការ​ចូលរួម​ជា​វាគ្មិន​ក្នុង​វេទិកា​អ្នក​ស្តាប់​វិទ្យុ​អាស៊ីសេរី វិភាគ​វែកញែក​លើ​បញ្ហា​សង្គម បញ្ហា​សិទ្ធិ​មនុស្ស ការ​បំផ្លិចបំផ្លាញ​ធនធាន​ធម្មជាតិ និង​ស្ថានភាព​នយោបាយ​នៅ​កម្ពុជា។

កូន​ប្រុស​ច្បង​ទាំង​៤​រូប​របស់​បណ្ឌិត កែម ឡី ចុះ​ឈ្មោះ​ចូល​រៀន​នៅ​អូស្ត្រាលី

កូន​ប្រុស ៤​នាក់ ក្នុង​ចំណោម ៥​នាក់ របស់​លោក​បណ្ឌិត កែម ឡី ដែល​ទើប​តែ​បាន​ទៅ​តាំង​ទីលំនៅ​ថ្មី​នៅ​ប្រទេស​អូស្ត្រាលី ជាមួយ​ម្តាយ គឺ​អ្នកស្រី ប៊ូ រចនា បាន​ទៅ​ចុះ​ឈ្មោះ​ចូល​រៀន​នៅ​សាលារៀន​រដ្ឋ​មួយ​កន្លែង​ក្នុង​ក្រុង​ស្ព្រីងវែល (Springvale) រដ្ឋ​វ៉ិកតូរីយ៉ា (Victoria) ប្រទេស​អូស្ត្រាលី កាល​ពី​ថ្ងៃ​ទី​២៦ ខែ​កុម្ភៈ។

ក្រុម​ជាង​ចម្លាក់​គ្រោង​បញ្ចប់​ការ​កសាង​រូប​សំណាក​បណ្ឌិត កែម ឡី នៅ​ថ្ងៃ​ទី​៧​តុលា

រូប​សំណាក​របស់​លោក​បណ្ឌិត កែម ឡី ជាង​ចម្លាក់​គ្រោង​នឹង​បញ្ចប់​ការ​កសាង​នៅ​ថ្ងៃ​ទី​៧ ខែ​តុលា ខាង​មុខ។ ក្រុម​ជាង​កំពុង​តែ​មមាញឹក​ឈូស​ឆាប និង​ដុស​ខាត់​រូប​សំណាក​បណ្ឌិត កែម ឡី ដែល​ធ្វើ​ស្ពាន់​កម្ពស់ ២​ម៉ែត្រ ទោះ​បី​ជា​នៅ​ក្រោម​ភ្លៀង​រលឹម​នៅ​ក្នុង​រោង​មួយ។

គណៈកម្មការ​រៀបចំ​បុណ្យ​នឹង​ទៅ​ទទួល​យក​រូប​សំណាក​បណ្ឌិត កែម ឡី នៅ​ថ្ងៃ​ទី​៧​តុលា

គណៈកម្មការ​រៀបចំ​បុណ្យ​គម្រប់ ១០០​ថ្ងៃ​សព​លោក​បណ្ឌិត កែម ឡី នឹង​ទៅ​ទទួល​យក​រូប​សំណាក​លោក កែម ឡី ពី​តំណាង​រាស្ត្រ​គណបក្ស​សង្គ្រោះ​ជាតិ និង​ក្រុម​ជាង​នៅ​រសៀល​ថ្ងៃ​ទី​៧ តុលា។ ចំណែក​នៅ​ថ្ងៃ​ទី​៨ ខែ​តុលា ក្រុម​ការងារ​នឹង​ទទួល​រូប​សំណាក​មួយ​ទៀត​នៅ​ប្រទេស​ថៃ ដែល​ពលរដ្ឋ​ខ្មែរ​ធ្វើ​ការ​នៅ​ប្រទេស​ថៃ បាន​ផ្តល់​ឲ្យ​ដូច​គ្នា។

ក្បួន​ដង្ហែ​រូប​សំណាក​បណ្ឌិត កែម ឡី ទៅ​ដល់​កន្លែង​តម្កល់​ហើយ​នៅ​ខេត្ត​តាកែវ

រូប​សំណាក​បណ្ឌិត កែម ឡី ត្រូវ​បាន​ដង្ហែ​ទៅ​ដល់​ផ្ទះ​របស់​លោក​ហើយ​នៅ​ម៉ោង​ជាង ៣​រសៀល​ថ្ងៃ​អាទិត្យ ទី​១៦ តុលា។ មនុស្ស​រាប់​ពាន់​នាក់​បាន​ចូលរួម​ពិធី​ដង្ហែ​រូប​សំណាក​នេះ​ពី​ភ្នំពេញ ទៅ​តម្កល់​នៅ​ស្រុក​កំណើត​របស់​លោក​នៅ​ភូមិ​អង្គតាកុប ឃុំ​លាយបូរ ស្រុក​ត្រាំកក់ ខេត្ត​តាកែវ។

ក្រុម​គ្រួសារ​បណ្ឌិត កែម ឡី គ្រោង​រៀបចំ​ពិធី​បុណ្យ​ខួប​១​ឆ្នាំ​នៅ​ខេត្ត​តាកែវ

ក្រុម​គ្រួសារ​លោក​បណ្ឌិត កែម ឡី អំពាវនាវ​ដល់​ប្រជាពលរដ្ឋ​ដែល​គោរព​ស្រលាញ់​លោក​បណ្ឌិត កែម ឡី ឲ្យ​ចូលរួម​បុណ្យ​ខួប ១​ឆ្នាំ​ដែល​គ្រោង​នឹង​រៀបចំ​នៅ​ទីតាំង​តម្កល់​សព​នៅ​ស្រុក​កំណើត​តែម្ដង។

ភរិយា​បណ្ឌិត កែម ឡី ថា​តុលាការ​មិន​ដែល​ទាក់ទង​លោកស្រី​លើ​សំណុំ​រឿង​ឃាតកម្ម​ស្វាមី​ទេ

ភរិយា​របស់​លោក​បណ្ឌិត កែម ឡី គឺ​លោកស្រី ប៊ូ រចនា ឲ្យ​ដឹង​ថា នៅ​មុន​ពេល​មាន​ករណី​ឃាតកម្ម​ស្វាមី​របស់​លោកស្រី គឺ​មាន​មន្ត្រី​នគរបាល​ជិះ​ម៉ូតូ​នៅ​ឆ្វែល​ក្បែរ​ផ្ទះ​របស់​គាត់​ជា​ច្រើន​លើក​រហូត​មាន​ព្រឹត្តិការណ៍​បាញ់​លោក​បណ្ឌិត កែម ឡី នៅ​ថ្ងៃ​ទី​១០ កក្កដា ឆ្នាំ​២០១៦។

ភរិយា​លោក កែម ឡី បដិសេធ​ចំពោះ​ចម្លើយ​សារភាព​របស់​ជន​សង្ស័យ

ភរិយា​របស់​លោក កែម ឡី បាន​បដិសេធ​ចំពោះ​ចម្លើយ​សារភាព​របស់​ជន​សង្ស័យ​ថា លោក កែម ឡី ជំពាក់​លុយ ៣​ពាន់​ដុល្លារ។ អ្នកស្រី​ថា​មិន​អាច​ទទួល​យក​បាន​ទេ​ចំពោះ​ជន​សង្ស័យ​ដែល​បាន​បាញ់​ប្រហារ​ស្វាមី​អ្នកស្រី ហើយ​បាន​ផ្ដល់​ចម្លើយ​ដល់​ប៉ូលិស​បង្កាច់​បង្ខូច​ស្វាមី​អ្នកស្រី។

ភរិយា​លោក​បណ្ឌិត កែម ឡី និង​កូនៗ​បាន​ចាកចេញ​ពី​ប្រទេស​កម្ពុជា​ហើយ

ភរិយា​របស់​លោក​បណ្ឌិត កែម ឡី អ្នកស្រី ប៊ូ រចនា និង​កូនៗ​ទាំង​បួន​នាក់ បាន​ចាកចេញ​ពី​ប្រទេស​កម្ពុជា ហើយ​កាល​ពី​ថ្ងៃ​ទី​២៨ សីហា។ ព្រះតេជព្រះគុណ ប៊ុត ប៊ុនតិញ មាន​ថេរ​ដីកា​ថា អ្នកស្រី ប៊ូ រចនា និង​កូនៗ​បាន​ទៅ​ដល់​ទីកន្លែង​សុវត្ថិភាព​ហើយ ប៉ុន្តែ​ព្រះអង្គ​មិន​អាច​បញ្ជាក់​ប្រាប់​ថា​ទៅ​នៅ​ប្រទេស​ណា​នោះ​ទេ។

ភរិយា​​បណ្ឌិត កែម ឡី សរសេរ​លិខិត​ជូន​ស្វាមី​ក្នុង​ខួប​១​ឆ្នាំ​នៃ​ការ​បាញ់​សម្លាប់

នៅ​ក្នុង​ខួប ១​ឆ្នាំ​នៃ​ការ​បាញ់​សម្លាប់​លោក​បណ្ឌិត កែម ឡី លោកស្រី ប៊ូ រចនា ដែល​ជា​ភរិយា​របស់​លោក បាន​សរសេរ​លិខិត​នៅ​លើ​ហ៊្វេសបុក (Facebook) របស់​គាត់​ជា​លើក​ដំបូង អំពី​ភាព​អង់អាច​ក្លាហាន ការ​លះបង់​ជីវិត​ប្ដី​លោកស្រី​ដើម្បី​សង្គម​ជាតិ និង​ការ​នឹករលឹក​ប្ដី។

ភរិយា​ជន​ជាប់​ចោទ ជួប សម្លាប់ មិន​ខ្វល់​នឹង​តុលាការ​បើក​ការ​ជំនុំ​ជម្រះ​ប្ដី

ស្រប​ពេល​ដែល​តុលាការ​ក្រុង​ភ្នំពេញ នឹង​បើក​សវនាការ​ជំនុំ​ជម្រះ​សំណុំ​រឿង​ក្តី​ឃាតកម្ម​បណ្ឌិត កែម ឡី អ្នក​វិភាគ​នយោបាយ និង​សង្គម នៅ​ថ្ងៃ​ពុធ ទី​១ មីនា ប្រជាពលរដ្ឋ​ខ្លះ​នៅ​ខេត្ត​ឧត្តរមានជ័យ និង​ខេត្ត​ព្រះវិហារ អន្ទះសា​ចង់​បាន​យុត្តិធម៌​ដ៏​ត្រឹមត្រូវ​មួយ។

តំណាង​សហជីព​កម្មករ​និង​កសិករ​នឹង​ចូល​រួម​ដង្ហែ​សព​លោក​បណ្ឌិត កែម ឡី

ក្រុម​សហជីព កម្មករ និង​កសិករ​ឲ្យ​ដឹង​ថា ពួកគេ​នឹង​ចូលរួម​ដង្ហែ​សព​លោក​បណ្ឌិត កែម ឡី ដែល​ចាប់​ផ្ដើម​ពី​វត្ត​ចាស់ រហូត​ដល់​ស្រុក​កំណើត​លោក កែម ឡី នា​ខេត្ត​តាកែវ នៅ​ថ្ងៃ​ទី​២៤ ខែ​កក្កដា។ ពលរដ្ឋ​ដែល​ត្រៀម​ចូលរួម​ដង្ហែ​សព​លោក​បណ្ឌិត កែម ឡី គឺ​ដើម្បី​បង្ហាញ​ការ​សោកស្ដាយ​អំពី​វីរភាព​របស់​លោក។

“អ្នក​សម្លាប់​កិត្តិយស​បណ្ឌិត កែម ឡី អាក្រក់​ជាង​អ្នក​សម្លាប់​លោក​បណ្ឌិត”

ស្ថាបនិក​បណ្ដាញ​ព្រះសង្ឃ​ឯករាជ្យ​ដើម្បី​យុត្តិធម៌​សង្គម ព្រះតេជព្រះគុណ ប៊ុត ប៊ុនតិញ បាន​ថេរដីកា​ថា ជន​ណា​ដែល​ព្យាយាម​បង្វែង​ព្រឹត្តិការណ៍​នៃ​ការ​បាញ់​សម្លាប់​លោក​បណ្ឌិត កែម ឡី ក្នុង​ន័យ​បំភាន់​មតិ​សាធារណជន និង​ជាន់​ឈ្លី​កិត្តិយស​លោក​បណ្ឌិត គឺ​ជា​មនុស្ស​អាក្រក់​បំផុត។

ពលរដ្ឋ​ខ្មែរ​នៅ​ក្រៅ​ប្រទេស​ប្រារព្ធ​ពិធី​បុណ្យ​៧​ថ្ងៃ​ជូន​លោក កែម ឡី

ពលរដ្ឋ​ខ្មែរ-​អាមេរិកាំង នៅ​តំបន់​រដ្ឋធានី​វ៉ាស៊ីនតុន បាន​នាំ​គ្នា​ធ្វើ​ពិធីបុណ្យ​គម្រប់ ៧​ថ្ងៃ ដល់​លោក​បណ្ឌិត កែម ឡី ដែល​ត្រូវ​បាន​ខ្មាន់​កាំភ្លើង​បាញ់​សម្លាប់​កាល​ពី​ថ្ងៃ​ទី​១០ ខែ​កក្កដា។

គ្រួសារ​បណ្ឌិត កែម ឡី អំពាវនាវ​ឲ្យ​ពលរដ្ឋ​ចូល​រួម​​បុណ្យ​ខួប​១​ឆ្នាំ​នៃ​ការ​បាញ់​សម្លាប់

គ្រួសារ​សព​លោក​បណ្ឌិត កែម ឡី អំពាវនាវ​ឲ្យ​ប្រជាពលរដ្ឋ​នៅ​គ្រប់​ខេត្ត​ក្រុង​ចូលរួម​ពិធី​បុណ្យ​ខួប​១​ឆ្នាំ នៃ​ការ​បាញ់​សម្លាប់​លោក​បណ្ឌិត កែម ឡី។ ពិធី​បុណ្យ​ខួប ១​ឆ្នាំ នឹង​ត្រូវ​ចាប់​ផ្ដើម​នៅ​ម៉ោង ២​រសៀល ថ្ងៃ​អាទិត្យ ទី​៩ និង​បញ្ចប់​នៅ​ថ្ងៃ​ទី​១០ ខែ​កក្កដា។

ភរិយា​លោក កែម ឡី សម្រេច​មិន​ដង្ហែ​សព​នៅ​ថ្ងៃ​ទី​១៧ កក្កដា នេះ​ទេ

លោកស្រី ប៊ូ រចនា ដែល​ជា​ភរិយា​លោក​បណ្ឌិត កែម ឡី ប្រកាស​នៅ​ថ្ងៃ​ទី​១៦ កក្កដា នេះ លោកស្រី​ ទទួល​យក​សេចក្ដី​សម្រេច​ទាំង​ស្រុង​របស់​គណៈកម្មការ​បុណ្យ​ដោយ​សម្រេច​មិន​ដង្ហែ​សព (លោក កែម ឡី) ទៅ​កាន់​ខេត្ត​តាកែវ នៅ​ថ្ងៃ​ទី​១៧ ខែ​កក្កដា ស្អែក​នេះ​ទេ។

អាជ្ញាធរ​កោះ​ប្រជុំ​ជា​ថ្មី​ទៀត​ជាមួយ​គណៈកម្មការ​បុណ្យ​សព​លោក​បណ្ឌិត កែម ឡី

នៅ​ថ្ងៃ​ទី​២២ ខែ​កក្កដា នេះ សាលា​រាជធានី​ភ្នំពេញ បាន​កោះ​ប្រជុំ​ជា​ថ្មី​ទៀត​ជាមួយ​គណៈកម្មការ​បុណ្យ​សព​លោក​បណ្ឌិត កែម ឡី។

ឈ្មោះ​បណ្ឌិត កែម ឡី ត្រូវ​បាន​គេ​ស្វែង​រក​ច្រើន​ជាង​គេ​នៅ​លើ Google Search

ក្រោយ​ព្រឹត្តិការណ៍​បាញ់​ប្រហារ​លោក​បណ្ឌិត កែម ឡី ភ្លាម និង​ស្រប​ពេល​នៃ​ការ​ទន្ទឹង​រង់ចាំ​លទ្ធផល​នៃ​ការ​ស៊ើបអង្កេត​របស់​សមត្ថកិច្ច​ដើម្បី​វែក​មុខ​អ្នក​នៅ​ពី​ក្រោយ​​ឃាតកម្ម​នេះ អ្នក​ប្រើប្រាស់​អ៊ីនធឺណិត (Internet) ទាំង​ក្នុង និង​ក្រៅ​ប្រទេស បាន​ស្វះស្វែង​រក​ព័ត៌មាន និង​ចង់​ដឹង​អំពី​ឈ្មោះ​លោក​បណ្ឌិត កែម ឡី យ៉ាង​គំហុក។

ទស្សនៈ​បណ្ឌិត កែម ឡី ក្លាយ​ជា​សៀវភៅ​ក្រោយ​មរណភាព​បាន​១០០​ថ្ងៃ

​ពាក្យ​សម្ដី និង​ស្នាដៃ​សរសេរ​និពន្ធ​របស់​លោក កែម ឡី ជា​អ្នក​វិភាគ​នយោបាយ​ដែល​ត្រូវ​បាន​គេ​ធ្វើ​ឃាត​នោះ ត្រូវ​អតីត​កូន​សិស្ស និង​អ្នក​គោរព​ស្រឡាញ់​រូប​លោក​ប្រមូល​ចងក្រង​ចេញ​ជា​សៀវភៅ​ហើយ ដើម្បី​ទុក​អោយ​មនុស្ស​ជំនាន់​ក្រោយ​ងាយ​ស្រួល​សិក្សា​ស្វែង​យល់​ពី​សង្គម​កម្ពុជា។

ទិដ្ឋភាព​ថ្ងៃ​ចុង​ក្រោយ​នៃ​ពិធី​បុណ្យ​សព​លោក​បណ្ឌិត កែម ឡី នៅ​ភ្នំពេញ

ថ្ងៃ​ទី​២៣ ខែ​កក្កដា នេះ គឺ​ជា​ថ្ងៃ​ទី​១៣ ហើយ​ក៏​ជា​ថ្ងៃ​ចុង​ក្រោយ​នៃ​ពិធី​បុណ្យ​តម្កល់​សព​លោក​បណ្ឌិត កែម ឡី នៅ​វត្ត​ពោធិយារាម ហៅ​វត្ត​ចាស់ នា​សង្កាត់​ជ្រោយចង្វារ រាជធានី​ភ្នំពេញ។ នៅ​ថ្ងៃ​នេះ​មាន​អ្នក​មក​គោរព​វិញ្ញាណក្ខន្ធ​លោក​ច្រើន​ជាង​ប៉ុន្មាន​ថ្ងៃ​មុន។

ប្រវត្តិ​ស្នេហា​របស់​លោក កែម ឡី និង​ភរិយា

កាល​ពី​នៅ​មាន​ជីវិត លោក កែម ឡី បាន​រៀបរាប់​រឿងរ៉ាវ​ទំនាក់ទំនង​ស្នេហា​រវាង​លោក និង​ភរិយា ឈ្មោះ ប៊ូ រចនា ប្រាប់​លោក ជុន ច័ន្ទបុត្រ និង​ក្រុម​គ្រួសារ ក្នុង​ពេល​ជួប​គ្នា​ក្នុង​ពិធី​ញ៉ាំ​បាយ​ល្ងាច​ជា​លក្ខណៈ​គ្រួសារ​មួយ។

ម្ដាយ​បណ្ឌិត កែម ឡី នឹករលឹក​លោក​ខ្លាំង​ពេល​បុណ្យ​កាន់​បិណ្ឌ​និង​ភ្ជុំបិណ្ឌ

ម្ដាយ​របស់​លោក​បណ្ឌិត កែម ឡី នឹករលឹក​កូន​យ៉ាង​ខ្លាំង​នៅ​ក្នុង​ឱកាស​បុណ្យកាន់បិណ្ឌ និង​ភ្ជុំបិណ្ឌ។ រីឯ​ពលរដ្ឋ​ខ្មែរ​មួយ​ចំនួន​ទៀត ដែល​គោរព​ស្រលាញ់​លោក​បណ្ឌិត​កែម ឡី ក៏​មាន​អារម្មណ៍ នឹក​ស្រណោះ និង​បាន​ទៅ​វត្ត​ធ្វើបុណ្យ​ឧទ្ទិស​មគ្គផល​ទាំងឡាយ​ទៅ​ឱ្យ​ដួង​វិញ្ញាណក្ខន្ធ​បណ្ឌិត កែម ឡី ដែរ ដោយសារ​ពួកគេ​ចាត់​ទុក​បណ្ឌិត កែម ឡី ថា​ជា​អ្នកមានគុណ​មួយ​រូប​សម្រាប់​ជាតិខ្មែរ​ទាំង មូល។

តើ​ឈ្មោះ ជួប សម្លាប់ ជា​ឃាតក​សម្លាប់​បណ្ឌិត កែម ឡី ពិត​មែន​ឬ​ទេ?

ឃាតកម្ម​បាញ់​សម្លាប់​លោក កែម ឡី នៅ​ថ្ងៃ​ទី​១០ កក្កដា រហូត​ដល់​ថ្ងៃ​ទី​២៩ ខែ​កក្កដា បាន​អូស​បន្លាយ​មាន​រយៈ​ពេល ២០​ថ្ងៃ​ហើយ។ រី​ឯ​អាជ្ញាធរ​អះអាង​ថា នៅ​តែ​បន្ត​នីតិវិធី​ស៊ើបអង្កេត​ករណី​នេះ​នៅ​ឡើយ។

អ្នក​ច្បាប់​ទាមទារ​ឲ្យ​តុលាការ​កោះ​ហៅ​អ្នក​ពាក់ព័ន្ធ​ក្នុង​ឃាតកម្ម​លោក កែម ឡី មក​សួរ​នាំ​បន្ថែម

សំណុំរឿង​ឃាតកម្ម​លោក​បណ្ឌិត កែម ​ឡី សមត្ថកិច្ច​មិន​ទាន់​រក​ឃើញ​អ្នក​ពាក់ព័ន្ធ​ផ្សេង​ទៀត​ដើម្បី​ឃាត់​ខ្លួន​យក​មក​សួរ​នាំ​នៅ​ឡើយ​ក្នុង​រយៈពេល​ជាង ១​ខែ​មក​នេះ។ ទោះបីជា​យ៉ាង​នេះ​ក្ដី ក្រុម​អ្នក​ច្បាប់​លើក​ឡើង​ថា ដើម្បី​ឲ្យ​រក​ឃើញ​តម្រុយ​ថា នរណា​ជា​ឃាតក​ពិត ហើយ​នរណា​នៅ​ក្រោយ​ខ្នង​ឃាតកម្ម​នេះ គឺ​គេ​ទាមទារ​ឲ្យ​ក្រសួង​មហាផ្ទៃ និង​តុលាការ​ត្រូវ​ចេញ​ដីកា​កោះហៅ​មនុស្ស​មួយ​ចំនួន​ដែល​ជា​សាក្សី​ដាក់​បន្ទុក។

ម្ដាយ​បណ្ឌិត កែម ឡី ថា​ខ្វះ​ថវិកា​សាងសង់​ចេតិយ​បន្ត​ខណៈ​សាងសង់​បាន​ប្រមាណ​៤០ភាគរយ

ប្អូនប្រុស​និង​ម្តាយ​បង្កើត​របស់​លោក​បណ្ឌិត កែម ឡី ឲ្យ​ដឹង​ថា ចេតិយ​តម្កល់សព​លោក​បណ្ឌិត កែម ឡី សាងសង់​បាន​ប្រមាណ​៤០​ភាគរយ​ហើយ ប៉ុន្តែ​បច្ចុប្បន្ន កំពុង​ខ្វះ​ថវិកា​សម្រាប់​សាងសង់ ចេតិយ​បន្ត​ទៀត។

ភរិយា​និង​កូន​បណ្ឌិត កែម ឡី មិន​ទាន់​ទទួល​បាន​សិទ្ធិ​រស់​នៅ​ប្រទេស​ទី​៣

ភរិយា​បណ្ឌិត កែម ឡី លោកស្រី ប៊ូ រចនា និង​កូនៗ​នៅ​មិន​ទាន់​បាន​ទទួល​សិទ្ធិ​ទៅ​រស់​នៅ​ប្រទេស​ទី​បី​នៅ​ឡើយ​ទេ។

ភរិយា​បណ្ឌិត កែម ឡី បញ្ចេញ​សារ​អាឡោះអាល័យ​ស្វាមី​នៅ​មុន​ខួប​គម្រប់​២​ឆ្នាំ

ភរិយា​លោក បណ្ឌិត កែម ឡី គឺ​អ្នកស្រី ប៊ូ រចនា បាន​សរសេរ​សារ​សំដែង​ក្ដី​អាឡោះអាល័យ និង​រំលឹក​ពី​អនុស្សាវរីយ៍​របស់​អ្នកស្រី នៅ​លើ​ទំព័រ​ហ្វេសប៊ុក​របស់​ខ្លួន នៅ​ថ្ងៃ​ទី​៩ កក្កដា គឺ​១​ថ្ងៃ​មុន​គម្រប់​ខួប​២​ឆ្នាំ​នៃ​ឃាតកម្ម​លើ​ស្វាមី​អ្នកស្រី​នៅ​កណ្ដាល​ទីក្រុង​ភ្នំពេញ។

តំណក់​ឈាម​ចុង​ក្រោយ​បន្ថែម​ទុក្ខ​ព្រួយ​ចំពោះ​ភរិយា​បណ្ឌិត កែម ឡី

ឃាតកម្ម​លើ​រូប​បណ្ឌិត កែម ឡី បាន​ធ្វើ​ឲ្យ​ក្រុម​គ្រួសារ​បញ្ញវន្ត​រូប​នេះ​សោកសង្រេង​ខ្ទេចខ្ទាំ​ផ្លូវ​ចិត្ត​រួច​ទៅ​ហើយ ប៉ុន្តែ​តំណក់​ឈាម​ចុង​ក្រោយ​ដែល​កើត​ដោយ​គ្មាន​ឪពុក បាន​បន្ថែម​ទុក្ខ​ខ្លោចផ្សា​​មួយ​កម្រិត​ទៀត​ចំពោះ​ភរិយា​បណ្ឌិត កែម ឡី។

ស្ថានភាព​រស់នៅ​របស់​ម្ដាយ​បណ្ឌិត កែម ឡី និង​ម្ដាយ​របស់ ជួប សម្លាប់

អស់​រយៈពេល ១​ឆ្នាំ​ទៅ​ហើយ​ដែល​អ្នក​ស្រាវជ្រាវ​ខាង​អភិវឌ្ឍន៍​សង្គម និង​ជា​អ្នក​វិភាគ​នយោបាយ​ដ៏​មាន​ប្រជាប្រិយភាព គឺ​បណ្ឌិត កែម ឡី ត្រូវ​បាន​ឃាតក​បាញ់​សម្លាប់​នៅ​ក្នុង​ហាង​កាហ្វេ​នៃ​ស្តារម៉ាត កាល់តិច ស្តុប​បូកគោ រាជធានី​ភ្នំពេញ។

មន្ត្រី​ក្រសួង​មហាផ្ទៃ​ថា Memory Card ដែល​យក​ពី​ស្ដារ​ម៉ាត​បូក​គោ​នៅ​ក្នុង​ដៃ​សមត្ថកិច្ច

មន្ត្រី​ជាន់​ខ្ពស់​ក្រសួង​មហាផ្ទៃ អះអាង​ថា អង្គ​ចងចាំ ឬ​ម៉េមម៉ូរី​កាត (Memory Card) ដែល​យក​ចេញ​ពី​កាមេរ៉ា​សុវត្ថិភាព​របស់​ស្តារ​ម៉ាត (Star Mart) នៅ​ស្ថានីយ​ចាក់​សាំង​បូកគោ​នោះ គឺ​ជា​ភស្តុតាង​រឹងមាំ​មួយ ដែល​អាច​ឲ្យ​អាជ្ញាធរ​សមត្ថកិច្ច​សន្និដ្ឋាន​អត្តសញ្ញាណ​ជន​សង្ស័យ​ដែល​បាន​បាញ់​សម្លាប់​លោក កែម ឡី។