ប័ណ្ណសារព័ត៌មាន
2020-05-27
បន្ថែមលើការគាំទ្របង្កើតច្បាប់ថ្មី លោក ជូលៀន ហ៊ីល (Julian Hill) តំណាងរាស្ត្រគណបក្សប្រឆាំងអូស្ត្រាលី ថា សំណុំរឿងរំលោភសិទ្ធិមនុស្សធ្ងន់ធ្ងរ និងបំផ្លាញប្រជាធិបតេយ្យ មានភាពរឹងមាំ អាចឲ្យរដ្ឋាភិបាលអូស្ត្រាលីពិចារណាដាក់ទណ្ឌកម្មសមាជិកមួយចំនួននៃរបបលោក ហ៊ុន សែន បាន។
2020-05-19
ពលរដ្ឋខ្មែរក្រោមជាជនរងគ្រោះនៃការបង្ខំបណ្ដេញចេញពីដីស្រែចម្ការប្រមាណបីពាន់ហិកតារ ពីសំណាក់អាជ្ញាធរវៀតណាម កាលពីដើមខែឧសភានេះ ដាក់លិខិតតវ៉ាទៅនាយករដ្ឋមន្ត្រីវៀតណាម ស្នើសុំឲ្យដោះស្រាយបញ្ហាដីធ្លីរបស់ពួកគេជាបន្ទាន់ ដើម្បីពួកគេអាចធ្វើស្រែចម្ការដើម្បីចិញ្ចឹមជីវិត។
2020-05-11
សហព័ន្ធខ្មែរកម្ពុជាក្រោម ដែលមានមូលដ្ឋាននៅសហរដ្ឋអាមេរិក បានអំពាវនាវឲ្យសហគមន៍អន្តរជាតិ ជំរុញឲ្យប្រទេសវៀតណាមប្រគល់ដីស្រែប្រមាណ ១០០ហិកតារ ឲ្យខ្មែរក្រោមវិញ ដោយគ្មានលក្ខខណ្ឌ។
2020-05-10
សកម្មជនសិទ្ធិដីធ្លី និងសិទ្ធិជនជាតិដើមភាគតិចគួយ ដែលក្លាយខ្លួនជាមេធាវីពេញសិទ្ធិ តាំងចិត្តប្រើវិជ្ជាជីវៈមេធាវីនេះជួយពលរដ្ឋក្រីក្រ ពិសេសជនជាតិដើមភាគតិច ដែលរងគ្រោះដោយការរំលោភបំពានសិទ្ធិពីសំណាក់ក្រុមហ៊ុនឯកជន និងអ្នកមានអំណាច។
2020-05-07
មន្ត្រីនាយកដ្ឋានកាំកុងត្រូល និងប្រជាពលរដ្ឋ ទទួលស្គាល់ថា បន្លែផ្លែឈើ និងសាច់ ដែលដាក់លក់នៅតាមទីផ្សារ ភាគច្រើន ប្រើសារធាតុគីមី ដើម្បីធ្វើឱ្យស្រស់ល្អ និងទុកបានយូរ។ បន្ថែមពីនេះ មានអាជីវករខ្លះ ដាក់លក់ទំនិញខូចគុណភាព និងហួសកាលកំណត់ រួមមាន ទឹកក្រូច មីកញ្ចប់ និងនំនែក ជាដើម។
2020-05-06
អំពើបំផ្លាញប្រជាធិបតេយ្យ រំលោភសិទ្ធិមនុស្សធ្ងន់ធ្ងរ និងអំពើពុករលួយ លួចលុយជាតិរបស់ក្រុមមេដឹកនាំផ្ដាច់ការ តាមប្រទេសមួយចំនួន រួមទាំងកម្ពុជាផង មិនបានធ្វើឲ្យប្រទេសនិយមប្រជាធិបតេយ្យ មើលរំលងនោះទេ។
2020-04-29
ចាប់តាំងពីមានការផ្ទុះឡើងនៃជំងឺរាតត្បាតសាកលកូវីដ១៩ រដ្ឋាភិបាលនៃប្រទេស មួយចំនួននៅលើពិភពលោក ជាពិសេសក្រុមប្រទេសដែលមានប្រព័ន្ធដឹកនាំបែបកុម្មុយនិស្ត ឬផ្ដាច់ការ បានបង្កើនយុទ្ធនាការឈ្លបយកការណ៍លើពលរដ្ឋខ្លួនឯង ដោយប្រើប្រាស់ប្រព័ន្ធទូរគមនាគមន៍ ក្រោមហេតុផលថា ដើម្បីប្រយុទ្ធប្រឆាំងនឹងការឆ្លងរាតត្បាតនៃជំងឺនេះ។
2020-04-27
មន្ត្រីសហព័ន្ធខ្មែរកម្ពុជាក្រោមឲ្យដឹងថា អាជ្ញាធរវៀតណាមបន្តធ្វើទុក្ខបុកម្នេញពលរដ្ឋខ្មែរក្រោម មិនឲ្យប្រើប្រាស់បណ្ដាញសង្គម ហ្វេសប៊ុក (Facebook) ចែកចាយព័ត៌មានពីសកម្មភាពសហព័ន្ធ និងព័ត៌មានផ្សេងៗ ទៀត ដែលអាចឲ្យខ្មែរក្រោម ឈានទៅទាមទារសិទ្ធិស្វ័យសម្រេចដោយខ្លួនឯង ទៅថ្ងៃអនាគត។
2020-04-22
អ្នកជំនាញថា ការគ្រប់គ្រងប្រទេសតាមបែបផ្ដាច់ការ គឺជាមេរោគសង្គមពិតប្រាកដ បណ្ដាលឱ្យកើតមានជំងឺរាតត្បាតជាសកលកូវីដ-១៩។ ពួកគេពន្យល់អះអាងថា មានតែការគ្រប់គ្រងប្រទេសដោយគោរពសេរីភាព លទ្ធិប្រជាធិបតេយ្យ និង សិទ្ធិមនុស្សទេ ទើបអាចដោះស្រាយបញ្ហាសង្គម មនុស្ស ឱ្យរួចផុតពីការផ្ទុះជំងឺរាតត្បាតជាសាកលនាពេលអនាគតបាន។
2020-04-20
ការសិក្សាថ្មីមួយ ធ្វើឡើងដោយក្រុមហ៊ុនអាមេរិកាំងឈ្មោះ Eyes on Earth ដែលជាក្រុមហ៊ុន ស្រាវជ្រាវ និងពិគ្រោះយោបល់អំពីការគ្រប់គ្រងទឹក ក្រោមការផ្តល់មូលនិធិដោយរដ្ឋាភិបាលអាមេរិក រកឃើញថា ប្រទេសចិនទំនងជាអាចរឹតត្បិត ឬរាំងខ្ទប់ទឹកពីខ្សែទឹកខាងលើនៃទន្លេមេគង្គ តាមរយៈទំនប់វារីអគ្គិសនីរបស់ខ្លួន។
2020-04-16
ការសិក្សាស្រាវជ្រាវចុងក្រោយនេះ បង្ហាញថា ប្រទេសទាំងឡាយណា ដែលមានធាតុអាកាសក្តៅនិងសើម អត្រាឆ្លងនៃជំងឺកូវីដ១៩ (Covid-19) មានកម្រិតទាប។ ក៏ប៉ុន្តែចំពោះប្រទេសនៅតំបន់ដែលមានអាកាសធាតុត្រជាក់ និងស្ងួតវិញ គឺមានកម្រិតខ្ពស់នៃការឆ្លងជំងឺដ៏កាចសាហាវមួយនេះ។
2020-04-13
ព្រះសង្ឃ និងពលរដ្ឋខ្មែរក្រោមពុទ្ធបរិស័ទចំណុះជើងវត្ត វត្តដំបងពាក់ ខេត្តព្រះត្រពាំង សម្រេចថ្វាយព្រះភ្លើងសពព្រះពិក្ខុព្រះតេជព្រះគុណ តាង៉ុក កោ នៅរាត្រីទី១២ ខែមេសា។ ព្រះចៅអធិការ ព្រះអង្គ តាង៉ុក កោ បានកសាងស្នាដៃជាច្រើន ក្នុងការថែរក្សាប្រពៃណីវប្បធម៌ អក្សរសាស្ត្រខ្មែរ នៅលើទឹកដីកំណើតដែលវៀតណាមកំពុងត្រួតត្រា។
2020-04-09
មន្ត្រីសុខាភិបាលថា ការចាក់បញ្ចូលអង់ទីគ័រប្លាស្មា (Plasma) របស់អ្នកជំងឺកូវីដ១៩ ដែលបានជាសះស្បើយ នឹងមានប្រសិទ្ធភាពខ្ពស់ ទៅលើអ្នកមានជំងឺធ្ងន់ធ្ងរ ដែលមានប្រព័ន្ធការពារខ្លួនខ្សោយ មិនអាចប្រឆាំងនឹងមេរោគសារ្យកូវី២ (SARS-CoV2) នៃជំងឺកូវីដ-១៩ នេះបាន។
2020-04-08
មន្ត្រីនាំពាក្យក្រសួងការបរទេសថា រដ្ឋាភិបាលពុំមានផែនការប្ដឹងផ្ដល់មហាយក្សចិន ដើម្បីទាមទារយកសំណង ជុំវិញរឿងដែលប្រទេសមួយនេះរងការចោទប្រកាន់ថា បានបណ្ដែតបណ្ដោយឱ្យមានការផ្ទុះរាលដាលឡើងនៃជំងឺរាតត្បាតសាកលកូវីដ-១៩នោះទេ។
2020-03-26
អ្នកជំនាញ និងអ្នកនយោបាយ មើលឃើញពីហានិភ័យធ្ងន់ធ្ងរដល់សេដ្ឋកិច្ចជាតិ ខណៈរលកជំងឺកូវីដ១៩ កំពុងវាយលុកនៅកម្ពុជា។ ពួកគេព្រមានថា ប្រសិនបើរដ្ឋាភិបាល មិនព្រមចាត់វិធានការសមស្របណាមួយដើម្បីទប់ទល់នឹងបញ្ហារីករាលដាលនៃជំងឺនេះ ឱ្យបានទាន់ពេលវេលានោះទេ នោះកម្ពុជាអាចនឹងគ្រប់គ្រងស្ថានការណ៍លែងបាន ហើយប្រទេសទាំងមូលនឹងធ្លាក់ចូលវិបត្តិធ្ងន់ធ្ងរ។
