ប័ណ្ណសារព័ត៌មាន
2024-09-07
សហមេធាវីរបស់លោក កឹម សុខា គ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញឆាប់ៗនេះដើម្បីបញ្ជាក់ពីភាពស្អាតស្អំរបស់មេបក្សប្រឆាំងលោក កឹម សុខា។ មន្ត្រីសិទ្ធិមនុស្សយល់ថាលោក កឹម សុខា នឹងទទួលបានយុត្តិធម៌ និងសេរីភាពមកវិញនៅពេលកម្ពុជាមានដោះស្រាយនយោបាយ។
2024-09-07
ប្រជាពលរដ្ឋ កំពុងតវ៉ារឿងដីធ្លីនៅតំបន់២ ដែលជាដីអាចអាស្រ័យផល តែមិនអាចធ្វើជាម្ចាស់កម្មសិទ្ធិ នៅខេត្តបន្ទាយមានជ័យ កំពុងកើតទុក្ខមិនសុខចិត្ត ក្រោយអាជ្ញាធរខេត្តនេះ បានគំរាមកំហែង និងប្រើប្រាស់ឧបាយកល បង្ខំឱ្យពួកគាត់ផ្ដិតមេដៃទទួលយកក្បាលដី តាមយន្តការចាប់ឆ្នោតដោះដូរ។ វិធានការដ៏ឆេវឆាវរបស់អាជ្ញាធរនេះ បានធ្វើឱ្យពលរដ្ឋខ្លះ បាត់បង់ដីស្រែ និងខ្លះទៀត បាត់បង់ដីលំនៅឋាន។
2024-09-07
នាវាចម្បាំងចិន ២គ្រឿងផ្តល់ឲ្យកម្ពុជា ជំរុញឲ្យសហរដ្ឋអាមេរិក និងប្រទេសមួយចំនួនទៀតក្នុងតំបន់ បារម្ភពីវត្តមាននាវាចិនជាអចិន្ត្រៃយ៍ នៅឈូងសមុទ្ទថៃ។ ក្តីបារម្ភនេះ ធ្វើឡើងក្រោយពីមន្ត្រីក្រសួងការពារជាតិកម្ពុជា ប្រាប់ទីភ្នាក់ងារព័ត៌មាន អេភី (AP) កាលពីថ្ងៃទី៤ ខែកញ្ញាថ្មីៗ នេះថា ចិនបានផ្តល់នាវាចម្បាំងពីរគ្រឿង ដែលបានចតនៅកំពង់ផែរាមអស់ជាច្រើនខែមកនេះ ខណៈដែលប្រទេសចិន បានផ្តល់ជំនួយថវិកាធ្វើទំនើបកម្ម នៅមូលដ្ឋានកងទ័ពជើងទឹករាម ក្នុងខេត្តព្រះសីហនុ។
2024-09-06
ស្ត្រីមេម៉ាយលក់ដូរខ្នាតតូចចល័ត និងអ្នកផ្តល់សេវាកម្មទេសចរក្នុងតំបន់អង្គរខេត្តសៀមរាបកំពុងមានសម្ពាធផ្លូវចិត្ត និងជួបបញ្ហាជាច្រើនផ្នែកជីវភាព ដោយសារការស្វែងរកប្រាក់ចំណូល របស់ពួកគាត់កាន់តែយ៉ាប់យឺនខ្លាំង។ បញ្ហានេះពួកគាត់បានទម្លាក់កំហុសលើវិបត្តិនយោបាយអូសបន្លាយពេល ប៉ះពាល់ដល់វិស័យទេសចរណ៍រយៈពេលវែង។
2024-09-06
សាច់ញាតិសកម្មជនកិច្ចព្រមព្រៀងសន្តិភាពទីក្រុងប៉ារីសលើកឡើងថា គ្រួសាររបស់ពួកគាត់នៅតែមានឆន្ទៈរឹងមាំ និងផ្ដាំឱ្យយុវជនសិក្សាពីកិច្ចព្រមព្រៀងសន្តិភាពទីក្រុងប៉ារីសទោះបីជារដ្ឋាភិបាលចាប់ពួកគាត់ពន្ធនាគារទាំងអយុត្តិធម៌ក្ដី។ មន្ត្រីឃ្លាំមើលសិទ្ធិមនុស្សយល់ឃើញថា រដ្ឋាភិបាលគួរតែបញ្ឈប់ការធ្វើទុក្ខបុកម្នេញលើសកម្មជនសង្គម ហើយដោះលែងពួកគាត់ឱ្យមានសេរីភាពឡើងវិញ។
2024-09-06
សមាគមឧកញ៉ាកម្ពុជា អំពាវនាវដល់អ្នកមានគោរមងារជាលោកអ្នកឧកញ៉ាអ្នកឧកញ៉ា និងឧកញ៉ា ឱ្យចុះឈ្មោះចូលជាសមាជិកសមាគម និងត្រូវបង់វិភាគ ទានប្រចាំឆ្នាំទៅរដ្ឋាភិបាល។ អ្នកឃ្លាំមើលឃើញថា អ្នកចូលលុយជាមួយរដ្ឋាភិបាល មានការថយចុះច្រើន ព្រោះបញ្ហាសេដ្ឋកិច្ច និងសង្ស័យពីតម្លាភាព។
2024-09-05
សាច់ញាតិឈឺចាប់ ដែលតុលាការបន្តឃុំខ្លួនមន្ត្រីគណបក្សភ្លើងទៀនខេត្តបន្ទាយមានជ័យ លោក ចៅ វាសនា ដោយអយុត្តិធម៌ ខណៈលោកមានជំងឺប្រចាំកាយ ដែលត្រូវព្យាបាលជាប្រចាំ។ មន្ត្រីឃ្លាំមើលការរំលោភសិទ្ធិមនុស្សលើកឡើងថា រឿងនេះ ជាការធ្វើទុក្ខបុកម្នេញផ្នែកនយោបាយ។
2024-09-05
អតីតអ្នកនាំពាក្យគណបក្ស នរោត្តម រណឫទ្ធិ គឺលោក ប៉ែន សង្ហា និងធ្លាប់ជាមនុស្សជំនិតសម្ដេចក្រុមព្រះ នរោត្តម រណឫទ្ធិ ថ្លែងថា លោក ហ៊ុន សែន ប្រធានព្រឹទ្ធសភា ជ្រៀតជ្រែកលើកិច្ចការព្រះមហាក្សត្រ ក្នុងការតែងតាំងរដ្ឋមន្ត្រីក្រសួងព្រះបរមរាជវាំងថ្មីជំនួសលោក គង់ សំអុល ដែលទើបតែទទួលមរណភាពនោះ។
2024-09-05
រយៈពេល ១ខែ ក្រោយសម្ពោធការដ្ឋានសាងសង់ព្រែកជីកហ្វូណនតេជោ ពលរដ្ឋនៅមិនទាន់ដឹងច្បាស់ពីសំណង ខណៈសកម្មភាពជីកព្រែកនៅមិនទាន់ឃើញចាប់ផ្ដើមនៅឡើយ។ មន្ត្រីអង្គការសង្គមស៊ីវិលលើកឡើងថា រដ្ឋាភិបាលគួរតែគិតគូរផ្ដល់សំណងផលប៉ះពាល់ដល់ពលរដ្ឋឲ្យបានសមរម្យតាមពាក្យសន្យា មុននឹងចាប់ផ្ដើមជីកព្រែក។
2024-09-05
លោកនាយករដ្ឋមន្ត្រី លោក ហ៊ុន ម៉ាណែត លើកឡើងថា ការចាប់មនុស្ស កាលពីថ្មីៗ នេះ ប្រមាណ ៦៦នាក់ និងបញ្ជូនទៅឃុំនៅពន្ធនាគារ ៩នាក់ គឺពាក់ព័ន្ធនឹងចេតនាទុច្ចរិតរបស់ក្រុមជ្រុលនិយមមួយចំនួន ដែលញុះញង់ពលរដ្ឋឱ្យផ្នូលរំលំរាជរដ្ឋាភិបាល។ ចំណែក ឃ្លាំមើលថា នេះ គ្រាន់តែជាលេស ខណៈអ្នកទាំង ៩នាក់ ដែលកំពុងឃុំខ្លួននៅក្នុងគុកនោះ សុទ្ធសឹងតែជាយុវជនវ័យក្មេង ដែលសកម្មលើកិច្ចការសង្គម ហើយ ពុំពាក់ព័ន្ធដូចការចោទប្រកាន់នោះទេ។
2024-09-04
នាយករដ្ឋមន្ត្រីកូន លោក ហ៊ុន ម៉ាណែត បានផ្ដួចផ្ដើមឱ្យមានការរៃអង្គាសប្រាក់ដ៏សម្បើមមួយមិនធ្លាប់មានពីមុនមកនៅទូទាំងប្រទេស ដោយអះអាងថាយកទៅ «កសាងហេដ្ឋារចនាសម្ព័ន្ធតាមព្រំដែន»។
2024-09-04
ប្រជាពលរដ្ឋជាង ១០០នាក់ នៅស្រុកព្រះនេត្រព្រះ និងស្រុកមង្គលបុរី ខេត្តបន្ទាយមានជ័យ លើកគ្នាតវ៉ាមិនឱ្យអាជ្ញាធរចុះវាស់វែងដី ក្រោយមានការបង្ខំពួកគាត់ឱ្យចាប់ឆ្នោតផ្លាស់ប្ដូរដីនៅតំបន់២ ជាប់បឹងទន្លេសាប ដែលធ្វើឱ្យពួកគាត់ម្នាក់ៗ បាត់ដីអស់ជាងពាក់កណ្ដាល។ មន្ត្រីសង្គមស៊ីវិលថា យន្តការដោះស្រាយរបស់អាជ្ញាធរ បានបង្កឱ្យមានភាពចលាចល និងធ្វើឱ្យខូចប្រយោជន៍ដល់ប្រជាពលរដ្ឋ។
2024-09-04
ក្រសួងព័ត៌មាននឹងចាប់ផ្ដើមរៀបចំដំណើរទស្សនកិច្ច ទៅខេត្តភាគឦសាន ដោយអះអាងថា ដើម្បីផ្តល់ឱកាសឱ្យពលរដ្ឋ និងយុវជន ឃើញជាក់ស្ដែង អំពីការអភិវឌ្ឍតាមតំបន់ព្រំដែនកម្ពុជា-វៀតណាម។ ទោះជាយ៉ាងណាក្ដី មន្ត្រីសង្គមស៊ីវិលយល់ឃើញថា ដំណើរទស្សនកិច្ចនេះ នឹងគ្មានប្រយោជន៍ឡើយ។
2024-09-03
នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃអង្គារ ទី៣ ខែកញ្ញា ជជែកពិភាក្សាលើប្រធានបទ៖ តើការរៃអង្គាសលុយពីពលរដ្ឋ អាចដោះស្រាយកង្វល់រ៉ាំរ៉ៃរឿងព្រំដែនជាមួយវៀតណាមបានដែរឬទេ? ប្រឈមមុខនឹងសម្រែកផ្ទុះការតវ៉ាដ៏រីករាលដាលពីសំណាក់ក្រុមប្រជាពលរដ្ឋខ្មែរនៅក្រៅប្រទេសជុំវិញរឿងរ៉ាវកិច្ចសហប្រតិបត្តិការ CLV-DTA ជាមួយវៀតណាម និងឡាវ រដ្ឋាភិបាលលោកនាយករដ្ឋមន្ត្រី ហ៊ុន ម៉ាណែត នៅតែប្រកាន់ជំហរមិនព្រមដកកម្ពុជាចេញពីកិច្ចសហប្រតិបត្តិការរួមគ្នាដ៏ចម្រូងចម្រាសនេះនៅឡើយទេ។
2024-09-03
ប្រធានសមាគមប្រជាធិបតេយ្យនៃសេដ្ឋកិច្ចក្រៅប្រព័ន្ធ ឬកាត់ហៅថា IDEA លោក វន់ ពៅ ស្នើឱ្យតុលាការកំពូលទម្លាក់ចោលបទចោទប្រកាន់លើរូបលោក ពីព្រោះលោកជាជនរងគ្រោះ មិនមែនជាអ្នកប្រព្រឹត្តបទល្មើសដូចតុលាការថ្នាក់ក្រោមចោទប្រកាន់ឡើយ។
