ប័ណ្ណសារព័ត៌មាន
2023-06-01
ប្រជាសហគមន៍មួយនៅក្នុងស្រុកស្វាយលើ ខេត្តសៀមរាបដែលកំពុងមានជម្លោះដីធ្លីជាមួយមន្ទីរបរិស្ថាននិងយោធាភូមិភាគទី៤ កំពុងប្រឹងប្រែងរៀនច្បាប់ ទុកការពារ និង ប្តឹងបកទៅអាជ្ញាធរវិញដើម្បីការពារដីធ្លីជាកម្ម សិទ្ធិផ្ទាល់របស់ពួកគាត់ និងដីសហគមន៍។ មន្ត្រីឃ្លាំមើលសិទ្ធិមនុស្សលើកឡើងថា ករណីដែលពលរដ្ឋចេះច្បាប់នេះ ធ្វើឱ្យអាជ្ញាធរពិសេសចៅក្រមមានការប្រុងប្រយ័ត្នក្នុងការសម្រេចអ្វីមួយលើសំណុំរឿងរបស់ប្រជាសហគមន៍នេះ។
2023-06-01
ទាក់ទងនឹងដំណើរទស្សនកិច្ចរបស់ប្រធានស្ដីទីគណបក្សសង្រ្គោះជាតិ លោក សម រង្សី ទៅកាន់ប្រទេសម៉ាឡេស៊ី កាលពីពេលថ្មីៗ នេះ មិនមានភស្តុតាងណាបញ្ជាក់ថា អាជ្ញាធរម៉ាឡេស៊ី បានបណ្ដេញលោក សម រង្សី ចេញពីប្រទេសដូចការអះអាងរបស់លោក ហ៊ុន សែន នោះទេ ហើយមកដល់ពេលនេះ លោក សម រង្សី ក៏បានធ្វើដំណើរមកដល់ប្រទេសបារាំងហើយដែរ។
2023-06-01
ក្រុមអ្នកវិភាគ និងសកម្មជននយោបាយនៅអាមេរិករំពឹងថា សហគមន៍អន្តរជាតិអាចនឹងបង្កើនការរិះគន់ និងដាក់សម្ពាធកាន់តែខ្លាំងមកលើរដ្ឋាភិបាលលោក ហ៊ុន សែន ក្រោយការបោះឆ្នោតជាតិខែកក្កដារួច។ នេះក៏ដោយសារតែរដ្ឋាភិបាលលោក ហ៊ុន សែន បានផាត់ចោលគណបក្សប្រឆាំងធំជាងគេ គឺគណបក្សភ្លើងទៀន មិនឱ្យចូលរួមការបោះឆ្នោត ខណៈគណបក្សសង្គ្រោះជាតិ និងលោក កឹម សុខា នៅតែត្រូវបានលោក ហ៊ុន សែន មិនអនុញ្ញាតឱ្យរស់ឡើងវិញ និងធ្វើជាចំណាប់ខ្មាំងនយោបាយ។
2023-06-01
ពលករខ្មែរមួយចំនួនធ្វើការនៅប្រទេសថៃប្រកាសរង់ចាំស្វាគមន៍អមដំណើរប្រធានស្ដីគណបក្សសង្គ្រោះជាតិ លោក សម រង្ស៊ី ប្រសិនបើលោកវិលចូលស្រុកវិញនៅពេលខាងមុខ។ អ្នកវិភាគនយោបាយ មើលឃើញថា លោក សម រង្ស៊ី មានលទ្ធភាពក្នុងការធ្វើមាតុភូមិនិវត្តន៍ឆ្លងកាត់ប្រទេសថៃបាន ក្រោយពេលដែលថៃប្ដូររដ្ឋាភិបាលថ្មី។
2023-06-01
អតីតក្រុមយុវជនខ្មែរថាវរៈរិះគន់តុលាការកំពូល ដែលតម្កល់បទចោទញុះញង់លើពួកគាត់នោះថា ជាការគំរាមកំហែងដល់សកម្មជនដែលចូលរួមលើកកម្ពស់យុត្តិធម៌សង្គម។ មន្ត្រីអង្គការសង្គមស៊ីវិលសោកស្ដាយចំពោះការសម្រេចរបស់តុលាការកំពូលដោយអះអាងថា ក្រុមយុវជនខ្មែរថាវរៈ មិនបានប្រព្រឹត្តិកំហុសដូចការចោទប្រកាន់របស់តុលាការនោះទេ។
2023-06-01
មន្ត្រីគណបក្សប្រឆាំងថា ព័ត៌មានដែលថា លោក សម រង្ស៊ី ត្រូវបានគេបណ្តេញពីប្រទេសម៉ាឡេស៊ី ជាព័ត៌មានក្លែងប្រឌិតដោយក្រុមគាំទ្រលោកនាយករដ្ឋមន្ត្រី ហ៊ុន សែន។ ពួកគេថា លោក សម រង្ស៊ី ដែលបានចូលទឹកដីប្រទេសម៉ាឡេស៊ីជាថ្មី មិនមែនកើតឡើងដោយចៃដន្យ ឬក្នុងនាមជាអ្នកដំណើរធម្មតា ដូចការលើកឡើងរបស់លោក ហ៊ុន សែន ឡើយ។
2023-05-31
លោកនាយករដ្ឋមន្ត្រី ហ៊ុន សែន ព្រមានវាយខ្នោះលោក រ៉ុង ឈុន អនុប្រធានគណបក្សភ្លើងទៀន និងអ្នកគាំទ្រគណបក្សនេះ បើហ៊ានធ្វើបាតុកម្មទាមទារឱ្យគណបក្សភ្លើងទៀនចូលរួមការបោះឆ្នោតថ្ងៃទី២៣ ខែកក្កដា ខាងមុខ។ ជុំវិញរឿងនេះ លោក រ៉ុង ឈុន សុំមិនឆ្លើយតបទៅនឹងការព្រមានរបស់លោក ហ៊ុន សែន ដោយគ្រាន់តែបញ្ជាក់ថា គម្រោងប្រមូលផ្ដុំរបស់គណបក្សភ្លើងទៀន គឺធ្វើដោយសន្តិវិធី និងត្រូវធ្វើដោយមានការជូនដំណឹងទៅអាជ្ញាធរពាក់ព័ន្ធត្រឹមត្រូវ។
2023-05-31
លោកនាយករដ្ឋមន្ត្រី ហ៊ុន សែន បានចោទមេដឹកនាំគណបក្សភ្លើងទៀន ទាំងគ្មានភស្តុតាងថា ប្រើ «ល្បិច» មិនចង់ចូលរួមការបោះឆ្នោត ដើម្បីឱ្យអន្តរជាតិដាក់គំនាបលើរដ្ឋាភិបាលរបស់លោក។ លោកថា ឯកសារច្បាប់ដើមចុះបញ្ជីគណបក្សភ្លើងទៀន កំពុងស្ថិតក្នុងដៃថ្នាក់ដឹកនាំគណបក្សនេះ ប៉ុន្តែ អ្នកកាន់ឯកសារនោះលាក់ទុក។
2023-05-31
ស្នងការនគរបាលខេត្តព្រះវិហារបានដោះលែងជនជាតិដើមភាគតិចកួយ ៤នាក់ ឱ្យត្រឡប់មកផ្ទះវិញហើយ នៅរសៀលថ្ងៃទី៣០ ឧសភា បន្ទាប់ពីសមត្ថកិច្ចបានសួរនាំពួកគាត់អស់ជាច្រើនម៉ោង ពាក់ព័ន្ធករណីឈ្មួញឃុបឃិត (គប់គិត) ជាមួយអាជ្ញាធរធ្វើប្លង់កម្មសិទ្ធិដីធ្លីជាន់ចំដីរបស់អ្នកភូមិប្រមេរុ។
2023-05-31
ក្រុមអ្នកវិភាគលើកឡើងថា ដំណើរទស្សនកិច្ចរបស់លោក សម រង្ស៊ី ប្រធានស្ដីទីគណបក្សសង្គ្រោះជាតិ នៅម៉ាឡេស៊ី នៅពេលនេះ គឺបង្ហាញកាន់តែច្បាស់ថា រដ្ឋាភិបាលម៉ាឡេស៊ី មិនចាប់យកមេដឹកនាំផ្ដាច់ការជាមិត្តនោះទេ។
2023-05-31
សាលាដំបូងខេត្តរតនគិរី បានដោះលែងលោក ថេង សាវឿន និងសហការីរបស់លោកទាំងពីរនាក់ គឺលោក ញិល ភាព និងលោក ថាន់ ហាច ឱ្យមានសេរីភាពវិញហើយ នៅថ្ងៃទី៣០ ខែឧសភា បន្ទាប់ពីពួកលោកធ្វើលិខិត និងថតវីដេអូ និយាយទម្លាក់កំហុសលើខ្លួនឯង ដែលផ្សព្វផ្សាយនៅលើបណ្ដាញសារព័ត៌មាន ដែលស្និទ្ធនឹងលោកនាយករដ្ឋមន្ត្រី ហ៊ុន សែន កាលពីថ្ងៃទី២៧ ខែឧសភាកន្លងទៅ។
2023-05-30
លោកនាយករដ្ឋមន្ត្រី ហ៊ុន សែន បានផ្ដល់មរតកនយោបាយកំសាកដល់ទាយាទស្នងតំណែងរបស់លោក ដែលចាំស៊ីកេរ្តិ៍ពីឪ គឺលោក ហ៊ុន ម៉ាណែត ជាបន្តបន្ទាប់។ ក្នុងនោះមានដូចជា ការរៀបចំមិនឱ្យមានគូប្រកួតប្រជែងណាមួយអាចតតាំងជាមួយលោក ហ៊ុន ម៉ាណែត បាន ទាំងការប្រកួតផ្ទៃក្នុងបក្ស និងនៅក្រៅបក្ស។
2023-05-30
គណៈកម្មាធិការនាយកនៃគណបក្សភ្លើងទៀនសម្រេចថា នឹងធ្វើការប្រមូលផ្ដុំសមាជិកបក្សចំនួន ១ម៉ឺន ដើម្បីតវ៉ាទាមទារឱ្យគណៈកម្មាធិការជាតិរៀបចំការបោះឆ្នោត ផ្ដល់សិទ្ធិឱ្យគណបក្សនេះអាចចូលរួមប្រកួតប្រជែងក្នុងការបោះឆ្នោតនៅខែកក្កដាខាងមុខ។
2023-05-30
លោកនាយករដ្ឋមន្ត្រី ហ៊ុន សែន ប្រកាសថា នៅពេលខាងមុខ បើទោះជាលោក មិនធ្វើជានាយករដ្ឋមន្ត្រីដឹកនាំប្រទេស ប៉ុន្តែលោក លោកនៅតែដឹកនាំនយោបាយដដែលក្នុងនាមជាប្រធានគណបក្សប្រជាជនកម្ពុជា។
2023-05-30
កម្ពុជា បានធ្វើជាម្ចាស់ផ្ទះរៀបចំព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) លើកទី៣២ ជាលើកដំបូងក្នុងប្រវត្តិសាស្ត្រ ៦៤ឆ្នាំ របស់ខ្លួន យ៉ាងអធិកអធម និងប្រកបដោយមោទនភាព។ ព្រឹត្តិការណ៍ជាប្រវត្តិសាស្ត្រនេះ ត្រូវបានលោកនាយករដ្ឋមន្ត្រី ហ៊ុន សែន និងកូនៗ របស់លោក មិនញញើតនឹងក្រសោបយកក្រេឌីតប្រែក្លាយជាព្រឹត្តិការណ៍ប្រជាភិថុតិកេងចំណេញនយោបាយសម្រាប់ត្រកូល «ហ៊ុន» ឱ្យអាចបន្តគ្រប់គ្រងកម្ពុជាតពូជ តាមរយៈការរំលេចចេញនូវពាក្យស្លោកដ៏ពេញនិយមមួយ ដែលពួកគេយកមកទន្ទេញស្ទើររត់មាត់ថា «ខ្មែរធ្វើបាន!»។
