វីដេអូ
សមាគមខ្មែរនៅអូស្ត្រាលីគ្រោងរៃអង្គាសថវិកាជួយកូដករណាហ្គាវើលដ៍ NagaWorld
សហព័ន្ធខ្មែរអូស្ត្រាលីសាជីវកម្ម គ្រោងធ្វើពិធីបុណ្យផ្កាទ្រទ្រង់ទិវាសិទ្ធិមនុស្សអន្តរជាតិ នៅថ្ងៃ១០ ខែធ្នូ នៅទីស្នាក់ការសមាគមខ្មែរ រដ្ឋវិចតូរីយ៉ា (Victoria) ដើម្បីរៃអង្គាសថវិកាពីសប្បុរសជនជួយដល់បុគ្គលិកនៃក្រុមហ៊ុនណាហ្គាវើលដ៍ (Naga world) ដែលកំពុងប្រឈមបញ្ហាលំបាកផ្នែកជីវភាព និងការរំលោភសិទ្ធិធ្ងន់ធ្ងរ ដោយសារតែថៅកែក្រុមហ៊ុនមួយនេះ បានបញ្ឈប់ពួកគេពីការងារ ហើយមកទល់ពេលនេះ ទាំងថៅកែ និងភាគីរដ្ឋាភិបាល មិនបានផ្តល់ដំណោះស្រាយប្រកបដោយយុត្តិធម៌។ ការប្រារព្ធពិធីនៅថ្ងៃទិវាសិទ្ធិមនុស្សអន្តរជាតិនេះ ក៏ធ្វើឡើងក្នុងគោលបំណងដើម្បីបង្ហាញការគាំទ្រដល់ប្រធានសហជីពប្រចាំក្រុមហ៊ុនណាហ្គាវើលដ៍ គឺកញ្ញា ឈឹម ស៊ីថរ ដែលត្រូវបានអាជ្ញាធរក្រុងភ្នំពេញ ចាប់ឃុំខ្លួន កាលពីថ្ងៃទី ២៦ ខែវិច្ឆិកា។ ប្រធានសមាគមខ្មែរ នៅប្រទេសអូស្ត្រាលី លោក ជា យូហ៊ន អំពីរឿងនេះដូចតទៅ៖