វីដេអូ

មិនមែន​ជា​រឿង​ចៃដន្យ​ទេ​ដែល​ក្រុមមេដឹកនាំ​ផ្តាច់ការ​ចូលចិត្ត​ផលិត​ខ្សែភាពយន្ត​អំពីខ្លួនឯង​នោះ។ ពេលខ្លះ​ពួកគេ​ថែមទាំង​ឆ្លៀត​ដើរតួ​សម្តែង ធ្វើជា​អ្នកដឹកនាំ ឬ​ផលិតករ​ខ្សែ​ភាពយន្ត​ខ្លួនឯង​ផង។ លំនាំ​ស្រដៀងៗគ្នា​នេះ​បានកើតឡើង​ក្នុង​ចំណោម​ក្រុមមេដឹកនាំ​ផ្តាច់ការ រាប់ចាប់តាំង​ពី​អតីត​សេនាប្រមុខ និង​ជា​មេដឹកនាំ​ផ្តាច់ការ​នៃ​ប្រទេស​កូរ៉េខាងជើង លោក គឹម ជុងអ៊ីល (Kim Jong Il) អតីត​មេដឹកនាំ​ប្រធានាធិបតី​នៃ​ប្រទេស​ហ្វីលីពីន​ដែល​ត្រូវ​ពលរដ្ឋ​ទម្លាក់​ពី​តំណែង លោក ហ្វ៊ែរឌីណង់ ម៉ារកូស (Ferdinand Marcos) និង​ចុងក្រោយ​នេះ គឺ​លោកនាយករដ្ឋមន្ត្រី ហ៊ុន សែន ផ្ទាល់តែម្តង។ តើហេតុអ្វី​បានជា​មេដឹកនាំ​ផ្តាច់ការ​ដូចជា​លោក ហ៊ុន សែន ចាំបាច់​ត្រូវ​ផលិតកុន​ខ្លួនឯង?