ປະກາດ ຮັບນັກຂ່າວ ວິທຍຸ, ຜແນກພາສາລາວ

2015-02-20
ອີແມວລ໌
ຄໍາເຫັນ
Share
ພິມ

ວິ​ທ​ຍຸ​ ເອ​ເຊັຍ ​ເສ​ຣີ, ຜ​ແນກ​ພາ​ສາ​ລາວ ຕ້ອງ​ການ​ນັກ​ຂ່າວ ທີ່ມີ​ຄວາມ​ຮູ້ ແລະ ປະ​ສົ​ພ​ການ ຫລາຍດ້ານ ເພື່ອ ຜ​ລິດ​ຣາຍ​ການ ແລະ ຣາຍ​ງານຂ່າວ ອອກ​ອາ​ກາດ ທາງວິ​ທ​ຍຸ ແລະ ​ເຜີຍ​ແຜ່ ທາງອິນ​ເທີ​ແນັດ, ​​ປະ​ຈຳ​ການ ຢູ່ສຳ​ນັກ​ງານ​ໃຫ​ຍ່ ທີ່ນະ​ຄອນ​ຫລວງ ວໍຊິງ​ຕັນ ດີ ຊີ.

ໜ້າ​ທີ່​ຮັບ​ຜິດ​ຊອບ ຮວມ​ມີ

  • ​ເອົາ​ຂ່າວ ຫຼື ສາ​ຣະ​ຄະ​ດີ ໃນ​ມຸມ​ເລິກ ແລະ ວິ​ເຄາະ ຕາມ​ທີ່​ຖືກມອບ​ໝາຍ.
  • ​ນໍ​າ​ໃຊ້ ແລະ ສ້າງ ແຫລ່ງ​ຂ່າວ ທີ່​ເຊື່​ອ​ຖື​ໄດ້, ​ແລະ ສັມ​ພາດ ບຸກ​ຄົນ ທີ່​ມີ​ສ່ວນ​ກ່ຽວ​ຂ້ອງ​ ໃນຂ່າວ
  • ພິກ​ໄຫວ ໃນ​ການ​ເອົາຄວາມ​ເຫັນ ແລະ ຂໍ້​ມູນ ທີ່​ສຳ​ຄັນ ຈາກ​ຜູ່​​ໃຫ້​ສັມ​ພາດ ແລະ ສາ​ມາດ​ເລືອກ​ເອົາ ຂໍ້​ມູນ​ສຳ​ຄັນ ໃນ​ບົດ​ສັມ​ພາດ ມາ​ອອກ​ອາ​ກາດ ຫຼື ເຜີຍ​ແຜ່ ທາ​ງອິນ​ເທີ​ແນັດ.
  • ​ຄວາມ​ສາມາດ ໃນ​ການຄົ້ນ​ຫາຂໍ້​ມູນ ທາງ​ອິນ​ເທີ​ແນັດ ແລະ ຈາກ​ແຫລ່ງ​ຂ່າວ​​ ທີ່​ສຳ​ຄັນຕ່າງໆ ແລະ ຮູ້​ນຳ​ໃຊ້ ສື່​ຫລາຍ​ປະ​ເພດ (multimedia) ໃນ​ຣາຍ​ງານ ຫຼື ສາ​ຣະ​ຄະ​ດີ.
  • ຂຽນ​ຂ່າວ​ໄດ້ ຢ່າງ​ຖືກ​ຕ້ອງ ແລະ ໃນ​ເວ​ລາ ທີ່​ຈຳ​ກັດ​; ສາ​ມາດ​ປັບ​ປ່ຽນຂໍ້​ມູນ ຈາກ​ພາ​ສາ​ອັງ​ກິດ ແລະ ພາ​ສາ​ອື່ນໆ ມາ​ເປັນ​ພາ​ສາ​ລາວ ຢ່າງ​ມີ​ປະ​ສິດ​ທິ​ພາບ.
  • ສາ​ມາດ​ໃຊ້​ອຸ​ປກອນ ດີ​ຈີ​ໂທ​ລ໌ ເພື່ອໃຫ້​​ສຽງ​ສົດ​ໃສ, ແຈ່ມ​ແຈ້ງ ແລະ ຜ​ລິດ​ຣາຍການ ທີ່​ສ້າງ​ສັນ ຜ່ານ​ສື່ ຕ່າງໆ.
  • ອ່ານ​ຂ່າວ ແລະ ສາ​ຣະ​ຄະ​ດີ ພາ​ສາ​ລາວ ແບບ​ມື​ອາ​ຊີບ ອອກ​ທາງວິ​ທ​ຍຸ ແລະ ພາບ​ເຄື່ອນ​ໄຫວ ອອກທາງ​ອີນ​ເທີ​ແນັດ.

ວຸ​ທ​ທິການ​ສຶກ​ສາ ແລະ ປະ​ສົ​ພ​ການ

  • ມີ​ປະ​ສົ​ພ​ການ ​ສື່ມວນ​ຊົນ ທາງ​ດ້ານ​ວິ​ທ​ຍຸ ຫລື ສິ່ງ​ພິມ (ຢ່າງ​ໜ້ອຍ ມີ​ປະ​ສົ​ພ​ການ 1 ປີ ໃນ​ບໍ​ຣິ​ສັດ ສື່ມວນ​ຊົນ ທີ່​ອ້າງ​​ອີງ), ແລະ ປະ​ສົ​ພ​ການ ການນຳ​ໃຊ້ ຊື່​ຫລາຍ​ປະ​ເພດ ເປັນ​ວິ​ຊາ​ເສີມ.
  • ວຸ​ທ​ທິ ການ​ສຶກ​ສາ (ປະ​ຣິນ​ຍາ​ຕ​ຣີ ດ້ານ​ສື່ມວນ​ຊົນ ຫຼື​ວ່າ ຂ​ແນງ ທີ່​​ກ່ຽວ​ພັນ ຈ​າກວິ​​ທະຍ​າ​ລັຍ ຫລື ມະ​ຫາ​ວິ​ທະ​ຍາ​ລັຍ ທີ່​ເຊື່ອຖື​ໄດ້) ຫຼື​ວ່າ ມີ​ຄວາມ​ສາ​ມາດ ທຽບ​ເທົ່າ ທີ່​ສະ​ແດງ​ໃຫ້​ເຫັນ​ວ່າ ສາ​ມາດຮວບ​ຮວມ ຂໍ້​ມູນ, ຜ​ລິດ​ຣາຍ​ການ, ຂຽນ ແລະ ສ​ເນີ​ຂ່າວ ແລະ ຂໍ້​ມູນ ຢ່າງ​ແຈ່ມ​ແຈ້ງ ແລະ ຕົງເປົ້າ​ໝາຍ.
  • ມີ​ຄວາມ​ຮູ້ ແລະ ​ຄວາມເຂົ້າ​ໃຈ ສະ​ພາບ​ການ​ເມືອງ, ເສ​ຖ​ກິ​ຈ ແລະ ສັງ​ຄົມ ປັ​ຈ​ຈຸ​ບັນ ໃນປະ​ເທດ​ລາວ ແລະ ປະ​ເທດ​ອ້ອມ​ຂ້າງ.
  • ມີ​ຄວາມ​ສາ​ມາດ ໃນ​ການ​ຕັດ​ສິນ ແລະ ຄວາມ​ຮອບ​ຄອບ ໃນ​ການ​ປະ​ເມີນ ແລະ ສ​ເນີ​ຂ່າວ.
  • ມີ​ຄວາມ​ຮູ້ ແລະ ຄວາມ​ສາ​ມາດ ໃນ​ການ​ໃຊ້ ສື່​ອອນ​ລາຍ​ນ໌ ໃນ​ທາງ​ສ້າງ​ສັນ ແລະ ​ປະ​ດິດຄິດ​ສ້າງ, ຊຶ່ງ​ສາ​ມາດປັບ​ເຂົ້າ​ກັບ ເທັກ​ໂນ​ໂລ​ຈີ ສ​ມັຍ​ໃໝ່ ຕາມ​ວິ​ວັ​ທ​ນາ​ການ.
  • ເວົ້າ​ ແລະ ຂຽນ ພາ​ສາ​ລາວ ແລະ ອັງ​ກິດ ໄດ້​ດີ.

ວິ​ທ​ຍຸ ເອ​ເຊັຍ ເສ​ຣີ ​ໃຫ້​ໂອ​ກາດ​ເທົ່າ​ທຽມ​ກັນ ແລະ ໃຊ້​ບຸ​ຄ​ລາ​ກອນ ທີ່​ມີ​ຄວາມ​ຫລາກ​ຫລາຍ

ວິ​ທ​ຍຸ ເອ​ເຊັຍ ເສ​ຣີ ສົ່ງ​ເສີມ ທຸກໆ​ຄົນ ທີ່​ມີ​ຄວາມ​ສາ​ມາດ ​ໃຫ້ຍື່ນ​ໃບ​ສ​ມັກ. ຖ້າ​ຫາກວ່າ ຖືກ​ຈ້າງ​ງານ, ຜູ່​ສ​ມັກ ຕ້ອງ​ສະ​ແດງ​ຫລັກ​ຖານ ວ່າ ​ຕົນສາ​ມາດເຮັດ​ວຽກ ໃນ​ສະ​ຫະ​ຣັດ ອະ​ເມ​ຣິ​ກາ ໃນ​ນາມ ບຸ​ຄລາ​ກອ​ນ ຂອງ ວິ​ທ​ຍຸ ເອ​ເຊັຍ ເສ​ຣີ.

ວິ​ທ​ຍຸ ເອ​ເຊັຍ​ ເສ​ຣີ ມີ​ສິ​ທ ໃນ​ການພິ​ຈາ​ຣະ​ນາ ຫຼື ຖອນ ການ​ຈ້າ​ງ​ງານ​ ​ຈາກຜູ່​ສ​ມັກ ທີ່​ໄດ້​ຮັບ​ອະ​ນຸ​ຍາດ ໃຫ້ເຮັດ​ວຽກ ໃນ​ສ​ະ​ຫະ​ຣັດ ອະ​ເມ​ຣິ​ກາ ໃນ​ນາມ ​ບຸ​ຄ​ລາ​ກອນ ຂອງ ວິ​ທ​ຍຸ ເອ​ເຊັຍ​ ເສ​ຣີ, ຫຼື ການຕໍ່​ອະ​ນຸ​ຍາດ ດັ່ງ​ກ່າວ ວິ​ທ​ຍຸ ເອ​ເຊັຍ​ ເສ​ຣີ ຕ້ອງເປັນ​ຜູ່​ປະ​ກອບ​ເອກ​ສານ ຫຼື ​ຊ່ອຍ​ໃນ​ການຍື່ນ​ເອກ​ສານ ຫຼື ເອກ​ສານ​ກ່ຽວ​ຂ້ອ​ງ​ອື່ນໆ.

ວິ​ທີ ການ​ຍື່ນ​ຄຳ​ຮ້ອງ

Send resume with cover letter (making reference to “Lao Service Broadcaster/Webcaster” position) via:

ຄໍາເຫັນ (1)
Share

Salanae

ຈາກ Munich

ຂ່າວການ ລອບສັງຫານ ເສຽ Tong ທີ່ ນະຄອນວຽງຈັນ ນັ້ນ ບໍ່ແມ່ນຄວາມຈິງ ມັນເປັນລະຄອນ ທີ່ເຈົ້າໜ້າທີ່ລາວ ສ້າງຂຶໍ້ນ ເພືໍ່ອຈະເອົາໄປແກ້ຂ່າວ ທ່ານສົມບັດ ສົມພອນ ນັ້ນເອງ. ແຫລ່ງຂ່າວນີ້ ໄດ້ມາຈາກຕຳຫລວດ ສາກົນ ຝະລັ່ງເສດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 08, 2015 01:20 PM

ເຕັມຫນ້າ