ວິຈັຍປວັດສາດລາວ ບົດທີ 76

ຈເຣີນສຸຂ
2017-10-25
ອີແມວລ໌
ຄໍາເຫັນ
Share
ພິມ
ຄ້ອງບັ້ງສຳລິດ ສມັຍອ້າຍລາວ ເມືອງແຖນ (ໄຕຈ້ວງກຳລັງຕີກອງ) ໑໒໒ ກ່ອນ ຄ.ສ. (BC) - ໗໘ ຫຼັງ ຄ.ສ. (AD) ໃຊ້ຕີ ສັນຍານພັຍ ຕີເຂົ້າເສິກ. ຍັງໃຊ້ ຕີສົ່ງວິນຍານ ທະຫານແຖນ ທີ່ລົ້ມຕາຍ ໃນສນາມຣົບ. ຄ້ອງນີ້ ມີວິນຍານ ຕາມຊາວແຖນ ເຊື່ອຖືກັນ. ໄຕຈ້ວງ ຍັງເຊື່ອຖືກັນ ຢູ່.
ຄ້ອງບັ້ງສຳລິດ ສມັຍອ້າຍລາວ ເມືອງແຖນ (ໄຕຈ້ວງກຳລັງຕີກອງ) ໑໒໒ ກ່ອນ ຄ.ສ. (BC) - ໗໘ ຫຼັງ ຄ.ສ. (AD) ໃຊ້ຕີ ສັນຍານພັຍ ຕີເຂົ້າເສິກ. ຍັງໃຊ້ ຕີສົ່ງວິນຍານ ທະຫານແຖນ ທີ່ລົ້ມຕາຍ ໃນສນາມຣົບ. ຄ້ອງນີ້ ມີວິນຍານ ຕາມຊາວແຖນ ເຊື່ອຖືກັນ. ໄຕຈ້ວງ ຍັງເຊື່ອຖືກັນ ຢູ່.
ຖ່າຍພາບ ໂດຍ ສດ

ວິຈັຍປວັດສາດລາວ ບົດທີ 76, ມະຫາອໍານາດຕາເວັນຕົກ ແຊກແຊງໜັກຂຶ້ນໃນພະມ້າ, ສະຫຍາມ ແລະວຽດນາມ. 3 ອານາຈັກລາວ ພາກັນສ້ຽນໝ້ອງ ຊອກສ້າງພັນທະມິດກັບວຽດນາມ, ໃນມື້ນີ້ມີການແຊກແຊງ ຈາກຝລັ່ງແລ້ວ. ໃນປີ ຄ.ສ 1819 ຈໍາປາສັກ ທ້ອນໂຮມ ເຂົ້າກັບວຽງຈັນ. ເຖິງປີ ຄ.ສ 1829 ອານາຈັກວຽງຈັນ ຫຼົ້ມສລາຍ ຕໍ່ໜ້າ ພັນທະມິດ ອັງກິດ. ຄົ້ນຄວ້າຕື່ມ ແລະ ວິຈັຍ ໂດຍນາລິນ.  ສເນີ ໂດຍ ຈເຣີນສຸຂ.

ຄໍາເຫັນ (2)
Share

Vong Silapakit

ຈາກ U.S

ສະບາຍດີ, ຜູ້ຂ້າຕິດຕາມຟັງບົດວິໄຈປະວັດສາດລາວຂອງ ນາລິນ ມາແຕ່ບົດທີ່ 1 ຈົນເຖິງບົດ 76 ກ່ອນອື່ນກໍຂໍຂອບໃຈນໍາ ນັກຄົ້ນຄວ້າ ແລະວິທະຍຸເອເຊຍເສລີ ທີ່ນໍາສະເໜິບົດວິໄຈປະວັດສາດ ດັ່ງກ່າວ ມີຫລາຍຂໍ້ມູນ ທີ່ເປັນຄວາມຮູ້ໃຫມ່. ຂອບໃຈຫລາຍໆ. ແຕ່ຜູ້ຂ້າມີຄໍາຖາມ ເຫດໃດ ທ່ານຈິງເນັ້ນແຕ່ເຫດການເກີດຂຶ້ນຢູ່ຫວຽດນາມ,ຈີນ ແລະ ພະມ້າ ແຕ່ຕັດເຫດການ ທີ່ເກີດຂຶ້ນຢູ່ສະຫຍາມ ຫລືໄທ? ແມ່ນແຕ່ການກອບກູ້ເອກະລາດ ຂອງເຈົ້າອະນຸວົງ ທ່ານກໍບອກວ່າເປັນການສູ້ຮົບ ລະຫວ່າງພັນທະມິດ ອັງກິດກັບ ວຽງຈັນ? ຄວາມຈິງມັນແມ່ນສົງຄາມລະຫວ່າງ ວຽງຈັນກັບສະຫຍາມໂດຍກົງ. ອະນາຈັກລ້ານຊ້າງເສຍເອກະລາດ ໃຫ້ສະຫຍາມແຕ່ປີ 1779 ພຸ້ນ ແຕ່ທ່ານບໍ່ກ່າວເຖິງເລີຍ. ຍ້ອນຫຍັງ? ເປັນຫຍັງບ່ກ່າວເຖິງສະຫຍາມ? ແຕ່ກາຍໄປເປັນເສິກວຽງຈັນ ກັບອັງກິດແທນ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 14, 2017 04:09 AM

ລູງຜູ້ຊອກຮູ້ປະຫວັດສາດລາວ

ຈາກ ຫລວງພະບາງ

ຮຽນຄະນະຮັບຜິດຊອບ ທີ່ນັບຖື, ຂ້າພະເຈົ້າໄດ້ຕິດຕາມ " ລາຍການວິໄຈປະຫວັດສາດລາວ " ມາແຕ່ບົດທີ່ 1 ພຸ້ນ, ແຕ່ບໍ່ຮູ້ວ່າເປັນດ້ວຍເຫດໃດ ຈຶ່ງບໍ່ມີບົດທີ່ 70. ພ້ອມນີ້, ກໍຂໍຄວາມກະລຸນາມາຍັງຄະນະ ໄດ້ສົ່ງລາຍລະອຽດກ່ຽວກັບ ການແບ່ງພາກ ມາໃຫ້ຂ້າພະເຈົ້າດ້ວຍ ( ພາກທີ່ 1 ແມ່ນບົດໃດຫາບົດໃດ ? ແລະຕໍ່ໆໄປ ... ) ຂໍສະແດງຄວາມຂອບໃຈ ລ່ວງໜ້າມາພ້ອມນີ້. ອີແມວ : xanglamo@hotmail.com



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 30, 2017 05:35 PM

ເຕັມຫນ້າ