ຜູ້ປະສົພພັຍເຂື່ອນແຕກ ໝື່ນຄົນ ຮ້ອງທຸກ

ສຸພັດຕາ
2019-08-02
ອີແມວລ໌
ຄໍາເຫັນ
Share
ພິມ
ຕົວຢ່າງເຮືອນພັກຊົ່ວຄາວ ມຸງດ້ວຍສັງກະສີ
ຕົວຢ່າງເຮືອນພັກຊົ່ວຄາວ ມຸງດ້ວຍສັງກະສີ
RFA/NY

ວັນເວລາຜ່ານໄປໄດ້ 1 ປີ ທີ່ ເຂື່ອນໄຟຟ້າ ເຊປຽນ-ເຊນ້ຳນ້ອຍ ແຕກ ເມື່ອວັນທີ 23 ກໍຣະກະດາ 2018 ຜ່ານມາ, ທ່ານ ເລັດ ໄຊຍະພອນ ເຈົ້າແຂວງ ແຂວງອັດຕະປື ໄດ້ຣາຍງານ ກ່ຽວກັບ ຜົລກະທົບ ຕໍ່ຊາວເມືອງສນາມໄຊ ນັ້ນວ່າຊັບສິນ, ເຮືອນຊານ ຂອງພໍ່ແມ່ປະຊາຊົນ ເສັຽຫາຍ 19 ບ້ານ ມີປະຊາຊົນ 14,440 ຄົນໄດ້ຮັບຜົລກະທົບ, ມີຜູ້ເສັຽຊີວິດ ແລະ ຫາຍສາບສູນໄປ 71 ຄົນ, ດັ່ງທ່ານກ່າວວ່າ:

"ເວົ້າສະເພາະ ແມ່ນຢູ່ເມືອງສນາມໄຊ ແຂວງອັດຕະປື ອັນເນື່ອງມາຈາກ ອ່າງເກັບນໍ້າສໍາຮອງ ຂອງເຂື່ອນໄຟຟ້າ ເຊປຽນ-ເຊນໍ້ານ້ອຍແຕກ ເຮັດໃຫ້ມວນນໍ້າມະຫາສານ ໄດ້ໄຫຼລົງມາສູ່ແມ່ນໍ້າເຊປຽນ ເມືອງສນາມໄຊ ແຂວງອັດຕະປື ໄດ້ພັດເອົາ ເຮືອນຊານບ້ານຊ່ອງ, ຊັບສິນ, ລູກຫລານ, ຍາດຕິພີ່ນ້ອງພໍ່ແມ່ປະຊາຊົນ ເສັຽຫາຍຈຳນວນ 19 ບ້ານ, ມີ 3,540 ຄອບຄົວ ແລະ ພົລເມືອງ 14,440 ຄົນໄດ້ຮັບ ຜົນກະທົບ, ໃນນີ້ ລວມມູນຄ່າເສັຽຫາຍ ໃນເບື້ອງຕົ້ນ ປະມານ 119,416,092,658 ກີບ, ມີຜູ້ສູນຫາຍ [ຫາຍສາບສູນ] ແລະ ເສັຽຊີວິດ ທັງໝົດ 71 ຄົນ.”

ສໍາລັບຜູ້ປະສົພພັຍເຂື່ອນແຕກ ປະມານ 10,000 ປາຍຄົນ ໃນຈໍານວນ 14,400 ຄົນ ທີ່ບໍ່ໄດ້ຢູ່ເຮືອນພັກຊົ່ວຄາວນັ້ນ ແມ່ນປະສົພຄວາມ ຫຍຸ້ງຍາກຫຼາຍ ລໍຖ້າແຕ່ຄ່າຊົດເຊີຍ ແລະປັດຈຸບັນ ກໍມີຊີວິດການເປັນຢູ່ ລໍາບາກ ຜົນກະທົບຈາກເຂື່ອນແຕກ ເຮັດໃຫ້ຊັບສິນຄົົົວເຮືຶອນ ເສັຽຫາຍຫຼາຍຢ່າງ, ດັ່ງຜູ້ປະສົພພັຍ ເຂື່ອນແຕກ ບ້ານແພ ເມືອງສນາມໄຊ ໄດ້ໃຫ້ສັມພາດ ຕໍ່ວິທຍຸເອເຊັຽເສຣີ ໃນວັນທີ 01 ສິງຫາ ນີ້ວ່າ: ສຽງສັມພາດ

ໃນຂນະດຽວກັນ ຜູ້ປະສົພພັຍ ເຂື່ອນແຕກ ອີກຄົນນຶ່ງ ຢູ່ບ້ານເທໃຫຍ່ ເມືອງສນາມໄຊ ກໍກ່າວໃນທໍານອງດຽວກັນວ່າ: ສຽງສັມພາດ

ນອກຈາກຜູ້ປະສົພພັຍ ທັງສອງທ່ານນີ້ແລ້ວ ຍັງມີຜູ້ປະສົພພັຍເຂື່ອນແຕ ກອີກທ່ານນຶ່ງ ຢູ່ບ້ານແພໃຫຍ່ ກໍໃຫ້ສໍາພາດ ຕໍ່ວິທຍຸເອເຊັຽເສຣີ ໃນມື້ດຽວກັນວ່າ: ສຽງສັມພາດ

ກ່ຽວກັບເຣື້ອງນີ້ ວິທຍຸເອເຊັຽເສຣີໄດ້ສັມພາດ ທ່ານບຸນໂຮມ ພົມມະສານ ເຈົ້າເມືອງ ເມືອງສນາມໄຊ ໃນມື້ວັນທີ່ 30 ກໍຣະກະດາ ຜ່ານມາ ກ່ຽວກັບ ຜູ້ປະສົບພັຍ ເຂື່ອນແຕກ 19 ບ້ານ ທີ່ໄດ້ຮັບຜົນກະທົບ ທ່ານອະທິບາຍວ່າ 13 ບ້ານນັ້ນ ແມ່ນຈັດຢູ່ ໃນຂັ້ນຖືກຜົນກະທົບ ປານກາງ ແລະເບົາ ພວກຂະເຈົ້າໄດ້ກັບເມືອ ອາສັຍຢູ່ເຮືອນຂອງຂະເຈົ້າເອງ ສ່ວນອີກ 5 ບ້ານກັບນຶ່ງຄຸ້ມ ແມ່ນໄດ້ຮັບຜົນກະທົບ ໜັກໜ່ວງ ຕ້ອງອາສັຍຢູ່ເຮືອນ ພັກຊົ່ວຄາວ, ດັ່ງທ່ານອະທິບາຍວ່າ: ສຽງສັມພາດ

ນັ້ນຄື ຊີວິດການເປັນຢູ່ຕົວຈິງ ໃນປັດຈຸບັນ ຂອງຊາວເມືອງສນາມໄຊ ທີ່ໄດ້ຮັບຜົລກະທົບ ປານກາງ ຈາກເຫດການເຂື່ອນ ເຊປຽນ-ເຊນ້ຳນ້ອຍແຕກ ເມື່ອວັນທີ 23 ກໍຣະກະດາ ປີ2018.

ເຕັມຫນ້າ