ໂຄງການ ຣົດໄຟ ເຣີ່ມສຳຫຼວດ, ປະເມີນ ຜົລກະທົບ

ສິດ​ນີ
2016-07-15
ອີແມວລ໌
ຄໍາເຫັນ
Share
ພິມ
ນະຄອນຫລວງ ວຽງຈັນ ເລີ້ມປັກຫລັກໝາຍ ທາງຣົດໄຟ ຄວາມໄວສູງ ແລ້ວ
ນະຄອນຫລວງ ວຽງຈັນ ເລີ້ມປັກຫລັກໝາຍ ທາງຣົດໄຟ ຄວາມໄວສູງ ແລ້ວ
RFA/Lx

ໂຄງ​ການ ກໍ່​ສ້າງ​ທາງ​ຣົດ​ໄຟ​ ລາວ​-ຈີນ, ຄຸນ​ໝິງ-ວ​ຽງ​ຈັ​ນ​ທ໌, ໄດ້​​ຈ້າງ​​ບໍ​ຣິ​ສັດ ​ທີ່​ປຶກ​ສາ​ ເອກ​ຊົ​ນ ​ຫຼື National Consulting Group ເພື່ອ​ລົງ​ສຳຫຼວດ ແລະ ປະ​ເມີນ​ ຜົລ​ກະ​ທົບ ​ຕໍ່​ສິ່ງ​ແວດ​ລ້ອມ, ສັງ​ຄົມ ແລະ ທັມ​ມະ​ຊາດ ແລ້ວ.

ພະ​ນັກ​ງານ ທ່ານ​ນຶ່ງ ຂອງບໍ​ລິ​ສັດ NATIONAL CONSULTANT GROUP ກ່າວ​ຕໍ່ ​ເອ​ເຊັຽ​ເສ​ຣີ ໃນ​ມື້​ວັນ​ທີ 14 ກໍ​ຣະ​ກະ​ດາ ນີ້​ວ່າ:

“ຕອນນີ້​ຫັ້ນ ພວກ​ເຮົາ ​ໄດ້​ໄປສຳຫຼວດ ປະ​ເມີນ​ຜົນ​ກະ​ທົບ ​ດ້ານ​ສິ່ງ​ແວດ​ລ້ອມ ຮິບ​ໂຮມ ຂໍ້​ມູນ​ດ້ານ​ສິ່ງ​ແວດ​ລ້ອມ ​ຮຽບ​ຮ້ອຍ​ແລ້ວ​ເນາະ. ແຕ່​ນະ​ຄອນຫຼວງ ວຽງ​ຈັນ​ທ​ນ໌ ຈົນ​ຮອດ​ຊາຍ​ແດນ ບໍ່​ເຕັນ​ແລ້ວ. ໂດຍ, ສ່ວນ​ວ່າ ​ເພິ່ນ​ຊິ​ອັນ​ນັ້ນ ເພິ່ນກະ​ຫາກ​ຊິ​ມີ ​ແຈ້ງ​ການ​ ລົງ​ໄປ​ຕິ໋ວ່າ ​ເພິ່ນ​ຊິ​ໄປຈຸດ​ໃດ ຈຸດ​ໃດ.”

ນາງ​ກ່າວ​ຕື່ມ​ວ່າ ໃນ​ປະ​ຈຸ​ບັນ​ນີ້ ທາງ​ບໍ​ລິ​ສັດ​ ກໍ​ໄດ້​ແຈ້ງ​ການ ​ໄປ​​ຫາ​ປ ະ​ຊາ​ຊົນ ​ຜູ້​ທີ່​ມີ​ດິນ ​ທີ່ຄາດ​ວ່າ ​ຈະ​ຖືກ ​ຜົລ​ກະ​ທົບ ​ຈາກ​ແລວ ​ທາງ​ຣົດ​ໄຟ ຟາກລະ 50 ແມັດ​ນັ້ນ ໃຫ້​ເຂົ້າ​ໄປ​ພົບ ​ຂະ​ເຈົ້າ ​​ເພື່ອໃຫ້​ຂໍ້​​ມູນ​ ຮ່ວມ​ທັງ ແຈ້ງລາຍ​ລະ​ອຽດ ​ກ່ຽວ​ກັບ ​ຊັ​ພ​ສິນ ​ຂອງ​ຕົນ​ ເພື່ອ​ຈະ ​ປະ​ກອບ​ເປັນ ​ຂໍ້​ມູນ ​ໃນ​ການ​ຈ່າຍ ​ຄ່າ​ຊົດ​ເຊີຍ​ ໃນ​ຂັ້ນ​ຕໍ່​ໄປ.

ໃນ​ຂະ​ນະ​ດຽວ​ກັນ, ຊາວ​ບ້ານຈຳ​ນວນ​ 2-3 ຮ້ອຍ​ຄອບ​ຄົວ ໃນ​ເຂດ​ບ້ານ​ນາ​ສ້າວ ແລະ ບ້ານນາ​ແລ, ເມືອງ​ໄຊ, ແຂວງ​ອຸ​ດົມ​ໄຊ ທີ່​ຄາດ​ວ່າ ​ດິນ​ນາ ​ຂອງ​ພວກ​ຕົນ ​ຈະ​ໄດ້​ຮັບ ​ຜົລ​ກະ​ທົບ ຈາກ​ການກໍ່​ສ້າງ ​ສະ​ຖາ​ນີ​ຣົດ​ໄຟ ​ປະ​ຈຳ​ເມືອງ​ໄຊ ຂອງໂຄງ​ການ ​ກໍ່​ສ້າງ​ທາງ ຣົດ​ໄຟ ​ລາວ-ຈີນ ​ໃນຄັ້ງ​ນີ້ ກໍ​ມີ ​ຄວາມກັງ​ວົນ​ໃຈ ເພາະ​ດິນ​ນາ​ ຂອງ​ພວກຕົນ ​ເມື່ອລວມ​ກັນແລ້ວ ກໍມີ​ຫລາຍ​ຮ້ອຍ​ເຮັກຕ້າ, ກຸ່ມ​ດັ່ງ​ກາວ​ ຢ້ານ​ວ່າ ​ຈະບໍ່​ຖືກ​ຊົດ​ເຊີຍ​ ຢ່າງ​ເໝາະ​ສົມ ແລະວ່າ ຢາກ​ໃຫ້ ​ທາງ​ການ ເບິ່ງ​ຄືນ ​ເຣື່ອງ​ຈັດ​ສັນ ​ອາ​ຊີ​ພ​ ໃຫ້​ຊາວ​ບ້ານ ​​ນຳ​ອີກ ນອກ​ເໜືອ​ ຈາກ​ການ​ຊົດ​ເຊີຍ ​ຄ່າ​ເສັຽ​ຫາຍ​ຈາກ ​ທີ່​ດິນ ເພາະ​ຊາວ​ບ້ານ​ ສ່ວນ​ໃຫຍ່ ​​ເປັນ​ຊາວ​ໄຮ່​ຊາວນາ ຖ້າບໍ່​ມີ​ນາ​ເຮັດ ​ກໍ​ຈະ​ເປັນ ​ຄົນ​ວ່າງ​ງານ ຫລັງ​ຈາກ ​ຖືກ​ໂຍກ​ຍ້າຍ. ດັ່ງທ່ານ ໄດ້​ກ່າວ ຕໍ່​ຜູ້​ສື່​ຂ່າວ​ເອ​ເຊັຍເສ​ຣີ ໃນ​ວັນ​ທີ 14 ກໍ​ຣະ​ກະ​ດາ ນີ້ວ່າ:

ກະ​ຢາກ​ໃຫ້ ​ທາງ​ພັກ​-ຣັ​ຖ ເພິ່ນ​ປະ​ເມີນ​ຄືນ ​ທາງ​ດ້ານ​ອາ​ຊີ​ພ ​ຂອງ​ຂະ​ເຈົ້າ​ຄືນ​ ຫັ້ນ​ນ່າ. ຖ້າ​ເອົາ​ດິນ ​ຂອງ​ປະ​ຊາ​ຊົນ​ນີ້ ປະ​ຊາ​ຊົນ ​ກະ​ຈະ​ ບໍ່​ມີ​ອາ​ຊີພ, ປະ​ຊາ​ຊົນ 2-3 ຮ້ອຍຫຼັງ​ຄາ​ເຮືອນ​ ເຂົາ​ກະ​ຊິ​ ຫວ່າງ​ງານ. ທາງພັກ-ຣັ​ຖ ເພິ່ນ​ມີ​ ທິດ​ທາງ​ແນວ​ໃດ? ອັນ​ອາ​ຊີ​ພ ​ທີ່​ຊິໃຫ້​ຂະ​ເຈົ້າ ​ມີ​ຕໍ່​ໄປ​ຫັ້ນ​ນ່າ. ນາ​ຫັ້ນ ​ເຂົາ​ກະ​ສືບ​ທອດ​ມາ​ ແຕ່​ບັນ​ພະ​ບຸ​ຣຸດ ​ພຸ້ນ​ແຫຼະ.”

ທ່ານ​ກ່າວ ​ຕື່ມ​ວ່າ ຖ້າ​ເປັນ​ໄປ​ໄດ້ ​ກໍຢາກ​ໃຫ້​ ພາກ​ຣັ​ຖ ມີ​ມາ​ຕ​ການ ​ໃນ​ການ​ຊົດ​ເຊີຍ ໃນລັກ​ສະ​ນະ ​ທີ່​ເບິ່ງ​ແຍງ ​ປະ​ຊາ​ຊົນ ​ໃນ​ໄລ​ຍະ​ຍາວ ເພາະ​ທີ່ຜ່ານ​ມາ ກໍມີ​ບົດ​ຮຽນ​ແລ້ວ ​ຈາກ​ການ​ຊົດ​ເຊີຍ ​ທີ່​ດິນ ໃນບາງ​ແຂວງ ໂດຍ​ການຊົດ​ເຊີຍ ​​ເປັນ​ເງິນ​ນັ້ນ ​ເມື່ອ​ໃຫ້​ເງິນ​ແລ້ວ ຊາວ​ບ້ານ ກໍບໍ່​ສາ​ມາດ ​ໄປ​ຊອກ​ຊື້​​ດິນ​ນາ ເພື່ອ​ເຮັດ​ ການ​ກະ​ສິ​ກັມ​ໄດ້ ຄື​ບ່ອນ​ເກົ່າ ແລະ ຊາວ​ບ້ານ ກໍ​ທຸກ​ຍາກ ​ຕື່ມ​ອີກ ຍ້ອນບໍ່​ມີ ​ທີ່​ດິນ ​ທຳ​ມາ​ຫາ​ກິນ.

ປະ​ຈຸ​ບັນ, ໂຄງ​ການ ກໍ່​ສ້າງ ​ທາງ​ຣົດ​ໄຟ ​ລາວ-ຈີນ, ຄຸນ​ໝິງ-ວຽງຈັນ​ທນ໌, ໄດ້​ດຳ​ເນີນ​ ການສຳຫຼວດ ແລະ ກໍ່​ສ້າງ​ ແດ່​ແລ້ວ ເລັກ​ນ້ອຍ, ແຕ່ມາ​ເຖິງ​ທຸກມື້ນີ້ ກໍ​ຍັງ ​ບໍ່​ມີ​ມາ​ຕ​ການ​ໃດໆ ຈາກ​ພາກ​ຣັຖ ໃນ​ການໃຫ້​ຄ່າ​ຊົດ​ເຊີຍ ​ທີ່ດິນ​ປະ​ຊາ​ຊົນ ​​ຜູ້​ທີ່​ຈະໄດ້​ຮັບ​ ຜົລ​ກະ​ທົບ ​ຈາກ​ໂຄງການ ​​ດັ່ງ​ກ່າວ ແລະ ຈະຮັບ​ປະ​ກັ ນຄວາມ​ຫມັ້ນ​ຄົງ ໃນ​ຊີ​ວິດ​ຂອງ​ຂະ​ເຈົ້າ​ໄດ້ ຫຼາຍ​ໜ້ອຍສ່ຳ​ໃດ.

ເຕັມຫນ້າ