ພຣະພຸທຮູບ 5 ອົງ ຖືກລັກ ຈາກ ວັດອາໄພ

ສິດນີ
2018-01-10
ອີແມວລ໌
ຄໍາເຫັນ
Share
ພິມ
ໃນຮູບນີ້ແມ່ນສ່ວນນຶ່ງຂອງພຣະພຸທຮູປ ຈໍານວນ 14 ອົງ ທີ່ຖືກລັກໄປຈາກ ວັດແສນ ສຸຂາຣາມ ເມືອງຫຼວງພຣະບາງ ເມື່ອວັນທີ 13 ເດືອນກັນຍາ 2017 ຊຶ່ງທາງການຍັງຕິດຕາມ ສືບຫາຢູ່ວ່າ ໂຕການແມ່ນໃຜ.
ໃນຮູບນີ້ແມ່ນສ່ວນນຶ່ງຂອງພຣະພຸທຮູປ ຈໍານວນ 14 ອົງ ທີ່ຖືກລັກໄປຈາກ ວັດແສນ ສຸຂາຣາມ ເມືອງຫຼວງພຣະບາງ ເມື່ອວັນທີ 13 ເດືອນກັນຍາ 2017 ຊຶ່ງທາງການຍັງຕິດຕາມ ສືບຫາຢູ່ວ່າ ໂຕການແມ່ນໃຜ.
Photo credit: Champareport.com

ໃນເວລາກາງຄືນ ຂອງມື້ວັນທີ 6 ມົກຣາ ຜ່ານມາເກີດເຫດ ມີກຸ່ມຄົນຮ້າຍບໍ່ຮູ້ຈຳນວນໄດ້ເຂົ້າໄປລັກ ພຣະພຸທຮູບເກົ່າແກ່ ຈຳນວນ 5 ອົງ ຢູ່ວັດອາໄພ ບ້ານອາໄພ ເມືອງແລະແຂວງຫລວງພຣະບາງ ແລ້ວເອົາຂຶ້ນຣົດ ຫລົບຫນີໄປ ຊຶ່ງໃນປັດຈຸບັນ ຕຳຣວດ ເມືອງຫລວງພຣະບາງ ກຳລັງສືບສວນຫາຄົນຮ້າຍ ກຸ່ມດັ່ງກ່າວນັ້ນຢູ່ ແຕ່ຍັງບໍ່ມີບໍ່ແສຂໍ້ມູນ ຫຍັງຫລາຍ. ດັ່ງເຈົ້າຫນ້າທີ່ຫ້ອງການ ແນວລາວສ້າງຊາດ ແຂວງຫຼວງ ພຣະບາງ ທ່ານນຶ່ງກ່າວ ໃນມື້ວັນທີ 10 ມົກຣາ ນີ້ວ່າ:

"ເຈົ້າຫນ້າທີ່ກຳລັງສືບສວນວ່າ ແມ່ນຣົດແນວໃດນີ້ນ່າ ໄດ້ຍິນລົດຖືປ້າຍກຳແພງເຂົ້າໄປຫັ້ນແຫຼ້ວ ກະແມ່ນພຣະເສັຽຫັ້ນນ່າ ກະຊີ່ຫຼາຍຮ້ອຍປີ ຫັ້ນລະ ພະເກົ່າແກ່ພະໂບຮານ."

ທ່ານກ່າວຕື່ມວ່າ ໃນບໍຣິເວນວັດດັ່ງກ່າວ ບໍ່ໄດ້ຕິດຕັ້ງກ້ອງວົງຈອນປິດ ແລະເປັນວັດທີ່ຄົນທົ່ວໄປສາມາດເຂົ້າໄດ້ງ່າຍ ໂດຍບໍ່ມີການເຝົ້າຍາມ ແຕ່ຢ່າງໃດ ຫລັງຈາກເກີດເຫດ ເຈົ້າຫນ້າທີ່ບ້ານກໍພາກັນເວັນຍາມ ເພື່ອຮັກສາພະພຸທຮູບ ທີ່ຍັງເຫລືອຢູ່ ເພາະຢ້ານກຸ່ມຄົນຮ້າຍ ກັບມາລັກ ອີກໃຫມ່.

ທ່ານວ່າ ຈາກການສັນນິຖານເຊື່ອວ່າ ມີຄົນພາຍໃນວັດຮ່ວມມືກັບກຸ່ມຄົນຮ້າຍ ເພາະສາມາດລັກພຣະພຸທຮູບ ອອກໄປໄດ້ຢ່າງວ່ອງໄວ ໂດຍ ບໍ່ໃຊ້ເວລາດົນ ຊຶ່ງກຸ່ມຄົນຮ້າຍ ອາດເປັນກຸ່ມດຽວກັນ ທີ່ຫາລັກພຣະພຸທຮູບ ຕາມວັດຕ່າງໆໃນລາວ ໂດຍສະເພາະ ພຣະພຸທຮູບອົງເກົ່າແກ່ ແລະສັກສິດ ເພື່ອເອົາໄປຂາຍ ໃຫ້ຄົນຕ່າງຊາດ ທີ່ມັກສະສົມວັດຖຸບູຮານ ພຣະພຸທຮູບອົງເກົ່າແກ່.

ເຈົ້າຫນ້າທີ່ທ່ານນີ້ ກ່າວເພີ້ມວ່າ ກ່ອນຫນ້ານີ້ ກໍມີເຫດການລັກ ພຣະພຸທຮູບຫລາຍຄັ້ງ ຕາມວັດຕ່າງໆ ໃນນະຄອນຫລວງພຣະບາງ ຊຶ່ງໃນ ບາງກໍຣະນີກໍສາມາດເອົາຄືນມາໄດ້ ແຕ່ໃນຫລາຍກໍຣະນີ ກໍຫາຍໄປເລີຍ. ທາງການຕ້ອງການຢາກໃຫ້ ປະຊາຊົນ ແຈ້ງເຈົ້າຫນ້າທີ່ ຖ້າພົບ ເຫັນເຫດການດັ່ງກ່າວເກີດຂື້ນ.

ຄໍາເຫັນ (2)
Share

ຜູ້ອ່ານທີ່ບໍ່ອອກຊື່

Laos, you can sell anything you've got so your identity will be erased from the surface of the earth.

Jan 11, 2018 04:37 AM

​ຈັນ​ເພັດ

ຈາກ ​ຫລວງ​ພະ​ບາງ

ຜູ້​ນາມ ສ​ປ​ປລາວ ເປັນພວກ​ຈົນ​ປູ້ນ​ຊາດ ພາ​ກັນ​ເປີດ​ໂອ​ກາດ​ໃຫ້​ຊາວ ຂະ​ໂມຍ​ຫວຽດ​ນາມ ເຂົ້​າ​ມາ​ລັກ​ລອບ​ເອົາ ວັດ​ຖຸ​ບູ​ລານ​ໃນ ວັດ​ໄປ​ເກືອບ​ໝົດ​ແລ້ວ. ພະ​ພຸ​ທ​ຮູບ ຫລາຍໆ ອົງ​ຖືກ​ລັກ​ໄປ​ເປັນ​ໜ້າ​ເສຽດາຍ,ປະ​ເທດ​ລາວ ຍາມ​ໃດ​ກໍ່​ຖືກ​ຕ່າງ​ຊາດກອບ​ກອຍ​ຍາດ​ແຍ່ງ​ເອົາ​ວັດ​ຖຸ​ບູ​ລານ​ໄປ. ບໍ່​ພໍ​ເທົາ​ໃດ​ປີ​ຄົງ ພະ​ພຸ​ທະ​ຮູບ ທີ່​ເປັນ ມໍ​ລະ​ດົກ​ຂອງ ຊາດ​ລາວ​ຄົງ​ຈະ​ບໍ່​ເຫລືອ​ແລ້ວ.ລາວ​ເປັນ​ຊາດ​ນ້ອຍ​ແລະ​ຜູ້​ນາມ​ລາວ​ບໍ່​ສາ​ມາດ​ທີ່​ຈະ​ຮັກ​ສາ​ໄດ້, ເມ​ື່ອ​ເສັ້ນ​ທາງ​ຄວາມ​ໄວ​ສູງ​ຂອງ ຈິນ ເສືອ​ມ​ເຂົ້​າ​ລາວ, ລາວ ຈະ​ສູນ​ເສັ້ຽວັດ​ຖຸ​ຫລາຍ​ເທົາ​ຕົວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 11, 2018 04:24 AM

ເຕັມຫນ້າ