ຄ່າເຊັນເອກກະສານ ແພງ: ຊາວບ້ານ

ໄຊຍາ
2019-06-05
ອີແມວລ໌
ຄໍາເຫັນ
Share
ພິມ
ຄຸ້ມບ້ານພັທນາ ແຫ່ງນຶ່ງໃນ ນະຄອນຫຼວງວຽງຈັນ
ຄຸ້ມບ້ານພັທນາ ແຫ່ງນຶ່ງໃນ ນະຄອນຫຼວງວຽງຈັນ
ຮູບພາບຈາກ : ນັກຂ່າວພົລເມືອງ

ຊາວບ້ານຄົນນຶ່ງຈົ່ມວ່າ ຄນະບ້ານໄຊຍະພູມ ນະຄອນໄກສອນພົມວິຫານ ແຂວງສະຫວັນນະເຂດ ເກັບຄ່າເຊັນໃບຄຳຮ້ອງຂໍເຮັດ ພາສປອດ ໃໝ່ແພງເກີນໄປ ຄືເກັບເຖິງ 50 ພັນກີບຕໍ່ຄົນ; ສ່ວນບ້ານອື່ນໆ ເກັບພຽງແຕ່ 20 ພັນກີບ. ຊາວບ້ານຜູ້ນີ້ກ່າວຕໍ່ ວິທຍຸເອເຊັຽເສຣີ ໃນວັນທີ 3 ມິຖຸນາ 2019 ນີ້ວ່າ:

"ຂ້ອຍຫາກໍໄປເຊັນເທື່ອທຳອິດ ຂ້ອຍກໍວ່າ ອ້າວ! 50 ພັນ ຄືແພງແທ້ ມີບາງບ້ານ 20 ພັນ 10 ພັນ ແລ້ວບາດນີ້ ຂ້ອຍເຮັດວຽກໃຫ້ບໍຣິສັດ ຂ້ອຍຕ້ອງມີບິນ ມີເອກກະສານ ໄປເອົາເງິນ ໄປເຄລມເງິນຄືນ ເພາະໄປເອົາເງິນບໍຣິສັດອອກມາແລ່ນ ແລ້ວຂ້ອຍຖາມວ່າ ເອີຈັງຊັ່ນຂຽນບິນ ໃຫ້ຂ້ອຍໄດ້ບໍ່ ແລ້ວເຂົາວ່າ ບໍ່ມີບິນ."

ສ່ວນເຈົ້າໜ້າທີ່ຄນະບ້ານໄຊຍະພູມ ກໍອະທິບາຍວ່າບ້ານໃດ ກໍເກັບເທົ່າກັນໂຕຄ່າທຳນຽມອັນນີ້ ບ້ານໃດມັນກໍຄືກັນ ໃນເຂດເຮົາ ເຮົາກໍເບິ່ງ ຕາມໝູ່ເກັບຄືກັນ ໂຕນີ້ເຮົາເກັບມາໄດ້ສີ່ປີແລ້ວ ກໍ 50 ພັນກີບ ຣາຄາຕົ້ນທຶນ ຂອງ ພາສປອດ ເຮົາປ່ຽນໃໝ່ ກັບເຮົາເຮັດເຫຼັ້ມໃໝ່ ຣາຄາ ດຽວກັນ ບໍ່ຄືແຕ່ກີ້ ມັນມີຄຳຮ້ອງຂໍປ່ຽນແປງ ມັນມີໃບຄຳຮ້ອງແບບດຽວກັນໝົດເລີຍ.

ໃນຂນະດຽວກັນ ຊາວນະຄອນຫລວງວຽງຈັນ ຄົນນຶ່ງກໍ່ຈົ່ມຜ່ານສື່ສັງຄົມອອນລາຍ ວ່າເຈົ້າໜ້າທີ່ບ້ານດົງບັງ ເມືອງໄຊທານີ ນະຄອນຫລວງ ວຽງຈັນ ເກັບຄ່າຟອມໃບແຈ້ງເກີດເດັກນ້ອຍ ຫຼາຍເກີນໄປເຖິງ 50 ພັນກີບຕໍ່ຄົນ. ແຕ່ເຈົ້າໜ້າທີ່ ສຳມະໂນຄົວ ບ້ານດົງບັງ ກ່າວຕອບວ່າ ບໍ່ແມ່ນຄວາມຈິງ

"ໄທເຮົາກໍເອກກະພາບ ກັບທາງນະຄອນຫຼວງ ແລະກໍແຈ້ງກັບເອກກະສານ ທີ່ພວກເຮົາຖ່າຍໃນຜ່ານມາ ມັນຖືກຕ້ອງໝົດແລ້ວ ມັນບໍ່ມີມູນ ຄວາມຈິງ ອັນຕໍ່ລະໂຕ 50 ພັນ; ເຂົາເຈົ້າເຂົ້າໃຈຜິດ ໃບແຈ້ງການ ຂອງຫ້ອງການພາຍໃນ ເປັນຜູ້ອອກໃຫ້ ໃບແຈ້ງເກີດ ມາຈາກໂຮງໝໍ ມັນພຽງແຕ່ໃບອອກໂຮງໝໍຊື່ໆ ມັນນຳມາໃຊ້ບໍ່ໄດ້."

ບັນຫາຄນະບ້ານເກັບເງິນ ແລ້ວບໍ່ໃຫ້ໃບບິນຮັບເງິນນັ້ນ ລູກພໍ່ບ້ານຂອງບ້ານນຶ່ງ ນະຄອນຫຼວງວຽງຈັນ ເວົ້າວ່າເວລາເຊັນໜັງສື ໃຫ້ລູກບ້ານ ພໍ່ບ້ານບໍ່ໄດ້ໃຫ້ໃບຮັບເງິນແທ້ ພຽງແຕ່ຈົດບັນທຶກໄວ້ໃນປື້ມ ແລະກໍຂຽນຣາຄາເກັບຕິດໄວ້ຢູ່ຫ້ອງການ.

ເຕັມຫນ້າ