ລາວ ໄດ້ເງິນຊ່ອຍເຫຼືອ ເພື່ອ ການພັທນາ ຈາກ ຈີນ

ສຸພັດຕາ
2018-01-11
ອີແມວລ໌
ຄໍາເຫັນ
Share
ພິມ
ນາຍົກຣັຖມົນຕຣີ ສປຈີນ ທ່ານ ຫລີ ເຄິຈຽງ ແລະ ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປ ລາວ ພົບປະກັນ ທີ່ ກຸງພະນົມເປັນ ປະເທດ ກັມພູຊາ ເມື່ອວັນທີ 10 ມົກກະຣາ 2018
ນາຍົກຣັຖມົນຕຣີ ສປຈີນ ທ່ານ ຫລີ ເຄິຈຽງ ແລະ ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປ ລາວ ພົບປະກັນ ທີ່ ກຸງພະນົມເປັນ ປະເທດ ກັມພູຊາ ເມື່ອວັນທີ 10 ມົກກະຣາ 2018
Screen captured from xinhuanet.com

ສປປລາວ ໄດ້ຮັບເງິນຊ່ວຍເຫລືອ ເພື່ອການພັທນາຈາກຈີນ ເປັນມູນຄ່າ 5.2 ຕື້ຢວນຫລືປະມານ 800 ລ້ານໂດລາ ສະຫະຣັຖ, ແຕ່ຍັງບໍ່ ເປັນທີ່ຈະແຈ້ງເທື່ອ ວ່າຈະນຳໃຊ້ເງິນນັ້ນ ເຂົ້າໃນໂຄງການໃດແດ່ ແລະໃນຣະຍະເວລາຈັກປີ, ຊຶ່ງຂະນະນີ້ ຍັງຢູ່ໃນ ຂັ້ນຕອນ ຂອງການ ວາງແຜນນຳໃຊ້ເງິນ ດັ່ງກ່າວນັ້ນຢູ່ ແລະຍັງບໍ່ທັນມີການເປີດເຜີຍ. ຕາມການຢືນຢັນຂອງເຈົ້າໜ້າທີ່ ດ້ານການຮ່ວມມື ລາວ-ຈີນ ກະຊວງ ແຜນການ ແລະການລົງທຶນ ຜູ້ຂໍສງວນຊື່ແລະສຽງ ຕໍ່ວິທຍຸເອເຊັຽເສຣີ ເມື່ອວັນທີ 10 ມົກກະຣາ 2018  ນີ້ແລ້ວແມ່ນວ່າ:

“ເພາະວ່າໂຕເລຂນີ້ ແມ່ນໂຕເລຂ ທີ່ວ່າຍັງບໍ່ສາມາດເປີດເຜີຍໄດ້ເລີຍ ວ່າເປັນຄວາມລັບໄວ້ກ່ອນ ຍັງຈະມີການວາງແຜນຢູ່."

ກ່ອນໜ້ານີ້, ທ່ານ ທອງລຸນ ສີສຸລິດ, ນາຍົກຣັຖມົນຕຣີ ໄດ້ສັ່ງໃຫ້ກະຊວງ ແລະພາກສ່ວນກ່ຽວຂ້ອງ ເອົາໃຈໃສ່ໃນການນຳໃຊ້ເງິນຊ່ວຍເຫຼືອ ຢ່າງເປັນທາງການ ຈາກຕ່າງປະເທສ ຫຼື ODA ທີ່ລວມທັງເງິນຊ່ວຍເຫຼືອ ຈາກຣັຖບາລຈີນ ມູລຄ່າ 5,2 ຕື້ຢວນ ນັ້ນນໍາດ້ວຍ ເພື່ອໃຫ້ຮັບ ປະກັນວ່າ ການນຳໃຊ້ບ້ວງເງິນດັ່ງກ່າວ ຈະປະກອບສ່ວນເຂົ້າໃນ ການພັທນາເສຖກິຈ-ສັງຄົມ ໃຫ້ມີປະສິດທິຜົລສູງສຸດ.

ໃນຣະຍະຫຼັງໆມານີ້ ຣັຖບາລຈີນ ຊ່ວຍເຫຼືອຣັຖບານ ສປປລາວ ໃນດ້ານການສຶກສາແລະສັງຄົມ ຫລາຍຂຶ້ນ ເປັນຕົ້ນກໍແມ່ນ ການປະກາດ ຊ່ວຍສ້າງໂຮງໝໍມະໂຫສົດ ຫຼັງໃໝ່ເມື່ອຄາວທີ່ ທ່ານ ສີ ຈິ້ນຜິງ ປະທານປະເທສຈີນ ມາຢ້ຽມຢາມລາວ ທີ່ນະຄອນຫຼວງວຽງຈັນ ເມື່ອເດືອນ ພຶສຈິກາ 2017 ທີ່ ຜ່ານມາ.

ແລະກ່ອນໜ້ານັ້ນ, ຣັຖບາລຈີນ ກໍໄດ້ປະກາດໃຫ້ທຶນ ການສຶກສາແກ່ລາວ ເພີ້ມຂຶ້ນ ແລະສ້າງຕັ້ງສະຖາບັນ ຂົງຈື້ ທີ່ມະຫາວິທຍາລັຍ ແຫ່ງຊາຕລາວ ນໍາດ້ວຍ.

ຄໍາເຫັນ (2)
Share

ເດັກລາວ

ຈາກ ຕາມໃຈ

ເງິນມະຫາສານຈຳນວນນິ້ ບໍ່ແມ່ນການໃຫ້ລ້າ ແລະພັກລັດຈະບໍ່ໃຫ້ຂໍ້ມູນ ຕາມແບບສະບັບທີ່ເຮັດມາ ເພາະແນ່ນອນຈະຕ້ອງເອົາຊັບພະຍາກອນແຜ່ນດິນ ຂອງປະຊາຊົນລາວ ໄປແລກນຳປະເທດຈີນ. ມັນເປັນການເອົາເຊືອກມາຜູກຄໍ ປະຊາຊົນລາວ ແບບຕ່ຳຊ້າທີ່ສຸດ. ນີ້ຄືການຂາຍຊາດຂາຍປະເທດ ຢ່າງຫມົດປັນຍາຂອງພັກລັດລາວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 16, 2018 04:14 AM

(

This is not an aid but a purchase from the Chinese. May God bless your souls. Adieu and RIP.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 16, 2018 04:14 AM

ເຕັມຫນ້າ