ງົປມານແຂວງຮົ່ວເປັນ ດອກເບັ້ຽ

ສິດນີ
2016-06-21
ອີແມວລ໌
ຄໍາເຫັນ
Share
ພິມ
ແຂວງອັດຕະປື
ແຂວງອັດຕະປື
RFA

ພະນັກງານ ການເງິນ ແຂວງ ອັດຕະປື ຜູ້ທີ່ບໍ່ປະສົງ ອອກຊື່ ທ່ານນຶ່ງ ກ່າວຕໍ່ ເອເຊັຽເສຣີ ວ່າ ພະນັກງານ ຂອງຣັດ ທີ່ ແຂວງອັດຕະປື ໄດ້ຮັບ ເງິນເດືອນຊ້າ ເປັນຍ້ອນວ່າ ເຈົ້າຫນ້າທີ່ ການເງິນ ທີ່ ແຂວງອັດຕະປື ເອົາເງິນໄປໃຫ້ ບໍຣິສັດ ເອກກະຊົນ ຢືມ ເພື່ອ ກິນດອກເບັ້ຽ.

ທ່ານວ່າ ໃນທ້າຍປີ 2015 ຖືກກວດພົບວ່າ ມີການເອົາເງິນ ອອກຈາກ ທະນາຄານ ແຂວງ ຈຳນວນ 14 ຕື້ກີບ, ໂດຍ ຮອງຫົວຫນ້າຄັງ ແລະ ພະນັກງານ ວິຊາການ ຮ່ວມກັນ ເອົາໄປໃຫ້ ບໍຣິສັດ ເອກກະຊົນ ກູ້ແລ້ວ ເອົາດອກເບັ້ຽເຂົ້າຖົງ ຕົນເອງ. ອັດຕຣາ ດອກເບັ້ຽ ທີ່ ກຸ່ມດັ່ງກ່າວ ເກັບຈາກ ບໍຣິສັດ ນັ້ນກໍແມ່ນ 100 ລ້ານກີບ ຕໍ່ 1 ຕື້ກີບ ໃນແຕ່ລະ ເດືອນ ຈົນເຮັດໃຫ້ ມີການຊັກຊ້າ ໃນການ ເບີກຈ່າຍ ເງິນເດືອນ ຂອງ ພະນັກງານ ຣັດ. ເມື່ອມີການ ສືບສວນ ກໍໄປລົງໂທດ ບໍຣິສັດ ຜູ້ ທີ່ຢືມເງີນ ບໍ່ແມ່ນ ເຈົ້າຫນ້າທີ່ ທະນາຄານ ຫຼື ເຈົ້າຫນ້າທີ່ ການເງິນ ຂອງແຂວງ. ກ່ຽວກັບ ບັນຫາ ການຈ່າຍ ເງິນເດືອນຊ້າ ທ່ານ ທອງລຸນ ນາຍົກ ຣັຖມົນຕຣີລາວ ເວົ້າວ່າ: --ສຽງ--

ບໍຣິສັດ ທີ່ ກູ້ຢືມເງິນ ແຂວງ ອັດຕະປື ນັ້ນ ມີ 4 ບໍຣິສັດ; ດັ່ງ ບໍຣິສັດ ບຸນສົງ ກໍ່ສ້າງຂົວທາງ, ບໍຣິສັດ P&S ຈຳກັດ, ບໍຣິສັດ ພອນວິໄລ ກໍ່ສ້າງຈຳກັດ ແລະ ບໍຣິສັດ ເຮືອງມີໄຊ ກໍ່ສ້າງ ຈຳກັດ ທັງສີ່ ບໍຣິສັດ ນີ້ ຖືກ ຜແນກການເງິນ ແຈ້ງຂໍ້ຫາ ໃຫ້ຫ້ອງການແຂວງ ລົງໂທດ ຄືໃຫ້ຖອນ ໃບອະນຸຍາດ, ໂຈະການດຳເນີນ ທຸຣະກິດ, ບໍ່ມີສິດ ໃນການປະມູນ ແລະ ການຈັດຊື້ ເຄື່ອງ ອຸປກອນ ດ້ວຍ ງົບປະມານ ຣັດ, ໂຄງການ ຊ່ອຍເຫລືອລ້າ ແລະ ກູ້ເງິນພາຍໃນ ແລະ ຕ່າງປະເທດ ໄດ້. ທ່ານ ທອງລຸນ ກ່າວເພີ້ມ ກ່ຽວກັບ ຄວາມສຳຄັນ ຂອງ ການຈ່າຍ ເງິນເດືອນວ່າ: --- ສຽງ---

ມາຮອດ ປັດຈຸບັນ ທາງຫ້ອງການ ການເງິນ ແຂວງ ຍັງບໍ່ໄດ້ ລົງໂທດ ຮອງຫົວຫນ້າ ຜແນກ ແລະ ລູກນ້ອງ ຜູ້ກະທຳຜິດ ນັ້ນຈັກຄົນ ບຸກຄົນ ເຫລົ່ານີ້ ຍັງເຮັດວຽກ ຢູ່ຫ້ອງການ ການເງິນ ແຂວງ ອັດຕະປື ຕາມ ປົກກະຕິ ຢູ່.

ຄໍາເຫັນ (6)
Share

(

ນາຍົກທອງລຸນ ກຳຈັດໃຫ້ໝົດໄປເດີ, ຖ້າທ່ານບໍກຳຈັດພວກສໍ້ໂກງຊາດ, ທ່ານກໍຖືກໃນຂໍ້ຫາຄືກັນໃດ ທ່ານເອີຍ! ພວກເຮົາປະຊາຊົນນີ້ລະ ຊິກຳຈັດທ່ານອີກ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 23, 2016 02:20 PM

ແກ້ວ

ຈາກ ເມືອງອະນຸວົງ

ຂໍເອົາໃຈຊ່ວຍທ່ານນາຍຍົກທອງລຸນ ຈົ່ງຂະຈັດສິ່ງຊົ່ວຮ້າຍເຫຼົ່ານັ້ນ ອອກຈາກກະດູກສັນຫລັງປະຊາຊົນລາວອອກໄວໆແດ່ ເຊັ່ນບັນດາຜູ້ທີ່ກະບົດຊາດເຫົ່ລານັ້ນ ຂະຈັດອອກໄປໄວໆ .ແລະຈົ່ງໃຫ້ມີອົງການກວດສອບ ຢ່າງຮອບຄອບ ເພື່ອໃຫ້ບັນຫາ ກະບົດຊາດດັບໄປ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 17, 2016 01:21 PM

ລາວ ນອກ U.S.A. OKC.

ຈາກ OKC. U.S.A

ເລື້ອງ: ພະນັກງານຂອງ ພັກຣັຖ ແຂວງອັດຕະປື ໄດ້ຮັບເງີນເດືອນຊ້າ. ຍ້ອນເຈົ້າໜ້າທີ່ການເງີນ ຂອງແຂວງອັດຕະປື ເອົາເງີນໄປໃຫ້ ບໍຣິສັດ ເອກກະຊົນ ຢືມເພື່ອກີນດອກເບັ້ຽ. ເລືອງນິ້ຢ່າໄປຕິວ່າເປັນຍ້ອນ ບໍຣິສັດ ບໍ່ຈ່າຽເງີນຄືນ ແຕ່ຍັງດີທີ
ບໍຣິສັດຍັງຈ່າຽແດແຕ່ສັກຊ້າ ເພາະວ່າຄ່າດອກເບັ້ຽສູງ. ເລືອງນິ້ ຣັຖບາລ ຄວນເອົາເຈົ້າ ໜ້າທີ່ການເງີນຜູ້ທີ່ມີສ່ວນກ່ຽວຂ້ອງ ມາລົງໂທດໃຫ້ໝົດທຸກຄົນ, ຫຼືບໍ່ກໍ່ຕ້ອງໄລ່ອອກຈາກໜ້າທີ ຈື່ງຖືກຕ້ອງ,ຫຼືປົດຮອດ ຜູ້ວ່າການແຂວງອອກຈາກຕຳແໜ່ງ.
ຢ່າໄປຕິວ່າເປັນຍ້ອນ ບໍຣິສັດ ເປັນຍ້ອນຜູ້ວ່າການແຂວງ ລົງມາຮອດພະນັກງານ ການເງີນມີສ່ວນຮ່ວມນຳກັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 23, 2016 03:52 PM

BOSS ATAPEU

I AM THE BOSS HERE, FRIEND OF GENERAL ETC.... I AM NOT SCARED NOBODY


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 23, 2016 02:57 PM

ຄ.ນະຄຳມ່ວນ

ຈາກ ທ່າແຂກ

ຈັງແມ່ນສລາດຈັງໄຮໄດ້ໃຈພັກ-ຣັຖ ແບບຮອບດ້ານແທ້ນໍ້ ພະນັກງານຣັຖກອນ ຢູ່ ສປປລາວ ຍຸກໂລກາພິນາຈ ຂາດຄວາມຍຸຕຕິທັມ ດ້ວຍອຳນາຈຜູກຂາດແບບ ປະຊາທິປະໄຕລວມສູນ ເພື່ອບືນສ້າງສັງຄົມນິຍົມສົມໃຈ ໃຫ້ໄດ້ທຸກຢ່າງແທ້ນໍ້.!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 23, 2016 02:55 PM

ເບິ່ງຄວາມເຫັນທັງໝົດ.

ເຕັມຫນ້າ