ຊາວບ້ານຈະໄດ້ຄ່າຊົດເຊີຍ


2014-01-15
Share
F-xekaman-river ຊາວບ້ານ ໃນເຂດ ສາຍນໍ້າ ເຊກະໝານ
manager-online

 

ເຈົ້າຫນ້າທີ່ ເວົ້າວ່າໂຄງການກໍ່ສ້າງເຂື່ອນໄຟຟ້າ ເຊກະໝານ1 ທີ່ ແຂວງອັດຕະປື ຈະຈ່າຍຄ່າຊົດເຊີຍ ແລະສ້າງບ້ານ ຈັດສັນ ໃຫ້ຊາວບ້ານ ຜູ້ທີ່ໄດ້ຮັບຜົລກະທົບ ຕາມສັນຍາ ຫລັງຈາກປີທີ່ ຜ່ານມາ ມີຫລາຍຄອບຄົວ ຖືກໂຍກຍ້າຍ ຈາກພື້ນທີ່ກໍ່ສ້າງ ແຕ່ ຍັງບໍ່ທັນມີ ບ້ານຈັດສັນເທື່ອ:

"ມີກອງປະຊຸມ ກໍໄດ້ລົມກັບ ຂະເຈົ້າແລ້ວ ກໍໄດ້ລົມ ຜູ້ພັທນາ ໂຄງການຫັ້ນວ່າດຽວນີ້ ສະເພາະປະຊາຊົນທີ່ຍ້າຍໄປກ່ອນ ຈະ ຕ້ອງໄດ້ຄ່າຊົດເຊີຍທິດນີ້ ຜູ້ນຳແຂວງເພີ່ນວ່າແນວນັ້ນ".

ທ່ານກ່າວຕຶ່ມວ່າ ໃນມື້ວັນທີ 8 ມົກກະຣາ ຜ່ານມາ ທາງການ ແຂວງໄດ້ຈັດກອງປະຊຸມກ່ຽວກັບ ການສ້າງເຂື່ອນເຊກະໝານ1 ຣະຫວ່າງຣັຖວິສາຫະກິດ ລາວ-ວຽດ ຊື່ງເປັນຜູ້ລົງທຶນໃນໂຄງ ການ ໂດຍກອງ ປະຊຸມໄດ້ ຕົກລົງກັນວ່າ ຕ້ອງແກ້ໄຂ ບັນຫາ ການໂຍກຍ້າຍຊາວບ້ານ ຜູ້ທີ່ໄດ້ຮັບຜົລກະທົບ ຄວບຄູ່ໄປກັບການກໍ່ສ້າງ ໂດຍຈະມອບ ໃຫ້ຝ່າຍປົກຄອງເມືອງ ເປັນຜູ້ ຮັບຜິດຊອບ ແຕ່ຍັງບໍ່ໄດ້ກຳນົດວັນເວລາແນ່ນອນເທື່ອວ່າ ບ້ານຈັດສັນແລະການຈ່າຍຄ່າຊົດເຊີຍໃຫ້ແກ່ຊາວບ້ານຈະເລີ້ມປະຕິບັດກັນເມື່ອໃດ.

ໂຄງການ ເຂື່ອນ ເຊຂະຫມານ1 ຈະມີກຳລັງ ຜລິດໄຟຟ້າ ໄດ້ປະມານ 322 ເມກາວັດ ຕັ້ງຢູ່ເມືອງສານໄຊ ແຂວງອັດຕະປື ຈະໄດ້ ໂຍກຍ້າຍ ປະຊາຊົນ 5 ບ້ານ ຄື ບ້ານຫີນດຳ ດອນແຄນ ສຸກສະຫວ່າງ ຕັງເກີ ແລະບ້ານ ດັກບູ ທີ່ມີ ປະຊາຊົນ ໂດຍຮວມ 975 ຄົນ ອອກຈາກພື້ນທີ່ ການກໍ່ສ້າງ. ທາງການ ຈະສ້າງບ້ານ ຈັດສັນ ສອງແຫ່ງ ໃຫ້ແກ່ຂະເຈົ້າ ພ້ອມດ້ວຍ ຄ່າຊົດເຊີຍ ແຕ່ເຖິງຢ່າງ ໃດກໍຕາມຊາວບ້ານຈຳນວນນຶ່ງໄດ້ໂຍກຍ້າຍ ໄປກ່ອນແລ້ວ ຍ້ອນການພັກດັນ ຂອງຣັຖບານວ່່າງປິກອ່ນທັ້ງໆທີ່ຍັງບໍ່ມີ ບ້ານຈັດສັນໃຫ້ ຂະເຈົ້າ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ