ການກໍ່ສ້າງຂົວດອນໂຂງ

2014-02-05
ອີແມວລ໌
ຄໍາເຫັນ
Share
ພິມ
ແຂວງຈໍາປາສັກ
ແຂວງຈໍາປາສັກ
RFA

 

ປັດຈຸບັນ ໂຄງການສ້າງຂົວ ຂ້າມນ້ຳຂອງ ຢູ່ດອນໂຂງ ເມືອງໂຂງ ແຂວງຈຳປາສັກ ທີ່ມີຄວາມຍາວ 600 ແມັດ ກວ້າງ 9 ແມັດ ຈາກເສັ້ນ ທາງເລຂທີ 13s  ຕໍ່ໃສ່ດອນໂຂງ ເມືອງໂຂງ ແຂວງຈຳປາສັກ ໄດ້ສ້າງສຳເຣັດໄປແລ້ວ 70 ສ່ວນຮ້ອຍ.

ໃນເວລານີ້ ໂຄງການກໍ່ສ້າງກຳລັງມີການເທຄອນກຣີດ ເຊື່ອມຕໍ່ຣະຫວ່າງເສົາຫລັກ ຂອງຂົວ 4 ຕົ້ນ. ຂົວດັ່ງກ່າວຈະອຳນວຍ ຄວາມສະດວກ ໃຫ້ແກ່ການ ສັນຈອນ ການທ່ອງທ່ຽວ ແລະ ການຂົນສົ່ງສິນຄ້າ ໄປດອນໂຂງ ຊຶ່ງເປັນແຫລ່ງທ່ອງທ່ຽວ ທີ່ສຳຄັນແຫ່ງນຶ່ງ ໃນແຂວງຈຳປາສັກ. ດັ່ງເຈົ້າໜ້າທີ່ ແຂວງ ຈຳປາສັກ ກ່າວວ່າ:

"ຂົວດອນໂຂງ ນີ້ປະມານ 70 ສ່ວນຮ້ອຍ ແລ້ວໄດ໋ ຕໍ່ຂ້າງມີເສົາກາງນ້ຳຫັ້ນນະ 4 ຕົ້ນ ແລ້ວເຂົາຖອກເທຄອນກຣີດ ໄດ້ເຄິ່ງນຶ່ງໝົດແລ້ວ".

ວຽກງານເທຄອນກຣີດ ເພື່ອໃຫ້ເສົາ 4 ຕົ້ນ ມີການເຊື່ອມຕໍ່ກັນນັ້ນ ຈະໃຊ້ເວລາປະມານ 3 ເດືອນ ແລະ ຄາດວ່າຂົວແຫ່ງນີ້ ຈະສຳເຣັດ 100 ສ່ວນຮ້ອຍ ພາຍໃນເດືອນຕຸລາ ປີ 2014 ແລະ ຈະເປີດໃຊ້ຢ່າງເປັນທາງການ ໃນຕົ້ນ ເດືອນທັນວາ ປີນີ້.

ການກໍ່ສ້າງຂົວ ດອນໂຂງ ໃຊ້ແຮງງານປະມານ 100 ຄົນ ສ່ວນຫລາຍແມ່ນ ແຮງງານຈີນ ໃນຂະນະທີ່ ແຮງງານລາວ ມີສ່ວນຫນ້ອຍ ຍ້ອນ ບໍຣິສັດ ຮັບເໝົາ ກໍ່ສ້າງແມ່ນ ມາຈາກປະເທດຈີນ.

ເຕັມຫນ້າ