ພະນັກງານຣັຖຖືກໄລ່ອອກ 8 ຄົນ ຍ້ອນ ສໍ້ຣາສບັງຫຼວງ

ມະນີຈັນ
2018-09-21
ອີແມວລ໌
ຄໍາເຫັນ
Share
ພິມ
ກົມກວດກາພາຍໃນ ເພື່ອ "ສະກັດກັ້ນ" ແລະ "ຕ້ານ" ການສໍ້ຣາສບັງຫລວງ
ກົມກວດກາພາຍໃນ ເພື່ອ "ສະກັດກັ້ນ" ແລະ "ຕ້ານ" ການສໍ້ຣາສບັງຫລວງ
RFA/LX

ກະຊວງການເງິນ ສປປລາວ ໄລ່ພະນັກງານ 8 ຄົນ ອອກຢ່າງຖາວອນ ຍ້ອນສໍ້ຣາດບັງຫລວງ ສ້າງຄວາມເສັຽຫາຍ ແກ່ງົບປະມານ ຂອງຣັຖບານ. ກະຊວງ ຈະຍຶດຣົດປະຈຳຕຳແໜ່ງຂອງພວກເຂົານັບແຕ່ວັນທີ 1 ຕຸລາ 2018 ນີ້ເປັນຕົ້ນໄປ.

ພະນັກງານທັງ 8 ຄົນ ທີ່ວ່ານັ້ນ ມີທັງຜູ້ຊ່ວຍວຽກ ຄນະການນໍາ ກະຊວງການເງິນ, ຫົວໜ້າສະຖາບັນເສຖກິຈການເງິນ, ຜແນກກົມຄຸ້ມຄອງ ວິສາຫະກິດຣັຖລົງທຶນແລະປະກັນພັຍຮວມຢູ່ດ້ວຍ. ກ່ຽວກັບເຣື່ອງດັ່ງກ່າວ ວິທຍຸເອເຊັຍເສຣີ ໄດ້ຕິດຕໍ່ໄປຫາກົມກວດກາ ກະຊວງການເງິນ ເພື່ອຂໍຮູ້ລາຍລະອຽດ ແຕ່ເຈົ້າໜ້າທີ່ກ່ຽວຂ້ອງ ຍັງບໍ່ສາມາດ ໃຫ້ຄໍາເຫັນໄດ້ ຍ້ອນ ຍັງຄາປະຊຸມ ຫາຣືກັນຢູ່.

ຢ່າງໃດກໍຕາມ ອະດີດເຈົ້າໜ້າທີ່ທາງການລາວ ທ່ານນຶ່ງ ກ່າວກ່ຽວກັບເຣື່ອງນີ້ວ່າ ເຖິງກະຊວງການເງິນ ຈະໄລ່ພະນັກງານອອກກໍຕາມ ແຕ່ການສໍ້ຣາດບັງຫລວງ ໃນຂແນງການອື່ນໆ ຍັງມີຫຼາຍ ທີ່ຣັຖບານ ຈະຕ້ອງໄດ້ປາບປາມ

"ຄືຄວາມຈິງຫັ້ນນະ ເຣື່ອງສໍ້ຣາດບັງຫລວງ ໂດຍສະເພາະຢູ່ລາວພວກເຮົານີ້ ມັນກະທຸກຢ່າງຍ່ອມຫຍ້າເນາະ ມັນບໍ່ແມ່ນແຕ່ເງິນໂຕນີ້ ມັນປາບຍາກນະຢູ່ລາວ ກະປຽບສເມືອນສຸພາສິດ ຄືໄກ່ເຫັນຕີນງູ ງູເຫັນນົມໄກ່ຫຍັງປະມານນີ້ ຕ້ອງຜູ້ທີ່ມີຫາງສູງປົດໂຕເອງກ່ອນ ຈັ່ງໄປປົດຂັ້ນຕໍ່າ ພວກເພິ່ນນີ່ ກະຕ້ອງເຫັນແກ່ປະ ໄຫຍດບ້ານເມືອງ."

ເມື່ອປີ 2017 ອົງການກວດກາແຫ່ງຣັຖ ກວດພົບເງິນເສັຽຫາຍ ຈາກ ການສໍ້ຣາດບັງຫລວງ ຈໍານວນ 404 ຕື້ກີບ ໃນນັ້ນສາມາດກູ້ເງິນຄືນ ໄດ້ແລ້ວ 317 ຕື້ປາຍກີບ. ການສໍ້ຣາດບັງຫລວງສ່ວນຫລາຍເກີດຈາກການຊໍາຣະໜີ້ສິນໂຄງການທີ່ບໍ່ມີຕົວຕົນ 3 ໂຄງການ ແລະຈ່າຍເງິນ ຊໍ້າຊ້ອນ ຢູ່ 12 ແຂວງ ນະຄອນຫລວງວຽງຈັນ ແລະກະຊວງ.

ຄໍາເຫັນ (2)
Share

(

Bla bla bla bla :) ;) ;) ;) ha ha ha . You Lao party-state you are scums and you don't even know it.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 26, 2018 07:23 AM

(

ເກີດຂື້ນກັບກະຊວງການເງີນອີກແລ້ວ, ທ່ານຜູ້ນໍາຄືບໍ່ປົດໝົດກະຊວງເລີຍ ແລ້ວແຕ່ງຕັ້ງຂື້ນໄໝ່ທ່ານ; ອັນນີ້ມັນບໍ່ມີແຕ່ 8ຄົນ ເທົ່ານັ້ນ, ມັນກົງກັນກິນທົ່ວກະຊວງການເງີນຂອງທ່ານເລີຍ ເຂົາພາກັນກີນໝົດທົ່ວກົມ, ແມ້ແຕ່ຜູ້ເຊັດລົດໄຫ້ກະຊວງທຸກໆມື້ ກະຢັງໄດ້ໜອ້ຍນື່ງ; ແລ້ວຢູ່ໃນກະຊວງການເງີນນັ້ນ ມັນມີຈັກຂະແໜງການ ມີຈັກຫ້ອງການ ມີຈັກພະແນກການ, ມີຫຼາຍແທ້ໆພາກັນແຕ່ງຕັ້ງຂື້ນມາຈົນໝົດ, ມີຮອດພະແນກບໍ່ມີຕົວຕົນ, ແລ້ວແຕ່ລະພະແນກມີລັດທະກອນ ເກືອບ100ຄົນແຕ່ລະຄົນ ແມ່ນອາໄສງົບປະມານຂອງທ່ານ ກະຄືຂອງລັດ, ແລະທົ່ວປະເທດ ມີຈັກກະຊວງ,ໃຫ້ຄິດເບິ່ງເອົາ ແລ້ວມາປຽບທຽບ ແລະສົມດູນກັນເບິ່ງເອົານໍ້, ພໍ່ແມ່ເປັນຕໍ່າລວດທະຫານ ຫຼືເປັນເຈົ້າເປັນນາຍແລ້ວ ລູກຍິງລູກຊາຍກໍເປັນຄືກັນເປັນໄປຈົນຮອດຫຼານ,ເຫຼັນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 26, 2018 07:13 AM

ເຕັມຫນ້າ