ເມືອງຮຸນ ສັ່ງຍົກເລີກ ສວນກ້ວຍ

ມະນີຈັນ
2017-04-12
ອີແມວລ໌
ຄໍາເຫັນ
Share
ພິມ
ຮູປຂອງບໍຣິເວນ ສວນປູກກ້ວຍ ຂອງຈີນ ທີ່ຖືກນໍ້າຖ້ວມ ຮວມທັງສາງເກັບມ້ຽນ ສານເຄມີ ແລະ ຢາຂ້າຫຍ້າຕ່າງໆ ທີ່ຖືກນໍ້າພັດ ໄຫຼລົງສູ່ລໍານໍ້າ
ຮູປຂອງບໍຣິເວນ ສວນປູກກ້ວຍ ຂອງຈີນ ທີ່ຖືກນໍ້າຖ້ວມ ຮວມທັງສາງເກັບມ້ຽນ ສານເຄມີ ແລະ ຢາຂ້າຫຍ້າຕ່າງໆ ທີ່ຖືກນໍ້າພັດ ໄຫຼລົງສູ່ລໍານໍ້າ
RFA/LX

ອຳນາດການປົກຄອງ ເມືອງຮຸນ ແຂວງອຸດົມໄຊ ສັ່ງໃຫ້ບໍຣິສັດຈີນ ຍົກເລີກສວນປູກກ້ວຍ ແລະບໍ່ໃຫ້ປູກຕື່ມອີກ ຊຶ່ງຂນະນີ້ ຢູ່ເມືອງຮຸນ ກໍມີການຍົກເລີກ ສວນກ້ວຍ ໄປຈຳນວນນຶ່ງແລ້ວ. ຕາມຄຳເວົ້າ ຂອງເຈົ້າໜ້າທີ່ ເມືອງຮຸນ ຕໍ່ RFA ໃນວັນທີ 11 ເມສາ ນີ້:

"ເພາະວ່າທາງເຮົາ ເພິ່ນກໍກຳລັງສັ່ງຍົກເລີກ ແຕ່ວ່າບາງບໍຣິສັດ ກໍເລີກຢູ່ ທາງບາງບໍຣິສັດ ກໍຄົງບໍ່ທັນເລີກສິນະ ເຮົານີ໋ຖືວ່າ ລົດເນາະ ກໍຫາລົງຫຼາຍແລ້ວ".

ຢູ່ເມືອງຮຸນ ມີເນື້ອທີ່ປູກກ້ວຍ 1 ພັນ ປາຍເຮັກຕາ ຂອງ 6 ບໍຣິສັດຈີນ. ບາງບໍຣິສັດ ທີ່ບໍ່ປະຕິບັດ ຕາມສັນຍາ ທາງເມືອງ ກໍສັ່ງໃຫ້ ຍົກເລີກ ແລະ ຕັດຕົ້ນກ້ວຍຖິ້ມ. ທ່ານກ່ານຕື່ມອີກວ່າ ໃນຂັ້ນຕໍ່ໄປ ທາງເມືອງຈະຟື້ນຟູດິນ ສວນກ້ວຍ ເພື່ອໃຫ້ປະຊາຊົນ ປູກພືດຊນິດ ອື່ນໄດ້ ແລະ ມີແຜນໃຫ້ປູກເຂົ້າສາລີ ຄືເກົ່າ ຊຶ່ງປັດຈຸບັນ ມີນັກລົງທຶນ ວຽດນາມ ແລະໄທ ເຂົ້າມາຂາຍແນວພັນສາລີ ໃຫ້ປະຊາຊົນ ເພື່ອນຳໄປ ປູກແລ້ວ.

ສວນກ້ວຍຈີນ ສ້າງຜົລກະທົບ ດ້ວຍການໃຊ້ສານພິດເຄມີ ເປັນຈໍານວນຫຼວງຫຼາຍ, ປະຊາຊົນ ທີ່ເປັນຄົນງານ ຢູ່ສວນກ້ວຍນັ້ນ ເຈັບປ່ວຍ ແລະເສັຽຊີວິດຍ້ອນ. ປະຊາຊົນ ເມືອງຮຸນ ກ່າວກ່ຽວກັບ ເຣຶ່ອງນີ້ວ່າ:

"ແລ້ວປະຊາຊົນ ໄປຮັບໃຊ້ເປັນກັມກອນ ຢູ່ຫັ້ນກໍຖືກ ຜົລກະທົບເນາະ ເປັນພຍາດຜິວໜັງບໍ່ ເປັນພຍາດເຊື້ອຣາ ຢູ່ໃນຜິວໜັງ ແລ້ວເກີດ ເປັນມະເຮັງ ຫຼາຍປັດໃຈ".

ເມື່ອທ້າຍປີກາຍ ກໍມີຂ່າວວ່າ ເມືອງຮຸນ ແຂວງອຸດົມໄຊ ປະສົບກັບບັນຫາ ສານພິດເຄມີ ໄຫຼລົງແຫລ່ງນ້ຳ ທັມມະຊາດ ໃນຂນະທີ່ເກີດ ນ້ຳຖ້ວມ ແຕ່ເຈົ້າໜ້າທີ່ເມືອງ ແລະເຈົ້າໜ້າທີ່ແຂວງ ໄດ້ປະຕິເສດ ຂ່າວດັ່ງກ່າວ ວ່າບໍ່ມີມູນ ຄວາມຈິງ.

ເຕັມຫນ້າ