ລາວຮັບເງິນກູ້ຈາກຍີ່ປຸ່ນ


2014-01-14
Share
F-Wattay-international-airport ສນາມບິນນາໆຊາດ ວັດໄຕ ໄດ້ຮັບທຶນ ຈາກປະເທດຍີ່ປຸ່ນ ເພື່ອປັບປຸງ ຂຍາຍອອກ ໃຫ້ເຖິງຣະດັບ ສາກົນ
Photo Gallery Vientiane Airport

 

ໂດຍຜ່ານທາງອົງການຊ່ອຍເຫລືອໃຈກ໊າ ຣັຖບານຍີ່ປຸ່ນ ໄດ້ອະນຸມັດ ເງິນກູ້ໃຫ້ແກ່ ສປປລາວ 95.44 ລ້ານໂດລາ ສະຫະຣັດ ເພື່ອໃຊ້ໃນ ການປັບປຸງ ສນາມບີນວັດໃຕ ແລະໃນໂຄງການຫລຸດຜ່ອນຄວາມທຸກ ຍາກໃນລາວ ຫລາຍໂຄງການ.

ເງິນກູ້ສ່ວນໃຫຍ່ ຈະໃຊ້ໃນການຂຍາຍ ຕຶກຜູ້ໂດຍສານ ທີ່ສນາມບີນ ນານາຊາດວັດໃຕ ມີພຽງແຕ່ 5 ລ້ານໂດລາ ເທົ່ານັ້ນທີ່ຈະໃຊ້ໃນໂຄງ ການ ຫລຸດຜ່ອນ ຄວາມທຸກ ຍາກຂອງຊາວລາວ.

ຂໍ້ຕົກລົງດັ່ງກ່າວ ໄດ້ລົງນາມກັນ ໃນມື້ວັນສຸກ ຜ່ານມາ ທີ່ນະຄອນ ຫລວງວຽງຈັນ ຣະຫວ່າງ ທ່ານ ພູເພັດ ຄຳພູນວົງ ຣັຖມົນຕຣີ ກະ ຊວງການເງິນ ສປປລາວ ກັບ ຕົວແທນອົງການໃຈກ໊າ ປະຈຳລາວ ທ່ານ ໂກຊີ ຕາເກະ.

ສນາມບິນວັດໃຕ ເປັນສນາມບິນນານາຊາດ ແຫ່ງທຳອິດ ທີ່ສຳຄັນ ໃນລາວ ເລີ້ມແຕ່ການກໍ່ສ້າງມາ ຣັຖບານລາວໄດ້ຮັບເງິນຈາກຫຼາຍປະເທດ ໃນການຍົກຣະດັບ ສນາມບິນດັ່ງກ່າວນີ້.

ໂຄງການຂຍາຍສນາມບິນ ແລະຕຶກອາຄານຜູ້ໂດຍສານ ກໍເພື່ອຮອງ ຮັບນັກທ່ອງທ່ຽວ ທີ່ຈະເພີ້ມຂຶ້ນໃນອະນາຄົດ ແລະ ເພື່ອຍົກຣະດັບຄວາມ ປອດພັຍ ໃນສນາມບິນ ແລະການເຂົ້າອອກ ຂອງຜູ້ໂດຍສານ ທັງຖ້ຽວບິນພາຍໃນແລະສາກົນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ