ຂ.ສວັນນະເຂດ ຍຶດໄມ້ ກໍາລັງ ຂົນໄປວຽດນາມ

ໄມຊູລີ
2018-07-23
ອີແມວລ໌
ຄໍາເຫັນ
Share
ພິມ
ໜ່ວຍກວດກາ ແຂວງສວັນນະເຂດ ເຂົ້າກວດຄົ້ນຣົດ ທີ່ຊຸກເຊືອງໄມ້ໄວ້ໃນພື້ນຣົດ ທີ່ຖືກດັດແປງມາ ເພື່ອອໍາພາງ ເຈົ້າໜ້າທີ່ ແຕ່ກໍໜີບໍ່ພົ້ນ
ໜ່ວຍກວດກາ ແຂວງສວັນນະເຂດ ເຂົ້າກວດຄົ້ນຣົດ ທີ່ຊຸກເຊືອງໄມ້ໄວ້ໃນພື້ນຣົດ ທີ່ຖືກດັດແປງມາ ເພື່ອອໍາພາງ ເຈົ້າໜ້າທີ່ ແຕ່ກໍໜີບໍ່ພົ້ນ
Screen captured : Laos 360°C / ລາວ 360 ອົງສາ https://www.facebook.com/2114504981908287/photos/pcb.2626834104008703/2626833957342051/?type=3&theater

ເຈົ້າໜ້າທີ່ກອງກວດກາປ່າໄມ້ ປະຈໍາແຂວງສວັນນະເຂດ ຍຶດໄມ້ຫວງຫ້າມ ຢູ່ໃນຣົດຕູ້ຄອນເທັນເນີ ຂອງຄົນວຽດນາມ ທີ່ກໍາລັງຈະຂົນໄປ ປະເທສວຽດນາມ ຜ່ານດ່ານສາກົນ ແດນສວັນ-ລາວບາວ ໃນມື້ວັນທີ 17 ກໍຣະກະດາ 2018 ນີ້. ໄມ້ຫວງຫ້າມ ຈໍານວນ 3.5 ແມັດກ້ອນ ທີ່ຢຶດໄດ້ພ້ອມທັງຣົດນັ້ນ ເປັນໄມ້ປະດົງທີ່ຄົນວຽດນາມ ເຊື່ອງໄວ້ຢູ່ໃນຣົດ ທີ່ມີການດັດແປງ.

ໃນມື້ດຽວກັນນັ້ນ ເຈົ້າໜ້າທີ່ລາວ ກໍສາມາດຢຶດໄມ້ແປຮູບໄດ້ຈໍານວນ 1.5 ແມັດກ້ອນ ທີ່ຖືກເຊື່ອງໄປນໍາຣົດແກ່ໄມ້ວິກ ຊຶ່ງເປັນຣົດປ້າຍລາວ ທະບຽນສາລະວັນ ແຕ່ຜູ້ຂັບເປັນ ຄົນວຽດນາມ. ຣົດ ທີ່ເຈົ້າໜ້າທີ່ ຍຶດໄວ້ນັ້ນເປັນຣົດ ທີ່ມີການດັດແປງຂົນເຄື່ອງ ເພື່ອອໍາພາງເຈົ້າໜ້າທີ່.

ແຕ່ຄົນຂັບຣົດຂົນໄມ້ຫວງຫ້າມທັງ 2 ຄົນນັ້ນ ຫລົບໜີໄປໄດ້ ຊຶ່ງເຈົ້າໜ້າທີ່ກອງກວດກາປ່າໄມ້ ໄດ້ແຈ້ງໄປຍັງພາກສ່ວນທີ່ກ່ຽວຂ້ອງ ຂອງ ທາງການ ໂດຍສະພາະດ່ານຕ່າງໆ ເພື່ອຈັບຕົວພວກກ່ຽວມາສອບສວນ ແລະດໍາເນີນຄະດີ ແລະທັງສືບຫາ ຂະບວນການລັກຂົນສົ່ງໄມ້ ຈາກ ສປປລາວ ໄປຕ່າງປະເທສ ນໍາດ້ວຍ.

ຄໍາເຫັນ (1)
Share

(

Well, what happened ? I heard that logging has been forbidden by Lao prime minister and his government. It means that they lack control over their own country or they just lied in order to please the outside world. Probably both are more than possible when as far as this Lao government is concerned. This government consists of liars from the top to the bottom.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 24, 2018 12:40 PM

ເຕັມຫນ້າ