ເຈົ້າໜ້າທີ່ ຈັບວຽດນາມ ຂົນໄມ້ ເຖື່ອນ

ໄມຊູລີ
2018-01-08
ອີແມວລ໌
ຄໍາເຫັນ
Share
ພິມ
ຣົດແກ່ຄອນເທນເນີ້ ທີ່ບັນທຸກຊຸກເຊື່ອງ ໄມ້ຄະຍຸງໄວ້ທາງໃນ ແລ້ວເອົາເຄື່ອງດື່ມກະທິງແດງ ທັບໄວ້ເພື່ອອໍາພາງ ການກວດຄົ້ນ ແຕ່ກໍໜີບໍ່ພົ້ນ
ຣົດແກ່ຄອນເທນເນີ້ ທີ່ບັນທຸກຊຸກເຊື່ອງ ໄມ້ຄະຍຸງໄວ້ທາງໃນ ແລ້ວເອົາເຄື່ອງດື່ມກະທິງແດງ ທັບໄວ້ເພື່ອອໍາພາງ ການກວດຄົ້ນ ແຕ່ກໍໜີບໍ່ພົ້ນ
Screen captured lao/thai.net video

ເຈົ້າໜ້າທີ່ສະເພາະກິດ ແຂວງບໍລິຄໍາໄຊ ຈັບຊາວວຽດນາມໄດ້ຄົນນຶ່ງ ທີ່ຂັບຣົດແກ່ຄອນເທນເນີ້ ລັກຂົນໄມ້ ຂະຍູງເຖື່ອນ ຈໍານວນ 849 ທ່ອນ ເກືອບເຖິງ 24 ແມັດກ້ອນ ຢູ່ບໍຣິເວນດ່ານສາກົນນໍ້າພ້າວ ເມືອງຄໍາເກີດ ເພື່ອຫວັງຂົນອອກໄປວຽດນາມ ເມື່ອ ວັນທີ 23 ທັນວາ 2017 ທີ່ຜ່ານມາ. ດັ່ງເຈົ້າໜ້າທີ່ກວດກາຊັພຍາກອນປ່າໄມ້ ແຂວງບໍລິຄໍາໄຊ ກ່າວໃນມື້ວັນທີ 5 ມົກກະຣາ ນີ້ວ່າ:

"ວັນທີ 23 ເດືອນ 12 ຫັ້ນແຫລະ ມື້ທີ່ອ້າຍນ້ອງເຂົາໄດ້ຮັບແຫລ່ງຂ່າວ ໄມ້ຂະຍູງລະມີ 849 ຕົວ ນໍ້າໜັກ 30 ພັນ 846 ກິໂລ, ຄັນວ່າ ເຮົາໄລ່ນໍ້າໜັກເປັນແມັດກ້ອນ ມັນສິເປັນ 23 ແມັດກ້ອນຈຸດ 727 ຄັນດຽວ ແລະມັນກະມີກະທິງແດງ ທີ່ວ່າເປັນເຄຶ່ອງ ອໍາພາງທັບຖົມໄມ້ ຫັ້ນນະ ກໍເຫັນຢູ່ເລັກໆນ້ອຍໆແຕ່ວ່າມັນບໍ່ເປັນ ຂະບວນການໃຫຍ່ຄືຕົວນີ້ ດຽວນີ້ໄທເຮົາກໍກໍາລັງດໍາເນີນ ການສືບສວນຢູ່ດຽວນີ້ນະ."

ເຈົ້າໜ້າທີ່ໄດ້ຮັບຂ່າວ ຈາກທ້ອງຖິ່ນວ່າ ຈະມີການເຄື່ອນຍ້າຍໄມ້ຫວງຫ້າມ ປະເພດໄມ້ຂະຍູງ ອອກປະເທດ ຜ່ານດ່ານສາກົນນໍ້າພ້າວ ເພື່ອນໍາເຂົ້າປະເທສວຽດນາມ, ດັ່ງນັ້ນເຈົ້າໜ້າທີ່ ຈຶ່ງໄດ້ໄປກວດກາ ແລະພົບເຫັນຣົດແກ່ຄອນເທນເນີ ຂົນສິນຄ້າ ທີ່ຈອດລໍຖ້າຢູ່ບໍຣິເວນ ໜ້າດ່ານ ແລະໄດ້ກວດພົບເຄຶ່ອງດື່ມກະທິງແດງ ທີ່ຖົມໄມ້ທີ່ ຊຸກເຊຶ່ອງໄວ້ຢູ່ໃນ ຕູ້ຄອນເທັນເນີ.

ຣົດຄັນດັ່ງກ່າວ ບໍ່ມີເອກສານການເສັຍພາສີໃດໆ ຢັ້ງຢືນຈາກທາງການລາວ ຂະນະນີ້ເຈົ້າໜ້າທີ່ຕໍາຣວດ ແຂວງບໍລິຄໍາໄຊ ກໍາລັງສືບສວນ ສອບສວນ ຄົນຂັບຣົດ ທີ່ເປັນຜູ້ຕ້ອງຫານັ້ນຢູ່ ແລະຄາດວ່າ ອາດຈະເປັນຂະບວນການໃຫຍ່ ໃນການລັກຂົນໄມ້ ເຖື່ອນຄັ້ງນີ້, ນັບຕັ້ງແຕ່ ມີຄໍາສັ່ງ ຂອງນາຍົກຣັຖມົນຕຣີ ເລກທີ 15 ອອກມາ ເມື່ອກາງປີ 2016.

ເຈົ້າໜ້າທີ່ກວດກາຊັພຍາກອນປ່າໄມ້ນາແປ ແຂວງບໍລິຄໍາໄຊເວົ້າວ່າໃນປີ 2017 ຜ່ານມາ ທາງການແຂວງນີ້ໄດ້ຈັບພວກລັກ ຂົນໄມ້ເຖື່ອນ ຢູ່ເລື້ອຍໆ. ແຕ່ພໍສອບສວນໄປແລ້ວ ກໍເປັນພຽງກຸ່ມຄົນທົ່ວໄປ, ບໍ່ໄດ້ເຮັດເປັນຂະບວນການ ແລະມີພຽງແຕ່ໄດ້ ຍຶດເອົາໄມ້ແລະປັບໃໝຕາມ ຣະບຽບກົດໝາຍເທົ່ານັ້ນ.

ຄໍາເຫັນ (1)
Share

(

:) :) :) Ha ha haa haaa haaaa !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 09, 2018 08:32 AM

ເຕັມຫນ້າ