ຝ່າຍການເງິນ 13 ຄົນຖືກ ຂໍ້ຫາ ສໍ້ໂກງ

2018-08-02
ອີແມວລ໌
ຄໍາເຫັນ
Share
ພິມ
ການກໍ່ສ້າງ ເສັ້ນທາງຣົດໄຟ ລາວ-ຈີນ ໃນນະຄອນຫຼວງວຽງຈັນ
ການກໍ່ສ້າງ ເສັ້ນທາງຣົດໄຟ ລາວ-ຈີນ ໃນນະຄອນຫຼວງວຽງຈັນ
RFA/LX

ເຈົ້າຫນ້າທີ່ກວດກາ ການສໍ້ຣາສບັງຫລວງ ສປປລາວ ໄດ້ກວດພົບເຫັນການນຳເຂົ້ານ້ຳມັນ ແບບຜິດກົດໝາຍ ຫຼືເກີນໂຄຕາທີ່ທາງການ ກຳນົດໃຫ້ ໃນໂຄງການສ້າງເສັ້ນທາງຣົດໄຟ ລາວ-ຈີນ ປະມານ 8 ລ້ານກວ່າລິດ ໃນສາງເກັບນ້ຳມັນຫລາຍແຫ່ງ ເປັນຕົ້ນທີ່ແຂວງ ສວັນນະເຂດ ບໍ່ແກ້ວ ຫລວງນ້ຳທາ ແລະບ່ອນອື່ນໆ ພ້ອມທັງຣົດຍົນ ຮ້ອຍກວ່າຄັນ ອຸປກອນການກໍ່ສ້າງເສັ້ນທາງຣົດໄຟ ອີກ 1 ພັນ ຊຸດ.

ນອກຈາກນັ້ນ ເຈົ້າຫນ້າທີ່ຂແນງອື່ນ ຍັງກວດພົບເຫັນການປອມແປງເອກສານເກັບເງິນແລ້ວ  ບໍ່ມອບໃຫ້ຣັດຄົບຈຳນວນ ມີການສົມຮູ້ ຮ່ວມຄິດ ກັບຜູ້ປະກອບການ ບັນຫາການຈ່າຍເງິນລ່ວງຫນ້າ, ຣະບົບການຄັງບໍ່ຖືກຕ້ອງ ແລະຈ່າຍເງິນນອກແຜນການ ໃນຫລາຍກໍຣະນີ ແລະຫລາຍໂຄງການ ທີ່ເຮັດໃຫ້ລາຍຮັບ ຂອງຂອງຣັຖບານຮົ່ວໄຫລ ຈຳນວນກວ່າ 11 ຕື້ກີບ ໂດຍມີພນັກງານຂແນງການເງິນ 13 ຄົນ ມີສ່ວນພົວພັນ ແລະຖືກສອບສວນ ໃນກໍຣະນີ ດັ່ງກ່າວມານີ້.

ທາງການລາວເຂັ້ມງວດໃນການກວດກາ ການສໍ້ຣາສບັງຫລວງ ຂອງເຈົ້າຫນ້າທີ່ຣັດ ທຸກຂແນງການໃນທົ່ວປະເທດ ຫລັງຈາກພົບວ່າ ງົບປະມານ ຂອງຊາດຮົ່ວໄຫລ ຫລາຍລ້ານໂດລາ ໃນແຕ່ລະປີ. ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ ໄດ້ອອກຄຳສັ່ງ ໃຫ້ເພີ້ມມາຕການ ໃນການກວດດັ່ງກ່າວ ຍ້ອນເຫັນວ່າ ການສໍ້ຣາສບັງຫລວງ ເປັນອຸປສັກຕໍ່ການພັທນາປະເທດຊາດ.

ກ່ຽວກັບກໍຣະນີ ເຈົ້າຫນ້າທີ່ກວດກາ ການສໍ້ຣາສບັງຫລວງ ໄດ້ກວດພົບເຫັນການນຳເຂົ້າ ນ້ຳມັນ ແບບຜິດກົດຫມາຍ ຫລືເກີນໂຄຕາ ດັ່ງກ່າວນັ້ນ; ເອເຊັຽເສຣີ ກໍໄດ້ຕິດຕໍ່ໄປຫາ ທ່ານ ຄຳມະນີ ຄຸນນີວົງ ຮອງຣັຖມົນຕຣີ ກະຊວງ ຄົມມະນາຄົມ ແລະຂົນສົ່ງ ສປປລາວ ແລະກໍເປັນຜູ້ຮັບຜິດຊອບ ໃນໂຄງການທາງຣົດໄຟ ລາວ-ຈີນ ແຕ່ ຝ່າຍເລຂາບອກວ່າ ທ່ານບໍ່ສະດວກ ເວົ້າສາຍ ແລະ ເອເຊັຽເສຣີ ກໍໄດ້ຕິດຕໍ່ຫາ ທ່ານ ສີລາ ວຽງແກ້ວ ຮອງຣັຖມົນຕຣີ ກະຊວງການເງີນ ແຕ່ບໍ່ມີໃຜຮັບສາຍ.

ຄໍາເຫັນ (2)
Share

ລາວ

ຈາກ ລາວ

ບັນຫາສໍ້ກົງເງິນແລະວັດຖຸກໍ່ສ້າງທາງລົດໄຟນັ້ນ ໂຄງການຫາກໍ່ເລີ້ມມາບໍ່ທັນໄດ້ 1/4ຂອງການກໍ່ສ້າງເລີຍກໍມີການອົມກິນກັນແລ້ວ ໂດຍລວມແລ້ວ ພວກນີ້ຄົງຈະບໍ່ໄດ້ມີແນວຄິດແລະຈິດໃຈອັນແຮງກ້າ ທີ່ຈະສ້າງສາໃຫ້ປະເທດຊາດ, ໃຫ້ພໍ່ແມ່ພີ່ນອ້ງ ປະຊາຊົນ ແລະສໍາຄັນແມ່ນບໍ່ສື່ສັດ ຕໍ່ຜູ້ນໍາພາອັນສລາດສ່ອງໃສຂອງຕົນເອັງເລີຍນໍ້ ອັນນີ້ເປັນໜ້າອັບອາຍແທ້ໆ ສະນັ້ນຢາກຖາມຜູ້ນໍາທາງການລາວ ແດ່ວ່າຍັງສິປ່ອຍໃຫ້ພວກນີ້ເຮັດແບບນີ້ ຢູ່ຕໍ່ໄປຢູ່ບໍ? ພວກນີ້ໄປທໍາງານແຕ່ລະມື້ ເຂົາຄືສິບໍ່ໄດ້ຄິດເລື້ອງອື່ນ ເຂົາສິມີແຕ່ຄິດເຮັດວິທີໄດ ແລະສ່ອງທາງໃດ ທີ່ຈະກົງເງິນຈໍານວດນມະຫາສານນີ້ໄດ້ເທົ່ານັ້ນ ແລະສຸດທ່າຍເຂົາກໍເຮັດໄດ້,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 16, 2018 12:33 PM

(

Laos has made a lot of progress. Only 13 corrupt officials, it's like in a dream. Yes it's a dream that will turn to nightmare if we care to look closely.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 06, 2018 04:44 AM

ເຕັມຫນ້າ