ຣັຖບານລາວ ເຊົາປະມູນ ຣົດຫລູ

ໄຊຍາ
2018-10-16
ອີແມວລ໌
ຄໍາເຫັນ
Share
ພິມ
ຕົວຢ່າງ ຣົດ ປະຈໍາຕໍາແໜ່ງ ຂອງຜູ້ນໍາ ສປປ ລາວ ຊຶ່ງມີການນໍາມາ ປະມູນຂາຍ ເພື່ອເປັນການປະຢັດມັທຍັດ ງົບປະມານ
ຕົວຢ່າງ ຣົດ ປະຈໍາຕໍາແໜ່ງ ຂອງຜູ້ນໍາ ສປປ ລາວ ຊຶ່ງມີການນໍາມາ ປະມູນຂາຍ ເພື່ອເປັນການປະຢັດມັທຍັດ ງົບປະມານ
RFA

ຄນະຮັບຜິດຊອບ ການປະມູນຣົດ ສຳນັກງານ ນາຍົກຣັຖມົນຕຣີ ສປປ ລາວ ເວົ້າວ່າ ຈະບໍ່ມີການເປີດປະມູນຣົດຫຼູ ທີ່ໄດ້ມາຈາກຄນະຜູ້ນໍາ ແຕ່ລະແຂວງ ໃນທົ່ວປະເທດ ທີ່ຍັງເຫຼືອ ຣົດ Benz  series C ທັງໝົດ 15 ຄັນ ເນື່ອງຈາກຈະຕ້ອງເກັບໄວ້ໃຊ້ ວຽກງານ ໃນປີໜ້າ ເພື່ອຮອງຮັບ ຜູ້ນຳທີ່ຈະເດີນທາງເຂົ້າມາ ຮ່ວມກອງປະຊຸມ ຜູ້ນຳອາຊຽນ ທີ່ລາວ ຈະເປັນເຈົ້າພາບ. ດັ່ງ ເຈົ້າໜ້າທີ່ ຄນະຮັບຜິດຊອບ ການປະມູນຣົດ ສຳນັກງານ ນາຍົກຣັຖມົນຕຣີ ກ່າວຕໍ່ RFA ໃນມື້ນີ້ວ່າ:

"ເພິ່ນເປີດຫວ່າງ 3 ເດືອນຫຼັງນີ້ປະມູນຂາຍແລ້ວ ຂາຍຈຳນວນຶ່ງ ຍັງຈຳນວນຶ່ງ ເພິ່ນບໍ່ຂາຍເອົາໄວ້ເປັນຣົດຮັບແຂກ ຖືວ່າບໍ່ໄດ້ເປີດແລ້ວ ແລະອັນໂຕຫວ່າງແລ້ວບໍ່ແມ່ນຣົດການນໍາ ແມ່ນເປັນຣົດຮັບແຂກ ຂອງບັນດາແຂວງ ທີ່ເຮົາສົ່ງໄປເປັນຂອງແຂວງ ປະຈຳແຕ່ລະແຂວງ ຫັ້ນນ່າ ໄທເຮົາລະຊື້ Toyota Camry ໄປປ່ຽນໃຫ້ແຂວງ ເອົາມາຊື່ ໆ ວ່າສິປະມູນຂາຍແຕ່ວ່າ ນາຍົກເພິ່ນວ່າ ເຫັນວ່າພວກເຮົາຍັງສິ ມີກອງປະຊຸມ ປີໜ້າ ເອົາໄວ້ຮັບໃຊ້ກອງປະຊຸມ ພວກເຮົາກໍບໍ່ຂາຍ ເອົາໄວ້ຮັບໃຊ້ ກອງປະຊຸມ."

ທ່ານກ່າວຕື່ມວ່າພາຍຫຼັງທີ່ຮຽກເກັບຣົດຫຼູ ຈາກການຳທົ່ວປະເທດໄດ້ທັງໝົດ 50 ຄັນ ຣັຖບານລາວ ກໍ່ໄດ້ມອບຣົດ Toyota Carmry ໃຫ້ກັບການນໍາແຕ່ລະແຂວງ ໄປໃຊ້ແທນ ແລະ ໄດ້ເປີດປະມູນ ຂາຍໄປແລ້ວຈຳນວນຶ່ງ. ອີກຈຳນວນຶ່ງ ຣັຖບານລາວຍັງ ເກັບໄວ້ໃຊ້ ວຽກງານ. ທີ່ຍັງເຫຼືອຣົດ Benz C ທັງໝົດ 15 ຄັນ ທ່ານ ທອງລຸນ ສີສຸລິດ ນາຍົກຣັຖມົນຕຣີ ເຫັນວ່າ ຖ້າປະມູນຂາຍອອກໄປໝົດ ຈະເຮັດໃຫ້ບໍ່ມີຣົດຫຼູ ແລະ ບໍ່ປອດພັຍຕ້ອນຮັບຜູ້ນໍາ ປະເທດຕ່າງໆ ທີ່ຈະເຂົ້າມາຢ້ຽມຢາມ ແລະ ກອງປະຊຸມ ຜູ້ນຳອາຊ້ຽນນຳອີກ ຈຶ່ງ ໃຫ້ຢຸດການປະມູນ ຂາຍຣົດຫຼູ.

ຜ່ານມາທາງການລາວ ໄດ້ເປີດປະມູນຂາຍຣົດຫຼູ ໄປແລ້ວ 3 ຄັ້ງ ໃນຣະວ່າງປີ 2017– 18 ລວມຍອດມູນຄ່າຂາຍ ທັງໝົດ 13 ຕື້ກີບ. ການຖອນຄືນຣົດຫຼູ ປະຈຳຕໍາແຫນ່ງ ຂອງເຈົ້າໜ້າທີ່ຣະດັບສູງນັ້ນ ເປັນນະໂຍບາຍຕ້ານການຟຸມເຟືອຍ ແລະ ຕ້ານ ການສໍ້ຣາດບັງຫຼວງ ຕາມທີ່ ທ່ານ ທອງລຸນ ສີສຸລິດ ນາຍົກຣັຖມັນຕຣີ ໄດ້ກ່າວ ໃນກອງປະຊຸມສະພາແຫ່ງຊາດ ໃນເດືອນຕຸລາ ປີ 2016 ຜ່ານມາ.

ຄໍາເຫັນ (1)
Share

(

Lao people near and far, inside or outside Laos, please don't get fooled again by the Lao mafia government.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 17, 2018 10:43 AM

ເຕັມຫນ້າ