ຄົນງານລາວຢູ່ຕ່າງປະເທດ ຖືກ ລະເລີຍ

ສຸພັດຕາ
2019-01-11
ອີແມວລ໌
ຄໍາເຫັນ
Share
ພິມ
ຄົນງານລາວ ທີ່ອອກໄປເຮັດວຽກ ໃນຕ່າງປະເທດ ຂົງເຂດເອເຊັຽ ສ່ວນຫຼາຍ ແມ່ນໄປ ໄທ ຕໍ່ມາ ຍິ່ປຸ່ນ ແລະ ເກົາຫຼີໃຕ້
ຄົນງານລາວ ທີ່ອອກໄປເຮັດວຽກ ໃນຕ່າງປະເທດ ຂົງເຂດເອເຊັຽ ສ່ວນຫຼາຍ ແມ່ນໄປ ໄທ ຕໍ່ມາ ຍິ່ປຸ່ນ ແລະ ເກົາຫຼີໃຕ້
RFA/TP

ທາງພາກສ່ວນກ່ຽວຂ້ອງ ຍັງຂາດເຂີນງົບປະມານໃນການຕິດຕາມເບິ່ງການເປັນຢູ່ໂຕຈິງ ຂອງຄົນງານລາວ ທີ່ຕັດສິນໃຈໄປເຮັດວຽກ ຢູ່ ຕ່າງປະເທດ ຕາມບັນທຶກຄວາມເຂົ້າໃຈ ຫຼື MOU ຣະຫວ່າງລາວ ກັບຕ່າງປະເທດ. ຈົນຮອດປັຈຈຸບັນພາກສ່ວນກ່ຽວຂ້ອງ ກໍຍັງບໍ່ຮູ້ວ່າ ຄົນງານລາວ ຈຳນວນນັ້ນ ຈະໄດ້ຮັບການປະຕິບັດຕໍ່ແນວໃດ ຫຼືກິນຢູ່ຫຼັບນອນບ່ອນໃດ.

ຍົກຕົວຢ່າງແຕ່ປີ 2015-16 ມີຄົນງານລາວຊາຍໜຸ່ມຍິງສາວ ອາຍຸຣະຫວ່າງ 18-25 ປີ ຮວມມີ 47 ຄົນຢູ່ແຂວງວຽງຈັນ ໄປເຮັດວຽກຢູ່ ປະເທດຍິ່ປຸ່ນ ມາຮອດມື້ນີ້ທາງແຂວງ ຍັງບໍ່ມີງົບປະມານ ໃນການຕິດຕາມເບິ່ງຊີວິດການເປັນຢູ່ ຂອງພວກຂະເຈົ້າ, ດັ່ງເຈົ້າໜ້າທີ່ ຜແນກ ແຮງງານ ແລະສວັດດີການສັງຄົມ ທ່ານນຶ່ງ ກ່າວຕໍ່ວິທຍຸເອເຊັຍເສຣີ ໃນມື້ວັນທີ 11 ມົກກະຣາ ນີ້ວ່າ:

”ບາງເທື່ອສິແມ່ນເລື່ອງວຽກ ບາງເດືອນເຮັດ ບາງເດືອນບໍ່ໄດ້ເຮັດ ບາງເທື່ອເງິນບາງເດືອນກໍບໍ່ໄດ້ ເລື່ອງສວັດດີການ ເລື່ອງເງິນອຸດໜຸນ ຕ່າງໆ ຕອນມາສຳພາດ ເປັນຢ່າງໜຶ່ງ ຕອນເຮັດຕົວຈິງ ບໍ່ເປັນຕາມນັ້ນ ເພາະວ່າພວກເຮົາບໍ່ໄດ້ຕິດຕາມ ປະເທດປາຍທາງພຸ້ນ ເຮົາຈັດສົ່ງ ໄປແລ້ວ ບໍ່ໄດ້ຕິດຕາມ ມັນບໍ່ມີງົບປະມານຊິໄປຕິດຕາມ.”

ທ່ານກ່າວຕື່ມວ່າ ບັນທຶກຂໍ້ຕົກລົງ MOU ຈະມີສັນຍາສະບັບນຶ່ງ ເປັນສັນຍາຜູກພັນ ຣະຫວ່າງນາຍຈ້າງຕ່າງປະເທດ ກັບລູກຈ້າງຄົນລາວ ໃນຕ່າງປະເທດ ຈະເຊັນສັນຍາເຮັດວຽກນໍາກັນ 3 ປີ ລະ1 ປີ ກໍຕ້ອງຕິດຕາມຊີວິດການເປັນຢູ່ຂອງຂະເຈົ້າ, ແຕ່ວ່າປີ 2015–16 ທາງ ບໍຣິສັດຕ່າງປະເທດ ກໍພຽງຣາຍງານໃຫ້ຟັງວ່າ ພາກສ່ວນກ່ຽວຂ້ອງຂອງລາວ ບໍ່ໄດ້ເຫັນສະພາບໂຕຈິງ ຍ້ອນບໍ່ມີງົບປະມານຕິດຕາມ.

ເຖິງຢ່າງໃດກໍຕາມແຕ່ປີ 2017 ຫາປີ 2018 ແຂວງວຽງຈັນ ກໍບໍ່ມີງົບປະມານ ໃນການຈັດສົ່ງຄົນງານລາວໄປເຮັດວຽກຢູ່ຕ່າງປະເທດ ຍ້ອນວ່າ ຄົນງານໃນແຂວງຂອງຕົນ ໄປນະຄອນຫຼວງວຽງຈັນ ເພື່ອສມັກໄປເຮັດວຽກຢູ່ຕ່າງປະເທດ ດ້ວຍຕົນເອງ.

ຄໍາເຫັນ (2)
Share

ລາວ

ຈາກ ພາກໄຕ້

ສະຖານທູດເອົາໄປຕັ້ງໄວ້ ເພື່ອອີ້ຫັຽງ ແລະຮູ້ຢູ່ບໍ່ວ່າໜ້າທີ່ການທໍາງານ ຂອງສະຖາດທູດ, ຫຼືວ່າເອົາໄປໄວ້ເພື່ອສອດແນມເບິ່ງຄົນກູ່ມບໍ່ດີຊື່ໆ, ຄັນບໍ່ຮູ້ຈັກໜ້າທີ່ຂອງໂຕເອັງແລ້ວ ກໍກັບບ້ານສາແລ້ວເອົາຜູ້ເຂົາສະລາດ ກ່ວານີ້ໄປເປັນແທນໄດ້ແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 17, 2019 05:29 AM

(

How about MOU with Europe, Australia, Canada and the USA... ? It might be better for Lao labor.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 15, 2019 11:11 AM

ເຕັມຫນ້າ