ການອອກໃບຕາດິນຢູ່ ນະຄອນຫຼວງ

ໄຊຍາ
2018-10-17
ອີແມວລ໌
ຄໍາເຫັນ
Share
ພິມ
ສະຖານີ ຣົດໂດຍສານ ໂຊກປະເສີດ ຕິດກັບພື້ນທີ່ດິນ ຂອງຊາວບ້ານພອນໄຊ ທີ່ຕ້ອງຍ້າຍອອກ ຊຶ່ງບໍຣິສັດ ດວງປະເສີດ ເປັນເຈົ້າຂອງ ທັງໝົດ
ສະຖານີ ຣົດໂດຍສານ ໂຊກປະເສີດ ຕິດກັບພື້ນທີ່ດິນ ຂອງຊາວບ້ານພອນໄຊ ທີ່ຕ້ອງຍ້າຍອອກ ຊຶ່ງບໍຣິສັດ ດວງປະເສີດ ເປັນເຈົ້າຂອງ ທັງໝົດ
RFA/NY

ພະນັກງານອອກໃບຕາດິນຂັ້ນເມືອງ ໃນນະຄອນຫຼວງວຽງຈັນ ກົດໜ່ວງເອກສານ ຄຳຮ້ອງຂໍອອກໃບຕາດິນ ຖາວອນ ຂອງປະຊາຊົນໃນ 9 ຕົວເມືອງ ຮວມແລ້ວ 5 ພັນສຳເນົາສຳນວນ ໂດຍບໍ່ສົ່ງຂຶ້ນມາໃຫ້ ຂແນງຊັພຍາກອນທັມຊາດ ນະຄອນຫຼວງ ວຽງຈັນ ເຖິງແມ່ນວ່າ ເຈົ້າໜ້າທີ່ຈະລົງໄປສຳຣວດ ວັດແທກປັກຫຼັກໝາຍ ແລ້ວກໍ່ຕາມ. ດັ່ງ ທ່ານ ບຸນທາມ ທັມມະວົງສາ ຫົວໜ້າຜແນກຊັພຍາກອນທັມຊາດ ແລະສິ່ງແວດລ້ອມ ນະຄອນຫຼວງວຽງຈັນ ກ່າວວ່າ:

"ທາງເບື້ອງພະນັກງານເຮົານີ້ ກໍ່ມີຊ່ອງຫວ່າງ ມີພະນັກງານຈຳນວນນຶ່ງ ກໍ່ບໍ່ມີຄວາມເຂັ້ມຂຸ້ນ ໃນການປະຕິບັດໜ້າທີ່ ວິຊາສະເພາະ ເປັນຕົ້ນວ່າ ເລາະລົງໄປສຳຣວດ ວັດແທກ ປັກຫຼັກໝາຍ ປະກອບສຳນວນສຳເນົາ ຕອນດິນ ແລ້ວກໍ່ຍັງບໍ່ມີ ຄວາມກະຕືລືລົ້ນ ນຳເອົາ ສຳນວນສຳເນົາ ໃບຕາດິນ ຂຶ້ນມານະຄອນຫຼວງ ພ້ອມກັນແຕ້ມຕອນດິນ ພ້ອມກັນອອກ ອະນຸຍາດແລ້ວຈຶ່ງເຊັນ ໃບຕາດິນອອກ ແລະ ນີ້ກໍ່ເປັນການຊັກຊ້າ."

ທ່ານກ່າວຕື່ມວ່າ ໂຕນີ້ກໍເຫັນວ່າເປັນສ່ວນນຶຶຶ່ງ ທີ່ເຮັດໃຫ້ປະຊາຊົນ ທີ່ໄດ້ຈ່າຍຄ່າທຳນຽມແລ້ວ ຢູ່ຂັ້ນເມືອງ ປະກອບເອກສານ ຄົບຖ້ວນແລ້ວ ແຕ່ວ່າບໍ່ເຫັນທາງເບື້ອງ ຂແນງຊັພຍາກອນທັມມະຊາດ ຂອງພວກເຮົານີ້ເຊັນ ໃບຕາດິນອອກມາຈັກເທື່ອ ຊຶ່ງມີການຖ່ວງທາວ ຂື້ນມາ ພາຍຫຼັງສອບສວນແລ້ວ ເຫັນວ່າໄປຕົກຄ້າງຢູ່ຂັ້ນເມືອງ ຢ່າງຫຼວງຫຼາຍ ເຮັດໃຫ້ຊັກຊ້າ ລວມແລ້ວຢູ່ ນະຄອນຫຼວງວຽງຈັນ 9 ເມືອງ ນີ້ 4 ເມືອງໃນແທ້ ກໍ່ບໍ່ຫຼາຍ ແຕ່ວ່າ 5 ເມືອງ ທີ່ຢູ່ຊານເມືອງ ຂອງນະຄອນຫຼວງ ນີ້ເຊັ່ນ ເມືອງຫາດຊາຍຟອງ, ເມືອງປາກງື່ມ ເມືອງໄຊທານີ ເມືອງນາຊາຍທອງ ເມືອງສັງທອງ ຮວມກັນກໍ່ປະມານ 5 ພັນສຳເນົາສຳນວນ ທີ່ມີວິຊາການສຳຫຼວດວັດແທກ ຮຽບຮ້ອຍແລ້ວ ແຕ່ບໍ່ເອົາ ຂຶ້ນມາ ອັນນີ້ເປັນບັນຫາກົດໜ່ວງ ປະຊາຊົນ ເຈົ້າຂອງດິນ ສອງປີ ສາມປີ ກໍ່ບໍ່ໄດ້ໃບຕາດິນເທື່ອ. ເຊີ່ງກໍຣະນີນີ້ ປະຊາຊົນ ຕັ້ງເປັນບັນຫາ ຖາມຂຶ້ນມາ.

ການກົດໜ່ວງທີ່ເກີດຂຶ້ນຈາກພຶດຕິກັມ ຂອງພະນັກງານທັງເຈດຕະນາ ແລະ ບໍ່ເຈດຕະນາ ເພາະບາງເທື່ອ ພະນັກງານຮັບມາ ດ້ວຍຄວາມ ບໍຣິສຸດ ໃຈວ່າ ຂານອາສາ ຊ່ອຍປະຊາຊົນ ໃນຖານະວ່າ ປະຊາຊົນ ເຂົາບໍ່ມີເງື່ອນໄຂ ມາແລ່ນພົວພັນເອົາເອງ ແຕ່ເມື່ອຮັບມາແລ້ວ ມັນ ຊໍ້າພັດມາຄ້າງຢູ່ຂອດ ບໍຣິການ.

ເຖີງແນວໃດກໍ່ຕາມ ພະນັກງານທີ່ດິນທີ່ຖ່ວງດຶງ ສຳນວນເອກສານ ຂໍອະນຸຍາດອອກໃບຕາດິນ ຂອງປະຊາຊົນໄດ້ຖືກກວດກາ ແລະຖືກ ປະຕິບັດວິນັຍ ຫຼາຍຄົນ ນັບແຕ່ສຶກສາອົບຮົມໄປ ຈົນຮອດປົດຕຳແໜ່ງ 20 ປາຍຄົນ ນອກຈາກນີ້ ຍັງໄດ້ ບັນທຶກໄວ້ ໃນປວັດຣັຖກອນ ຖ້າຫາກຜິດຊໍ້າ ຈະຖືກປົດຕຳແໜ່ງ ອອກຈາກຣັຖກອນ.

ຄໍາເຫັນ (1)
Share

(

ອອກໃບຕາດິນນີ້ກໍແມ່ນອີກກໍລະນີນື່ງ ຂອງພະນັກງານຂອງລັດ ທີ່ມີການຊໍ້ກົງພໍ່ແມ່ປະຊາຊົນ ແລະປິດບັງລັດຖະບານໂຕເອັງ; ສຸດທ້າຍມາກໍຍຶດທີ່ດີນ ຖ້າປະຊາຊົນຕໍ່ວ່າ ກໍໃຫ້ຄໍາຕອບວ່າຂັ້ນເທີງສັ່ງລົງມາ ແລະເກັບກໍາຂໍ້ມູນ, ຄືແນວນີ້ລະເມື່ອໃດກໍເວົ້າວ່າ ຂັ້ນເທິງສັ່ງມາໃຫ້ເກັບກັມຂໍ້ມູນຢູ່ຕະລອດ ຄັນຖ້າຢາກໄດ້ຄືນກໍໃຫ້ໄປເວົ້ານໍາຂັ້ນເທິງ, ຂອ້ຍເອັງກໍໄປຫາທາງຂັ້ນເທິງແຕ່ລະເທື່ອ ກໍໄດ້ພົບເຈົ້າໜ້າທີ່ທຸກຄັ້ງ ແຕ່ທຸກຄັ້ງກໍມີແຕ່ບອກໃຫ້ໄປຫາຂັ້ນເທີງ ຂອ້ຍເອັງກໍເລີຍໄປບໍ່ຮອດຂັ້ນເທີງຈັກເທື່ອ ແລະບໍ່ຮູ້ວ່າຂັ້ນເທີງຢູ່ໃສ? ສາຍດ່ວນກໍໂທແຕ່ບໍ່ໄດ້ຮັບຄໍາຕອບເລີຍ, ໂທ 10 ຄັ້ງມີຄົນຮັບສາຍຢູ່ຄັ້ງນຶ່ງ ເມື່ອເວົ້າເຖິງເລື້ອງທີ່ດິນ ກໍວາງສາຍໄປຢ່າງບໍ່ມີມາລະຍາດເລີຍ ສຸດທ້າຍເສັຽທີ່ດິນໄປ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 18, 2018 05:41 AM

ເຕັມຫນ້າ