ນໍ້າທາກໍ່ສ້າງຍຶດດິນ ຊາວບ້ານ

ໄມຊູລີ
2018-09-10
ອີແມວລ໌
ຄໍາເຫັນ
Share
ພິມ
ປະຊາຊົນວ່າ ພະນັກງານບໍຣິສັດ ນໍ້າທາກໍ່ສ້າງຂົວທາງ ນໍາເອົາຣົດຈົກ ໄປດຸດດິນຊາວບ້ານ ຢູ່ເມືອງໄຊເສດຖາ ນະຄອນຫຼວງວຽງຈັນ
ປະຊາຊົນວ່າ ພະນັກງານບໍຣິສັດ ນໍ້າທາກໍ່ສ້າງຂົວທາງ ນໍາເອົາຣົດຈົກ ໄປດຸດດິນຊາວບ້ານ ຢູ່ເມືອງໄຊເສດຖາ ນະຄອນຫຼວງວຽງຈັນ
Screen captured Tholakhong Lao video

ປະຊາຊົນວ່າ ພະນັກງານບໍຣິສັດນໍ້າທາກໍ່ສ້າງ ຂົວທາງ ແລະເຈົ້າໜ້າທີ່ຕໍາຣວດ ໄປຍຶດເອົາດິນຊາວບ້ານ ຢູ່ເມືອງໄຊເສດຖາ ນະຄອນຫຼວງ ວຽງຈັນ.

ອິງຕາມຄໍາເວົ້າ ຂອງປະຊາຊົນ ໃນວັນທີ 3 ກັນຍາ ຜ່ານມາ ວ່າພະນັກງານ ບໍຣິສັດນໍ້າທາ (ຄໍາເພີີງ) ກໍ່ສ້າງຂົວທາງຈໍາກັດ ຈໍານວນ 10 ຄົນ ພ້ອມດ້ວຍ ເຈົ້າໜ້າທີ່ຕໍາຣວດ ຊຸດດໍາ 4 ຄົນໄດ້ໄປຂົ່ມຂູ່ ຍຶດເອົາດິນຊາວບ້ານ ບ້ານນາຄວາຍໃຕ້ ເມືອງໄຊເສດຖາ ນະຄອນຫຼວງ ວຽງຈັນ ພ້ອມທັງນໍາຣົຖ ຈົກດິນໄປບຸກເບີກ ເນື້ອທີ່ເຮືອນ ຂອງປະຊາຊົນ ເພື່ອສ້າງຖນົນ ຜ່ານເຂດນັ້ນ ໂດຍບໍ່ໄດ້ຮັບ ອະນຸຍາດ ຈາກ ເຈົ້າຂອງດິນ ດັ່ງທ່ານ ກ່າວວ່າ:

“ອັນນີ້ລູກນ້ອງ ບໍຣິສັດ ຄໍາເພີງເນາະ ມາຈົກເອົາດິນ ຂອງເຮືອນປະຊາຊົນ ເອົາຣົຖຈົກມາ ຄັ້ງວັນທີ່ 3 ເດືອນ 09 2018  ເນາະ ຣົຖຈົກມາ 3 ຄັນ ມາບຸກລຸກ ຂົ່ມຂູ່ປະຊາຊົນ.”

ແຕ່ເຈົ້າໜ້າທີ່ບ້ານ ທ່ານນຶ່ງ ຊໍ້າພັດກ່າວວ່າ ທີ່ດິນບ່ອນເກີດເຫດນັ້ນ ແຕ່ກ່ອນເປັນດິນປ່າສງວນ ແລະປະຊາຊົນ ໄປຈັບຈອງເອົາມາເປັນ ຂອງຕົນເອງ ແຕ່ບໍ່ຮູ້ ຣາຍລະອຽດ ກ່ຽວກັບເຣື້ອງບຸກລຸກ ທີ່ດິນຂອງປະຊາຊົນ, ດັ່ງທ່ານກ່າວຕໍ່ ວິທຍຸເອເຊັຍເສຣີ ໃນວັນທີ 10 ກັນຍາ ນີ້ວ່າ:

“ໂຄງການທາງບໍຣິສັດ ນໍ້າທາ ນັ້ນນະ ບ້ານບໍ່ໄດ້ລົງມື ມີແຕ່ບໍຣິສັດ ກັບເຈົ້າຂອງດິນ ເພາະໄດ້ຍິນເຂົາເວົ້າກັນຢູ່ ໂຕນີ້ມັນດິນ ແຕ່ກີ້ ປະຊາຊົນຈັບຈອງ ດິນປ່າສງວນແລ້ວກໍມາແບ່ງໃຫ້ກັນ ບາດນີ້ມັນຖືກໂຄງການ ບໍ ເຮົາກໍບໍ່ເຂົ້າໃຈ.”

ອິງຕາມເອກສານ ຂອງຫ້ອງວ່າການ ຣັຖບານ ບໍຣິສັດດັ່ງກ່າວ ເປັນຜູ້ລົງທຶນສໍາຣວດ ອອກແບບແລະກໍ່ສ້າງເສັ້ນທາງ ແຕ່ບ້ານດອນນົກຂຸ້ມ ໄປຫາຖນົນ ກໍແພງເມືອງ ຂ້າມ ບຶງທາດຫລວງ ໃສ່ບ້ານຊຽງດາ ແລະໄປຈອດໃສ່ ຖນົນ 450 ປີ  ຕອນໃຕ້ ມີຄວາມຍາວ 1.5 ກິໂລແມັດ, ແຕ່ຖ້າມີການເອົາດິນ ປະຊາຊົນ ໃນບາງຈຸດ ກໍຕ້ອງໄດ້ ເຈຣະຈາ ກັບຊະຊາຊົນ ກ່ອນ."

ຢ່າງໃດກໍຕາມ ກ່ຽວກັບເຣື້ອງນີ້ ວິທຍຸເອເຊັຍເສຣີ ໄດ້ຕິດຕໍ່ໄປຍັງບໍຣິສັດ ນໍ້າທາກໍ່ສ້າງ ຂົວທາງ ຈໍາກັດ ຊຶ່ງມີຫ້ອງຫານ ຢູ່ບ້ານ ສີສະຫວາດ ເມືອງຈັນທະບູຣີ ນະຄອນຫລວງ ວຽງຈັນ ເພື່ອຂໍຂໍ້ມູນເພີ້ມຕື່ມ ແຕ່ທາງພະນັກງານ ຮັບຜິດຊອບໂຄງການ ດ່ັງກ່າວ ບໍ່ສາມາດໃຫ້ ຣາຍຣະອຽດ ເພີ້ມຕື່ມໄດ້.

ຄໍາເຫັນ (5)
Share

(

ການຍຶດທີ່ດິນຢູ່ປະເທດຂອງຂ້ອຍນັ້ນ ມັນເກີດຂຶ້ນຢູ່ເລີ້ຍໆ, ຕະລອດລະຍະເວລາ ທີ່ລັດຖະບານຂອງຂ້ອຍ ເພີ່ນເປີດຫູເປີດຕາ ເຫັນໂລກອັນກ້ວາງໃຫຍ່ ແລະອະນຸຍາດ ໃຫ້ນັກລົງທຶນ ເຂົ້າມາສໍາປະທານທີ່ດິນໃນປະເທດ ເພື່ອຂະຫຽາຍເສດຖະກິດແລະພັດທະນາປະເທດຂອງຂ້ອຍໃຫ້ຈະເລີນ,ແຕ່ເພີ່ນ ຜູ້ນໍາຂອງຂ້ອຍ ຊໍ້າພັດຫຼັບຫູຫຼັບຕາ ມາຍຶດເອົາທີ່ດິນ ຂອງພໍ່ແມ່ປະຊາຊົນ ຂອງຄົນລາວເຮົາ ແບບບໍ່ມີກົດໝາຍຄຸ້ມຄອງເລີຍ, ຄວາມໝາຍ ຢາກໄດ້ຂອງໃຜແມ່ນເອົາເລີຍ,ຄັນເຮົາເວົ້າ,ຕໍ່ວ່າ,ຖົກຖຽງ,ຂັດແຍ້ງ,ຮຽກຮ້ອງ;ເພີ່ນກໍເວົ້າວ່າ ຂັ້ນເທິງສັ່ງລົງມາ ຄັນຢາກຮູ້ຈັກກໍໃຫ້ໄປຫາຂັ້ນເທິງ, ແລະອໍານາດການປົກຄອງເທົ່ານັ້ນ,ແລະຂ້ອຍຄິດວ່າ ພວກນີ້ຄືສິແມ່ນ ຜູ້ມີອໍານາດສູງສຸດ ແລະ ເປັນຜູ້ບົງການເໜືອກວ່ານາຍຍົກ ແລະແມ່ນເທວະດາທັງໝົດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 19, 2018 05:12 AM

(

ການຍຶດທີ່ດິນຢູ່ປະເທດຂອງຂ້ອຍນັ້ນ ມັນເກີດຂື້ນຢູ່ເລີ້ຍໆ, ຕະລອດລະຍະເວລາ ທີ່ລັດທະບານຂອງຂ້ອຍ ເພີ່ນເປີດຫູເປີດຕາເຫັນໂລກອັນກ້ວາງໃຫ່ຍ ແລະອະນຸຍາດໃຫ້ນັກລົງທຶນເຂົ້າມາສໍາປະທານທີ່ດິນໃນປະເທດ ເພື່ອຂະຫຽາຍເສດຖະກິດ ແລະພັດທະນາປະເທດຂອງຂ້ອຍໃຫ້ຈະເລີນ, ແຕ່ເພີ່ນຜູ້ນໍາຂອງຂ້ອຍ ຊໍ້າພັດຫຼັບຫູຫຼັບຕາ ມາຍຶດເອົາທີ່ດິນຂອງພໍ່ແມ່ປະຊາຊົນຂອງຄົນລາວເຮົາ ແບບບໍ່ມີກົດໝາຍຄຸ້ມຄອງເລີຍ, ຄວາມໝາຍ ຢາກໄດ້ຂອງໃຜແມ່ນເອົາເລີຍ, ຄັນເຮົາເວົ້າ,ຕໍ່ວ່າ,ຖົກຖຽງ,ຂັດແຍ້ງ,ຮຽກຮ້ອງ;ເພີ່ນກໍເວົ້າວ່າຂັ້ນເທິງສັ່ງລົງມາ ຄັນຢາກຮູ້ຈັກກໍໃຫ້ໄປຫາຂັ້ນເທິງ,ແລະອໍານາດການປົກຄອງເທົ່ານັ້ນ,ແລະຂ້ອຍຄິດວ່າ ພວກນີ້ຄືສິແມ່ນ ຜູ້ມີອໍານາດສູງສຸດ ແລະເປັນຜູ້ບົງການ ເໜືອກວ່ານາຍຍົກແລະແມ່ນເທວະດາທັງໝົດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 19, 2018 05:04 AM

(

ຕາມທີ່ຂອ້ຍເບີ່ງ (Live YouTube or Facebook)ຂອງຜູ້ຍິງລາວຄົນນື່ງຂ້ອຍເບີ່ງຫຼາຍໆຮອບນີ້ ເປັນການສະແດງອອກຂອງລາວ ຖ້າປະຊາຊົນລາວເຮົາໃນບ້ານເຮົາກ້າສະແດງອອກມາແບບລາວຢ່າງນອ້ຍ1/3ຂອງຄົນລາວເຮົານໍ້ ມັນອາດຈະເປັນຈຸດເລີ້ມຕົ້ນ ຂອງພວກເຮົາທີ່ແກ້ໃຂພາວະ ທີ່ພວກເຮົາໄດ້ຮັບຄວາມດ້ຽດຮ້ອນ ຢູ່ທຸກມື້ນີ້ນໍ້ ແລະຂ້ອຍຄິດວ່າຊາວໂລກທີ່ເພີ່ນເຂົ້າໃຈພວກເຮົາ ຄົງຈະບໍ່ປ່ອຍປະລະເລີຍແລະບໍ່ປະຖີ້ມພວກເຮົາຕີນໍ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 18, 2018 08:19 AM

(

ຢູ່ປະເທດຂ້ອຍລັດທະບານເພີ່ນໄດ້ແບ່ງອອກເປັນ 4 ຊົນຊັ້ນແລ້ວ ຈໍານວນປະຊາກອນ 7 ລ້ານຄົນ ຊົນຊັ້ນອັນດັບຕົ້ນໆ ແລະຮັ່ງມີທີ່ສຸດ ໂດຍບໍ່ມີໃຜແຕະຕ້ອງ ແລະຕິເຕືອນໄດ້ ນັ້ນກໍຄືຊົນຊັ້ນລັດທະບານ ໄລ່ລວມແລ້ວເກືອບລ້ານ ນັບແຕ່ຂັ້ນເມືອງຂື້ນໄປ ແລະລວມທັງເລົ່າຍາດພົງພັນຂອງເພີ່ນ ແລະຊົນຊັ້ນທີສອງກແມ່ນ ນັກທຸລະກິດ ແລະພວກນັກທຸລະກິດນີ້ ກໍແມ່ນເລົ່າຍາດພົງພັນຂອງພວກ ມີອໍານາດທັ້ງນັ້ນບໍ່ເຊື່ອລົງກວດສອບໄດ້! ຊົນຊັ້ນສາມກໍແມ່ນນັກທຸລະກິສັນຊາດລາວ ເຊື້ອຊາດຕ່າງດ້າວ ແລະຊົນຊັ້ນທີສີ່ ແມ່ນຊົນຄົນລາວ ຕົ້ນກໍາເນີດທີ່ຫາເຊົ້າກິນຄໍ່າ ແລະຫາເຄື່ອງປ່າຂອງດົງ, ເຮັດໄຮ່ເຮັດສວນເຮັດນາ ເລື້ອງຊີບອັນນີ້ ຄືຊົນຊັ້ນທີ່ທຸກຍາກຂອງປະເທດລາວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 12, 2018 05:46 AM

(

This is what what you see in Vientiane and in some remote areas it's even worse. Somseuay, somseuay...!



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 12, 2018 05:35 AM

ເບິ່ງຄວາມເຫັນທັງໝົດ.

ເຕັມຫນ້າ