ຊາວບ້ານຢືບ 14 ຄົນ ທີ່ຖືກຂັງ 1 ຄົນ ເສັຽຊີວິດ

ສຸພັດຕາ
2018-02-09
ອີແມວລ໌
ຄໍາເຫັນ
Share
ພິມ
ສວນຢ່າງພາຣາ ທີ່ເຄີຍເປັນຂອງ ຊາວບ້ານ ຖືກບໍຣິສັດວຽດນາມ ມາຍຶດເອົາໃນປີ 2006 ແຕ່ຊາວບ່້ານ ມາຕິດປ້າຍໃສ່ ຍຶດເອົາຄືນ ຫລັງຈາກທີ່ທາງການແຂວງ ບໍ່ຊົດເຊີຍໃຫ້ເຂົາເຈົ້າ.
ຊາວບ້ານ 2 ຄົນ ທີ່ຖືກຈັບໄປກ່ອນແລ້ວຄື: ທ້າວ ສຸວັນ(ຂວາ)ແລະ ທ້າວ ວິຄຳ.
ສວນຢ່າງພາຣາ ທີ່ເຄີຍເປັນຂອງ ຊາວບ້ານ ຖືກບໍຣິສັດວຽດນາມ ມາຍຶດເອົາໃນປີ 2006 ແຕ່ຊາວບ່້ານ ມາຕິດປ້າຍໃສ່ ຍຶດເອົາຄືນ ຫລັງຈາກທີ່ທາງການແຂວງ ບໍ່ຊົດເຊີຍໃຫ້ເຂົາເຈົ້າ. ຊາວບ້ານ 2 ຄົນ ທີ່ຖືກຈັບໄປກ່ອນແລ້ວຄື: ທ້າວ ສຸວັນ(ຂວາ)ແລະ ທ້າວ ວິຄຳ.
ຖ່າຍວັນທີ 23 ກໍຣະກະດາ ປີ 2015 ໂດຍ Citizen Journalist

ຊາວບ້ານຢືບ ເມືອງທ່າແຕງ ແຂວງເຊກອງ ຈຳນວນ 14 ຄົນ ທີ່ຖືກຈັບຂັງ ຍ້ອນຂໍ້ຂັດແຍ້ງ ທີ່ດິນເມື່ອປີກາຍ ຍັງຖືກກັກຂັງຢູ່ ແລະມີ 1 ຄົນ ໃນນັ້ນຄື; ທ້າວສົມສະຫວັນ ໄດ້ເສັຍຊີວິດ ຢູ່ໃນຄຸກ ເມື່ອວັນທີ່ 29 ເດືອນມົກກະຣາ ທີ່ຜ່ານມາ.

ເຈົ້າໜ້າທີ່ຕຳຣວດແຂວງເຊກອງ ບອກຍາດພີ່ນ້ອງຂອງຊາວບ້ານຜູ້ເສັຽຊີວິດ ນັ້ນວ່າ ທ້າວສົມສະຫວັນ ຂ້າໂຕຕາຍ ເພາະຜູ້ກ່ຽວມີຮອຍຊໍ້າ ຢູ່ເທິງໜ້າເອິກ. ເຈົ້າໜ້າທີ່ໄດ້ເຮັດພິທີຊາປະນະກິດ ຜູ້ກ່ຽວແລ້ວ ບໍ່ໄດ້ສົ່ງສົບໃຫ້ຄອບຄົວ ແລະບໍ່ໄດ້ແຈ້ງໃຫ້ ຮູ້ຊໍ້າວ່າ ໄດ້ຈັດພິທີສົບມື້ໃດ.

ທ່ານເວົ້າວ່າຫຼັງຈາກພິທີຊາປະນະກິດສົບ ທາງແຂວງເຊກອງໄດ້ໃຫ້ເງິນຊ່ວຍເຫຼືອແກ່ຄອບຄົວ ຂອງທ້າວສົມສະຫວັນ ຈຳນວນ 13 ລ້ານກີບ ໂດຍໄດ້ມອບໃຫ້ແກ່ເມັຽ ຂອງຜູ້ກ່ຽວໂດຍກົງ, ປັຈຸບັນຊາວບ້ານ ອີີກ 13 ຄົນ ຊຶ່ງມີນັກຮຽນ ຮວມຢູ່ນໍາ 2 ຄົນ ຍັງຖືກຂັງຄຸກຕາມປົກກະຕິ ພ້ອມກັບອະນຸຍາດ ໃຫ້ຍາດພີ່ນ້ອງ ສາມາດເຂົ້າໄປຢ້ຽມຢາມໄດ້ ຄືນັກໂທດທົ່ວໄປ.

ກ່ຽວກັບເຣື້ອງນີ້ ວິທຍຸເອເຊັຽເສຣີ ໄດ້ໂທຣະສັບສອບຖາມ ທ່ານ ຄຳບາງ ພະສະແຫວງ ຫົວໜ້າຜແນກຍຸຕິທັມແຂວງເຊກອງ ເພື່ອຂໍຂໍ້ມູນ ເພີ້ມຕື່ມ ກ່ຽວກັບເຣື້ອງດັ່ງກ່າວ ແຕ່ທ່ານກ່າວວ່າ ທາງພາກສ່ວນກ່ຽວຂ້ອງ ບໍ່ໄດ້ຣາຍງານມາຮອດຜແນກ ຍຸຕິທັມ ເທື່ອ, ດັ່ງທ່ານກ່າວ ໃນວັນທີ່ 9 ກຸມພາ ນີ້ວ່າ:

“ໂອ້ ອັນນີ້ ບໍ່ຮູ້ນຳເດີ້ ເພາະວ່າວຽກງານ ຂະບວນການຍຸຕິທັມ ຍັງບໍ່ມາຮອດຫັ້ນ ຖາມເບິ່ງເຈົ້າໜ້າທີ່ເດີ້.”

ຊາວບ້ານຢືບ 14 ຄົນດັ່ງກ່າວ ຖືກເຈົ້າໜ້າທີ່ ທາງການແຂວງເຊກອງ ຈັບເມື່ອວັນ 25 ເດືອນ ກໍຣະກະດາ ປີ 2017 ຍ້ອນມີຂໍ້ຂັດແຍ້ງ ທີ່ດິນ ກັບບໍຣິສັດຢາງພາຣາ ວຽດນາມ.

ຄໍາເຫັນ (4)
Share

Lao

ຈາກ Laos

ເຈົ້າໜ້າທີ່ຂ້າແລ້ວທໍາລາຍຫຼັກຖານ ຈິ່ງບໍ່ນໍາສົບໄຫ້ຄອບຄົວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 15, 2018 05:30 AM

ລາວ

ຈາກ ລາວ

ສປປລາວ ເປັນປະເທດທີ່ບໍ່ມີກົດໝາຍ,ບໍ່ມີຄວາມຍຸຕິທັມ,ບໍ່ມີຄວາມຊື່ສັດ,ບໍ່ມີຄວາມເມດຕາສົງສານຕໍ່ເພື່ອນມະນຸດຮ່ວມຊາດດຽວກັນ ນີ້ແມ່ນສັນດານແລະຄວາມຈິງທີ່ຢູ່ໃນເມືອງລາວປະຈຸບັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 13, 2018 03:01 AM

ລາວ

ຈາກ ລາວ

ສປປລາວ ເປັນປະເທດທີ່ບໍ່ມີກົດໝາຍ,ບໍ່ມີຄວາມຍຸຕິທັມ,ບໍ່ມີຄວາມຊື່ສັດ,ບໍ່ມີຄວາມເມດຕາສົງສານຕໍ່ເພື່ອນມະນຸດຮ່ວມຊາດດຽວກັນ ນີ້ແມ່ນສັນດານແລະຄວາມຈິງ ທີ່ຢູ່ໃນເມືອງລາວປະຈຸບັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 13, 2018 03:00 AM

(

There will be more deaths to come when Lao people claim justice just because Lao government doesn't care. Lao people your lives are worth peanuts. With luck you'll get one portion of Hanoi Pho or you'll get a bullet in your heads. Life is worth living in today's Laos!Good luck boys and girls.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 12, 2018 03:46 AM

ເຕັມຫນ້າ