ຖນົນໃນນະຄອນຫຼວງ ຂາດເງິນ ອຸດໜູນ

ໄມຊູລີ
2018-07-18
ອີແມວລ໌
ຄໍາເຫັນ
Share
ພິມ
ເສັ້ນທາງທີ່ສ້າງບໍ່ແລ້ວໃນນະຄອນຫຼວງວຽງຈັນ
ເສັ້ນທາງທີ່ສ້າງບໍ່ແລ້ວໃນນະຄອນຫຼວງວຽງຈັນ
RFA

ບໍຣິສັດເອກກະຊົນ ທີ່ຮັບເໝົາກໍ່ສ້າງເສັ້ນທາງ ຢູ່ນະຄອນຫລວງວຽງຈັນ ສ້າງບໍ່ແລ້ວຈັກເທື່ອ ຍ້ອນບໍ່ມີງົບປະມານສ້າງຕໍ່ ເພາະຣັຖບານ ບໍ່ມີເງິນໃຊ້ໜີ້ ໃຫ້ແກ່ບໍຣິສັດ. ທ່ານ ເດດສົງຄາມ ທັມມະວົງ ຫົວຫນ້າຜແນກໂຍທາທິການແລະຂົນສົ່ງ ນະຄອນຫຼວງວຽງຈັນ ຣາຍງານ ຕໍ່ກອງປະຊຸມສມັຍສາມັນ ຄັ້ງທີ 5 ຂອງສະພາປະຊາຊົນ ນະຄອນຫລວງວຽງຈັນ ຊຸດທີ 1 ໃນວັນທີ 17 ກໍຣະກະດາ 2018 ນີ້ວ່າ:

"ໂຄງການສ້າງເສັ້ນທາງຫຼາຍແຫ່ງ ໃນນະຄອນຫຼວງວຽງຈັນ ທີ່ຍັງສ້າງບໍ່ແລ້ວນັ້ນ ເປັນຍ້ອນບໍຣິສັດ ຮັບເໝົາກໍ່ສ້າງບໍ່ສາມາດຊອກ ທຶນ ມາສືບຕໍ່ການກໍ່ສ້າງ ແລະຣັຖບານກໍບໍ່ສາມາດຕອບສນອງ ເງື່ອນໄຂຊໍາຣະໜີ້ ໃຫ້ແກ່ບໍຣິສັດ ເນື່ອງຈາກງົບປະມານ ມີຈໍາກັດ."

ບັນຫານີ້ ສົ່ງຜົນກະທົບຕໍ່ການສັນຈອນ ຂອງປະຊາຊົນ ໂດຍສະເພາະໃນຍາມຣະດູຝົນເສັ້ນທາງ ຫລາຍສາຍ ທີ່ຍັງບໍ່ແລ້ວ ກາຍເປັນທາງ ຂິ້ຕົມເປັນຂຸມ ຜູ້ໃຊ້ຣົຖຕ້ອງຂັບຂີ່ ແບບຣະມັດຣະວັງ ລໍາບາກຫລາຍຂຶ້ນ ຍ້ອນອາຈເກີດອຸບັດຕິເຫດໄດ້ ຈົນປະຊາຊົນ ມີຄວາມຈົ່ມຮ້ອງຮຽນ ມາຕລອດແຕ່ກໍຍັງບໍ່ມີຫຍັງດີຂຶ້ນ. ດັ່ງປະຊາຊົນທ່ານນຶ່ງ ກ່າວຕໍ່ ວິທຍຸເອເຊັຍເສຣີ ວ່າ:

“ເສັ້ນທາງມັນບໍ່ດີ ເວລາເດີນທາງມັນກໍມີຜົນກະທົບ ຢູ່ແລ້ວ ທາງໜອງພະຍາ ເປັນທາງບໍ່ໂອ ທາງເມືອງສີເກີດ ເມືອງໂພນໂຮງ ນີ້ກໍຍັງ ບໍ່ແລ້ວ ກໍເປັນປະຕຸກ ປະຕິກ ດັ່ງທີ່ຊໍ່າຫັ້ນແຫລະ ທາງກໍນ້ອຍເປັນຂຸມ ເດິນທາງກໍຍາກ ກໍລໍາບາກແຫລະ ຍາມຝົນເນາະ.”

ທ່ານກ່າວຕື່ມອີກວ່າ ໃນຖານະປະຊາຊົນ ຢາກຮຽກຮ້ອງໃຫ້ ທາງກະຊວງໂຍທາທິການ ແລະຂົນສົ່ງ ຊ່ວຍແກ້ໄຂບັນຫານີ້ ຢ່າງຮີບດ່ວນ ເພື່ອໃຫ້ສໍາເຣັດ ຕາມແຜນທີ່ກໍານົດໄວ້ ຈຶ່ງຈະເຮັດໃຫ້ການເດິນທາງ ຂອງປະຊາຊົນ ມີຄວາມສະດວກ ແລະປອດພັຍ ໃນທຸກຣະດູ.

ໂຄງການສ້າງເສັ້ນທາງ ທີ່ມີຄວາມຫລ້າຊ້າ ແລະບໍ່ປະຕິບັດຕາມແຜນ ທີ່ເຫັນໄດ້ ຢ່າງຊັດເຈນກໍຄື: ເສັ້ນທາງ T6 ຈາກຖນົນ ໄກສອນ ພົມວິຫານ ບ້ານພະຂາວ ໄປຫາບ້ານໜອງພະຍາ, ເສັ້ນທາງແຕ່ດອນນົກຂຸ້ມ ຫາຖນົນ 450, ເສັ້ນທາງ 3 ແຍກ ຈີ່ນາຍໂມ້-ບໍ່ໂອ ຊາຍຟອງ ແລະ ໂຄງການສ້າງທາງ ແຕ່ຖນົນໂພນຕ້ອງ- ດົງໂດກ ຫາ ບ້ານຊໍາເກດ ຊຶ່ງໄດ້ ເຣີ້ມກໍ່ສ້າງມາແຕ່ ປີ 2011.

ຄໍາເຫັນ (1)
Share

(

Oh. Are these the streets in Vientiane, the capital of Laos? I thought it was Sahara desert. Somseuay, somseuay... claps claps claps.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 24, 2018 12:38 PM

ເຕັມຫນ້າ