ການກໍ່ສ້າງຖນົນ 5 ເສັ້ນ ຖືກໂຈະ

ໄຊຍາ
2019-02-05
ອີແມວລ໌
ຄໍາເຫັນ
Share
ພິມ
ຖນົນຫົນທາງ ໃນຄຸ້ມບ້ານເຮືອນ ຢູ່ ນະຄອນຫຼວງວຽງຈັນ
ຖນົນຫົນທາງ ໃນຄຸ້ມບ້ານເຮືອນ ຢູ່ ນະຄອນຫຼວງວຽງຈັນ
RFA/PN

ຜແນກໂຍທາທິການ ແລະຂົນສົ່ງ ນະຄອນກຫຼວງວຽງຈັນ, ສັ່ງໂຈະ ການກໍ່ສ້າງເສັ້ນທາງ ທີ່ບໍຣິສັດລົງທຶນກ່ອນ ເຖິງ 5 ສາຍ ເມື່ອວັນທີ 31 ມົກຣາ ຜ່ານມາ. ຕໍ່ຄຳສັ່ງດັ່ງກ່າວ, ປະຊາຊົນໃນເຂດເມືອງສັງທອງ ທີ່ຄອງຖ້າຖນົນໃໝ່ນັ້ນ, ຕ້ອງພົບກັບຄວາມຫຍຸ້ງຍາກຕໍ່ໄປ, ເພາະ ສະພາບຖນົນດັ່ງກ່າວໃນປັດຈຸບັນ, ເປັນດິນແດງ, ເປັນຂຸມເປັນບໍ່, ຍາມແລ້ງຂີ້ຝຸ່ນໄງ່ ຍາມຝົນເປັນຂີ້ຕົມ, ທຽວໄປມາບໍ່ໄດ້. ດັ່ງຊາວບ້ານ ໃນເຂດດັ່ງກ່າວ, ໄດ້ກ່າວຕໍ່ ວິທຍຸເອເຊັຍເສຣີ ໃນວັນທີ 05 ກຸມພາ ນີ້ວ່າ:

"ກະໂຈະ, ປີນີ້ຍັງບໍ່ມີແຜນການເຈົ້າ, ມັນໜີໄປແລ້ວ ເຈົ້າຂອງໂຄງການນະ, ເປັນທາງແດງຍາກນີ້ແຫຼະ, ທາງເປັນຂຸມເປັນຫຍັງ, ໄປ-ມາ ກະບໍ່ສະດວກຫຍຸ້ງຍາກ."

ສຳລັບໂຄງການສ້າງເສັ້ນທາງໃນເຂດເມືອງສັງທອງ, ເລີ້ມຈາກເພັຽລາດ ຫາ ເຕົາໄຫ, ແລະໄປຫາຊາຍແດນແຂວງວຽງຈັນ ມີຄວາມຍາວ 22,7 ກິໂລແມັດ, ເປັນທາງເບຕົງ ສ້າງມາແຕ່ປີ 2012 ມູນຄ່າ ການກໍ່ສ້າງ 105 ຕື້ກີບ ປັດຈຸບັນສ້າງສຳເຣັດພຽງ 52% ນັ້ນ, ບໍຣິສັດ ຮັບເໝົາກໍ່ສ້າງ ມີບັນຫາທາງດ້ານການເງິນ, ຄືທະນາຄານບໍ່ໄດ້ປ່ອຍສິນເຊື່ອໃຫ້, ແລະການໄກ່ເກັ່ຽສິ່ງກີດຂວາງ, ບໍ່ສາມາດຕົກລົງກັນໄດ້ ເຮັດໃຫ້ໂຄງການນີ້ຕ້ອງໄດ້ໂຈະຊົ່ວຄາວ.

ພ້ອມນີ້ຍັງມີອີກ 4 ເສັ້ນທາງໄດ້ໂຈະຊົ່ວຄາວເຊັ່ນ, ເສັ້ນທາງຈາກ ສາມແຍກດອນນົກຂຸ້ມ, ຫາ ສ້າງເຫວີຍ, ຫາ ຈອມເພັດ, ຄວາມຍາວ 4.8 ກິໂລແມັດ, ມູນຄ່າລົງທຶນ 88.9 ຕືກີບ ແລະ ສວນມອນ, ຫາ ສັງເຫວີຍ, ຫາ ດົງສະຫວາດ ຄວາມຍາວ 2.9 ກິໂລແມັດ ທາງເບຕົງ ມູນຄ່າ 56 ຕື້ກີບ.

ສ່ວນເສັ້ນທາງກິໂລແມັດ 22, ບ້ານຫົວຊຽງ ຫາເສັ້ນທາງ 450 ປີ, ຍາວ 19 ກິໂລແມັດ ທາງເບຕົງ ມູນຄ່າ 524 ຕື້ກີບ. ເສັ້ນທາງ ໜອງໜ້ຽວ, ຫາ ບ້ານຈັດສັນ ໜອງແຕ່ງ ຄວາມຍາວ 7.7 ກິໂລແມັດ ປູຢາງ 2 ຊັ້ນ ມູນຄ່າ 33 ຕື້ກີບ, ເສັ້ນທາງ T5, ໄລຍະ ທີນຶ່ງ, ຍາວ 3 ກິໂລແມັດ ມູນຄ່າ 66 ຕື້ກີບ ແລະເສັ້ນທາງ T5 ໄລຍະ ທີສອງ, ຍາວ 2.2 ກິໂລແມັດ ມູນຄ່າ 48.6 ຕື້ກີບ.

ທັງໝົດທີ່ກ່າວມານີ້, ຍັງບໍ່ມີເສັ້ນທາງໃດ,ທີ່ສ້າງສຳເຣັດເຖິງ 50%. ປັດຈຸບັນຕ້ອງໂຈະຊົ່ວຄາວ, ເພື່ອແກ້ໄຂບັນຫາສະພາບການເງິນ, ເພື່ອມາດຳເນີນການກໍ່ສ້າງຕໍ່.

ເສັ້ນທາງທັງ 5 ສາຍ ຢູ່ນະຄອນຫຼວງວຽງຈັນ ທີ່ຖືກສັ່ງໂຈະຊົ່ວຄາວນັ້ນ,ໄດ້ອະນຸມັດ ມາແຕ່ ປີ2011 ເປັນຕົ້ນມາ.

ເຕັມຫນ້າ