ຂ.ຊຽງຂວາງນັກລົງທຶນຈີນ ເພີ້ມຂຶ້ນ

ສິດນີ
2019-04-10
ອີແມວລ໌
ຄໍາເຫັນ
Share
ພິມ
ທັມມະຊາດ ຄວາມງາມ ທົ່ງໄຫຫີນ ແຂວງຊຽງຂວາງ
ທັມມະຊາດ ຄວາມງາມ ທົ່ງໄຫຫີນ ແຂວງຊຽງຂວາງ
RFA

ໃນປັດຈຸບັນ ນັກລົງທຶນຈີນ ເຂົ້າມາລົງທຶນໃນແຂວງຊຽງຂວາງ ເພີ້ມຂຶ້ນເປັນ 62% ຂອງການລົງທຶນທັງຫມົດພາຍໃນແຂວງ ສ່ວນໃຫຍ່ ຈະເຂົ້າມາລົງທຶນ ທາງດ້ານກະສິກັມ ການທ່ອງທ່ຽວ ແລະ ສ້າງເຂື່ອນໄຟຟ້າ. ດັ່ງເຈົ້າຫນ້າທີ່ຜແນກການແຜນການ ແລະການລົງທຶນ ແຂວງຊຽງຂວາງ ທ່ານນຶ່ງກ່າວຕໍ່ເອເຊັຽເສຣີ ໃນມື້ວັນທີ 10 ເມສາ ນີ້ວ່າ:

"ກໍມີຫລາຍເນາະ  ອິງໃສ່ກິຈການເນາະປັດຈຸບັນ ຖືວ່າເພີ້ມປົກກະຕິ ແຕ່ວ່າມັນກະຫລາຍດ້ານທີ່ຫລຸດລົງ ມີຫລາຍດ້ານທີ່ເພີ້ມຂຶ້ນ ເພີ້ມຂຶ້ນແມ່ນກິຈການໄຟຟ້າ ສ້າງເຂື່ອນໄຟຟ້າ ຫລຸດລົງອິງໃສ່ ຣັຖບານບໍ່ສົ່ງເສີມ ດ້ານບໍ່ແຮ່ເນາະ ຖ້າວ່າຕົກຜູ້ໃດເຮັດບໍ່ໄດ້ ເພິ່ນ ຈະຕັດອອກ ຕົວນີ້ມັນຈະຫລຸດລົງນ້ອຍນຶ່ງ."

ທ່ານກ່າວຕື່ມວ່າ ການລົງທຶນຈີນເພີ້ມຂຶ້ນ ໃນການສ້າງເຂື່ອນໄຟຟ້າ ເປັນຕົ້ນເຂື່ອນນ້ຳງື່ມ 4 ແລະເຂື່ອນໄຟຟ້າຂນາດນ້ອຍຕ່ຳກວ່າ 15 ເມກາວັດ ດັ່ງໂຄງການສ້າງເຂື່ອນ ໄຟຟ້ານ້ຳຄາວ ມີຈຳນວນ 5 ເຂື່ອນ ຄື; ເຂຶ່ອນນ້ຳຄາວ 1,2,3, 4 ແລະ 5 ຊືື່ງເຂື່ອນດັ່ງກ່າວ ຈະເປັນເຂື່ອນບັນໃດ ປັດຈຸບັນ ກຳລັງຢູ່ໃນຣະຫວ່າງ ການກໍ່ສ້າງ.

ທ່ານວ່າ ການເພີ້ມຂຶ້ນ ໃນການລົງທຶນ ອັນດັບສອງ ທີ່ແຂວງຊຽງຂວາງ ກໍແມ່ນ ການລົງທຶນທາງດ້ານການກະເສດ ເປັນຕົ້ນການປູກຝັງ, ລ້ຽງສັດເປັນສີນຄ້າ ແລະການທ່ອງທ່ຽວ ຊື່ງນັກລົງທຶນຈີນ ກຳລັງເຂົ້າມາພັທນາໂຮງແຮມບ້ານພັກຮ້ານອາຫານເພື່ອຮອງຮັບນັກທ່ອງທ່ຽວ ຈາກຈີນ ທີ່ຈະເຂົ້າມາທ່ຽງຊົມ ທົ່ງໄຫຫີນ ທີ່ຈະກາຍເປັນພື້ນທີ່ ມໍຣະດົກໂລກໃນໄວໆນີ້ ແຕ່ການລົງທຶນທາງດ້ານ ບໍແຮ່ແມ່ນຫລຸດລົງ.

"ຢູ່ແຂວງຊຽງຂວາງຫັ້ນ ຕາມແຜນບໍຣິມະສິດເນາະ ຂອງແຂວງລະແມ່ນ ການລົງທຶນດ້ານກະສິກັມ ລ້ຽງສັດໃຫຍ່ເປັນສິນຄ້າ ທ່ອງທ່ຽວ ເປັນບໍຣິມະສິດ ອັນທີສອງ."

ໃນວັນທີ 8 ເມສາ ຜ່ານມາທ່ານ ບຸນຕົ້ມ ຈັນທະພອນ ເຈົ້າແຂວງໆຊຽງຂວາງກ່າວວ່າ ໃນອານາຄົດຈີນ ອາດເຂົ້າມາລົງທຶນຫຼາຍກວ່ານີ້ ເປັນຕົ້ນການຂຍາຍເສັ້ນທາງຈາກເທສບານເມືອງ ໂພນສວັນ ຮອດເມືອງວັງວຽງແຂວງວຽງຈັນ ແລະສນາມບິນທົ່ງໃຫຫິນເພື່ອຮອງຮັບ ນັກທ່ອງທ່ຽວ.

ຄໍາເຫັນ (1)
Share

(

Watch out they might steal jars from the plains.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 15, 2019 05:12 AM

ເຕັມຫນ້າ