ທະນາຄານຍືດເວລາໃຊ້ໜີ້ ຂອງ ຊາວບ້ານ


2013-12-04
Share
F-flood-champassak ສະພາບນໍ້າຖ້ວມໃນ 5 ແຂວງພາກໃຕ້ຂອງລາວ
laophathananews

 

ທາງທະນາຄານ ຈະເລື່ອນເວລາ ການຊໍາຣະໜີ້ ໃຫ້ແກ່ ປະຊາຊົນ ຜູ້ໄດ້ຮັບ ຜົນກະທົບ ຈາກໄພນໍ້າຖ້ວມ. ໃນຊ່ວງຍາມຝົນປີນີ້ນໍ້າໄດ້ຖ້ວມ ຫລາຍແຂວງຂອງລາວ ໂດຍສະເພາະແຂວງອຸດົມໄຊ ສາຣະວັນ ຈຳປາສັກ ອັດຕະປື ແລະເຊກອງ ປະຊາຊົນ ສູນ ເສັຍບ້ານເຮືອນ ທົ່ງໄຮ່ ທົ່ງນາແລະສັດລ້ຽງ ເປັນຈຳນວນ ຫລວງຫລາຍ; ຫລາຍຄົນ ຢືມເງິນຈາກທະນາຄານ ມາເພື່ອລົງທຶນ ເຮັດການຜລິດ ແຕ່ປີນີ້ບໍ່ໄດ້ຜົນຜລິດ ບໍ່ສາມາດຈະໃຊ້ໜີ້ຄືນໄດ້ ຕາມກໍານົດເວລາ; ສະນັ້ນ ທະນາຄານ ນາໂຍບາຍ ຈຶ່ງປະກາດ ເລື່ອນການໃຊ້ໜີ້ ຄືນໃຫ້ແກ່ຜູ້ໄດ້ຮັບ ເຄາະຮ້າຍ ໃນຫ້າແຂວງ ທີ່ກ່າວມານັ້ນ. ດັ່ງເຈົ້າໜ້າທີ່ ນາໂຍບາຍ ທ່ານນຶ່ງເວົ້າວ່າ:

“ພວກທີ່ຖືກນໍ້າຖ້ວມນີ້ ຄັນຖ້າຜົນຜລິດໄດ້ຮັບຜົນເສັຍຫາຍຫຍັງ ມັນຈະມີຂໍ້ມູນ ຈາກເມືອງມາຫາທາງເຮົາເນາະ ກໍບອກຂະເຈົ້າວ່າຖ້າຮັບທຶນ ຈາກທາງ ທະນາຄານ ນາໂຍບາຍ ຈະມີເງື່ອນໄຂຫຍັງຕ່າງໆ ເລື່ອນ ອອກໄປເນາະ.”

ເຈົ້າໜ້າທີ່ທະນາຄານ ທ່ານນີ້ອະທິບາຍວ່າ ຜູ້ປະສົບໄພນໍ້າຖ້ວມ ທີ່ຕິດໜີ້ ທະນາຄານ ແບ່ງອອກເປັນສອງປະເພດ ຄືລູກໜີ້ຣະຍະສັ້ນ ແລະ ຣະຍະຍາວ. ສຳຣັບລູກໜີ້ຣະຍະສັ້ນ ທາງທະນາຄານ ຈະເລື່ອນເວລາ ໃຊ້ໜີ້ຄືນອອກໄປ ເປັນເວລານຶ່ງປີ ສ່ວນລູກໜີ້ ຣະຍະຍາວຈະເລື່ອນ ອອກໄປເປັນເວລາສອງປີ.

ລູກຄ້າ ທີ່ຢືມເງິນທະນາຄານ ແລະ ທີ່ໄດ້ຮັບຜົນກະທົບ ຈາກໄພນໍ້າຖ້ວມ ໃນແຂວງອຸດົມໄຊ ສາຣະວັນ ຈຳປາສັກ ອັດຕະປື ແລະ ເຊກອງ ມີທັງໝົດ ປະມານ 2,800 ຄອບຄົວ ມີພື້ນທີ່ກະສິກັມ ເສັຍຫາຍກວ່າ 1,000 ເຮັກຕາຣ໌ ແລະລວມມູນຄ່າເສັຍຫາຍເຖິງ 10 ຕື້ກີບ. ບັນຫາ ມີຢູ່ວ່າ ຜູ້ໄດ້ຮັບເຄາະຮ້າຍ ຈະສາມາດໃຊ້ໜີ້ຄືນ ພາຍໃນນຶ່ງປີ ຫລືສອງປີ ນັ້ນຫລືບໍ່?

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ