ຣົຖໄຟລາວວຽດນາມກໍາລັງ ອອກແບບ

ໄມໂຊລີ
2014.02.28
f-default ຣົຖໄຟລາວວຽດນາມກໍາລັງ ອອກແບບ
RFA

 

ບໍຣິສັດ Giant Consolidated Limited ຂອງ Malaysia ຊື່ງເປັນຜູ້ລົງທືນກໍ່ສ້າງເສັ້ນທາງຣົຖໄຟຄວາມໄວສູງລາວ-ວຽດນາມຈາກແຂວງ ສວັນນະເຂດຫາລາວບາວໃນມູນຄ່າ 5,000 ພັນລ້ານດອນລາສະຫະຣັຖຊຶ່ງມີຄວາມຍາວ 200 ກິໂລແມັດນັ້ນຍັງຕ້ອງອອກແບບເພີ້ມຕື່ມ ກ່ອນຈະສົ່ງໃຫ້ກະຊວງໂຍທາທິການແລະຂົນສົ່ງພິຈາຣະນາຕາມການເປີດເຜີຍຂອງເຈົ້າໜ້ທີ່ລາວ:

“ກໍາລັງອອກແບບຣະອຽດ ເພາະວ່າກະຊວງໂຍທາໃຫ້ເຂົາເຈົ້າອອກແບບເສັ້ນທາງຣະອຽດຜ່ານມຄນະ ເຂົາເຈົ້າຍັງອອກແບບ”.

ເຈົ້າໜ້າທີ່ກ່າວຕໍ່ໄປວ່າເຖິງແມ່ນໂຄງການດັ່ງກ່າວຈະໄດ້ວາງສີລາລຶກໄປແລ້ວເມື່ອທ້າຍປີ 2013 ແຕ່ທາງບໍຣິສັດ Malaysia ກໍຍັງບໍ່ໄດ້ມີ ການອອກແບບເສັ້ນທາງຣົດໄຟນັ້ນໂດຍຣະອຽດເທື່ອ.

ບໍຣິສັດ Malaysia ໄດ້ເລື່ອນກໍານົດການກໍ່ສ້າງມາແລ້ວ 2 ເທື່ອແລະໃນເທື່ອນີ້ທາງບໍຣິສັດກໍບໍ່ໄດ້ບອກວ່າການອອກແບບນີ້ຈະສໍາເຣັດເມື່ອ ໃດຊື່ງຄາດວ່າຕ້ອງໃຊ້ເວລາພໍສົມຄວນ.

ອິງຕາມຂໍ້ມູນຈາກທາງການລາວເສັ້ນທາງຣົຖໄຟດັ່ງກ່າວຈະຕັດຜ່ານຫລາຍເມືອງໃນແຂວງສວັນນະເຂດຄື:ເມືອງໄກສອນພົມວິຫານ,ເມືອງ ອຸທຸມພອນ,ເມືອງຜະລານໄຊ,ເມືອງອາສພັງທອງ,ແລະເມືອງເຊໂປນ,ໄປຫາເມືອງລາວບາວຂອງວຽດນາມ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.