ເຣື້ອງທີ່ເກັບບັນທຶກໄວ້
2022-05-20
ລາວເປີດດ່ານສາກົນ ທຸກບ່ອນແລ້ວ ແຕ່ວ່າ ດ່ານບໍ່ເຕັນ-ບໍ່ຫານ ຍັງບໍ່ມີຜູ້ເດີນທາງ ເຂົ້າ-ອອກ ຫຼາຍປານໃດ ຍ້ອນວ່າ ດ່ານບໍ່ຫານຂອງຈີນ ຍັງໃຊ້ມາຕການ ປ້ອງກັນໂຄວິດ-19 ເຂັ້ມງວດຢູ່, ສ່ວນຣົຖບັນທຸກສິນຄ້າ ເຂົ້າໄປຈີນໃນແຕ່ລະມື້ ແມ່ນດີຂຶ້ນກວ່າແຕ່ກ່ອນ.
2022-05-18
ປັດຈຸບັນນີ້ ບັນຫາທີ່ປະຊາຊົນລາວ ກັງວົນຫຼາຍທີ່ສຸດ ຄືວິກິຕເງິນເຟີ້ສູງຫຼາຍ ສ່ວນຜົລກະທົບທີ່ຕາມມາກໍຄືຄ່າຄອງຊີບສູງກວ່າລາຍຮັບ ແລະ ວິກິຕໃນຄັ້ງນີ້ ນັກວິຊາການ ບອກວ່າ ຖ້າສະພາບຍັງແກ່ຍາວ ຈະ ເຮັດໃຫ້ການໃຊ້ຈ່າຍ ຢຸດສງັກ ເຮັດໃຫ້ລະບົບເສຖກິຈ ລົ້ມໃນທີ່ສຸດ.
2022-05-18
ຊາວສວນອ້ອຍ ຢູ່ເມືອງນາໝໍ້ ແຂວງອຸດົມໄຊ ທີ່ປູກອ້ອຍທັງໝົດ 20 ເຮັກຕ້າຣ໌ ເພື່ອຂາຍໃຫ້ໂຮງງານຈີນ ກັງວົນຢ້ານວ່າ ຈີນຈະບໍ່ໃຫ້ລາຄາຄ່າອອ້ຍ ຕາມທີ່ຄວນໄດ້ ຄືຕັນລະ 320 ຍວນ ຫລືປະມານ 600,000 ກີບ ຍ້ອນບໍ່ໄດ້ເຮັດເອກກະສານສັນຍາ, ມີແຕ່ຕົກລົງກັນປາກເປົ່າ.
2022-05-18
ໃນໄລຍະທີ່ເກີດວິກິຕ ນໍ້າມັນຂາດແຄນນີ້ ເຖິງແມ່ນວ່າ ຣັຖບານລາວ ພ້ອມທີ່ຈະຊອກຫາວິທີແກ້ໄຂບັນຫາ ນໍ້າມັນເຊື້ອເພີງຂາດແຄນ ພາຍໃນປະເທດ ແລະນ້ຳມັນຍັງມີລາຄາສູງຢູ່ນີ້ກໍຕາມ ແຕ່ຣັຖບານ ກໍຍັງສນອງນໍ້າມັນຟຣີ ໃຫ້ແກ່ເຈົ້າໜ້າທີ່ພາກຣັຖລະດັບສູງຄືເກົ່າ ຂະນະທີ່ ປະຊາຊົນລາວໃນຫຼາຍແຂວງ ຍັງປະສົບບັນຫາ ຊອກຊື້ນໍ້າມັນຍາກຢູ່.
2022-05-17
ປະເທດລາວ ບໍ່ພຽງແຕ່ ໄດ້ຮັບຜົລກະທົບ ຈາກການຣະບາດ ຂອງໂຄວິດ-19 ເທົ່ານັ້ນ ແຕ່ຍັງໄດ້ຮັບຜົລກະທົບ ຈາກໄພເງິນເຟີ້ ແລະ ການຂາດແຄນນ້ຳມັນ ອີກດ້ວຍ ຈົນກະຊວງປ້ອງກັນປະເທດ ຕ້ອງໄດ້ເອົານ້ຳສຳຮອງ 2 ລ້ານລິດ ອອກມາຂາຍ ແກ້ໄຂໃນໄລຍະສຸກເສີນ.
2022-05-17
ປັດຈຸບັນ ຜູ້ປະກອບການ ຣົຖໂດຍສານ ຈໍານວນນຶ່ງ ທີ່ຕ້ອງແລ່ນຣົຖ ໄປຕ່າງແຂວງເປັນປະຈໍາ ພົບບັນຫາ ໃນການຊອກຊື້ນໍ້າມັນໃສ່ຣົຖຍາກ ແລະບາງປໍ້າ ກໍຍັງຈໍາກັດປະຣິມານ ນໍ້າມັນນໍາອີກ ດ້ວຍເຫດນີ້ ຈຶ່ງຮຽກຮ້ອງ ໃຫ້ທາງພາກສ່ວນທີ່ກ່ຽວຂ້ອງ ຊ່ອຍແກ້ໄຂບັນຫາ ເຣື່ອງນ້ຳມັນສຳຮອງ ສຳລັບຣົຖໂດຍສານ ທີ່ແລ່ນລະຫວ່າງແຂວງ.
2022-05-17
ເຂດເສຖກິຈພິເສດ ແລະ ສະເພາະ ໃນນະຄອນຫຼວງວຽງຈັນ ຕ້ອງການຄົນງານລາວ ຈຳນວນຫຼາຍ ເນື່ອງຈາກຍັງບໍ່ສາມາດຈ້າງຄົນງານລາວ ໄດ້ເຕັມອັດຕຣາເທື່ອ
2022-05-16
ປ້ຳນ້ຳມັນ ບ້ານທ່າສີ ເມືອງບໍຣິຄັນ ແຂວງຄຳຣິຄຳໄຊ ບໍ່ຍອມຂາຍນ້ຳມັນ ໃຫ້ກັບປະຊາຊົນ ທີ່ຕ້ອງການໃສ່ນ້ຳມັນຣົຖ ໃນຊ່ວງທີ່ນ້ຳມັນຂາດແຄນ ເນື່ອງຈາກປ້ຳແຫ່ງນີ້ ເປັນປ້ຳດຽວທີ່ຍັງມີນຳມັນໃນເວລານັ້ນ ແຕ່ທາງປ້ຳນ້ຳມັນດັ່ງກ່າວ ພັດຂາຍໃຫ້ແຕ່ລູກຄ້າຣາຍໃຫຍ່ ທີ່ຊື້ໄປຂາຍຕໍ່.
2022-05-16
ທາງການລາວ ມີແຜນຈະຫາວິທີ ສນອງເງິນຕຣາຕ່າງປະເທດ ໃຫ້ໄດ້ 50% ຂຶ້ນໄປ ແກ່ບາງບໍຣິສັດ ທີ່ນຳເຂົ້າ ນ້ຳມັນເຊື້ອເພີງ ເພື່ອແກ້ບັນຫາ ນ້ຳມັນເຊື້ອເພີງຂາດເຂີນ
2022-05-16
ຂໍ້ມູນທະນາຄານໂລກ ໃນເດືອນເມສາ 2022 ໄດ້ລະບຸວ່າ ໃນປີ 2019 ໜີ້ສິນສາທາລະນະ ຂອງລາວກວມເອົາ 68% ຂອງລວມຍອດຜລິດຕະພັນພາຍໃນ ຫຼື GDP ເທົ່າກັບ 12.5 ຕື້ໂດລ້າຣ໌ ສ່ວນວ່າ ປີ 2021 ໜີ້ສິນສາທາຣະນະ ຂອງລາວ ກວມເອົາ 88% ຂອງ GDP ເທົ່າກັບ 14.5 ຕື້ໂດລ້າຣ໌.
2022-05-15
ຄົນງານລາວ ສ່ວນຫຼາຍ ຍັງຂາດປະສົພການ, ຄວາມຮູ້ ທີ່ຈະເຮັດວຽກ ໃນໂຄງການລົງທຶນ ຂອງຕ່າງປະເທດ, ດັ່ງນັ້ນ ພວກຂະເຈົ້າ ຈຶ່ງສືບຕໍ່ ໄປເຮັດວຽກ ໃນປະເທດເພື່ອນບ້ານ.
2022-05-13
ຮອງປະທານສະພາການຄ້າ ແລະ ອຸດສາຫະກັມ ແຫ່ງຊາດລາວ ຢາກໃຫ້ທາງການລາວ ສົ່ງເສີມໃຫ້ຄົນລາວ ໄປເຮັດວຽກຢູ່ຕ່າງປະເທດ ເພື່ອນຳເງິນຕຣາຕ່າງປະເທດ ເຂົ້າມາໃນປະເທດລາວຫຼາຍຂຶ້ນ ເພື່ອຈະຫຼຸດຜ່ອນບັນຫາ ຂາດເງິນຕຣາຕ່າງປະເທດ ໃນລະບົບແລກປ່ຽນ ເງິນຕຣາໃນລາວ.
2022-05-11
ເປີດດ່ານ ລາວ-ໄທຍ ແຫ່ງທີ 1 ວຽງຈັນ-ໜອງຄາຍ ຢ່າເປັນທາງການແລ້ວ, ແຕ່ຜູ້ເດີນທາງ ເຂົ້າປະເທດລາວ ຍັງໜ້ອຍຢູ່ ຖ້າທຽບໃສ່ກ່ອນໂຄວິດ-19 ຈະຣະບາດ ຊຶ່ງອາດຈະເປັນເພາະ ສະພາບເສຖກິຈ ແລະຄ່າຄອງຊີບ ທີ່ສູງຂຶ້ນທຸກມື້ ໃນປະເທດລາວ.
2022-05-11
ປັດຈຸບັນຫຼາຍແຂວງ ໃນປະເທດລາວ ປະສົບບັນຫານ້ຳມັນຂາດປ້ຳ ສ່ວນນ້ຳມັນແພງ ຖືເປັນບັນຫານຶ່ງ ແຕ່ນ້ຳມັນຂາດແຄນ ກໍເປັນເຣື່ອງທີ່ສົ່ງຜົລກະທົບ ຕໍ່ປະຊາຊົນລາວ ເປັນວົງກວ້າງ ປະຊາຊົນຕ້ອງຊອກຫາປ້ຳນ້ຳມັນ ທີ່ຍັງເປີດໃຫ້ບໍຣິການ ແລະລຽນຄິວລໍຖ້າຊື້ນ້ຳມັນ.
2022-05-10
ສປປ ລາວ ເປີດດ່ານສາກົນ ທີ່ມີຢູ່ທົ່ວປະເທດ ແຕ່ການຂົນສົ່ງສິນຄ້າ ຈາກດ່ານບໍ່ເຕັນໄປຈີນ ຍັງເປັນບັນຫາ ທີ່ແກ້ໄຂບໍ່ໄດ້ເຕັມຮ້ອຍເທື່ອ ເນື່ອງຈາກທາງການຈີນ ຍັງຄົງບັງຄັບໃຊ້ ມາຕການປ້ອງກັນ ໂຄວິດ-19 ຈຶ່ງສົ່ງຜົລກະທົບ ເຮັດໃຫ້ຣົຖຂົນສົ່ງສິນຄ້າ ລະບາຍອອກບໍ່ໄດ້ເທົ່າທີ່ຄວນ.
