ເຣື້ອງທີ່ເກັບບັນທຶກໄວ້
2022-05-10
ທາງການລາວ ອອກແຈ້ງການ ພິຈາຣະນາ ດຳເນີນການຄົ້ນຄວ້າ ໂດຍແມ່ນ ກະຊວງອຸດສາຫະກັມ ແລະການຄ້າ, ກະຊວງການເງິນ ແລະໜ່ວຍງານທີ່ກ່ຽວຂ້ອງ ຮັບພິຊອບເຈຣະຈາ ຂໍຊື້ນ້ຳມັນຈາກປະເທດຣັສເຊັຽໂດຍຕຣົງ ຊຶ່ງຄາດຫວັງ ຈະຊ່ອຍຫຼຸດຜ່ອນບັນຫາ ລາຄານ້ຳມັນແພງ ແລະ ນ້ຳມັນຂາດປ້ຳ ແບບທີ່ເປັນຢູ່ໃນປັດຈຸບັນ.
2022-05-09
ສປປລາວ ປະເຊີນກັບ ວິກິຕນໍ້າມັນແພງ ເປັນປວັດການ ພ້ອມທັງຫຼາຍປໍ້າຂາດນໍ້າມັນ ບໍຣິການລູກຄ້າ, ຕໍ່ບັນຫາດັ່ງກ່າວ ຣັຖບານລາວ ໄດ້ປູທາງຕິດຕໍ່ ຂໍຊື້ນໍ້າມັນ ຈາກຣັສເຊັຽ ໂດຍຄາດວ່າ ຈະໄດ້ລາຄາ ຖືກກວ່າທີ່ຊື້ກັບ ໄທຍແລະສິງກະໂປ.
2022-05-09
ນັບຕັ້ງແຕ່ວັນທີ່ 9 ພຶສພາ 2022 ນີ້ເປັນຕົ້ນໄປ ປະເທດລາວ ໄດ້ເປີດປະເທດຢ່າງເຕັມຮູບແບບ ໂດຍບຸກຄົນທົ່ວໄປ ແລະຄົນຕ່າງປະເທດ ສາມາດເຂົ້າ-ອອກປະເທດລາວໄດ້ເປັນປົກກະຕິ ໃນທຸກດ່ານສາກົລ ບໍ່ມີການກັກໂຕ ແລະບໍ່ມີຂໍ້ຫ້າມຫຍັງ ທີ່ເຮັດໃຫ້ຫຍຸ້ງຍາກ ແຕ່ຕ້ອງມີໃບຢັ້ງຢືນ ການສັກວັກຊິນປ້ອງການເຊື້ອໂຄວິດ-19 ຄົບໂດສ.
2022-05-06
ຊາວລາວ ເຫັນວ່າ ການແຕ່ງຕັ້ງ ຄະນະ ປະຕິຮູບ ຣັຖວິສະຫະກິຈໄຟຟ້າລາວ ຄະນະໃໝ່ ກໍຍັງບໍ່ມີຫຍັງຮັບປະກັນວ່າ ຈະສາມາດແກ້ໄຂ ບັນຫາໜີ້ສິນຄຸມເຄືອ ແລະ ຣາຍຮັບຮົ່ວໄຫລ ໄດ້ດີຂຶ້ນ ແຕ່ຢ່າງໜ້ອຍ ກໍຖືວ່າເປັນສັນຍານທີ່ດີ ທີ່ຈະແກ້ໄຂບັນຫາດັ່ງກ່າວ.
2022-05-06
ທາງການລາວ ຂາຍຮຸ້ນ 51% ຂອງຣັຖວິສາຫະກິຈ ໄປສະນີລາວ ໃຫ້ບໍຣິສັດເອເຊັຽ ລົງທຶນພັທນາ ແລະກໍ່ສ້າງ ຈຳກັດຜູ້ດຽວ ຊຶ່ງສາຍເຫດທີ່ແທ້ຈິງ ຂອງການຂາຍຮຸ້ນ ໃນຄັ້ງຍັງບໍ່ເປັນທີ່ເປີດເຜີຍ ຂະນະທີ່ປະຊາຊົນລາວ ຈຳນວນນຶ່ງບໍ່ເຫັນດີ ໃຫ້ຂາຍທຸຣະກິຈ ຣັຖວິສາຫະກິຈລາວ ໃຫ້ຕ່າງຊາດ ຖືຄອງ.
2022-05-06
ສນາມບິນສາກົນບໍ່ແກ້ວ ຈະສ້າງສຳເຣັດໃນທ້າຍປີນີ້ ເພື່ອຮອງຮັບນັກຫລິ້ນ ການພະນັນຄົນຈີນ ແລະຄົນລາວ ທີ່ຈະເດີນທາງ ເຂົ້າໄປຫຼິ້ນ ການພະນັນໃນ ກາສິໂນ ຄິງສ໌ໂຣມັນສ໌ ແລະນັກທ່ອງທ່ຽວ ທີ່ຈະເດີນທາງເຂົ້າໄປແຂວງບໍ່ແກ້ວ, ສນາມບິນແຫ່ງນີ້ ສຳເຣັດການກໍ່ສ້າງ ໄປແລ້ວ 75%.
2022-05-05
ປະຊາຊົນຢາກໃຫ້ ພາກຣັຖແກ້ໄຂ ບັນຫານ້ຳມັນຂາດປ້ຳ ໂດຍສະເພາະ ຢູ່ແຂວງສວັນນະເຂດ ນອກຈາກຄາລານ້ຳມັນ ຈະແພງແລ້ວ ບາງປ້ຳຍັງບໍ່ມີນ້ຳມັນຂາຍ ເຮັດໃຫ້ປະຊາຊົນ ຜູ້ທີ່ໃຊ້ຣົຖ ຈຳເປັນຕ້ອງຊອກຫາຊື້ ນ້ຳມັນທີ່ໃສ່ຕຸກຂາຍ ຕາມແຄມທາງ ພໍໄດ້ໃສ່ຣົຖ.
2022-05-03
ຮ້ານແລກປ່ຽນເງິນຕຣາ ຫຼາຍແຫ່ງ ຢືນຢັນວ່າ ເຂົາເຈົ້າບໍ່ໄດ້ກຳນົດອັດຕຣາແລກປ່ຽນ ທີ່ຂຶ້ນລົງຜິດປົກກະຕິ ໃນຮອບ 2 ເດືອນທີ່ຜ່ານມານັ້ນ, ແຕ່ມັນເປັນໄປຕາມກົລໄກຕລາດ, ຂະນະທີ່ນັກວິຊາການເຫັນວ່າ ປັດຈັຍຫຼັກ ທີ່ເຮັດໃຫ້ເງິນກີບອ່ອນຄ່າ ແມ່ນການຂາດເງິນຕຣາຕ່າງປະເທດ ໃນລະບົບເສຖກິຈ.
2022-05-03
ຄົນຂັບຣົຖຂົນສົ່ງສິນຄ້າ ທີ່ຈະເຂົ້າໄປຈີນ ໂດຍຜ່ານດ່ານສາກົນບໍ່ເຕັນ-ບໍ່ຫານ ຕ້ອງພົບອຸປສັກຫຼາຍຢ່າງ ໂດຍສະເພາ ໄລຍະເວລາທີ່ຕ້ອງລໍຖ້າ ຢູ່ດ່ານເພື່ອເຂົ້າໄປຈີນ ເນື່ອງຈາກ ຈີນຍັງຈຳກັດ ຈຳນວນຣົຖທີ່ຈະເຂົ້າໄປຈີນຢູ່ ຊຶ່ງຫຼາຍຄົນກໍໄດ້ປ່ຽນເສັ້ນທາງ ໄປໃຊ້ດ່ານລານຕຸຍ ແຂວງຜົ້ງສາລີ ແທນ.
2022-05-02
ຜູ້ໃຊ້ຣົຖ-ໃຊ້ຖນົນ ຮຽກຮ້ອງໃຫ້ຣັຖບານ ຊ່ອຍແກ້ໄຂບັນຫານ້ຳມັນແພງ, ນ້ຳມັນທີ່ມີການປັບຂຶ້ນ ໃນແຕ່ລະເທື່ອ ກະທົບທຸກພາກສ່ວນ ໂດຍສະເພາະພາກທຸຣະກິຈ ການຂົນສົ່ງ, ຣົຖຂົນສົ່ງໂດຍສານ ລວມໄປເຖິງພາກການຜລິດ ຊຶ່ງໃຊ້ນ້ຳມັນ ທີ່ມີຕົ້ນທຶນສູງ ເປັນສາຍເຫດໃຫ້ ທຸກຢ່າງລວມທັງອາຫານ ແລະເຄື່ອງອຸປໂພກ-ບໍຣິໂພກ ມີການຂຶ້ນລາຄາໄປຕາມໆກັນ.
2022-05-02
ການລັກດັດແປງ ໝໍ້ນັບໄຟຟ້າ ຂອງພະນັກງານ ຣັຖວິສາຫະກິຈ ໄຟຟ້າລາວ ຖືໄດ້ວ່າເປັນ ການກະທຳຜິດກົດໝາຍ ສ້າງຄວາມເສັຍຫາຍ ໃຫ້ແກ່ບໍຣິສັດ ແລະ ຜົລປໂຍດໂດຍລວມ ຂອງຊາດບ້ານເມືອງ, ຊຶ່ງເມື່ອຕົ້ນນປີນີ້ ທາງຣັຖວິສາຫະກິຈ ໄຟຟ້າລາວ ກໍໄດ້ລົງໂທດ ຜູ້ທີ່ລ່ວງລະເມີດກົດໝາຍ ທີ່ສ້າງຄວາມເສັຍຫາຍ ຫຼາຍລ້ານກີບ ໃຫ້ກັບບໍຣິສັດ ຈຶ່ງມີການໄລ່ອອກ ພະນັກງານດັ່ງກ່າວ ຈາກບໍຣິສັດ ແລະໃຫ້ຊົດໃຊ້ຄວາມເສັຍຫາຍ ຄືນໃຫ້ບໍຣິສັດ ແຕ່ນີ້ກໍເປັນພຽງ ສ່ວນໜ້ອຍທີ່ສາມາດຈັບໄດ້ ສ່ວນທີ່ຍັງເຫຼືອກໍອາຈກາຍເປັນ ບັນຫາໃນຂັ້ນຕໍ່ໄປອີກ.
2022-05-02
ການປະກອບເອກສານແພງ, ຖານະທຸກຍາກ ແລະ ບໍ່ມີວຽກເຮັດ ພາຍໃນປະເທດ ເຮັດໃຫ້ຄົນງານລາວ ລັກເຂົ້າໄປ ເຮັດວຽກ ໃນປະເທດໄທຍ ແບບຜິດກົດໝາຍ, ແລະ ຫຼາຍຄົນ ຖືກຈັບ.
2022-04-30
ນັກທ່ອງທ່ຽວ ຕ່າງປະເທດ ຍັງບໍ່ທັນເຂົ້າມາທ່ຽວ ເຂດສີຂຽວ ທີ່ສປປລາວ ສົ່ງເສີມ ເນື່ອງຈາກວ່າ ຂັ້ນຕອນ ການຕຣຽມເອກສານ ຍັງຫຍຸ້ງຍາກ.
2022-04-29
ການທີ່ເຫັນຄົນລາວ ໄປຫາວຽກເຮັດຢູ່ຕ່າງປະເທດ ຍ້ອນວ່າ ສປປລາວ ຍັງບໍ່ມີສວັດດິການສັງຄົມພຽງພໍ, ເງິນເດືອນຍັງຕ່ຳຫຼາຍ ແລະຄ່າຄອງຊີບທີ່ນັບມື້ຍິ່ງສູງຂຶ້ນ, ຈຶ່ງເຮັດໃຫ້ຄົນລາວ ຜູ້ທຸກຍາກ ຫາຫົນທາງ ເອົາໂຕລອດ, ຫຼາຍຄົນ ສ່ຽງລັກເຂົ້າໄປ ປະເທດເພື່ອນບ້ານ, ເຖິງແມ່ນວ່າຫຼາຍຄັ້ງ ບຸກຄົນເຫຼົ່ານັ້ນ ຈະຖືກຈັບກໍຕາມ.
2022-04-28
ກະຊວງການຕ່າງປະເທດໄທຍ ແຈ້ງເຕືອນພົລເມືອງຂອງຕົນ ໃຫ້ລະມັດລະວັງ ກ່ອນຈະໄປເຮັດວຽກ ຢູ່ເຂດເສຖກິຈພິເສດ ສາມຫລ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ປະເທດລາວ, ຍ້ອນວ່າ ບໍ່ຢາກໃຫ້ພົລເມືອງຂອງຕົນ ຖືກຫຼອກໄປເຮັດວຽກ ແບບຜິດກົດໝາຍ, ສິ່ງທີ່ຮ້າຍແຮງໄປກວ່ານັນ ອາດເຖິງຂັ້ນ ຖືກຂາຍບໍຣິການທາງເພດ, ຂໍ້ສຳຄັນແມ່ນ ໃຫ້ແລ່ນເອກສານ ຢ່າງຖືກຕ້ອງ ຖ້າຕ້ອງການ ໄປເຮັດວຽກໃນປະເທດລາວແທ້, ກວດສອບບໍຣິສັດ ທີ່ຈະໄປເຮັດວຽກນຳ, ຢ່າຫຼົງເຊື່ອຄຳໂຄສະນາ ຜ່ານສື່ສັງຄົມອອນລາຍນ໌ ທີ່ບອກວ່າ ມີສວັດດິການດີ, ເງິນເດືອນດີ ເພາະສິ່ງເຫຼົ່ານັ້ນ ເປັນພຽງຮູບແບບ ການຫຼອກໃຫ້ຄົນຫຼົງເຊື່ອ ແລະຕົກເປັນເຫຍື່ອເທົ່ານັ້ນ.
