ເຣື້ອງທີ່ເກັບບັນທຶກໄວ້
2023-05-25
ຣັຖບານລາວ ສັ່ງໂຈະວິສາຫະກິຈ ຂອງຄົນຕ່າງປະເທດ ເກືອບ 100 ແຫ່ງ ທີ່ບໍ່ໄດ້ແຈ້ງ ທີ່ມາຂອງແຫລ່ງທຶນ ໃນການລົງທຶນ ໃຫ້ກົມການຄ້າພາຍໃນຮູ້ ເຊິງໃນນັ້ນມີເຈົ້າຂອງ ເປັນຄົນຈີນ 67 ແຫ່ງ, 24 ແຫ່ງເປັນຂອງຄົນປະເທດອື່ນໆ.
2023-05-24
ເຂດເສຖກິຈພິເສດ ທ່າແຂກ ແຂວງຄຳມ່ວນ ຍັງດຶງດູດການລົງທຶນ ທັງຈາກພາຍໃນ ແລະຕ່າງປະເທດໄດ້ໜ້ອຍ ທັງທີ່ສ້າງມາແຕ່ຕົ້ນປີ 2012 ມາຮອດປັດຈຸບັນມີພຽງ 32 ບໍຣິສັດເທົ່ານັ້ນ ທີ່ໄດ້ເຂົ້າມາລົງທຶນຢູ່ໃນເຂດດັ່ງກ່າວ ແລະໃນນັ້ນມີ 8 ບໍຣິສັດ ເປັນຂອງຄົນຕ່າງ ປະເທດ.
2023-05-24
ໄລຍະ 3 ຫາ 4 ປີມານີ້, ພວກກຸ່ມນັກລົງທຶນຈີນ ທີ່ຊອກສັມປະທານເນື້ອທີ່ດິນ ເພື່ອປູກກ້ວຍຫອມ ຫັນທິດລົງພາກໃຕ້ຫຼາຍຂຶ້ນ ຈົນໃນບາງແຂວງ ເກີດມີບາງບັນຫາຕາມມາ ເປັນຕົ້ນແມ່ນຂໍ້ຂັດແຍ້ງ ດ້ານທີ່ດິນ ແລະ ຄວາມເປັນຫ່ວງ ໃນເຣື່ອງການໃຊ້ສານເຄມີ.
2023-05-24
ທນາຄານໂລກປະເມີນວ່າ ເສຖກິຈລາວ ກຳລັງຟື້ນໂຕ, ແຕ່ຊາວລາວ ຍັງຕ້ອງປະເຊີນກັບຜົລກະທົບ ຈາກເງິນກີບອ່ອນຄ່າ ແລະ ຄ່າຄອງຊີບສູງ
2023-05-19
ຣັຖບານອອກຫຼາຍມາຕການ ເພື່ອແກ້ໄຂບັນຫາ ອັດຕຣາແລກປ່ຽນ, ແຕ່ຍັງບໍ່ສາມາດຄວບຄຸມໃຫ້ຢູ່ໃນເກນປົກກະຕິ ຂະນະທີ່ ອັດຕຣາແລກປ່ຽນ ຍັງສູງຂຶ້ນ ເຊິ່ງສົ່ງຜົລເຮັດໃຫ້ ຄ່າຄອງຊີບທີ່ສູງຂຶ້ນຫຼາຍນັ້ນ ໄດ້ຫຼຸດລົງ, ແຕ່ອົງກອນສາກົລ ຣາຍງານວ່າ 91% ຂອງຄົວເຮືອນ ແມ່ນຍັງປະສົບບັນຫາ ຄ່າຄອງຊີບ.
2023-05-19
ທາງການລາວ ສືບຕໍ່ຮຽກຮ້ອງ ໃຫ້ປະຊາຄົມສາກົລ ຊ່ອຍເຫຼືອ ທັງການເງິນ ແລະເຕັກນິກວິຊາການ ເພື່ອໃຫ້ບັນລຸເປົ້າໝາຍ18 ຂໍ້ ໃນການພັທນາ ແບບຍືນຍົງ ແຕ່ການທີ່ຈະບັນລຸເປົ້າໝາຍ ໄດ້ຢ່າງແທ້ຈິງນັ້ນ ອາດຈະບໍ່ງ່າຍ ໂດຍສະເພາະງົບປະມານ ທີ່ບໍ່ພຽງພໍ ກາຍເປັນບັນຫາທີ່ສຳຄັນ.
2023-05-19
ນັກລົງທຶນຈີນ ຈະຂຍາຍການເຊົ່າດິນ ຂອງຊາວບ້ານ ຢູ່ເມືອງວຽງພູຄາ ແຂວງຫຼວງນໍ້າທາ ເພື່ອປູກໝາກໂມ ເປັນ 300 ປາຍເຮັກຕ້າຣ໌ ຂະນະທີ່ ຊາວບ້ານບໍ່ຢາກໃຫ້ເຊົ່າດິນປານໃດ ແຕ່ເພື່ອໃຫ້ມີລາຍຮັບ ລ້ຽງຄອບຄົວ ຈຶ່ງຈໍາເປັນຍອມໃຫ້ເຊົ່າ ທັງທີ່ຮູ້ວ່າ ມີຜົລກະທົບ ຈາກສານເຄມີກໍຕາມ.
2023-05-18
ການຮັບສມັກຄົນງານລາວ ເພື່ອໄປເຮັດວຽກ ຢູ່ປະເທດເກົາຫຼີໃຕ້ ຕາມຣະດູການ ໃນໄລຍະ 5 ເດືອນ, ເຊິ່ງມີຊາວບ້ານ ໃນເມືອງປາກກະດິງ ຈຳນວນນຶ່ງສົນໃຈສມັກ, ແຕ່ບາງຄົນ ຍັງບໍ່ຮູ້ຂ່າວນີ້ ແລະອີກສ່ວນນຶ່ງ ຄິດວ່າຄ່າໃຊ້ຈ່າຍແພງ ເມື່ອຄິດສເລັ່ຽແລ້ວ ອາດບໍ່ກຸ້ມທຶນ.
2023-05-18
ການເສັຽຄ່າທຳນຽມທາງ ປະຈຳປີ 2023 ຂອງຍານພາຫະນະ ທຸກປະເພດ ຈະຕ້ອງໄດ້ເສັຽ ພາຍໃນວັນທີ 30 ກັນຍາ 2023 ເຊິ່ງປີນີ້ ເຈົ້າຂອງພາຫະນະ ມີເວລາເຖິງ 3 ເດືອນ, ແຕ່ຫາກວ່າ ກາຍກຳນົດເວລາດັ່ງກ່າວ ຫຼື ລະເມີດການເສັຽຄ່າທຳນຽມທາງ ຈະຖືກປັບໃໝໃນອັດຕຣາ 0.1% ຕໍ່ມື້.
2023-05-18
ຊາວລາວ ຢາກໃຫ້ພາກຣັຖ ແລະ ສະພາແຫ່ງຊາຕ ຊ່ອຍແກ້ໄຂ ບັນຫາເສຖກິຈ-ການເງິນ ເພາະປັດຈຸບັນ ບັນຫາດັ່ງກ່າວນີ້ ຖືວ່າໜັກໜ່ວງຫຼາຍ ແລະ ກະທົບຕໍ່ປະຊາຊົນລາວ ໃນທົ່ວປະເທດ ຢ່າງຖ້ວນໜ້າ ທັງລາຄາສິນຄ້າແພງ ແລະ ເງິນກີບທີ່ອ່ອນຄ່າ ລົງຫຼາຍ.
2023-05-18
ຄົນລາວຈຳນວນຫຼາຍ ເດີນທາງໄປເຮັດວຽກ ຢູ່ປະເທດໄທຍ ຢ່າງຕໍ່ເນື່ອງ ໂດຍສະເພາະ ກຸ່ມຊາວໜຸ່ມທີ່ເພີ່ມຂຶ້ນເລື້ອຍໆ, ໃນນັ້ນ ບາງຄົນເລືອກທີ່ຈະໄປ ແບບຜິດກົດໝາຍ ເນື່ອງຈາກ ຄ່າໃຊ້ຈ່າຍ ໃນການແລ່ນເອກກະສານ ແພງຫຼາຍ ສ່ວນສາເຫດ ທີ່ຊາວໜຸ່ມລາວຕ້ອງໜີໄປເຮັດວຽກ ຢູ່ໄທຍ ກໍຍ້ອນວ່າ ຄ່າຈ້າງຫຼາຍກວ່າ ເຮັດວຽກຢູ່ລາວ.
2023-05-18
ທຸຣະກິຈ ຂນາດນ້ອຍ ແລະກາງ ຢູ່ລາວເຣີ່ມຂຍາຍໂຕ, ແຕ່ກໍຍັງຂາດການສນັບສນູນ ຢ່າງຈິງຈັງ ແລະພຽງພໍ ຈຶ່ງເຮັດໃຫ້ເກີດເປັນອຸປະສັກ ເພາະບໍ່ມີທຶນ, ຂັ້ນຕອນການຢືມເງິນ ກາຍເປັນອຸປະສັກຢ່າງນຶ່ງ ແລະ ສຳຄັນທີ່ສຸດຄື ດ້ານວິຊາການ ແລະຄວາມຮູ້ ໃນການປະກອບ ທຸຣະກິຈ ເຫຼົ່ານັ້ນ.
2023-05-17
ຄ່າຄອງຊີບ ຢູ່ນະຄອນຫຼວງພຣະບາງ ສູງທີ່ສຸດ ເມື່ອທຽບໃສ່ທຸກເມືອງໃນ ສປປ ລາວ, ຂະນະທີ່ອັດຕຣາເງິນກີບເຟີ້ ສະເພາະຢູ່ແຂວງນີ້ ໃນເດືອນພຶສພາ ສູງເຖິງ 54.92% ສ່ວນລາຄາສິນຄ້າ, ອາຫານ ແລະຄ່າບໍຣິການຕ່າງໆ ກໍສູງຂຶ້ນໄປຕາມໆກັນ.
2023-05-16
ໃນຍຸກເຂົ້າຍາກໝາກແພງ ເຮັດໃຫ້ຈຳນວນໂຈນ ອອກປຸ້ນ ເພີ່ມຫຼາຍຂຶ້ນ ແລະທີ່ຜ່ານມາເຈົ້າໜ້າທີ່ ຕຳຣວດ ຍັງບໍ່ສາມາດ ບັງຄັບໃຊ້ກົດໝາຍ ຫຼື ຈັບໂຈນໄດ້ ເທົ່າທີ່ຄວນ ເປັນເຫດຜົລນຶ່ງ ທີ່ເຮັດໃຫ້ ຄົນຂີ້ລັກງັດແງະ ບໍ່ຢ້ານ ຫຼືໄດ້ໃຈ ອອກອາລະວາດ ໜັກຂຶ້ນທຸກມື້.
2023-05-16
ສປປ ລາວ ອອກພັນທະບັດ ເປັນສະກຸນເງິນກີບ ມູນຄ່າ 2,000 ຕື້ກີບ, ຄັ້ງທີ 3 ເຊິ່ງອາຍຸ ພັນທະບັດ 6 ເດືອນ ແລະອັດຕຣາດອກເບັ້ຽ 15% ຕໍ່ປີ ໂດຍກໍານົດມື້ວາງຈໍາໜ່າຍ ລະຫວ່າງ ວັນທີ 15-17 ພຶສພາ 2023 ຂະນະທີ່ ສະຖາບັນການເງິນ ຕ່າງປະເທດ ເຫັນວ່າ ການຊື້-ຂາຍພັນທະບັດ ສະກຸນເງິນກີບ ຍັງມີຄວາມສ່ຽງສູງ.
