ເຣື້ອງທີ່ເກັບບັນທຶກໄວ້
2023-01-09
ຊາວບ້ານ ໃນຫຼາຍບ້ານ ທີ່ຢູ່ແຄມຫ້ວຍສັງ ເມືອງສັງທອງ ນະຄອນຫຼວງວຽງຈັນ ໄດ້ຮັບຜົລກະທົບ ຈາກ ແມ່ນ້ຳສາຍດັ່ງກ່າວ ທີ່ຊາວບ້ານ ໃຊ້ອຸປະໂພກ, ບໍຣິໂພກ ມີມີການປົນເປື້ອນ ຈົນບໍ່ສາມາດນຳໄປໃຊ້ໄດ້, ສ່ວນສາເຫດຄາດວ່າ ເກີດຈາກການຂຸດຄົ້ນແຮ່ຄຳ, ຂະນະທີ່ຍັງບໍ່ມີ ພາກສ່ວນໃດ ເຂົ້າໄປຊ່ວຍເຫຼືອຊາວບ້ານເທື່ອ.
2023-01-06
ມີການບຸກລຸຸກ ປ່າສງວນຫ້ວຍງົວ ຢູ່ເຂດເມືອງບໍຣິຄັນ ແຂວງບໍຣິຄຳໄຊ ເພື່ອຖາງປ່າເຮັດສວນມັນຕົ້ນ ຊຶ່ງເຮັດໃຫ້ປ່າສງວນແຫ່ງນີ້ ຖືກທຳລາຍໄປແລ້ວ ເປັນຈຳນວນຫລາຍເຮັກຕ້າຣ໌ ແຕ່ເຈົ້າໜ້າທີ່ກ່ຽວຂ້ອງ ຍັງບໍ່ໄດ້ແກ້ໄຂ ບັນຫາດັ່ງກ່າວ ຢ່າງຈິງຈັງ ແລະຈັບຜູ້ກະທຳຜິດບໍ່ໄດ້ເທື່ອ.
2023-01-06
ໂຄງການ ພັທນາໂຕເມືອງ ອຸດສາຫະກັມ ທັນສໄມ ແລະເປັນມິຕກັບສິ່ງແວດລ້ອມ ຢູ່ເມືອງນາໝໍ້ ແລະເມືອງໄຊ ແຂວງອຸດົມໄຊ ມາເຖິງປັດຈຸບັນນີ້ ຊາວບ້ານ ທີ່ຄາດວ່າ ຈະຖືກຜົນກະທົບ ຍັງບໍ່ຮູ້ຣາຍລະອຽດກ່ຽວກັບ ຄ່າຊົດເຊີຍ ຫຼື ຜົນກະທົບອື່ນໆ ທີ່ກ່ຽວຂ້ອງ ເຖິງແມ່ນວ່າ ທາງຜູ້ພັທນາໂຄງ ແລະພາກຣັຖ ຈະມີຂໍ້ຕົກລົງ ຮ່ວມກັນແລ້ວກໍຕາມ.
2023-01-05
ຜູ້ພັທນາໂຄງການ ສາຍສົ່ງໄຟຟ້າ ແຮງສູງຂນາດ 500 ກິໂລໂວລຕ໌ ຂອງຈີນ ໃນ ສປປ ລາວ ຕຣຽມເຊື່ອມຕໍ່ສາຍສົ່ງໄຟຟ້າ ຄວາມຍາວ ປະມານ 500 ກິໂລແມັດ ຜ່ານເມືອງໂຂງ, ເມືອງອຸທຸມພອນ ແຂວງຈຳປາສັກ ແລະເມືອງສນາມໄຊ, ເມືອງພູວົງ ແຂວງອັດຕະປື ໄປຫາຊາຍແດນ ປະເທດກັມພູຊາ ຢ່າງເປັນທາງການ.
2023-01-04
ສໍານັກຂ່າວ ຊີເອັ໋ນເອັ໋ນ (CNN) ຈັດອັນດັບ ໃຫ້ປະເທດລາວ ເປັນນຶ່ງໃນ 23 ປະເທດ ທີ່ໜ້າທ່ອງທ່ຽວ ໃນປີ 2023 ນີ້ ຂະນະທີ່ຊາວລາວ ກໍເຫັນວ່າ ເປັນເຣື່ອງທີ່ໜ້າຍິນດີ ແຕ່ຄວນມີການປັບປຸງ ການບໍຣິການ ໃຫ້ໄດ້ມາຕຖານ ແລະບໍ່ເອົາປຽບນັກທ່ອງທ່ຽວ.
