5 ຄົນຕາຍ, ສົງ​ໃສ ​ມີ​ທາດ​ເບື່ອ ໃນ​ໝາກ​ຫຸ່ງ

ພູວົງສ໌
2019-04-08
ອີແມວລ໌
ຄໍາເຫັນ
Share
ພິມ
ສວນຊາວບ້ານ ເຂດນ້ຳປຸຍ ເມືອງພຽງ ແຂວງ ໄຊຍະບູຣີ
ສວນຊາວບ້ານ ເຂດນ້ຳປຸຍ ເມືອງພຽງ ແຂວງ ໄຊຍະບູຣີ
RFA/Mek/fb

ເກີດເຫດຊາວບ້ານ ເສັຽຊີວິດ 5 ຄົນ ທີ່ບ້ານພູພຽງ, ເມືອງເຟືອງ ແຂວງວຽງຈັນ ຍ້ອນກິນໝາກຫຸ່ງ ໃນວັນທີ 5 ເມສາ ທີ່ຜ່ານມານີ້, ເຊິ່ງຜູ້ເສັຽຊີວິດ ທັງໝົດ ເປັນຄົນໃນຄອບຄົວດຽວກັນ ອັນປະກອບໄປດ້ວຍ ພໍ່, ແມ່, ລູກສາວ 2 ຄົນ ແລະ ລູກຊາຍ 1 ຄົນ ທີ່ໄດ້ເອົາ ໝາກຫຸ່ງ ມາແກງສູ່ກັນກິນ ແລ້ວເກີດອາຫານເປັນພິດ, ອີງຕາມຄວາມເວົ້າ ຂອງເຈົ້າໜ້າທີ່ຂແນງອາຫານ ແລະ ຢາ ແຂວງວຽງຈັນ ທ່ານນຶ່ງ ໄດ້ກ່າວ ເມື່ອວັນທີ 8 ເມສາ ນີ້ວ່າ:

“ຂະເຈົ້າ ກະກິນແກງ ບໍ່ແມ່ນໝາກຫຸ່ງດອກ ກິນແກງຜັກຫວານປ່າ ຫັ້ນນ່າ. ຂະເຈົ້າ ມາກິນມັນກະບໍ່ມີຫຍັງ ແລງມາລະ ຂະເຈົ້າກິນແກງ ໝາກຫຸ່ງ ຕົ້ມໝາກຫຸ່ງກິນຫັ້ນນ່າ ມັນຈັ່ງຄ່ອຍມີອາການ. ຄອບຄົວ ມີ 5 ຄົນ ເຫຼືອແຕ່ ລູກນ້ອຍ ອາຍຸ 1 ເດືອນ, ກິນຫຍັງ ບໍ່ໄດ້ເດ. ເຫຼືອນັ້ນ ກິນນຳກັນ 5 ຄົນ ຖືວ່າ ເສັຽຊີວິດໝົດ.”

ທ່ານກ່າວຕື່ມວ່າ ໝາກຫຸ່ງ ທີ່ຊາວບ້ານກິນນັ້ນ, ບໍ່ໄດ້ຊື້ມາຈາກຕລາດ ເປັນໝາກຫຸ່ງ ທີ່ເຂົາເຈົ້າ ປູກເອງຢູ່ສວນ, ເຊິ່ງຕອນນີ້ ຍັງຢູ່ຣະຫວ່າງ ການກວດກາວິຈັຍ ວ່າເກີດຈາກສານເຄມີ ຫຼື ຢາເບື່ອ ປະເພດໃດແທ້ ຄາດວ່າ ຈະໃຊ້ເວລາ 3-4 ມື້ ຈຶ່ງຈະຮູ້ຜົນ.

“ໝາກຫຸ່ງ ຢູ່ສວນຂະເຈົ້າເອງ ບໍ່ຮູ້ວ່າ ຊິເບື່ອ ຍ້ອນຫຍັງ ຫຼືວ່າ ເປັນຍ້ອນຫຍັງຫັ້ນນ່າ. ເຂົາເອົາ ນ້ຳກະເພາະ ໄປວິຈັຍ ຢູ່ຕ້ອງລໍຖ້າ ຜົລການ ສັນລະສູດ ຂອງເຈົ້າໜ້າທີ່ ອອກມາກ່ອນ ເພາະວ່າ ເຮົາກະບໍ່ຮູ້ວ່າແນ່ຊັດ ຍ້ອນອັນໃດແທ້ ຢູ່ໃນໝາກຫຸ່ງ ມີສານເຄມີບໍ່ ຫຼືບໍ່ມີສານເຄມີ.”

ທ່ານກ່າວມ້ວນທ້າຍວ່າ ຊາກສົບ ຜູ້ເສັຽຊີວິດ ທັງ 5 ຄົນ ຍັງບໍ່ໄດ້ນຳໄປ ທຳພິທີ ທາງສາສນາເທື່ອ ຍ້ອນຍັງຢູ່ຣະຫວ່າງການສັນລະສູດສົບຢູ່ ໃນຂນະທີ່ ເຈົ້າໜ້າທີ່ ຍັງສືບສວນຫາສາເຫດ ທີ່ແທ້ຈິງຢູ່ ແລະ ຍັງບໍ່ມີພາກສ່ວນໃດ ເຂົ້າມາຊ່ອຍເຫຼືອ ຄອບຄົວ ທີ່ເສັຽຊີວິດ ທັງ 5 ຄົນນີ້. ສ່ວນລູກນ້ອຍ ອາຍຸພຽງ 1 ເດືອນ, ຍາດຕິພີ່ນ້ອງ ກໍໄດ້ຮັບໄປເບິ່ງແຍງ ຕໍ່ແລ້ວ. ຕາມປົກກະຕິແລ້ວ, ຊາວກະສິກອນ ໃນລາວ ຍັງມັກໃຊ້ ສານເຄມີ ໃນການປູກຝັງຫຼາຍຢູ່, ແຕ່ໃນກໍຣະນີນີ້ ເຈົ້າໜ້າທີ່ ກໍຍັງບໍ່ໄດ້ຕັ້ງ ຂໍ້ສົງໃສວ່າ ສາເຫດການເສັຽຊີວິດ ຂອງຄອບຄົວ ດັ່ງກ່າວ ກ່ຽວຂ້ອງ ກັບສານເຄມີ ຫຼືບໍ່?

ຄໍາເຫັນ (1)
Share

SadNew

ຈາກ Wisconsin

Lpdr agriculture department need to inspect who is the owner of the farm and what is the pesticide they sprayed. They must post a warning sign around their farm so people be aware of it. This is a terrible tragic accident.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 10, 2019 07:17 AM

ເຕັມຫນ້າ