ເຣື້ອງທີ່ເກັບບັນທຶກໄວ້
2023-06-09
ເຮືອທີ່ຄົນງານ 7 ຄົນ ລວມທັງເດັກນ້ອຍ 2 ຄົນ ໃຊ້ຂີ່ຂ້າມນ້ຳຂອງ ໄດ້ຫລົ້ມຢູ່ນ້ຳຂອງ ລະຫວ່າງ ແຂວງນະຄອນພະນົມ ຂອງໄທຍ ແລະເມືອງທ່າແຂກ ແຂວງຄໍາມ່ວນ, ເຮັດໃຫ້ມີຜູ້ເສັຍຊີວິດ 3 ຄົນ, ແຕ່ມາເຖິງຂະນະນີ້ ຍັງບໍ່ທັນຮູ້ລາຍລະອຽດ ຂອງສາເຫດ ທີ່ເຮັດໃຫ້ເຮືອລຳດັ່ງກ່າວ ຫຼົ້ມເທື່ອ.
2023-06-08
ແຂວງຜົ້ງສາລີ ແລະ ແຂວງຫົວພັນ ໄດ້ຮັບການສນັບສນູນ ຈາກອົງການ ສະຫະປະຊາຊາຕ ເພື່ອຕ້ານຢາເສບຕິດ ແລະອາຊຍາກັມ ຫຼື UNODC ໃນໂຄງການປູກພືດ ທົດແທນຝິ່ນ ມີງົບປະມານບໍ່ພຽງພໍ ຈຶ່ງເຮັດໃຫ້ຊາວບ້ານ ຈຳນວນນຶ່ງ ກັບຄືນໄປປູກຝິ່ນ.
2023-06-02
ປະຊາຊົນ ບ້ານດົງຂວາງ, ບ້ານດົງບູນ, ບ້ານນາຄໍາ ແລະ ບ້ານໂນນຈິິກ ເມືອງໜອງ ບົກ ແຂວງຄໍາມ່ວນ ຍັງປະສົບບັນຫາຖນົນເປັນຂີ້ຝຸ່ນ ຍ້ອນຣົຖບັນທຸກ ຂອງບໍຣິສັດ ຊີໂນອາກຣີ ໂປຕາສ ຈໍາກັດ ຂອງນັກລົງທຶນຈີນ ທີ່ເຂົ້າມາສ້າງໂຮງງານ ແລ່ນຜ່ານຫຼາຍ.
2023-06-02
ເຈົ້າໜ້າທີ່ ຊັພຍາກອນທັມມະຊາຕ ແຂວງຫົວພັນ ຍັງບໍ່ສາມາດສລຸບສາເຫດ ກໍຣະນີ ປາຕາຍ ຢູ່ໃນຫຼາຍພື້ນທີ່ ເຊິ່ງປັດຈຸບັນ ເຈົ້າໜ້າທີ່ ຍັງຢູ່ລະຫວ່າງ ການຕິດຕາມ-ກວດກາ ຄຸນນະພາບນໍ້າ ໃນຈຸດທີ່ພົບປາຕາຍ ແລະ ການກວດວິເຄາະ ຫາສານປົນເປື້ອນໃນປາ.
2023-05-31
ໃນປີນີ້ ມີຜູ້ເປັນໄຂ້ຍຸງລາຍ ຫຼື ໄຂ້ເລືອດອອກ ສະສົມແລ້ວ 2,979 ຄົນ ແລະ ມີຜູ້ຕິດເຊື້ອໃໝ່ 108 ຄົນ, ແຕ່ຍັງບໍ່ມີຣາຍງານ ຜູ້ເສັຍຊີວິດ ອີງຕາມຂໍ້ມູນ ສູນຂ່າວສານ ການແພດ ສຸຂສຶກສາ ກະຊວງສາທາຣະນະສຸຂ ຂະນະທີ່ການປ້ອງກັນ ຍັງເປັນໄປຕາມຫຼັກການ ພື້ນຖານ 5 ປ.
2023-05-30
ຣັຖວິສາຫະກິຈ ນ້ຳປະປາ ນະຄອນຫຼວງວຽງຈັນ ແນະນຳໃຫ້ປະຊາຊົນ ໃຊ້ນ້ຳປະປາຢ່າງປະຢັດ ແລະ ໃຫ້ມີຖັງໂຕ່ງນ້ຳໄວ້ໃຊ້ ໃນຍາມນ້ຳບໍ່ມາ ຫລື ມາຄ່ອຍ ໂດຍ ທາງນ້ຳປະປາ ນະຄອນຫຼວງໃຫ້ເຫດຜົລວ່າ ແຮງດັນນ້ຳປະປາຄ່ອຍ ຍ້ອນກະແສໄຟຟ້າ ຂັດຂ້ອງ ຈາກສະພາບອາກາດຮ້ອນ ຜິດປົກກະຕິ.
2023-05-30
ປະຊາຊົນ ຢູ່ບ້ານດອນໄຊ ເມືອງຫຼວງນໍ້າທາ ແຂວງຫຼວງນໍ້າທາ ເບື່ອເຫັດປ່າ ເຮັດໃຫ້ ມີຄົນເສັຽຊີວິດ 2 ຄົນ ແລະ ອີກ 5 ຄົນຍັງເຝົ້າຕິດຕາມອາການ ຢູ່ໂຮງໝໍແຂວງ ຊຶ່ງທັງໝົດເປັນຄອບຄົວດຽວກັນ ໂດຍເຫດການດັ່ງກ່າວນີ້ ແມ່ນເປັນຄັ້ງທຳອິດໃນປີນີ້ ທີ່ມີຊາວບ້ານເບື່ອເຫັດ.
2023-05-30
ຊາວເມືອງໂຂງຈຽມ ແຂວງອຸບົນຣາຊທານີ ຂອງໄທຍ ຄັດຄ້ານ ການສ້າງເຂື່ອນໄຟຟ້າ ພູງອຍ ຂນາດ 728 ເມກາວັດ ຢູ່ແມ່ນໍ້າຂອງ ແຂວງຈໍາປາສັກ ທີ່ສົ່ງຜົລກະທົບ ຕໍ່ຊາວບ້ານຢູ່ 6 ເມືອງ, 86 ບ້ານ ຂອງແຂວງ ຈໍາປາສັກ ແລະ ປະຊາຊົນ 6 ບ້ານຢູ່ເມືອງໂຂງຈຽມ.
2023-05-26
ເຫດການປາຕາຍ ຢູ່ສາຍນ້ຳຊຳ ສ່ວນນຶ່ງ ເກີດມາຈາກການລ້າງອຸໂມງ ຂອງໂຄງການເຂື່ອນໄຟຟ້າ ແລະ ອ່າງນ້ຳເສັຽ ຈາກໂຄງການຂຸດຄົ້ນແຮ່ທາດ ຫາຍາກ ເຮັດໃຫ້ຊາວບ້ານ ທີ່ຫາປາຈາກແມ່ນ້ຳສາຍນີ້ ບໍ່ກ້າກິນປາ ຂະນະທີ່ທາງເຈົ້າຂອງໂຄງການ ຊົດເຊີຍແນວພັນປາ ເພື່ອປ່ອຍລົງນ້ຳຊຳຄືນ ໃຫ້ຊາວບ້ານ.
2023-05-26
ວາຣະແຫ່ງຊາຕ ແກ້ໄຂບັນຫາ ຢາເສບຕິດ ຂອງຣັຖບານລາວ ຍັງພົບຄວາມຫຍຸ້ງຍາກ ເຊິ່ງຫຼາຍໜ່ວຍງານ ທີ່ກ່ຽວຂ້ອງ ກັບການຈັດຕັ້ງ ປະຕິບັດ ຍັງປະຕິບັດໜ້າທີ່ ດ້ວຍຄວາມຍາກ ລຳບາກ ດ້ວຍເຫດຜົລຫຼາຍຢ່າງ ເປັນຕົ້ນເຣື່ອງບຸກຄະລາກອນ.
2023-05-26
ວັນທີ 25 ພຶສພາ ທີ່ຜ່ານມາ ເກີດເຫດຊາວບ້ານ ປີນຮົ້ວທາງຣົຖໄຟລາວ-ຈີນ ແລ້ວແລ່ນຕັດໜ້າ ຣົຖໄຟ ຈົນເສັຍຊີວິດຄາທີ່ ຢູ່ເຂດບ້ານ ປ່ອງຊອງ ເມືອງຫິນເຫີບ ແຂວງວຽງຈັນ ເຊິ່ງທີ່ຜ່ານມາ ເຂດເມືອງຫິນເຫີບ ມັກມີເຫດການ ຊາວບ້ານປີນຮົ້ວຂ້າມ ແລ້ວຍ່າງລັດທາງຣົຖໄຟ ລາວ-ຈີນ ເປັນປະຈຳ.
2023-05-24
ພົບແປ້ງນົວປອມ ຂາຍຢູ່ຕາມຮ້ານ, ຕລາດໃນຫຼາຍເມືອງ ເຊິ່ງລັກສະນະ ຂອງແປ້ງນົວປອມ ທີ່ລາວຊື້ນັ້ນ ແມ່ນ ເມັດແປ້ງນົວ ຈະເປັນເມັດນ້ອຍໆ ຄືກັບເມັດນ້ຳຕານຊາຍ ຫຼື ເມັດເກືອມີຣົສຊາດເຄັມ ຫຼາຍກວ່າ ຣົສຊາດນົວ, ລັກສະນະຂອງຖົງ ຈະເປັນຖົງແຂງກວ່າຖົງແປ້ງນົວແທ້.
2023-05-24
ປະຊາຊົນ ຢູ່ຫຼາຍບ້ານ ໃນແຂວງເຊກອງ ບໍ່ສາມາດເຂົ້າເຖິງ ລະບົບນ້ຳປະປາ ເນື່ອງຈາກວ່າ ພາກຣັຖມີຂໍ້ຈຳກັດ ໃນການໃຫ້ບໍຣິການ ຢ່າງທົ່ວເຖິງ ເຮັດໃຫ້ຊາວບ້ານ ຕ້ອງໄດ້ເພິ່ງພາ ນ້ຳຕາມລຳຫ້ວຍ ເພື່ອໃຊ້ເຂົ້າໃນການ ອຸປະໂພກ ແລະບໍຣິໂພກ ເຊິ່ງກໍເປັນບັນຫາຕໍ່ສຸຂພາບ.
2023-05-23
ສູນບຳບັດ ຜູ້ຕິດຢາເສບຕິດ ແຫ່ງທຳອິດ ຂອງແຂວງໄຊຍະບູຣີ ຈະຖືກສ້າງຂຶ້ນ ເພື່ອຮອງຮັບ ຜູ້ຕິດຢາເສບຕິດທີ່ມີຈຳນວນເພີ່ມຂຶ້ນ ພາຍໃນແຂວງ, ເຊິ່ງຊາວລາວ ໃນແຂວງດັ່ງກ່າວ ເຫັນວ່າ ເປັນສິ່ງທີ່ດີ ເພາະຈະເປັນອີກແຮງນຶ່ງ ຊ່ອຍຫຼຸດຜ່ອນ ບັນຫາຢາເສບຕິດ ພາຍໃນແຂວງໄດ້.
2023-05-22
ຄົນງານລາວ ຈາກແຂວງຫົວພັນ ປະມານ 10 ຄົນ ທີ່ເຮັດວຽກ ຢູ່ສວນຢາງພາຣາ ຂອງຈີນ ແຫ່ງນຶ່ງ ໃນແຂວງອັດຕະປື ຖືກພະນັກງານ ຂອງສວນຢາງພາຣາ ດັ່ງກ່າວຂົ່ມເຫັງ ເຮັດໃຫ້ທົນບໍ່ໄດ້ ຈຶ່ງຕຣຽມເດີນທາງກັບຄືນເມືອບ້ານ ແຕ່ຖືກພະນັກງານຊາວຈີນ ຂອງສວນຢາພາຣາ ດັ່ງກ່າວຂັດຂວາງ.
