ເຣື້ອງທີ່ເກັບບັນທຶກໄວ້
2023-05-08
ຣົຖບັນທຸກ ທີ່ນໍ້າໜັກເກີນ ຈໍານວນນຶ່ງ ຍັງຝ່າຝືນນໍາໃຊ້ເສັ້ນທາງ ພູ 9 ຫຼັກ ລະຫວ່າງ ເມືອງກາສີ ແຂວງວຽງຈັນ ກັບເມືອງນານ ແຂວງຫຼວງພຣະບາງ ເຖິງແມ່ນວ່າ ທາງການໄດ້ສັ່ງຫ້າມ ບໍ່ໃຫ້ຣົຖບັນທຸກໜັກແລ່ນຜ່ານ ເສັ້ນທາງດັ່ງກ່າວອີກກໍຕາມ.
2023-05-08
ມີບັນຫາຂີ້ລັກ, ປຸ້ນຈີ້ ແລະ ຢາເສບຕິດ ຫຼາຍຂຶ້ນ ຍ້ອນເສຖກິຈຝືດເຄືອງ ຂະນະທີ່ ຊາວລາວຫຼາຍຄົນ ຢາກໃຫ້ເຈົ້າໜ້າທີ່ ລົງໂທດຢ່າງຈິງຈັງ ຕໍ່ຜູ້ກະທໍາຜິດ ເນື່ອງຈາກ ຫຼາຍຄົນກະທຳຜິດຊ້ຳໆ ແລະການລົງໂທດ ກໍມີພຽງແຕ່ສຶກສາອົບຮົມ ຈຶ່ງເຮັດໃຫ້ບໍ່ຫຼາບຈຳ ກັບໄປສ້າງບັນຫາ ໃຫ້ສັງຄົມອີກ.
2023-05-04
ຊາວໜຸ່ມ ຜູ້ທີ່ຜ່ານການບໍາບັດ ແລະ ປິ່ນປົວ ການຕິດຢາເສບຕິດ ຢູ່ທີ່ສູນປິ່ນປົວ ແລະ ຝຶກອົບຮົມວິຊາຊີບ ຜູ້ຕິດຢາເສບຕິດ ທີ່ນະຄອນຫຼວງວຽງຈັນ 40% ກັບໄປເສບຢາເສບຕິດ ຄືນອີກ ຍ້ອນບໍ່ມີວຽກເຮັດງານທຳ, ບັນຫາຄອບຄົວ ແລະ ອື່ນໆ ພາຍຫຼັງ ອອກຈາກການບຳບັດ ແລ້ວ.
2023-05-03
ເກີດອຸປະຕິເຫດ ຣົຖພ່ວງ ຕຳກັບຣົຖເມ ທີ່ແລ່ນມາຈາກ ແຂວງສວັນນະເຂດ ມຸ່ງໜ້າສູ່ນະຄອນຫຼວງວຽງຈັນ ຢູ່ທາງຫຼວງ ເລກ 13 ໃຕ້ ໃກ້ກັບໂຮງຮຽນມັທຍົມ ຕອນປາຍນາໄຊ ບ້ານນາໄຊ ເມືອງທ່າພຣະບາດ ແຂວງບໍຣິຄຳໄຊ, ເປັນເຫດໃຫ້ມີຜູ້ເສັຽຊີວິດ 8 ຄົນ ແລະມີຜູ້ບາດເຈັບ ຫຼາຍກວ່າ 20 ຄົນ.
2023-05-03
ທາງການລາວ ຫ້າມບໍ່ໃຫ້ນໍາໝູເປັນ ແລະຜລິຕພັນໝູ ຈາກວຽດນາມ ເຂົ້າມາລາວ ຍ້ອນພະຍາດ ອະຫິວາໝູ ອາຟຣິກາ ກຳລັງຣະບາດ ຢູ່ປະເທດດັ່ງກ່າວ ເຖິງຈະມີແຈ້ງການຫ້າມ ແຕ່ກໍຍັງມີຄົນ ລັກເອົາເຂົ້າມາຢູ່ ເຊັ່ນຢູ່ເມືອງໜອງແຮດ ແຂວງຊຽງຂວາງ.
2023-05-02
ຣັຖບານລາວ ພະຍາຍາມພັທນາ ຫລາຍບ້ານ ແລະ ຫລາຍເມືອງ ໃນທົ່ວປະເທດ ໃຫ້ຫລຸດພົ້ນ ຈາກຄວາມທຸກຍາກ ແຕ່ຍັງມີ ຂໍ້ຫຍຸ້ງຍາກ ຫລາຍຢ່າງ ພາໃຫ້ຊັກຊ້າ ເປັນຕົ້ນປະຊາຊົນ ທີ່ຢູ່ເຂດຫ່າງໄກ ສອກຫຼີກ ຍາກຕໍ່ການເຂົ້າເຖິງ ແລະ ການບໍ່ຮູ້ໜັງສື ກໍເປັນອຸປະສັກ ອີກຢ່າງນຶ່ງ.
2023-05-01
ໃນວັນກັມມະກອນສາກົລ ວັນທີ 1 ພຶສພາ ປີ 2023 ຄົນງານລາວຈຳນວນຫລາຍ ຍັງຖຶກຂູດຮີດຄ່າຈ້າງ, ບໍ່ໄດ້ຮັບສວັດດີການ ແລະ ບໍ່ສາມາດຮຽກຮ້ອງສິດທິຂອງໂຕເອງໄດ້ໃນລາວ
2023-05-01
ຕໍາຣວດ ແຂວງບໍຣິຄໍາໄຊ ຍຶດຢາບ້າໄດ້ 4 ລ້ານປາຍເມັດ ຢູ່ບ້ານປາກທວາຍ ເມືອງທ່າພຣະບາດ ແຂວງບໍຣິຄໍາໄຊ ແຕ່ຜູ້ຕ້ອງສົງສັຍ ຫລົບໜີໄປໄດ້ ຂະນະທີ່ປະຊາຊົນ ຍັງໄດ້ຮັບຄວາມເດືອດຮ້ອນ ຈາກການຣະບາດ ຂອງຢາເສບຕິດໃນເຂດຊຸມຊົນ.
2023-04-28
ໝໍ້ໄຟຟ້າແຮງສູງ ຢູ່ສະຖານີໄຟຟ້າປາກບໍ່ ນະຄອນໄກສອນ ພົມວິຫານ ແຂວງສວັນນະເຂດ ລະເບີດແຮງ, ເຮັດໃຫ້ໄຟມອດ ຢູ່ຫລາຍເຂດ ແຕ່ບໍ່ມີຜູ້ໃດໄດ້ຮັບອັນຕະລາຍ ແຕ່ເຫດການດັ່ງກ່າວ ກໍເຮັດໃຫ້ປະຊາຊົນ ທີ່ເຫັນເຫດການແຕກຕື່ນ ລວມທັງຊາວໄທຍ ທີ່ຢູ່ແຂວງມຸກດາຫານ ນຳດ້ວຍ.
2023-04-27
ອົງການເກັບກູ້ລະເບີດ ແຫ່ງຊາຕ (UXO LAO) ຂາດເຂີນງົບປະມານ ໃນການຈ້າງພະນັກງານ ເພື່ອເກັບກູ້ລະເບີດ ທີ່ຍັງບໍ່ແຕກ ແລະ ທີ່ຕົກຄ້າງແຕ່ສໄມສົງຄາມ ເຮັດໃຫ້ເຈົ້າໜ້າທີ່ ບໍ່ສາມາດລົງເກັບກູ້ລະເບີດ ເປັນໄລຍະເວລາ ປີປາຍແລ້ວ.
2023-04-26
ຊາວລາວ ບໍ່ເຊື່ອວ່າ ເຈົ້າໜ້າທີ່ລາວ ຈະປາບປາມ ຍາເສບຕິດໄດ້ ເພາະໃນຊຸມຊົນ, ເຈົ້າໜ້າທີ່ ຍັງບໍ່ເອົາໃຈໃສ່ ກວດກາ ແລະ ຫລ້າສຸດ ແຂວງບໍ່ແກ້ວ ຍັງມີຜູ້ລັກລອບຂົນ ເຮໂຣອິນ 160 ກິໂລກຣາມ ຜ່ານດ່ານນໍ້າເກິງ.
2023-04-20
ອົງການອາຫານໂລກ ຣາຍງານວ່າ ປະຊາຊົນລາວ ໃນທົ່ວປະເທດ ຫລາຍກວ່າ 13.5% ຂາດອາຫານ, ສະເພາະຢູ່ແຂວງເຊກອງ ຂາດອາຫານເຖິງ 33%, ແຂວງອຸດົມໄຊ ແລະ ຜົ້ງສາລີ ຂາດເຖິງ 22% ເຊິ່ງ ສາເຫດສ່ວນນຶ່ງ ແມ່ນສະພາບ ເງິນກີບເຟີ້ສູງ ແລະອື່ນໆ.
2023-04-20
ກົດໝາຍລາວຍັງອ່ອນແອ ເຮັດໃຫ້ການຊື້-ຂາຍ ໃບກະທ້ອມໃນລາວ ແຜ່ຫລາຍຂຶ້ນ ຫລ້າສຸດ ອັຍການປະຊາຊົນສູງສຸດ ມີຄຳສັ່ງ ໃຫ້ເຈົ້າໜ້າທີ່ ດຳເນີນຄະດີຢ່າງເດັດຂາດເມື່ອພົບເຫັນ ຍ້ອນ ໃບກະທ້ອມ ຍັງຜິດກົດໝາຍ.
2023-04-20
ການລັກລອບຂົນສົ່ງກັນຊາ ຈາກແຂວງບໍຣິຄຳໄຊ ໄປຍັງປະເທດໄທຍ, ໂດຍສະເພາະໃນເຂດແຂວງນະຄອນພນົມ ຍັງເກີດຂຶ້ນຢ່າງຕໍ່ເນື່ອງ, ເຊິ່ງໃນເດືອນເມສາ ປີນີ້ ເຈົ້າໜ້າທີ່ໄທຍ ກໍສາມາດຈັບ ພວກກຸ່ມຄົນບໍ່ດີ ໄດ້ ເຖິງ 3 ຄັ້ງ ແລະ ຍຶດກັນຊາ ໄດ້ 500 ກິໂລກຣາມ ມູລຄ່າ 500 ປາຍລ້ານກີບ.
2023-04-18
ຣັຖບານຍີ່ປຸ່ນ ຊ່ວຍເຫລືອ ການປັບປຸງ, ສ້າງອາຄານຮຽນ ແລະ ຫ້ອງນໍ້າໃໝ່ ໃຫ້ນັກຮຽນລາວ ແລະ ນັກຮຽນຊົນເຜົ່າຄະແມຮ໌ ແລະ ຊົນເຜົ່າສ່ວຍ ຢູ່ໂຮງຮຽນມັທຍົມສົມບູນ ໂນນຍາງ ເມືອງສຸຂຸມາ ແຂວງຈຳປາສັກ ລວມມູນຄ່າ 104,000 ໂດລ້າຣ໌ສະຫະຣັຖ.
