ເຣື້ອງທີ່ເກັບບັນທຶກໄວ້
2024-02-12
ຊາວບ້ານ ຢູ່ ເມືອງໄຊບູລີ ແຂວງສວັນນະເຂດ ແລະ ເມືອງໄຊບັ້ງໄຟ ແຂວງຄໍາມ່ວນ ໄດ້ຮັບກິ່ນເໝັນ ຈາກໂຮງງານຜລິດແປ້ງມັນຕົ້ນ ຂອງວຽດນາມ ທີ່ມີຜົລກະທົບ ຕໍ່ລະບົບຫາຍໃຈ ຢ່າງຮ້າຍແຮງ.
2024-02-09
ຣົຖຕູ້ໂດຍສານ ທີ່ມີຄົນລາວໃຊ້ບໍຣິການ ຕຳທ້າຍກັບຣົຖບັນທຸກ 10 ລໍ້ ຢູ່ທາງຫຼວງເລຂທີ 304 ເຂດບ້ານທຸ່ງຣວງທອງ ຕາແສງເມືອງໃໝ່ ເມືອງຣາຊະສານ ແຂວງສະເຊິງເຊົາ ປະເທດໄທຍ ເຮັດໃຫ້ມີຜູ້ບາດເຈັບ 16 ຄົນ ເຊິ່ງຈຳນວນ 15 ຄົນເປັນຄົນລາວ ແລະ ນຶ່ງໃນນັ້ນເສັຽຊີວິດ.
2024-02-09
ການປູກຝິ່ນໃນລາວ ຍັງມີຢູ່ຫລາຍ ເປັນຕົ້ນຢູ່ແຂວງພາກເໜືອ ຊຶ່ງໃນຕົ້ນ ປີ 2024 ມີການທໍາລາຍສວນຝິ່ນ ຢູ່ພູແຊວ ເມືອງພູກູດ ແຂວງຊຽງຂວາງ ເກືອບເຖິງ 11,000 ຕາແມັດ ແລະ ຢູ່ເຂດເມືອງຫລວງນໍ້າທາ ປະມານ 2,600 ຕາແມັດ.
2024-02-08
ພົບສົບຊາຍນິຣະນາມ ຢູ່ໃນກົງເຫລັກ ໃນສະພາບຖືກເຊືອກຮັດຄໍ ໄຫຼຢູ່ກ້ອງຂົວນໍ້າຄານ ໃນເຂດບ້ານວັງເງິນ ນະຄອນຫລວງພຣະບາງ, ຂະນະນີ້ ເຈົ້າໜ້າທີ່ກຳລັງດຳເນີນການ ສືບສວນ, ສອບສວນຢູ່ ແຕ່ບາງຄຳເຫັນໃຫ້ເຫດຜົລວ່າ ອາດເປັນກຸ່ມຄົນຈີນ ເນື່ອງຈາກຄົນຈີນ ເຂົ້າມາເຮັດທຸຣະກິຈ ໃນລາວຫຼາຍຂຶ້ນ.
2024-02-08
ຂີ້ເຫຍື້ອ ຈາກຕລາດລາວ 450 ປີ ຢູ່ບ້ານສະພັງເມິກ ເມືອງໄຊທານີ ນະຄອນຫຼວງວຽງຈັນ ສົ່ງກິນເໝັນ ລົບກວນຊາວບ້ານໃກ້ຄຽງ ແລະ ປະຊາຊົນ ໄດ້ສ່ອງແສງ ໄປຫາເຟສບຸກເພຈ “ເຫດການບ້ານເມືອງ” ໃນວັນທີ 7 ກຸມພາ ທີ່ຜ່ານມາ ຂະນະນີ້ ພາກສ່ວນທີ່ຮັບຜິດຊອບ ກຳລັງດຳເນີນການ ແກ້ໄຂ.
2024-02-07
ປາຕາຍຫລາຍຢູ່ໜອງນໍ້າ ໃນເຂດບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ ແຕ່ຍັງບໍ່ທັນຮູ້ສາເຫດຄັກແນ່, ມີແຕ່ສົງໄສວ່າ ອາດເປັນຍ້ອນໂຮງງານ ຜລິດແປ້ງມັນຕົ້ນ ຂອງຈີນ ທີ່ຢູ່ໃນເຂດບ້ານດັ່ງກ່າວ ປ່ອຍນໍ້າເສັຍທີ່ເປັນພິດລົງໃສ່.
2024-02-05
ກົມລ້ຽງສັດ ແລະການປະມົງ ກະຊວງກະສິກັມ ແລະປ່າໄມ້ ໄດ້ມີໜັງສື ແຈ້ງໄປຍັງຜແນກກະສິກັມ ແລະປ່າໄມ້ ນະຄອນຫຼວງວຽງຈັນ ເຣື່ອງການກວດພົບເຊື້ອພຍາດ ໄຂ້ຫວັດສັດປີກ ສາຍພັນ H5N1 ຢູ່ຕລາດ ດ່ານຊ້າງ (ດົງໝາກຄາຍ) ບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ.
2024-02-05
ຕໍ່ກັບ ຄລິບວິດີໂອ ທີ່ເຜີຍແຜ່ທາງເຟສບຸກຄ໌ ໃນວັນທີ 4 ກຸມພາ 2024 ທີ່ຜ່ານມາ ທີ່ມີຄົນງານ ເພດຊາຍ ຖືກຄົນຈີນ ທຸບຕີໃນຫ້ອງນອນນັ້ນ ທາງເຈົ້າໜ້າທີ່ກ່ຽວຂ້ອງ ກໍາລັງເລັ່ງກວດສອບ ເຫດການດັ່ງກ່າວ ແມ່ນເກີດຂຶ້ນຢູ່ໃສແທ້ ແລະ ເປັນເຣື່ອງໃໝ່ ຫຼືເກົ່າ.
2024-02-02
ບໍຣິສັດຂຸດຄົ້ນແຮ່ເຫຼັກ ຂອງຈີນ ຢູ່ເມືອງກາສີ ແຂວງວຽງຈັນ ຍັງປ່ອຍນໍ້າລົງສູ່ລໍາຫ້ວຍ ແລະແມ່ນໍ້າທັມມະຊາຕ ເຮັດໃຫ້ຊາວບ້ານ ໃນເຂດບ້ານຫ້ວຍຫົກ ແລະບ້ານອ້ອມຂ້າງ ທີ່ຕ້ອງໃຊ້ນໍ້າຈາກລຳຫ້ວຍ ປັງເພື່ອການບໍຣິໂພກ ແລະເຮັດການຜລິດກະສິກັມ ໄດ້ຮັບຜົລກະທົບ.
2024-02-02
ຣັຖບານລາວ ໃຫ້ທຸກພາກສ່ວນທີ່ກ່ຽວຂ້ອງ ປະເມີນຄືນໂຄງການຂຸດຄົ້ນແຮ່ທາດ ເພື່ອປ້ອງກັນບໍ່ໃຫ້ເກີດຜົລກະທົບ ຍ້ອນວ່າທີ່ຜ່ານມາ ໄດ້ສ້າງຜົລກະທົບຫລາຍ ຕໍ່ສິ່ງແວດລ້ອມ ແລະສັງຄົມ.
2024-01-31
ປະຊາຊົນ ໃນ 19 ບ້ານຢູ່ເມືອງບົວລະພາ ແຂວງຄໍາມ່ວນ ໄດ້ຮັບຜົລກະທົບ ຈາກຣົຖຂົນສົ່ງແຮ່ທາດຂອງບໍຣິສັດວຽດນາມ ແລະລາວ ຊຶ່ງເຮັດໃຫ້ປະຊາຊົນ ເປັນພະຍາດທາງເດີນຫາຍໃຈ ຂະນະທີ່ການແກ້ໄຂ ຂອງພາກສ່ວນທີ່ກ່ຽວຂ້ອງ ກໍມີພຽງແຕ່ຫົດນ້ຳໃສ່ ຊຶ່ງບໍ່ພໍທີ່ຈະຊ່ວຍໄດ້.
2024-01-31
ຊາວບ້ານ ບ້ານຕາວັນ ເມືອງນາແລ ແຂວງຫຼວງນໍ້າທາ ໝົດບ້ານຖືກຍ້າຍຈາກເຂື່ອນໄຟຟ້າ ນໍ້າທາ 1 ບໍ່ມີນໍ້າໃຊ້ໄດ້ປະມານ 7-8 ເດືອນຍ້ອນ ນໍ້າສ້າງ ທີ່ໂຄງການ ເຂື່ອນໄຟຟ້ານໍ້າທາ 1 ສ້າງໃຫ້ນັ້ນເປ່ເພ ທັງສອງຣະດູ. ຣະດູຝົນຝົນ ເກີດນໍ້າຖ້ວມ ນໍ້າສ້າງ, ພໍນໍ້າບົກແຫ້ງ ເສດຂີ້ຫິນ, ຂີ້ຕົມອຸດຕັນບໍ່ນໍ້າສ້າງ.
2024-01-29
ພາກສ່ວນທີ່ກ່ຽວຂ້ອງ ເຮັດບົດບັນທຶກກັບເຈົ້າຂອງຟາມໝູຄົນຈີນ ພ້ອມຈະຕິດຕາມໃຫ້ ຊົດເຊີຍຄ່າເສັຍຫາຍ ແລະຫາແນວພັນປາດັ້ງເດີມ ປ່ອຍຄືນ ພາຍຫລັງ ເກີດມີປາຕາຍຈຳນວນຫຼາຍ ຢູ່ນໍ້າງາ ຈຸດວັງສງວນ ບ້ານວັງໄຮ ເມືອງວຽງໄຊ ແຂວງຫົວພັນ ປະມານ 230 ກິໂລກະຣາມ ເຊິ່ງສາເຫດເປັນຍ້ອນທາງຟາມໝູ ໄດ້ປ່ອຍນ້ຳປົນເປື້ອນ ຈາກຟາມລົງສູ່ຫ້ວຍນ້ຳງາ ດັ່ງກ່າວ.
2024-01-26
ປະຊາຊົນແຂວງອັດຕະປື ຍັງບໍ່ສາມາດອອກຈາກ ຄວາມທຸກຍາກໄດ້ ເນື່ອງຈາກວ່າ ປັດຈຸບັນສະພາບເຖກິຈ, ບັນຫາໄພເງິນເຟີ້ ແລະເງິນກີບອ່ອນຄ່າ ເຮັດໃຫ້ມີຫຼາຍພັນຄອບຄົວ ທີ່ຕ້ອງປະເຊີນກັບ ຄວາມທຸກຍາກເຖິງ 11,745 ຄອບຄົວ ກວມເອົາ 38% ຂອງຈໍານວນຄອບຄົວ ທັງໝົດພາຍໃນແຂວງ.
2024-01-26
ປາຫລາຍກວ່າ 230 ກິໂລ ຕາຍຢູ່ນໍ້າງາ ໃນເຂດສງວນວັງໄຮ ບ້ານວັງໄຮ ເມືອງວຽງໄຊ ແຂວງຫົວພັນ ຊຶ່ງຊາວບ້ານເຊື່ອວ່າ ເປັນຍ້ອນຟາມໝູຂອງຈີນ ທີ່ຕັ້ງຢູ່ຕົ້ນນໍ້າງາ ປ່ອຍນໍ້າເປື້ອນ ຈາກການລ້າງຄອກໝູ ລົງມາໃສ່.
