ການຟື້ນຟູຈິດໃຈ ຜູ້ເຄາະຮ້າຍ ຈາກ ການຄ້າມະນຸດ

ມະນີຈັນ
2018-03-13
ອີແມວລ໌
ຄໍາເຫັນ
Share
ພິມ
ສ່ວນນຶ່ງຂອງ ຊາວໜຸ່ມຍິງລາວ ທີ່ເຂົ້າຮ່ວມໂຄງການຝຶກອົບຮົມ ການປູກພືຊພັນຕ່າງໆ ທີ່ ບ້ານແສງສວ່າງ ແຂວງ ສວັນນະເຂດ
ສ່ວນນຶ່ງຂອງ ຊາວໜຸ່ມຍິງລາວ ທີ່ເຂົ້າຮ່ວມໂຄງການຝຶກອົບຮົມ ການປູກພືຊພັນຕ່າງໆ ທີ່ ບ້ານແສງສວ່າງ ແຂວງ ສວັນນະເຂດ
Screen captured: abc.net.au/ Joshua Becker

ການຄ້າມະນຸດ ມີຢ່າງແຜ່ຫລາຍໃນເຂດ ເອເຊັຽຕາເວັນອອກສ່ຽງໃຕ້ ແລະຢູ່ເຂດຊົນນະບົດ ຂອງລາວ ຊຶ່ງແມ່ຍິງວັຍໜຸ່ມສາວ ຢູ່ໃນສະພາບ ສ່ຽງຕໍ່ການ ຕົກສູ່ການຄ້າທາງເພດ ໃນໄທ, ຕາມບົດຂຽນ ຂອງ Joshua Becker ທີ່ອອກເຜີຍແຜ່ ເມື່ອວັນທີ 8 ມີນາ 2018 ນີ້.

ໃນປະເທດລາວ ຊຶ່ງກໍາລັງແຮງງານ 75 ເປີເຊັນ ເຮັດວຽກງານປູກຝັງ ແລະປັດຈຸບັນ ກໍມີອົງການ NGO ຂອງຝຣັ່ງ ເອົາການກະສິກັມ ເຂົ້າຢູ່ໃນ ການຝຶກອົບຮົມວິຊາຊີບ ເພື່ອຊ່ວຍໃຫ້ຜູ້ລອດພົ້ນ ຈາກການຄ້າມະນຸດ ກັບສູ່ຊຸມຊົນ ຂອງພວກເຂົາໄດ້. ວັຍໜຸ່ມສາວລາວ ຫລາຍຄົນໄດ້ກັບຈາກ ປະເທດໄທ ບ່ອນ ທີ່ນາຍໜ້າຄົນໄທ ຂາຍພວກນາງ ໃຫ້ເປັນແຮງງານ ແລະເປັນໂສເພນີ.

ຍານາງ ວິຣິດ ຄັດຕິຍະວົງ ຜູ້ອໍານວຍການບ້ານ ແສງສະຫວ່າງ ຂອງອົງການ NGO ຝຣັ່ງ ທີ່ຊ່ວຍຜູ້ເຄາະຮ້າຍ ໃນແຂວງສວັນນະເຂດ ຜູ້ເຄາະຮ້າຍ ສ່ວນໃຫຍ່ໃນແຫ່້ງນີ້ ເປັນຜູ້ເຄາະຮ້າຍ ຈາກການຄ້າມະນຸດ ທີ່ກັບມາຈາກໄທ ແລະໄດ້ຮັບການຝຶກ ອົບຮົມວິຊາຊີບ ຈາກ ທາງສູນ. ທີ່ສູນແສງສະຫວ່າງ ແມ່ຍິງອາຍຸຣະຫວ່າງ 12 ຫາ 27 ປີ ຊຶ່ງເບື້ອງຕົ້ນ ເປັນບ່ອນໃຫ່ພັກເຊົາ ແລະດູແລ ແລະຕໍ່ມາກໍໃຫ້ ການຝຶກອົບຮົມ ໂດຍຜ່ານການຫຍິບ ແຕ່ງອາຫານ ແລະປູກຜັກມີ່.

ປະເມີນກັນວ່າ ຢູ່ເຂດອະນຸພູມີພາກ ແມ່ນໍ້າຂອງ ຮວມທັງລາວ ໄທ ຈີນ ວຽດນາມ ແລະກັມພູຊາ ມີຄົນຖືກຄ້າເຖິງ 200 ພັນ ຄົນຫາ 450 ພັນຄົນໃນແຕ່ລະປີ.

Joshua Becker ຂຽນຕໍ່ໄປວ່າແມ່ຍິງ ວັຍໜຸ່ມສາວ ໃນເຂດຊົນນະບົດ ໂດຍສະເພາະແລ້ວ ສ່ຽງຕໍ່ການຖືກຄ້າ ຍ້ອນຂາດໂອກາດ ທາງດ້ານ ເສຖກິດ ຂນະທີ່ມີຄວາມກົດດັນ ທາງສັງຄົມ ໃຫ້ອອກໂຮງຮຽນ ຫາເງິນລ້ຽງຄອບຄົວ. ຍານາງ ວິຣິດ ກ່າວວ່າ:

"ພວກເຮົາໃຫ້ຄວາມຮູ້ ເຣື່ອງການມີຣາຍໄດ້ ແນວໃດຫລື ເຣື່ອງການໄດ້ວຽກເຮັດຈັ່ງໃດ. ນາງສາມາດເຮັດວຽກ ໃນຊຸມຊົນໂດຍມີ ທີ່ດິນເປັນ ຂອງຕົນເອງ ຫລືວ່າ ນາງສາມາດ ອາສັຍຢູ່ໃນຊຸມຊົນ ແລະນາງກໍສາມາດ ຊ່ວຍຫລຸດຜ່ອນ ຄວາມທຸກຍາກ ໃນຄອບຄົວນີ້."

ກໍຣະນີຜູ້ເຄາະຮ້າຍ ສ່ວນໃຫຍ່ ຖືກຕົວະຍົວະ ກ່ຽວກັບໂອກາດດ້ານວຽກງານ ແລະສະພາບເງື່ອນໄຂ. ຍານາງ ວິຣິດ ກ່າວເຖິງເດັກຍິງ ຄົນນຶ່ງທີ່ຖືກຄ້າ ທາງເພດຢູ່ໄທ ວ່າ ນາງມີອາຍຸພຽງ 14 ປີ, ຄອບຄົວຂອງນາງຢູ່ໄທ ກັບນາງແລະແມ່ ຂອງນາງກໍ ຂາຍນາງ ອັນນໍາໄປສູ່ ຄວາມເຈັບຊໍ້ານໍ້າໃຈ ຫລວງຫລາຍ. ເປັນເຣື່ອງທີ່ໜ້າເສົ້າແທ້ໆ ຍ້ອນວ່່າທັງວັທນະທັມ ລາວແລະຕ່າງປະເທດ ແມ່ບໍ່ສາມາດ ຂາຍລູກສາວ -ນີ້ຄືຄົນ ແລະກົດໝາຍລາວ ພວກເຮົາກໍບໍ່ຍອມຮັບ ບັນຫານີ້.

"ພວກເຮົາ ຂໍໃຫ້ນາງຮຽນ ພາສາລາວ ຄືກັນກັບ ຮຽນຢູ່ໂຮງຮຽນປະຖົມ ແລະໄດ້ພານາງ ໄປຫາໝໍຈິຕສາດ ຢູ່ໂຮງໝໍແລະເອົາຢາ. ດຽວນີ້ຄິດວ່າ ການໄດ້ຮັບຄໍາປຶກສາ ຈາກເຮົາແລະທີມງານ ທີ່ເປັນກັນເອງຂອງພວກເຮົາ ເຮັດວຽກກັບນາງ ນາງຈະດີຂຶ້ນຕື່ມ."

ຍານາງ ວິຣິດ ຢາກໃຫ້ມີການປົກປ້ອງ ທາງກົດໝາຍ ແຂງແຮງຂຶ້ນຕື່ມ ຮວມເຖິງການຊ່ວຍເຫລືອ ຫລາຍຂຶ້ນ ເພື່ອໃຫ້ເດັກນ້ອຍ ແມ່ຍິງ ກັບຄືນສູ່ຊຸມຊົນ ຂອງພວກເຂົາ.

ທີມງານບ້ານແສງສະຫວ່າງ ຂອງ NGO ຝຣັ່ງ ທີ່ຊ່ວຍແມ່ຍິງ ຮວມທັງເດັກສາວ ຈາກການຄ້າມະນຸດມີທ້າວ ສຸກສະເຫວີຍ ຫລື Joe ບຸນນາຣາ, ຜູ້ປະສານງານ ທາງສັງຄົມຂອງບໍຣິສັດ enterprice ນາງ Noum ຜູ້ໃຫ້ການດູແລເບິ່ງແຍງ ແລະຍານາງ ວິຣິດ ຄັດຕິຍະວົງ ຜູ້ອໍານວຍການ ປະຈໍາລາວ.

ສຸກສະເຫວີຍ ບຸນນາຣາ ຫລືທີ່ຄົນທ້ອງຖີ່ນ ເອີ້ນຊື່ຫລີ້ນວ່າ Joe ເວົ້າວ່າທຸຣະກິດຜ່ານທາງອອນລາຍ ຊ່ວຍໃຫ້ແມ່ຍິງ ມີປະສົບການ ທີ່ຈໍາເປັນສໍາລັບວຽກງານອື່ນແລະສໍາຄັນ ທີ່ສຸດ ຄືຊ່ວຍໃຫ້ຜ່ານຜ່າ ຮອຍດ່າງຫລືສິ່ງທີ່ຜູ້ຄົນ ລັງກຽດທີ່ມີຂຶ້ນ ພ້ອມກັບ ການກັບຄືນສູ່ ຊຸມຊົນຂອງພວກເຂົາ.

"ຂ້ອຍເຮັດວຽກຢູ່ບ່ອນນີ້ ໄດ້ 2 ປີເຄິ່ງແລະຂ້ອຍ ຮັບຜິດຊອບທຸຣະກິດ, ຮ້ານອາຫານ, ຊ່າງຕັດເຄື່ອງ ແລະຮ້ານເສີມສວຍ ແລະປູກຝັງ ປອດສານພິດ."

ບັນຫາທ້າທາຍແລະຄວາມຫຍູ້ງຍາກ ແມ່ນເວລາພວກເຂົາ ກັບຄືນບ້ານເກີດ ພວກເຂົາບໍ່ສາມາດ ເຮັດທຸຣະກິດໄດ້ ຍ້ອນມັນ ຢູ່ໃນຊຸມຊົນ. ດັ່ງນັ້ນຈຶ່ງວ່າ ເດັກຍິງບາງຄົນ ຢູ່ເຮັດວຽກໃນບ່ອນນີ້ ທັງເພື່ອໂອກາດການຈ້າງງານ ແລະມີຣາຍໄດ້ຈໍານວນນຶ່ງ.

ທີ່ແຂວງສວັນນະເຂດ ພາກໃຕ້ຂອງລາວ ຜູ້ຖືກຊ່ວຍອອກມາໄດ້ຊື່ Lawan ອາຍຸ 20 ປີ ໄດ້ເກັບກູ້ພືດຜົລ ແລະປັບໜ້າດິນໃນສວນຜັກ ປອດສານພິດ. ນາງເວົ້າວ່າພວກນາງມັກເຮັດວຽກ ຢູ່ທີ່ນີ້ແທ້ໆ ຍ້ອນວ່າສິ່ງທີ່ພວກນາງກໍາລັງປູກຢູ່ນີ້ ເປັນພືດຜັກປອດ ສານພິດ ແລະ ບໍ່ພຽງແຕ່ພືດຜັກ ເທົ່ານັ້ນ ແຕ່ພວກນາງ ຫາກະກໍາລັງປູກເຫັດ oyster ນໍາອີກ.

Lawan ຫວັງວ່າຄວາມຊໍານິຊໍານານ ເຫລົ່ານີ້ຈະນໍາໄປສູ່ຊີວິດ ທີ່ແຕກຕ່າງອີ່ຫລີ ນາງເວົ້າວ່າໃນນອະນາຄົດ ນາງຕ້ອງ ການມີຮ້ານນ້ອຍ ຂາຍເຄື່ອງ ຫຍິບເຄື່ອງແລະພ້ອມດຽວກັນ ກໍຢາກມີທີ່ດິນ ຢູ່ໃກ້ເຮືອນບ່ອນທີ່ນາງສາມາດປູກ ພືດຜັກໄດ້ເມື່ອມີ ເວລາຫຼັງເລີກວຽກ ຫລື ທ້າຍອາທິດ.

ນັ້ນຄືບົດຂຽນ ຂອງ Joshua Becker ທີ່ອອກເຜີຍແຜ່ ໃນມື້ວັນທີ 6 ມົກຣາ 2018 ນີ້ ຜ່ານທາງ website ABC.

ຄໍາເຫັນ (1)
Share

ບູນ​ມາ

ຈາກ ​ວຽງ​ຈັນ

​ການ​ຄ້າ​ມະ​ນຸດ​ໃນ​ລາວນັ້ນ​ ຈະ​ບໍ່​ມີ​ທາງ​ສິແກ້​ໄຂ​ໄດ້​ ເພາະ​ພັກ​ລັດ ​ບໍ່​ມີ​ໂຮງ​ຈັກ​ໂຮງ​ງານ​ ຫລື ​ວຽກ​ການ​ງານ​ ທີ່​ຈະ​ພໍ​ໃຫ້​ປ​ະຊາຊົນ​ລາວ​ເຮັດ.ແລະ ​ບໍ່​ມີ​ທຶນ​ການ​ສຶກ​ສາ ​ໃຫ້​ຊາວ​ໜຸ່ມ​ນ້ອຍ​ໄດ້ ​ມີ​ການ​ສຶກ​ສາ​ສູງ​ເປັນ​ອາ​ຊີບ​ໄດ້.85% ແມ່ນ​ຈົບ​ຊັ້ນ​ ມ7 ແລ້ວ​ສິ​ເຮັດ​ຫຍັງ​ໄດ້.ສະ​ນັ້ນ​ ຣັ​ຖ​ບານ​ ສ​ປ​ປ​ລາວ ​ຄວນ​ໃຊ້​ງົບ​ປະ​ມານ​ຂອງ​ປະ​ເທດ ​ໄປ​ສ້າງ​ໂຮງ​ຈັກ​ໂຮງ​ງານ​ໃຫ້​ຫລາຍ​ຂຶ້ນ ​ແລະ ​ບໍ່​ຄິດ​ໂກງ​ເງິນ​ພາ​ສີ​ ຂອງ​ປະຊາຊົນ​ລາວ ​​ດັ່ງ​ທຸກວັນ​ນີ້ ຈຶ່ງ​ສິ​ສາ​ມາດ​ແກ້​ໄຂ​ບັນ​ຫານີ້​ໄດ້ ​ແຕ່​ຕ​້ອງ​ໃຊ້​ເວ​ລາ. ວຽກ​ການ​ງານ ບໍ່​ມີ​ເອົາ​ລັດ​ເອົາ​ປຽບ​ກັນ​ ເຖີງ​ຈະ​ເປັນ​ລູກ​ເຈົ້າ ​ຫລານ​ນາຍກໍ່​ຕາມ ບໍ່​ມີ​ການ​ຈ້າງ ​ຫລື ​ຊື້​ວຽກ​ງານ​ ຄື​ທຸກມື້ນີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 14, 2018 04:39 AM

(

Sir I like your post. I call this the incompetence of the Lao government. I honnestly don't think Lao government will go your way. They're politically deaf and blind. They still live with Marxim-Leninism fantasy of the 19th century. These guys since their birth they're already dead. I pity Lao people and I don't really know how they're going to have a better life.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 15, 2018 05:30 AM

ເຕັມຫນ້າ