ເຣື້ອງທີ່ເກັບບັນທຶກໄວ້
2022-06-17
ພາຍໃນ 1 ປີທີ່ຜ່ານມາ ມີຈຳນວນ ຜູ້ຖືກເຄາະຮ້າຍ ຈາກການຄ້າມະນຸສ ໄດ້ຮັບການຊ່ອຍເຫຼືອ ຈາກທາງການ ແຂວງບໍ່ແກ້ວແລ້ວ 477 ຄົນ ແລະບັນຫາ ການຄ້າມະນຸສ ຢູ່ໃນເຂດເສຖກິຈ ພິເສດ ສາມຫລ່ຽມຄຳ ຈະບໍ່ໝົດໄປ ເພາະເປັນເຂດ ທີ່ເຈົ້າໜ້າທີ່ລາວ ບໍ່ສາມາດເຂົ້າໄປ ກວດກາ ແລະປະຕິບັດໜ້າທີ່ໄດ້.
2022-06-15
ຄົນໄທຍ 13 ຄົນ ທີ່ຖືກຕົວະ ໄປເຮັດວຽກ ເປັນສະແກມເມີ້ຣ໌ ຢູ່ກາສິໂນ ຄິງສ໌ໂຣມັນສ໌ ໃນເຂດເສຖກິຈພິເສດ ສາມຫຼ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຮັບການຊ່ອຍເຫຼືອ ເດີນທາງກັບ ປະເທດໄທຍແລ້ວ ຫຼັງຈາກນີ້ ເຈົ້າໜ້າທີ່ ທີ່ກ່ຽວຂ້ອງຂອງໄທຍ ຈະດໍາເນີນການສືບສວນ ຫາຂບວນການ ທີ່ຕົວະຄົນໄທຍ ຂ້າມໄປ ເຮັດວຽກຢູ່ລາວ.
2022-06-08
ກະຊວງແຮງງານ ແລະສວັດດີການສັງຄົມຂອງລາວ ກວດພົບວ່າ ມີຄົນງານລາວ ປະມານ 2,000 ຄົນ ໄປເຮັດວຽກ ຢູ່ປະເທດມາເລເຊັຽ ແບບບໍ່ຖືກກົດໝາຍ ໂດຍສະເພາະ ເຮັດວຽກງານ ໃນຂແນງການປະມົງ ແລະອຸດສາຫະກັມ ປຸງແຕ່ງອາຫານທະເລ ຊຶ່ງສ່ຽງທີ່ຈະຖືກຂູດຮີດແຮງງານ ແລະຕົກເປັນເຫຍື່ອການຄ້າມະນຸສໄດ້.
2022-06-01
ເດັກນ້ອຍແມ່ຍິງ ແລະເຍົາວະຊົນລາວ ທີ່ອາຍຸຕ່ຳກວ່າ 18 ປີ ຫຼາຍຄົນ ຖືກຄົນຈີນຕົວະ ໄປຖ່າຍໜັງໂປ້ຖ່າຍທອດ ອອກອາກາດສົດ (Live) ທາງສື່ສັງຄົມອອນລາຍນ໌ ຜ່ານແອ໊ບພິເຄຊັ້ນຂອງຈີນ ຊື່ “ຈູ້ໂສ່ ແລະຖືກເຈົ້າໜ້າທີ່ຕຳຣວດໄທຍ ຈັບໄດ້ໃນມື້ວັນທີ່ 28 ພຶສພາ 2022.
2022-05-20
ການດຳເນີນຄະດີ ດ້ານການຄ້າມະນຸດ ໃນລາວເປັນໄປຢ່າງຊັກຊ້າ ແລະບໍ່ມີຄວາມເປັນທັມ ຍ້ອນເຈົ້າໜ້າທີ່ ທີ່ກ່ຽວຂ້ອງ ບໍ່ມີຄວາມເອົາໃຈໃສ່ ໃນການປະຕິບັດໜ້າທີ່ ແລະຮັບສິນບົນຈາກຜູ້ກະທຳຜິດ ໂດຍສະເພາະກຸ່ມຊາວຈີນ ທີ່ເຂົ້າມາດຳເນີນທຸຣະກິຈ ຢູ່ໃນລາວ.
2022-05-09
ແຂວງພາກໃຕ້ ມີຜູ້ຖືກເຄາະຮ້າຍ ຈາກຄວາມຮຸນແຮງດ້ານຕ່າງໆ ແລະ ການຄ້າມະນຸສ ຈຳນວນ 329 ຄົນ ໃນລະຫວ່າງປີ 2017-2020 ຊຶ່ງກໍເຮັດໃຫ້ຫຼາຍຄົນ ມີອາການສມອງພິການ, ມີບັນຫາທາງສະພາບຈິຕ, ປາກບໍ່ໄດ້ ແລະ ພິການທາງຮ່າງກາຍ.
2022-05-09
ມີຂ່າວຄວາມຄືບໜ້າ ຍິງສາວຊາວໄທຍ 4 ຄົນ ຈາກແຂວງຊົນບູຣີ ທີ່ຫາຍສາບສູນໄປ ໃນເຂດເສຖກິຈພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ຕອນນີ້ສາມາດຕິດຕໍ່ໄດ້ແລ້ວ ຄືທັງໝົດຖືກເຈົ້າໜ້າທີ່ຕຳຣວດລາວຈັບ ໃນຂໍ້ຫາລັກເຂົ້າເມືອງຜິດກົດໝາຍ ແລະຖືກປັບໃໝຄົນລະ 9,100 ບາດ ຊຶ່ງຂະນະນີ້ ທັງ 4 ຄົນ ຍັງລໍຖ້າການສົ່ງກັບປະເທດ.
2022-05-05
ແມ່ຍິງໄທຍ ຫາຍສາບສູນ ຫຼັງຈາກທີ່ເດີນທາງເຂົ້າໄປ ເຮັດວຽກຢູ່ເຂດເສຖກິຈ ພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ສປປ ລາວ, ສ່ວນຍາຕິພີ່ນ້ອງ ໄດ້ແຈ້ງຄວາມ ກັບເຈົ້າໜ້າທີ່ຕຳຣວດໄທຍ ເພື່ອປະສານຂໍຄວາມຊ່ອຍເຫຼືອ ຈາກທາງການລາວ.
2022-05-02
ຄົນງານລາວ ຈຳນວນຫຼາຍທີ່ເຮັດວຽກ ຢູ່ໃນເຂດເສຖກິຈພິເສດ ສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ຢາກໃຫ້ຣັຖບານລາວ ຊ່ອຍເຫຼືອ ຄຸ້ມຄອງສິດຜົລປໂຍດ ໂດຍສະເພາະຢ່າງຍິ່ງ ການທີ່ຄົນງານລາວ ໃນເຂດດັ່ງກ່າວ ຖືກເອົາປຽບ, ບັງຄັບໃຊ້ແຮງງານ, ກັກຂັງໜ່ວງໜ່ຽວ ບາງກໍຣະນີເຖິງຂັ້ນ ຕ້ອງຂາຍບໍຣິການທາງເພດ ແລກກັບຄວາມຢູ່ລອດ.
2022-04-12
ແມ່ຍິງລາວ 3 ຄົນ ຈາກແຂວງໄຊຍະບູຣີ ແລະແຂວງຫຼວງພຣະບາງ ທີ່ຖືກຕົວະໄປເຮັດວຽກ ໃນເຂດເສຖກິຈພິເສດ ສາມຫຼ່ຽມຄໍາ ເມືືອງຕົ້ນເຜິ້ງ ແຂວງບໍ່ແກ້ວ ຍັງລໍຖ້າການຊ່ອຍເຫຼືອ ຈາກເຈົ້າໜ້າທີ່ ຊຶ່ງແມ່ຍິງທັງ 3 ຄົນດັ່ງກ່າວນັ້ນ ກໍ່ໄດ້ຕິດຕໍ່ ຫາເຈົ້າໜ້າທີ່ແລ້ວ, ແຕ່ວ່າ ຍັງບໍ່ໄດ້ມີການຊ່ອຍເຫຼືອ ແຕ່ຢ່າງໃດ.
2022-04-05
ກໍຣະນີ ນາງ ເກດແກ້ວ ໄຊຍະວົງ ອາຍຸ 26 ປີ, ຢູ່ບ້ານນາອູມ ເມືອງພຽງ ແຂວງໄຊຍະບູຣີ ຫາຍສາບສູນຢູ່ຈີນ ຫຼືຖືກຕົວະໄປແຕ່ງດອງ ກັບຜູ້ຊາຍຄົນຈີນ ແລ້ວຖືກລັກພາໂຕ ໄປຮຽກຄ່າໄຖ່, ປັດຈຸບັນ ນາງແກ້ວ ຍັງມີຊີວິດຢູ່.
2022-04-05
ແມ່ຍິງ, ເດັກຍິງຕ່າງປະເທດ, ແມ່ຍິງ ແລະ ເດັກຍິງລາວ ທີ່ຖືກເຄາະຮ້າຍ ຈາກການຄ້າມະນຸສ ຈຳນວນ 58 ຄົນ ຖືືກຊ່ອຍໄດ້ ແລະຈັບຜູ້ຕ້ອງຫາ 40 ຄົນ ເປັນຍິງ 24 ຄົນ ປະກອບມີ ຄົນສັນຊາດສິງກະໂປ ເຊື້ອສາຍຈີນ, ຄົນໄທຍ, ຄົນລາວ ແລະ ຄົນຣັສເຊັຽ.
2022-03-31
ແມ່ຍິງລາວ ອາຍຸ 26 ປີ ໄດ້ຫາຍສາບສູນ ຫຼັງຈາກທີ່ນາງຖືກນາຍໜ້າ ຕົວະໄປເຮັດວຽກ ຢູ່ແຂວງບໍ່ແກ້ວ, ຈາກນັ້ນ ກໍຖືກພາໄປແຕ່ງດອງ ກັບຄົນຈີນ ຢູ່ເຂດຢວນໂຈ, ເມືອງອີ້ຊຸນ ມົລທົນຈຽງຊີ ແລະບໍ່ສາມາດຕິດຕໍ່ໄດ້ອີກ ຊຶ່ງທາງພີ່ນ້ອງເປັນຫ່ວງວ່າ ອາດຖືກລັກພາໂຕ ເພື່ອຮຽກຄ່າໄຖ່.
2022-03-30
ຕໍາຣວດຈີນ ສົ່ງໂຕແມ່ຍິງ ແລະເດັກນ້ອຍແມ່ຍິງລາວ ຊາວແຂວງອຸດົມໄຊ ກັບຄືນສູ່ຄອບຄົວ ຈໍານວນ 30 ຄົນ ພາຍຫຼັງຖືກຕົວະ ໃຫ້ໄປເຮັດວຽກຢູ່ຈີນ, ແຕ່ງດອງກັບຄົນຈີນ ຫຼືເຂົ້າເມືອງຜິດກົດໝາຍ ຊຶ່ງແມ່ຍິງ ແລະເດັກນ້ອຍແມ່ຍິງລາວ ດັ່ງກ່າວຖືກຊ່ອຍອອກມາໄດ້.
2022-03-29
ແມ່ຍິງ ແລະເດັກນ້ອຍລາວ ມີຄວາມສ່ຽງສູງ ທີ່ຈະຕົກເປັນເຫຍື່ອ ການຄ້າມະນຸສຫຼາຍ, ທີ່ຜ່ານມາ ເຈົ້າໜ້າທີ່ ໄດ້ຊ່ອຍເຫື້ອກຸ່ມ ທີ່ຕົກເປັນເຫຍື່ອ ການຄ້າມະນຸສ ໄດ້ຈຳນວນນຶ່ງ ແລະອີກຈຳນວນນຶ່ງ ຂາດຮ່ອງຮອຍການຕິດຕໍ່ ເພື່ອຊ່ອຍເຫຼືອ.
